{"id":"an1.278-286","title":"Chapter Two","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.278-286","title":"Chapter Two","units":[{"id":"an1.278:0","sourceIds":["an1.278:0.1","an1.278:0.2"],"kind":"text","text":{"pi":"Aṅguttara Nikāya 1\n22. Dutiyavagga","en":"Numbered Discourses 1.278–286\nChapter Two"}},{"id":"an1.278:1","sourceIds":["an1.278:1.0","an1.278:1.1","an1.278:1.2"],"kind":"text","text":{"pi":"278\n“Aṭṭhānametaṁ, bhikkhave, anavakāso yaṁ ekissā lokadhātuyā dve rājāno cakkavattī apubbaṁ acarimaṁ uppajjeyyuṁ. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ ekissā lokadhātuyā eko rājā cakkavattī uppajjeyya. Ṭhānametaṁ vijjatī”ti.","en":"278\n“It is impossible, mendicants, it cannot happen for two wheel-turning monarchs to arise in the same solar system at the same time.\nBut it is possible for just one wheel-turning monarch to arise in one solar system.”"}},{"id":"an1.279:1","sourceIds":["an1.279:1.0","an1.279:1.1","an1.279:1.2"],"kind":"text","text":{"pi":"279\n“Aṭṭhānametaṁ, bhikkhave, anavakāso yaṁ itthī arahaṁ assa sammāsambuddho. Netaṁ ṭhānaṁ vijjati.\nṬhānañca kho, etaṁ, bhikkhave, vijjati yaṁ puriso arahaṁ assa sammāsambuddho. Ṭhānametaṁ vijjatī”ti.","en":"279\n“It is impossible, mendicants, it cannot happen for a woman to be a perfected one, a fully awakened Buddha.\nBut it is possible for a man to be a perfected one, a fully awakened Buddha.”"}},{"id":"an1.280:1","sourceIds":["an1.280:1.0","an1.280:1.1","an1.280:1.2"],"kind":"text","text":{"pi":"280\n“Aṭṭhānametaṁ, bhikkhave, anavakāso yaṁ itthī rājā assa cakkavattī. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ puriso rājā assa cakkavattī. Ṭhānametaṁ vijjatī”ti.","en":"280\n“It is impossible, mendicants, it cannot happen for a woman to be a wheel-turning monarch.\nBut it is possible for a man to be a wheel-turning monarch.”"}},{"id":"an1.281-283:1","sourceIds":["an1.281-283:1.0","an1.281-283:1.1","an1.281-283:1.2"],"kind":"text","text":{"pi":"281–283\n“Aṭṭhānametaṁ, bhikkhave, anavakāso yaṁ itthī sakkattaṁ kāreyya …pe… mārattaṁ kāreyya …pe… brahmattaṁ kāreyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ puriso sakkattaṁ kāreyya …pe… mārattaṁ kāreyya …pe… brahmattaṁ kāreyya. Ṭhānametaṁ vijjatī”ti.","en":"281–283\n“It is impossible, mendicants, it cannot happen for a woman to perform the role of Sakka, Māra, or the Divinity.\nBut it is possible for a man to perform the role of Sakka, Māra, or the Divinity.”"}},{"id":"an1.284:1","sourceIds":["an1.284:1.0","an1.284:1.1","an1.284:1.2"],"kind":"text","text":{"pi":"284\n“Aṭṭhānametaṁ, bhikkhave, anavakāso yaṁ kāyaduccaritassa iṭṭho kanto manāpo vipāko nibbatteyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ kāyaduccaritassa aniṭṭho akanto amanāpo vipāko nibbatteyya. Ṭhānametaṁ vijjatī”ti.","en":"284\n“It is impossible, mendicants, it cannot happen for a likable, desirable, agreeable result to come from bad bodily conduct.\nBut it is possible for an unlikable, undesirable, disagreeable result to come from bad bodily conduct.”"}},{"id":"an1.285-286:1","sourceIds":["an1.285-286:1.0","an1.285-286:1.1","an1.285-286:1.2","an1.285-286:1.3"],"kind":"text","text":{"pi":"285–286\n“Aṭṭhānametaṁ, bhikkhave, anavakāso yaṁ vacīduccaritassa …pe… yaṁ manoduccaritassa iṭṭho kanto manāpo vipāko nibbatteyya. Netaṁ ṭhānaṁ vijjati.\nṬhānañca kho etaṁ, bhikkhave, vijjati yaṁ manoduccaritassa aniṭṭho akanto amanāpo vipāko nibbatteyya. Ṭhānametaṁ vijjatī”ti.\nVaggo dutiyo.","en":"285–286\n“It is impossible, mendicants, it cannot happen for a likable, desirable, agreeable result to come from bad verbal … bad mental conduct.\nBut it is possible for an unlikable, undesirable, disagreeable result to come from bad verbal … bad mental conduct.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.278-286/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}