{"id":"an1.51-60","title":"The Chapter on a Finger-Snap","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.51-60","title":"The Chapter on a Finger-Snap","units":[{"id":"an1.51:0","sourceIds":["an1.51:0.1","an1.51:0.2"],"kind":"text","text":{"pi":"Aṅguttara Nikāya 1\n6. Accharāsaṅghātavagga","en":"Numbered Discourses 1.51–60\nThe Chapter on a Finger-Snap"}},{"id":"an1.51:1","sourceIds":["an1.51:1.0","an1.51:1.1","an1.51:1.2","an1.51:1.3","an1.51:1.4","an1.51:1.5"],"kind":"text","text":{"pi":"51\n“Pabhassaramidaṁ, bhikkhave, cittaṁ.\nTañca kho āgantukehi upakkilesehi upakkiliṭṭhaṁ.\nTaṁ assutavā puthujjano yathābhūtaṁ nappajānāti.\nTasmā ‘assutavato puthujjanassa cittabhāvanā natthī’ti vadāmī”ti.\nPaṭhamaṁ.","en":"51\n“This mind, mendicants, is radiant.\nBut it is corrupted by visiting corruptions.\nAn unlearned ordinary person does not truly understand this.\nSo I say that the unlearned ordinary person has no development of the mind.”"}},{"id":"an1.52:1","sourceIds":["an1.52:1.0","an1.52:1.1","an1.52:1.2","an1.52:1.3","an1.52:1.4","an1.52:1.5"],"kind":"text","text":{"pi":"52\n“Pabhassaramidaṁ, bhikkhave, cittaṁ.\nTañca kho āgantukehi upakkilesehi vippamuttaṁ.\nTaṁ sutavā ariyasāvako yathābhūtaṁ pajānāti.\nTasmā ‘sutavato ariyasāvakassa cittabhāvanā atthī’ti vadāmī”ti.\nDutiyaṁ.","en":"52\n“This mind, mendicants, is radiant.\nAnd it is freed from visiting corruptions.\nA learned noble disciple truly understands this.\nSo I say that the learned noble disciple has development of the mind.”"}},{"id":"an1.53:1","sourceIds":["an1.53:1.0","an1.53:1.1","an1.53:1.2","an1.53:1.3","an1.53:1.4","an1.53:1.5"],"kind":"text","text":{"pi":"53\n“Accharāsaṅghātamattampi ce, bhikkhave, bhikkhu mettācittaṁ āsevati;\nayaṁ vuccati, bhikkhave:\n‘bhikkhu arittajjhāno viharati satthusāsanakaro ovādapatikaro, amoghaṁ raṭṭhapiṇḍaṁ bhuñjati’.\nKo pana vādo ye naṁ bahulīkarontī”ti.\nTatiyaṁ.","en":"53\n“If, mendicants, a mendicant cultivates a mind of love even as long as a finger-snap,\nthey’re called\na mendicant who does not lack absorption, who follows the Teacher’s instructions, who responds to advice, and who does not eat the country’s alms in vain.\nHow much more so those who make much of it!”"}},{"id":"an1.54:1","sourceIds":["an1.54:1.0","an1.54:1.1","an1.54:1.2","an1.54:1.3","an1.54:1.4","an1.54:1.5"],"kind":"text","text":{"pi":"54\n“Accharāsaṅghātamattampi ce, bhikkhave, bhikkhu mettācittaṁ bhāveti;\nayaṁ vuccati, bhikkhave:\n‘bhikkhu arittajjhāno viharati satthusāsanakaro ovādapatikaro, amoghaṁ raṭṭhapiṇḍaṁ bhuñjati’.\nKo pana vādo ye naṁ bahulīkarontī”ti.\nCatutthaṁ.","en":"54\n“If, mendicants, a mendicant develops a mind of love even as long as a finger-snap,\nthey’re called\na mendicant who does not lack absorption, who follows the Teacher’s instructions, who responds to advice, and who does not eat the country’s alms in vain.\nHow much more so those who make much of it!”"}},{"id":"an1.55:1","sourceIds":["an1.55:1.0","an1.55:1.1","an1.55:1.2","an1.55:1.3","an1.55:1.4","an1.55:1.5"],"kind":"text","text":{"pi":"55\n“Accharāsaṅghātamattampi ce, bhikkhave, bhikkhu mettācittaṁ manasi karoti;\nayaṁ vuccati, bhikkhave:\n‘bhikkhu arittajjhāno viharati satthusāsanakaro ovādapatikaro amoghaṁ raṭṭhapiṇḍaṁ bhuñjati’.