{"id":"an1.316-332","title":"Chapter Three","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.316-332","title":"Chapter Three","units":[{"id":"an1.316:0","sourceIds":["an1.316:0.1","an1.316:0.2"],"kind":"text","text":{"pi":"Aṅguttara Nikāya 1\n26. Tatiyavagga","en":"Numbered Discourses 1.316–332\nChapter Three"}},{"id":"an1.316:1","sourceIds":["an1.316:1.0","an1.316:1.1","an1.316:1.2","an1.316:1.3","an1.316:1.4","an1.316:1.5"],"kind":"text","text":{"pi":"316\n“Ekapuggalo, bhikkhave, loke uppajjamāno uppajjati bahujanaahitāya bahujanaasukhāya, bahuno janassa anatthāya ahitāya dukkhāya devamanussānaṁ.\nKatamo ekapuggalo?\nMicchādiṭṭhiko hoti viparītadassano.\nSo bahujanaṁ saddhammā vuṭṭhāpetvā asaddhamme patiṭṭhāpeti.\nAyaṁ kho, bhikkhave, ekapuggalo loke uppajjamāno uppajjati bahujanaahitāya bahujanaasukhāya, bahuno janassa anatthāya ahitāya dukkhāya devamanussānan”ti.","en":"316\n“One individual, mendicants, arises in the world for the detriment and unhappiness of the people, against the people, for the harm, detriment, and suffering of gods and humans.\nWhat one individual?\nSomeone with wrong view, whose perspective is distorted.\nThey draw many people away from the true teaching and establish them in false teachings.\nThis is one individual who arises in the world for the detriment and unhappiness of the people, against the people, for the harm, detriment, and suffering of gods and humans.”"}},{"id":"an1.317:1","sourceIds":["an1.317:1.0","an1.317:1.1","an1.317:1.2","an1.317:1.3","an1.317:1.4","an1.317:1.5"],"kind":"text","text":{"pi":"317\n“Ekapuggalo, bhikkhave, loke uppajjamāno uppajjati bahujanahitāya bahujanasukhāya, bahuno janassa atthāya hitāya sukhāya devamanussānaṁ.\nKatamo ekapuggalo?\nSammādiṭṭhiko hoti aviparītadassano.\nSo bahujanaṁ asaddhammā vuṭṭhāpetvā saddhamme patiṭṭhāpeti.\nAyaṁ kho, bhikkhave, ekapuggalo loke uppajjamāno uppajjati bahujanahitāya bahujanasukhāya, bahuno janassa atthāya hitāya sukhāya devamanussānan”ti.","en":"317\n“One individual, mendicants, arises in the world for the welfare and happiness of the people, for the people, for the benefit, welfare, and happiness of gods and humans.\nWhat one individual?\nSomeone with right view, whose perspective is undistorted.\nThey draw many people away from false teachings and establish them in the true teaching.\nThis is one individuals who arises in the world for the welfare and happiness of the people, for the people, for the benefit, welfare, and happiness of gods and humans.”"}},{"id":"an1.318:1","sourceIds":["an1.318:1.0","an1.318:1.1","an1.318:1.2"],"kind":"text","text":{"pi":"318\n“Nāhaṁ, bhikkhave, aññaṁ ekadhammampi samanupassāmi yaṁ evaṁ mahāsāvajjaṁ yathayidaṁ, bhikkhave, micchādiṭṭhi.\nMicchādiṭṭhiparamāni, bhikkhave, mahāsāvajjānī”ti.","en":"318\n“Mendicants, I do not see a single thing that is so very blameworthy as wrong view.\nWrong view is the most blameworthy thing of all.”"}},{"id":"an1.319:1","sourceIds":["an1.319:1.0","an1.319:1.1","an1.319:1.2","an1.319:1.3"],"kind":"text","text":{"pi":"319\n“Nāhaṁ, bhikkhave, aññaṁ ekapuggalampi samanupassāmi yo evaṁ bahujanaahitāya paṭipanno bahujanaasukhāya, bahuno janassa anatthāya ahitāya dukkhāya devamanussānaṁ yathayidaṁ, bhikkhave, makkhali moghapuriso.\nSeyyathāpi, bhikkhave, nadīmukhe khippaṁ uḍḍeyya bahūnaṁ macchānaṁ ahitāya dukkhāya anayāya byasanāya;\nevamevaṁ kho, bhikkhave, makkhali moghapuriso manussakhippaṁ maññe loke uppanno bahūnaṁ sattānaṁ ahitāya dukkhāya anayāya byasanāyā”ti.","en":"319\n“Mendicants, I do not see a single other individual who acts for the detriment and unhappiness of the people, against the people, for the harm, detriment, and suffering of gods and humans, as that futile man, the bamboo-staffed ascetic.\nJust as a trap set at the mouth of a river would bring harm, suffering, calamity, and disaster for many fish,\nso too that futile man, the bamboo-staffed ascetic, is a trap for humans, it seems to me. He has arisen in the world for the harm, suffering, calamity, and disaster of many beings.”"}},{"id":"an1.320:1","sourceIds":["an1.320:1.0","an1.320:1.1","an1.320:1.2","an1.320:1.3"],"kind":"text","text":{"pi":"320\n“Durakkhāte, bhikkhave, dhammavinaye yo ca samādapeti yañca samādapeti yo ca samādapito tathattāya paṭipajjati sabbe te bahuṁ apuññaṁ pasavanti.\nTaṁ kissa hetu?\nDurakkhātattā, bhikkhave, dhammassā”ti.","en":"320\n“Mendicants, the one who encourages someone in a poorly explained teaching and training, the one who they encourage, and the one who practices accordingly all brim with much wickedness.