{"id":"an1.616-627","title":"The Chapter on Freedom From Death","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.616-627","title":"The Chapter on Freedom From Death","units":[{"id":"an1.616:0","sourceIds":["an1.616:0.1","an1.616:0.2"],"kind":"text","text":{"pi":"Aṅguttara Nikāya 1\n31. Amatavagga","en":"Numbered Discourses 1.616–627\nThe Chapter on Freedom From Death"}},{"id":"an1.616:1","sourceIds":["an1.616:1.0","an1.616:1.1","an1.616:1.2"],"kind":"text","text":{"pi":"616\n“Amataṁ te, bhikkhave, na paribhuñjanti ye kāyagatāsatiṁ na paribhuñjanti.\nAmataṁ te, bhikkhave, paribhuñjanti ye kāyagatāsatiṁ paribhuñjantī”ti.","en":"616\n“Mendicants, those who don’t enjoy mindfulness of the body don’t enjoy freedom from death.\nThose who enjoy mindfulness of the body enjoy freedom from death.”"}},{"id":"an1.617:1","sourceIds":["an1.617:1.0","an1.617:1.1","an1.617:1.2"],"kind":"text","text":{"pi":"617\n“Amataṁ tesaṁ, bhikkhave, aparibhuttaṁ yesaṁ kāyagatāsati aparibhuttā.\nAmataṁ tesaṁ, bhikkhave, paribhuttaṁ yesaṁ kāyagatāsati paribhuttā”ti.","en":"617\n“Mendicants, those who haven’t enjoyed mindfulness of the body haven’t enjoyed freedom from death.\nThose who have enjoyed mindfulness of the body have enjoyed freedom from death.”"}},{"id":"an1.618:1","sourceIds":["an1.618:1.0","an1.618:1.1","an1.618:1.2"],"kind":"text","text":{"pi":"618\n“Amataṁ tesaṁ, bhikkhave, parihīnaṁ yesaṁ kāyagatāsati parihīnā.\nAmataṁ tesaṁ, bhikkhave, aparihīnaṁ yesaṁ kāyagatāsati aparihīnā”ti.","en":"618\n“Mendicants, those who have lost mindfulness of the body have lost freedom from death.\nThose who haven’t lost mindfulness of the body haven’t lost freedom from death.”"}},{"id":"an1.619:1","sourceIds":["an1.619:1.0","an1.619:1.1","an1.619:1.2"],"kind":"text","text":{"pi":"619\n“Amataṁ tesaṁ, bhikkhave, viraddhaṁ yesaṁ kāyagatāsati viraddhā.\nAmataṁ tesaṁ, bhikkhave, āraddhaṁ yesaṁ kāyagatāsati āraddhā”ti.","en":"619\n“Mendicants, those who have missed out on mindfulness of the body have missed out on freedom from death.\nThose who have undertaken mindfulness of the body have not missed out on freedom from death.”"}},{"id":"an1.620:1","sourceIds":["an1.620:1.0","an1.620:1.1","an1.620:1.2"],"kind":"text","text":{"pi":"620\n“Amataṁ te, bhikkhave, pamādiṁsu ye kāyagatāsatiṁ pamādiṁsu.\nAmataṁ te, bhikkhave, na pamādiṁsu ye kāyagatāsatiṁ na pamādiṁsu”.","en":"620\n“Mendicants, those who have neglected mindfulness of the body have neglected freedom from death.\nThose who have not neglected mindfulness of the body have not neglected freedom from death.”"}},{"id":"an1.621:1","sourceIds":["an1.621:1.0","an1.621:1.1","an1.621:1.2"],"kind":"text","text":{"pi":"621\n“Amataṁ tesaṁ, bhikkhave, pamuṭṭhaṁ yesaṁ kāyagatāsati pamuṭṭhā.\nAmataṁ tesaṁ, bhikkhave, appamuṭṭhaṁ yesaṁ kāyagatāsati appamuṭṭhā”ti.","en":"621\n“Mendicants, those who have forgotten mindfulness of the body have forgotten freedom from death.\nThose who haven’t forgotten mindfulness of the body haven’t forgotten freedom from death.”"}},{"id":"an1.622:1","sourceIds":["an1.622:1.0","an1.622:1.1","an1.622:1.2"],"kind":"text","text":{"pi":"622\n“Amataṁ tesaṁ, bhikkhave, anāsevitaṁ yesaṁ kāyagatāsati anāsevitā.