{"id":"an1.21-30","title":"The Chapter on the Unworkable","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.21-30","title":"The Chapter on the Unworkable","units":[{"id":"an1.21:0","sourceIds":["an1.21:0.1","an1.21:0.2"],"kind":"text","text":{"pi":"Aṅguttara Nikāya 1\n3. Akammaniyavagga","en":"Numbered Discourses 1.21–30\nThe Chapter on the Unworkable"}},{"id":"an1.21:1","sourceIds":["an1.21:1.0","an1.21:1.1","an1.21:1.2","an1.21:1.3"],"kind":"text","text":{"pi":"21\n“Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ akammaniyaṁ hoti yathayidaṁ, bhikkhave, cittaṁ.\nCittaṁ, bhikkhave, abhāvitaṁ akammaniyaṁ hotī”ti.\nPaṭhamaṁ.","en":"21\n“Mendicants, I do not see a single thing that is so unworkable as this mind that is not developed.\nAn undeveloped mind is unworkable.”"}},{"id":"an1.22:1","sourceIds":["an1.22:1.0","an1.22:1.1","an1.22:1.2","an1.22:1.3"],"kind":"text","text":{"pi":"22\n“Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ kammaniyaṁ hoti yathayidaṁ, bhikkhave, cittaṁ.\nCittaṁ, bhikkhave, bhāvitaṁ kammaniyaṁ hotī”ti.\nDutiyaṁ.","en":"22\n“Mendicants, I do not see a single thing that is so workable as this mind that is developed\nA developed mind is workable.”"}},{"id":"an1.23:1","sourceIds":["an1.23:1.0","an1.23:1.1","an1.23:1.2","an1.23:1.3"],"kind":"text","text":{"pi":"23\n“Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ mahato anatthāya saṁvattati yathayidaṁ, bhikkhave, cittaṁ.\nCittaṁ, bhikkhave, abhāvitaṁ mahato anatthāya saṁvattatī”ti.\nTatiyaṁ.","en":"23\n“Mendicants, I do not see a single thing that is so very harmful as this mind that is not developed.\nAn undeveloped mind is very harmful.”"}},{"id":"an1.24:1","sourceIds":["an1.24:1.0","an1.24:1.1","an1.24:1.2","an1.24:1.3"],"kind":"text","text":{"pi":"24\n“Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ mahato atthāya saṁvattati yathayidaṁ, bhikkhave, cittaṁ.\nCittaṁ, bhikkhave, bhāvitaṁ mahato atthāya saṁvattatī”ti.\nCatutthaṁ.","en":"24\n“Mendicants, I do not see a single thing that is so very beneficial as this mind that is developed.\nA developed mind is very beneficial.”"}},{"id":"an1.25:1","sourceIds":["an1.25:1.0","an1.25:1.1","an1.25:1.2","an1.25:1.3"],"kind":"text","text":{"pi":"25\n“Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ apātubhūtaṁ mahato anatthāya saṁvattati yathayidaṁ, bhikkhave, cittaṁ.\nCittaṁ, bhikkhave, abhāvitaṁ apātubhūtaṁ mahato anatthāya saṁvattatī”ti.\nPañcamaṁ.","en":"25\n“Mendicants, I do not see a single thing that is so very harmful as this mind that is not developed or manifested.\nAn undeveloped and unmanifested mind is very harmful.”"}},{"id":"an1.26:1","sourceIds":["an1.26:1.0","an1.26:1.1","an1.26:1.2","an1.26:1.3"],"kind":"text","text":{"pi":"26\n“Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ pātubhūtaṁ mahato atthāya saṁvattati yathayidaṁ, bhikkhave, cittaṁ.\nCittaṁ, bhikkhave, bhāvitaṁ pātubhūtaṁ mahato atthāya saṁvattatī”ti.\nChaṭṭhaṁ.","en":"26\n“Mendicants, I do not see a single thing that is so very beneficial as this mind that is developed and manifested.\nA developed and manifested mind is very beneficial.”"}},{"id":"an1.27:1","sourceIds":["an1.27:1.0","an1.27:1.1","an1.27:1.2","an1.27:1.3"],"kind":"text","text":{"pi":"27\n“Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ abahulīkataṁ mahato anatthāya saṁvattati yathayidaṁ, bhikkhave, cittaṁ.\nCittaṁ, bhikkhave, abhāvitaṁ abahulīkataṁ mahato anatthāya saṁvattatī”ti.\nSattamaṁ.","en":"27\n“Mendicants, I do not see a single thing that is so very harmful as this mind that is not developed and cultivated.\nAn undeveloped and uncultivated mind is very harmful.”"}},{"id":"an1.28:1","sourceIds":["an1.28:1.0","an1.28:1.1","an1.28:1.2","an1.28:1.3"],"kind":"text","text":{"pi":"28\n“Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ bahulīkataṁ mahato atthāya saṁvattati yathayidaṁ, bhikkhave, cittaṁ.\nCittaṁ, bhikkhave, bhāvitaṁ bahulīkataṁ mahato atthāya saṁvattatī”ti.\nAṭṭhamaṁ.","en":"28\n“Mendicants, I do not see a single thing that is so very beneficial as this mind that is developed and cultivated.\nA developed and cultivated mind is very beneficial.”"}},{"id":"an1.29:1","sourceIds":["an1.29:1.0","an1.29:1.1","an1.29:1.2","an1.29:1.3"],"kind":"text","text":{"pi":"29\n“Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ abahulīkataṁ dukkhādhivahaṁ hoti yathayidaṁ, bhikkhave, cittaṁ.\nCittaṁ, bhikkhave, abhāvitaṁ abahulīkataṁ dukkhādhivahaṁ hotī”ti.\nNavamaṁ.","en":"29\n“Mendicants, I do not see a single thing that brings such suffering as this mind that is not developed and cultivated.\nAn undeveloped and uncultivated mind brings suffering.”"}},{"id":"an1.30:1","sourceIds":["an1.30:1.0","an1.30:1.1","an1.30:1.2","an1.30:1.3","an1.30:1.4"],"kind":"text","text":{"pi":"30\n“Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ bahulīkataṁ sukhādhivahaṁ hoti yathayidaṁ, bhikkhave, cittaṁ.\nCittaṁ, bhikkhave, bhāvitaṁ bahulīkataṁ sukhādhivahaṁ hotī”ti.\nDasamaṁ.\nAkammaniyavaggo tatiyo.","en":"30\n“Mendicants, I do not see a single thing that brings such happiness as this mind that is developed and cultivated.\nA developed and cultivated mind brings happiness.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.21-30/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}