{"id":"an1.11-20","title":"The Chapter on Giving Up the Hindrances","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.11-20","title":"The Chapter on Giving Up the Hindrances","units":[{"id":"an1.11:0","sourceIds":["an1.11:0.1","an1.11:0.2"],"kind":"text","text":{"pi":"Aṅguttara Nikāya 1\n2. Nīvaraṇappahānavagga","en":"Numbered Discourses 1.11–20\nThe Chapter on Giving Up the Hindrances"}},{"id":"an1.11:1","sourceIds":["an1.11:1.0","an1.11:1.1","an1.11:1.2","an1.11:1.3"],"kind":"text","text":{"pi":"11\n“Nāhaṁ, bhikkhave, aññaṁ ekadhammampi samanupassāmi yena anuppanno vā kāmacchando uppajjati uppanno vā kāmacchando bhiyyobhāvāya vepullāya saṁvattati yathayidaṁ, bhikkhave, subhanimittaṁ.\nSubhanimittaṁ, bhikkhave, ayoniso manasi karoto anuppanno ceva kāmacchando uppajjati uppanno ca kāmacchando bhiyyobhāvāya vepullāya saṁvattatī”ti.\nPaṭhamaṁ.","en":"11\n“Mendicants, I do not see a single thing that gives rise to sensual desire, or, when it has arisen, makes it increase and grow like the feature of beauty.\nWhen you apply the mind irrationally to the feature of beauty, sensual desire arises, and once arisen it increases and grows.”"}},{"id":"an1.12:1","sourceIds":["an1.12:1.0","an1.12:1.1","an1.12:1.2","an1.12:1.3"],"kind":"text","text":{"pi":"12\n“Nāhaṁ, bhikkhave, aññaṁ ekadhammampi samanupassāmi yena anuppanno vā byāpādo uppajjati uppanno vā byāpādo bhiyyobhāvāya vepullāya saṁvattati yathayidaṁ, bhikkhave, paṭighanimittaṁ.\nPaṭighanimittaṁ, bhikkhave, ayoniso manasi karoto anuppanno ceva byāpādo uppajjati uppanno ca byāpādo bhiyyobhāvāya vepullāya saṁvattatī”ti.\nDutiyaṁ.","en":"12\n“Mendicants, I do not see a single thing that gives rise to ill will, or, when it has arisen, makes it increase and grow like the feature of aversion.\nWhen you apply the mind irrationally to the feature of aversion, ill will arises, and once arisen it increases and grows.”"}},{"id":"an1.13:1","sourceIds":["an1.13:1.0","an1.13:1.1","an1.13:1.2","an1.13:1.3"],"kind":"text","text":{"pi":"13\n“Nāhaṁ, bhikkhave, aññaṁ ekadhammampi samanupassāmi yena anuppannaṁ vā thinamiddhaṁ uppajjati uppannaṁ vā thinamiddhaṁ bhiyyobhāvāya vepullāya saṁvattati yathayidaṁ, bhikkhave, arati tandī vijambhitā bhattasammado cetaso ca līnattaṁ.\nLīnacittassa, bhikkhave, anuppannañceva thinamiddhaṁ uppajjati uppannañca thinamiddhaṁ bhiyyobhāvāya vepullāya saṁvattatī”ti.\nTatiyaṁ.","en":"13\n“Mendicants, I do not see a single thing that gives rise to dullness and drowsiness, or, when they have arisen, makes them increase and grow like discontent, sloth, yawning, sleepiness after eating, and mental sluggishness.\nWhen you have a sluggish mind, dullness and drowsiness arise, and once arisen they increase and grow.”"}},{"id":"an1.14:1","sourceIds":["an1.14:1.0","an1.14:1.1","an1.14:1.2","an1.14:1.3"],"kind":"text","text":{"pi":"14\n“Nāhaṁ, bhikkhave, aññaṁ ekadhammampi samanupassāmi yena anuppannaṁ vā uddhaccakukkuccaṁ uppajjati uppannaṁ vā uddhaccakukkuccaṁ bhiyyobhāvāya vepullāya saṁvattati yathayidaṁ, bhikkhave, cetaso avūpasamo.\nAvūpasantacittassa, bhikkhave, anuppannañceva uddhaccakukkuccaṁ uppajjati uppannañca uddhaccakukkuccaṁ bhiyyobhāvāya vepullāya saṁvattatī”ti.\nCatutthaṁ.","en":"14\n“Mendicants, I do not see a single thing that gives rise to restlessness and remorse, or, when they have arisen, makes them increase and grow like an unsettled mind.\nWhen your mind is unsettled, restlessness and remorse arise, and once arisen they increase and grow.”"}},{"id":"an1.15:1","sourceIds":["an1.15:1.0","an1.15:1.1","an1.15:1.2","an1.15:1.3"],"kind":"text","text":{"pi":"15\n“Nāhaṁ, bhikkhave, aññaṁ ekadhammampi samanupassāmi yena anuppannā vā vicikicchā uppajjati uppannā vā vicikicchā bhiyyobhāvāya vepullāya saṁvattati yathayidaṁ, bhikkhave, ayonisomanasikāro.\nAyoniso, bhikkhave, manasi karoto anuppannā ceva vicikicchā uppajjati uppannā ca vicikicchā bhiyyobhāvāya vepullāya saṁvattatī”ti.