\nAmataṁ tesaṁ, bhikkhave, āsevitaṁ yesaṁ kāyagatāsati āsevitā”ti.","en":"622\n“Mendicants, those who haven’t cultivated mindfulness of the body haven’t cultivated freedom from death.\nThose who have cultivated mindfulness of the body have cultivated freedom from death.”"}},{"id":"an1.623:1","sourceIds":["an1.623:1.0","an1.623:1.1","an1.623:1.2"],"kind":"text","text":{"pi":"623\n“Amataṁ tesaṁ, bhikkhave, abhāvitaṁ yesaṁ kāyagatāsati abhāvitā.\nAmataṁ tesaṁ, bhikkhave, bhāvitaṁ yesaṁ kāyagatāsati bhāvitā”ti.","en":"623\n“Mendicants, those who haven’t developed mindfulness of the body haven’t developed freedom from death.\nThose who have developed mindfulness of the body have developed freedom from death.”"}},{"id":"an1.624:1","sourceIds":["an1.624:1.0","an1.624:1.1","an1.624:1.2"],"kind":"text","text":{"pi":"624\n“Amataṁ tesaṁ, bhikkhave, abahulīkataṁ yesaṁ kāyagatāsati abahulīkatā.\nAmataṁ tesaṁ, bhikkhave, bahulīkataṁ yesaṁ kāyagatāsati bahulīkatā”ti.","en":"624\n“Mendicants, those who haven’t made much of mindfulness of the body haven’t made much of freedom from death.\nThose who have made much of mindfulness of the body have made much of freedom from death.”"}},{"id":"an1.625:1","sourceIds":["an1.625:1.0","an1.625:1.1","an1.625:1.2"],"kind":"text","text":{"pi":"625\n“Amataṁ tesaṁ, bhikkhave, anabhiññātaṁ yesaṁ kāyagatāsati anabhiññātā.\nAmataṁ tesaṁ, bhikkhave, abhiññātaṁ yesaṁ kāyagatāsati abhiññātā”ti.","en":"625\n“Mendicants, those who haven’t had insight into mindfulness of the body haven’t had insight into freedom from death.\nThose who have had insight into mindfulness of the body have had insight into freedom from death.”"}},{"id":"an1.626:1","sourceIds":["an1.626:1.0","an1.626:1.1","an1.626:1.2"],"kind":"text","text":{"pi":"626\n“Amataṁ tesaṁ, bhikkhave, apariññātaṁ yesaṁ kāyagatāsati apariññātā.\nAmataṁ tesaṁ, bhikkhave, pariññātaṁ yesaṁ kāyagatāsati pariññātā”ti.","en":"626\n“Mendicants, those who haven’t completely understood mindfulness of the body haven’t completely understood freedom from death.\nThose who have completely understood mindfulness of the body have completely understood freedom from death.”"}},{"id":"an1.627:1","sourceIds":["an1.627:1.0","an1.627:1.1","an1.627:1.2","an1.627:1.3"],"kind":"text","text":{"pi":"627\n“Amataṁ tesaṁ, bhikkhave, asacchikataṁ yesaṁ kāyagatāsati asacchikatā.\nAmataṁ tesaṁ, bhikkhave, sacchikataṁ yesaṁ kāyagatāsati sacchikatā”ti.\n(…)","en":"627\n“Mendicants, those who haven’t realized mindfulness of the body haven’t realized freedom from death.\nThose who have realized mindfulness of the body have realized freedom from death.”"}},{"id":"an1.627:2","sourceIds":["an1.627:2.1","an1.627:2.2","an1.627:2.3","an1.627:2.4"],"kind":"text","text":{"pi":"Idamavoca bhagavā.\nAttamanā te bhikkhū bhagavato bhāsitaṁ abhinandunti.\n(Amatavaggo.)\nEkakanipātapāḷi niṭṭhitā.","en":"That is what the Buddha said.\nSatisfied, the mendicants approved what the Buddha said.\nThe Book of the Ones is finished."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.616-627/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}