\nKo pana vādo ye naṁ bahulīkarontī”ti.\nPañcamaṁ.","en":"55\n“If, mendicants, a mendicant focuses on a mind of love even as long as a finger-snap,\nthey’re called\na mendicant who does not lack absorption, who follows the Teacher’s instructions, who responds to advice, and who does not eat the country’s alms in vain.\nHow much more so those who make much of it!”"}},{"id":"an1.56:1","sourceIds":["an1.56:1.0","an1.56:1.1","an1.56:1.2","an1.56:1.3"],"kind":"text","text":{"pi":"56\n“Ye keci, bhikkhave, dhammā akusalā akusalabhāgiyā akusalapakkhikā, sabbe te manopubbaṅgamā.\nMano tesaṁ dhammānaṁ paṭhamaṁ uppajjati, anvadeva akusalā dhammā”ti.\nChaṭṭhaṁ.","en":"56\n“Mendicants, intention is the leader of all things whatsoever that are unskillful, part of the unskillful, on the side of the unskillful.\nIntention is the first of those things to arise, and unskillful things follow right behind.”"}},{"id":"an1.57:1","sourceIds":["an1.57:1.0","an1.57:1.1","an1.57:1.2","an1.57:1.3"],"kind":"text","text":{"pi":"57\n“Ye keci, bhikkhave, dhammā kusalā kusalabhāgiyā kusalapakkhikā, sabbe te manopubbaṅgamā.\nMano tesaṁ dhammānaṁ paṭhamaṁ uppajjati, anvadeva kusalā dhammā”ti.\nSattamaṁ.","en":"57\n“Mendicants, intention is the leader of all things whatsoever that are skillful, part of the skillful, on the side of the skillful.\nIntention is the first of those things to arise, and skillful things follow right behind.”"}},{"id":"an1.58:1","sourceIds":["an1.58:1.0","an1.58:1.1","an1.58:1.2","an1.58:1.3"],"kind":"text","text":{"pi":"58\n“Nāhaṁ, bhikkhave, aññaṁ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṁ, bhikkhave, pamādo.\nPamattassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī”ti.\nAṭṭhamaṁ.","en":"58\n“Mendicants, I do not see a single thing that gives rise to unskillful qualities, or makes skillful qualities decline like negligence.\nWhen you’re negligent, unskillful qualities arise and skillful qualities decline.”"}},{"id":"an1.59:1","sourceIds":["an1.59:1.0","an1.59:1.1","an1.59:1.2","an1.59:1.3"],"kind":"text","text":{"pi":"59\n“Nāhaṁ, bhikkhave, aññaṁ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṁ, bhikkhave, appamādo.\nAppamattassa, bhikkhave, anuppannā ceva kusalā dhammā uppajjanti uppannā ca akusalā dhammā parihāyantī”ti.\nNavamaṁ.","en":"59\n“Mendicants, I do not see a single thing that gives rise to skillful qualities, or makes unskillful qualities decline like diligence.\nWhen you’re diligent, skillful qualities arise and unskillful qualities decline.”"}},{"id":"an1.60:1","sourceIds":["an1.60:1.0","an1.60:1.1","an1.60:1.2","an1.60:1.3","an1.60:1.4"],"kind":"text","text":{"pi":"60\n“Nāhaṁ, bhikkhave, aññaṁ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṁ, bhikkhave, kosajjaṁ.\nKusītassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī”ti.\nDasamaṁ.\nAccharāsaṅghātavaggo chaṭṭho.","en":"60\n“Mendicants, I do not see a single thing that gives rise to unskillful qualities, or makes skillful qualities decline like laziness.\nWhen you’re lazy, unskillful qualities arise and skillful qualities decline.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.51-60/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}