{"id":"an1.268-277","title":"Chapter One","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.268-277","title":"Chapter One","units":[{"id":"an1.268:0","sourceIds":["an1.268:0.1","an1.268:0.2"],"kind":"text","text":{"pi":"Aṅguttara Nikāya 1\n21. Paṭhamavagga","en":"Numbered Discourses 1.268–277\nChapter One"}},{"id":"an1.268:1","sourceIds":["an1.268:1.0","an1.268:1.1","an1.268:1.2"],"kind":"text","text":{"pi":"268\n“Aṭṭhānametaṁ, bhikkhave, anavakāso yaṁ diṭṭhisampanno puggalo kañci saṅkhāraṁ niccato upagaccheyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ puthujjano kañci saṅkhāraṁ niccato upagaccheyya. Ṭhānametaṁ vijjatī”ti.","en":"268\n“It is impossible, mendicants, it cannot happen for an individual accomplished in view to take any condition as permanent. That is not possible.\nBut it is possible for an ordinary person to take some condition as permanent. That is possible.”"}},{"id":"an1.269:1","sourceIds":["an1.269:1.0","an1.269:1.1","an1.269:1.2"],"kind":"text","text":{"pi":"269\n“Aṭṭhānametaṁ, bhikkhave, anavakāso yaṁ diṭṭhisampanno puggalo kañci saṅkhāraṁ sukhato upagaccheyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ puthujjano kañci saṅkhāraṁ sukhato upagaccheyya. Ṭhānametaṁ vijjatī”ti.","en":"269\n“It is impossible, mendicants, it cannot happen for an individual accomplished in view to take any condition as pleasant.\nBut it is possible for an ordinary person to take some condition as pleasant.”"}},{"id":"an1.270:1","sourceIds":["an1.270:1.0","an1.270:1.1","an1.270:1.2"],"kind":"text","text":{"pi":"270\n“Aṭṭhānametaṁ, bhikkhave, anavakāso yaṁ diṭṭhisampanno puggalo kañci dhammaṁ attato upagaccheyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ puthujjano kañci dhammaṁ attato upagaccheyya. Ṭhānametaṁ vijjatī”ti.","en":"270\n“It is impossible, mendicants, it cannot happen for an individual accomplished in view to take anything as self.\nBut it is possible for an ordinary person to take something as self.”"}},{"id":"an1.271:1","sourceIds":["an1.271:1.0","an1.271:1.1","an1.271:1.2"],"kind":"text","text":{"pi":"271\n“Aṭṭhānametaṁ, bhikkhave, anavakāso yaṁ diṭṭhisampanno puggalo mātaraṁ jīvitā voropeyya. Netaṁ ṭhānaṁ vijjati.\nṬhānañca kho, bhikkhave, vijjati yaṁ puthujjano mātaraṁ jīvitā voropeyya. Ṭhānametaṁ vijjatī”ti.","en":"271\n“It is impossible, mendicants, it cannot happen for an individual accomplished in view to murder their mother.\nBut it is possible for an ordinary person to murder their mother.”"}},{"id":"an1.272:1","sourceIds":["an1.272:1.0","an1.272:1.1","an1.272:1.2"],"kind":"text","text":{"pi":"272\n“Aṭṭhānametaṁ, bhikkhave, anavakāso yaṁ diṭṭhisampanno puggalo pitaraṁ jīvitā voropeyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ puthujjano pitaraṁ jīvitā voropeyya. Ṭhānametaṁ vijjatī”ti.","en":"272\n“It is impossible, mendicants, it cannot happen for an individual accomplished in view to murder their father.\nBut it is possible for an ordinary person to murder their father.”"}},{"id":"an1.273:1","sourceIds":["an1.273:1.0","an1.273:1.1","an1.273:1.2"],"kind":"text","text":{"pi":"273\n“Aṭṭhānametaṁ, bhikkhave, anavakāso yaṁ diṭṭhisampanno puggalo arahantaṁ jīvitā voropeyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ puthujjano arahantaṁ jīvitā voropeyya. Ṭhānametaṁ vijjatī”ti.","en":"273\n“It is impossible, mendicants, it cannot happen for an individual accomplished in view to murder a perfected one.\nBut it is possible for an ordinary person to murder a perfected one.”"}},{"id":"an1.274:1","sourceIds":["an1.274:1.0","an1.274:1.1","an1.274:1.2"],"kind":"text","text":{"pi":"274\n“Aṭṭhānametaṁ, bhikkhave, anavakāso yaṁ diṭṭhisampanno puggalo tathāgatassa paduṭṭhacitto lohitaṁ uppādeyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ puthujjano tathāgatassa paduṭṭhacitto lohitaṁ uppādeyya. Ṭhānametaṁ vijjatī”ti.","en":"274\n“It is impossible, mendicants, it cannot happen for an individual accomplished in view to injure a Realized One with malicious intent.\nBut it is possible for an ordinary person to injure a Realized One with malicious intent.”"}},{"id":"an1.275:1","sourceIds":["an1.275:1.0","an1.275:1.1","an1.275:1.2"],"kind":"text","text":{"pi":"275\n“Aṭṭhānametaṁ, bhikkhave, anavakāso yaṁ diṭṭhisampanno puggalo saṅghaṁ bhindeyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ puthujjano saṅghaṁ bhindeyya. Ṭhānametaṁ vijjatī”ti.","en":"275\n“It is impossible, mendicants, it cannot happen for an individual accomplished in view to cause a schism in the Saṅgha.\nBut it is possible for an ordinary person to cause a schism in the Saṅgha.”"}},{"id":"an1.276:1","sourceIds":["an1.276:1.0","an1.276:1.1","an1.276:1.2"],"kind":"text","text":{"pi":"276\n“Aṭṭhānametaṁ, bhikkhave, anavakāso yaṁ diṭṭhisampanno puggalo aññaṁ satthāraṁ uddiseyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ puthujjano aññaṁ satthāraṁ uddiseyya. Ṭhānametaṁ vijjatī”ti.","en":"276\n“It is impossible, mendicants, it cannot happen for an individual accomplished in view to dedicate themselves to another teacher.\nBut it is possible for an ordinary person to dedicate themselves to another teacher.”"}},{"id":"an1.277:1","sourceIds":["an1.277:1.0","an1.277:1.1","an1.277:1.2","an1.277:1.3"],"kind":"text","text":{"pi":"277\n“Aṭṭhānametaṁ, bhikkhave, anavakāso yaṁ ekissā lokadhātuyā dve arahanto sammāsambuddhā apubbaṁ acarimaṁ uppajjeyyuṁ. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ ekissā lokadhātuyā ekova arahaṁ sammāsambuddho uppajjeyya. Ṭhānametaṁ vijjatī”ti.\nVaggo paṭhamo.","en":"277\n“It is impossible, mendicants, it cannot happen for two perfected ones, fully awakened Buddhas to arise in the same solar system at the same time.\nBut it is possible for just one perfected one, a fully awakened Buddha, to arise in one solar system.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.268-277/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}