{"id":"an1.61-70","title":"The Chapter on Arousing Energy","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.61-70","title":"The Chapter on Arousing Energy","units":[{"id":"an1.61:0","sourceIds":["an1.61:0.1","an1.61:0.2"],"kind":"text","text":{"pi":"Aṅguttara Nikāya 1\n7. Vīriyārambhādivagga","en":"Numbered Discourses 1.61–70\nThe Chapter on Arousing Energy"}},{"id":"an1.61:1","sourceIds":["an1.61:1.0","an1.61:1.1","an1.61:1.2","an1.61:1.3"],"kind":"text","text":{"pi":"61\n“Nāhaṁ, bhikkhave, aññaṁ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṁ, bhikkhave, vīriyārambho.\nĀraddhavīriyassa, bhikkhave, anuppannā ceva kusalā dhammā uppajjanti uppannā ca akusalā dhammā parihāyantī”ti.\nPaṭhamaṁ.","en":"61\n“Mendicants, I do not see a single thing that gives rise to skillful qualities, or makes unskillful qualities decline like arousing energy.\nWhen you’re energetic, skillful qualities arise and unskillful qualities decline.”"}},{"id":"an1.62:1","sourceIds":["an1.62:1.0","an1.62:1.1","an1.62:1.2","an1.62:1.3"],"kind":"text","text":{"pi":"62\n“Nāhaṁ, bhikkhave, aññaṁ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṁ, bhikkhave, mahicchatā.\nMahicchassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī”ti.\nDutiyaṁ.","en":"62\n“Mendicants, I do not see a single thing that gives rise to unskillful qualities, or makes skillful qualities decline like having many wishes.\nWhen you have many wishes, unskillful qualities arise and skillful qualities decline.”"}},{"id":"an1.63:1","sourceIds":["an1.63:1.0","an1.63:1.1","an1.63:1.2","an1.63:1.3"],"kind":"text","text":{"pi":"63\n“Nāhaṁ, bhikkhave, aññaṁ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṁ, bhikkhave, appicchatā.\nAppicchassa, bhikkhave, anuppannā ceva kusalā dhammā uppajjanti uppannā ca akusalā dhammā parihāyantī”ti.\nTatiyaṁ.","en":"63\n“Mendicants, I do not see a single thing that gives rise to skillful qualities, or makes unskillful qualities decline like having few wishes.\nWhen you have few wishes, skillful qualities arise and unskillful qualities decline.”"}},{"id":"an1.64:1","sourceIds":["an1.64:1.0","an1.64:1.1","an1.64:1.2","an1.64:1.3"],"kind":"text","text":{"pi":"64\n“Nāhaṁ, bhikkhave, aññaṁ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṁ, bhikkhave, asantuṭṭhitā.\nAsantuṭṭhassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī”ti.\nCatutthaṁ.","en":"64\n“Mendicants, I do not see a single thing that gives rise to unskillful qualities, or makes skillful qualities decline like lack of contentment.\nWhen you lack contentment, unskillful qualities arise and skillful qualities decline.”"}},{"id":"an1.65:1","sourceIds":["an1.65:1.0","an1.65:1.1","an1.65:1.2","an1.65:1.3"],"kind":"text","text":{"pi":"65\n“Nāhaṁ, bhikkhave, aññaṁ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṁ, bhikkhave, santuṭṭhitā.\nSantuṭṭhassa, bhikkhave, anuppannā ceva kusalā dhammā uppajjanti uppannā ca akusalā dhammā parihāyantī”ti.\nPañcamaṁ.","en":"65\n“Mendicants, I do not see a single thing that gives rise to skillful qualities, or makes unskillful qualities decline like contentment.\nWhen you’re contented, skillful qualities arise and unskillful qualities decline.”"}},{"id":"an1.66:1","sourceIds":["an1.66:1.0","an1.66:1.1","an1.66:1.2","an1.66:1.3"],"kind":"text","text":{"pi":"66\n“Nāhaṁ, bhikkhave, aññaṁ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṁ, bhikkhave, ayonisomanasikāro.\nAyoniso, bhikkhave, manasi karoto anuppannā ceva akusalā dhammā uppajjanti uppannā ca kusalā dhammā parihāyantī”ti.\nChaṭṭhaṁ.","en":"66\n“Mendicants, I do not see a single thing that gives rise to unskillful qualities, or makes skillful qualities decline like irrational application of mind.\nWhen you apply the mind irrationally, unskillful qualities arise and skillful qualities decline.”"}},{"id":"an1.67:1","sourceIds":["an1.67:1.0","an1.67:1.1","an1.67:1.2","an1.67:1.3"],"kind":"text","text":{"pi":"67\n“Nāhaṁ, bhikkhave, aññaṁ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṁ, bhikkhave, yonisomanasikāro.\nYoniso, bhikkhave, manasi karoto anuppannā ceva kusalā dhammā uppajjanti uppannā ca akusalā dhammā parihāyantī”ti.\nSattamaṁ.","en":"67\n“Mendicants, I do not see a single thing that gives rise to skillful qualities, or makes unskillful qualities decline like rational application of mind.\nWhen you apply the mind rationally, skillful qualities arise and unskillful qualities decline.”"}},{"id":"an1.68:1","sourceIds":["an1.68:1.0","an1.68:1.1","an1.68:1.2","an1.68:1.3"],"kind":"text","text":{"pi":"68\n“Nāhaṁ, bhikkhave, aññaṁ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṁ, bhikkhave, asampajaññaṁ.\nAsampajānassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī”ti.\nAṭṭhamaṁ.","en":"68\n“Mendicants, I do not see a single thing that gives rise to unskillful qualities, or makes skillful qualities decline like lack of situational awareness.\nWhen you lack situational awareness, unskillful qualities arise and skillful qualities decline.”"}},{"id":"an1.69:1","sourceIds":["an1.69:1.0","an1.69:1.1","an1.69:1.2","an1.69:1.3"],"kind":"text","text":{"pi":"69\n“Nāhaṁ, bhikkhave, aññaṁ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṁ, bhikkhave, sampajaññaṁ.\nSampajānassa, bhikkhave, anuppannā ceva kusalā dhammā uppajjanti uppannā ca akusalā dhammā parihāyantī”ti.\nNavamaṁ.","en":"69\n“Mendicants, I do not see a single thing that gives rise to skillful qualities, or makes unskillful qualities decline like situational awareness.\nWhen you have situational awareness, skillful qualities arise and unskillful qualities decline.”"}},{"id":"an1.70:1","sourceIds":["an1.70:1.0","an1.70:1.1","an1.70:1.2","an1.70:1.3","an1.70:1.4"],"kind":"text","text":{"pi":"70\n“Nāhaṁ, bhikkhave, aññaṁ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṁ, bhikkhave, pāpamittatā.\nPāpamittassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī”ti.\nDasamaṁ.\nVīriyārambhādivaggo sattamo.","en":"70\n“Mendicants, I do not see a single thing that gives rise to unskillful qualities, or makes skillful qualities decline like bad friends.\nWhen you have bad friends, unskillful qualities arise and skillful qualities decline.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.61-70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}