\nPañcamaṁ.","en":"15\n“Mendicants, I do not see a single thing that gives rise to doubt, or, when it has arisen, makes it increase and grow like irrational application of mind.\nWhen you apply the mind irrationally, doubt arises, and once arisen it increases and grows.”"}},{"id":"an1.16:1","sourceIds":["an1.16:1.0","an1.16:1.1","an1.16:1.2","an1.16:1.3"],"kind":"text","text":{"pi":"16\n“Nāhaṁ, bhikkhave, aññaṁ ekadhammampi samanupassāmi yena anuppanno vā kāmacchando nuppajjati uppanno vā kāmacchando pahīyati yathayidaṁ, bhikkhave, asubhanimittaṁ.\nAsubhanimittaṁ, bhikkhave, yoniso manasi karoto anuppanno ceva kāmacchando nuppajjati uppanno ca kāmacchando pahīyatī”ti.\nChaṭṭhaṁ.","en":"16\n“Mendicants, I do not see a single thing that prevents sensual desire from arising, or, when it has arisen, gives it up like the feature of ugliness.\nWhen you apply the mind rationally to the feature of ugliness, sensual desire does not arise, or, if it has already arisen, it’s given up.”"}},{"id":"an1.17:1","sourceIds":["an1.17:1.0","an1.17:1.1","an1.17:1.2","an1.17:1.3"],"kind":"text","text":{"pi":"17\n“Nāhaṁ, bhikkhave, aññaṁ ekadhammampi samanupassāmi yena anuppanno vā byāpādo nuppajjati uppanno vā byāpādo pahīyati yathayidaṁ, bhikkhave, mettā cetovimutti.\nMettaṁ, bhikkhave, cetovimuttiṁ yoniso manasi karoto anuppanno ceva byāpādo nuppajjati uppanno ca byāpādo pahīyatī”ti.\nSattamaṁ.","en":"17\n“Mendicants, I do not see a single thing that prevents ill will from arising, or, when it has arisen, gives it up like the heart’s release by love.\nWhen you apply the mind rationally to the heart’s release by love, ill will does not arise, or, if it has already arisen, it’s given up.”"}},{"id":"an1.18:1","sourceIds":["an1.18:1.0","an1.18:1.1","an1.18:1.2","an1.18:1.3"],"kind":"text","text":{"pi":"18\n“Nāhaṁ, bhikkhave, aññaṁ ekadhammampi samanupassāmi yena anuppannaṁ vā thinamiddhaṁ nuppajjati uppannaṁ vā thinamiddhaṁ pahīyati yathayidaṁ, bhikkhave, ārambhadhātu nikkamadhātu parakkamadhātu.\nĀraddhavīriyassa, bhikkhave, anuppannañceva thinamiddhaṁ nuppajjati uppannañca thinamiddhaṁ pahīyatī”ti.\nAṭṭhamaṁ.","en":"18\n“Mendicants, I do not see a single thing that prevents dullness and drowsiness from arising, or, when they have arisen, gives them up like the elements of initiative, persistence, and vigor.\nWhen you’re energetic, dullness and drowsiness do not arise, or, if they’ve already arisen, they’re given up.”"}},{"id":"an1.19:1","sourceIds":["an1.19:1.0","an1.19:1.1","an1.19:1.2","an1.19:1.3"],"kind":"text","text":{"pi":"19\n“Nāhaṁ, bhikkhave, aññaṁ ekadhammampi samanupassāmi yena anuppannaṁ vā uddhaccakukkuccaṁ nuppajjati uppannaṁ vā uddhaccakukkuccaṁ pahīyati yathayidaṁ, bhikkhave, cetaso vūpasamo.\nVūpasantacittassa, bhikkhave, anuppannañceva uddhaccakukkuccaṁ nuppajjati uppannañca uddhaccakukkuccaṁ pahīyatī”ti.\nNavamaṁ.","en":"19\n“Mendicants, I do not see a single thing that prevents restlessness and remorse from arising, or, when they have arisen, gives them up like a settled mind.\nWhen the mind is settled, restlessness and remorse do not arise, or, if they’ve already arisen, they’re given up.”"}},{"id":"an1.20:1","sourceIds":["an1.20:1.0","an1.20:1.1","an1.20:1.2","an1.20:1.3","an1.20:1.4"],"kind":"text","text":{"pi":"20\n“Nāhaṁ, bhikkhave, aññaṁ ekadhammampi samanupassāmi yena anuppannā vā vicikicchā nuppajjati uppannā vā vicikicchā pahīyati yathayidaṁ, bhikkhave, yonisomanasikāro.\nYoniso, bhikkhave, manasi karoto anuppannā ceva vicikicchā nuppajjati uppannā ca vicikicchā pahīyatī”ti.\nDasamaṁ.\nNīvaraṇappahānavaggo dutiyo.","en":"20\n“Mendicants, I do not see a single thing that prevents doubt from arising, or, when it has arisen, gives it up like rational application of mind.\nWhen you apply the mind rationally, doubt does not arise, or, if it’s already arisen, it’s given up.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.11-20/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}