\nWhy is that?\nBecause the teaching is poorly explained.”"}},{"id":"an1.321:1","sourceIds":["an1.321:1.0","an1.321:1.1","an1.321:1.2","an1.321:1.3"],"kind":"text","text":{"pi":"321\n“Svākkhāte, bhikkhave, dhammavinaye yo ca samādapeti yañca samādapeti yo ca samādapito tathattāya paṭipajjati sabbe te bahuṁ puññaṁ pasavanti.\nTaṁ kissa hetu?\nSvākkhātattā, bhikkhave, dhammassā”ti.","en":"321\n“Mendicants, the one who encourages someone in a well explained teaching and training, the one who they encourage, and the one who practices accordingly all brim with much merit.\nWhy is that?\nBecause the teaching is well explained.”"}},{"id":"an1.322:1","sourceIds":["an1.322:1.0","an1.322:1.1","an1.322:1.2","an1.322:1.3"],"kind":"text","text":{"pi":"322\n“Durakkhāte, bhikkhave, dhammavinaye dāyakena mattā jānitabbā, no paṭiggāhakena.\nTaṁ kissa hetu?\nDurakkhātattā, bhikkhave, dhammassā”ti.","en":"322\n“Mendicants, in a poorly explained teaching and training, the donor should know moderation, not the recipient.\nWhy is that?\nBecause the teaching is poorly explained.”"}},{"id":"an1.323:1","sourceIds":["an1.323:1.0","an1.323:1.1","an1.323:1.2","an1.323:1.3"],"kind":"text","text":{"pi":"323\n“Svākkhāte, bhikkhave, dhammavinaye paṭiggāhakena mattā jānitabbā, no dāyakena.\nTaṁ kissa hetu?\nSvākkhātattā, bhikkhave, dhammassā”ti.","en":"323\n“Mendicants, in a well explained teaching and training, the recipient should know moderation, not the donor.\nWhy is that?\nBecause the teaching is well explained.”"}},{"id":"an1.324:1","sourceIds":["an1.324:1.0","an1.324:1.1","an1.324:1.2","an1.324:1.3"],"kind":"text","text":{"pi":"324\n“Durakkhāte, bhikkhave, dhammavinaye yo āraddhavīriyo so dukkhaṁ viharati.\nTaṁ kissa hetu?\nDurakkhātattā, bhikkhave, dhammassā”ti.","en":"324\n“Mendicants, in a poorly explained teaching and training an energetic person lives in suffering.\nWhy is that?\nBecause the teaching is poorly explained.”"}},{"id":"an1.325:1","sourceIds":["an1.325:1.0","an1.325:1.1","an1.325:1.2","an1.325:1.3"],"kind":"text","text":{"pi":"325\n“Svākkhāte, bhikkhave, dhammavinaye yo kusīto so dukkhaṁ viharati.\nTaṁ kissa hetu?\nSvākkhātattā, bhikkhave, dhammassā”ti.","en":"325\n“Mendicants, in a well explained teaching and training a lazy person lives in suffering.\nWhy is that?\nBecause the teaching is well explained.”"}},{"id":"an1.326:1","sourceIds":["an1.326:1.0","an1.326:1.1","an1.326:1.2","an1.326:1.3"],"kind":"text","text":{"pi":"326\n“Durakkhāte, bhikkhave, dhammavinaye yo kusīto so sukhaṁ viharati.\nTaṁ kissa hetu?\nDurakkhātattā, bhikkhave, dhammassā”ti.","en":"326\n“Mendicants, in a poorly explained teaching and training a lazy person lives happily.\nWhy is that?\nBecause the teaching is poorly explained.”"}},{"id":"an1.327:1","sourceIds":["an1.327:1.0","an1.327:1.1","an1.327:1.2","an1.327:1.3"],"kind":"text","text":{"pi":"327\n“Svākkhāte, bhikkhave, dhammavinaye yo āraddhavīriyo so sukhaṁ viharati.\nTaṁ kissa hetu?\nSvākkhātattā, bhikkhave, dhammassā”ti.","en":"327\n“Mendicants, in a well explained teaching and training an energetic person lives happily.\nWhy is that?\nBecause the teaching is well explained.”"}},{"id":"an1.328:1","sourceIds":["an1.328:1.0","an1.328:1.1","an1.328:1.2"],"kind":"text","text":{"pi":"328\n“Seyyathāpi, bhikkhave, appamattakopi gūtho duggandho hoti;\nevamevaṁ kho ahaṁ, bhikkhave, appamattakampi bhavaṁ na vaṇṇemi, antamaso accharāsaṅghātamattampi”.","en":"328\n“Just as, mendicants, even a little bit of fecal matter still stinks,\nso too I don’t approve of even a little bit of continued existence, not even as long as a finger-snap.”"}},{"id":"an1.329:1","sourceIds":["an1.329:1.0","an1.329:1.1","an1.329:1.2","an1.329:1.3"],"kind":"text","text":{"pi":"329\n“Seyyathāpi, bhikkhave, appamattakampi muttaṁ duggandhaṁ hoti … appamattakopi kheḷo duggandho hoti … appamattakopi pubbo duggandho hoti … appamattakampi lohitaṁ duggandhaṁ hoti;\nevamevaṁ kho ahaṁ, bhikkhave, appamattakampi bhavaṁ na vaṇṇemi, antamaso accharāsaṅghātamattampi”.\nVaggo tatiyo.","en":"329–332\n“Just as even a little bit of urine, or spit, or pus, or blood still stinks,\nso too I don’t approve of even a little bit of continued existence, not even as long as a finger-snap.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.316-332/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}