{"id":"an1.82-97","title":"The Chapter on Negligence","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.82-97","title":"The Chapter on Negligence","units":[{"id":"an1.82:0","sourceIds":["an1.82:0.1","an1.82:0.2"],"kind":"text","text":{"pi":"Aṅguttara Nikāya 1\n9. Pamādādivagga","en":"Numbered Discourses 1.82–97\nThe Chapter on Negligence"}},{"id":"an1.82:1","sourceIds":["an1.82:1.0","an1.82:1.1","an1.82:1.2","an1.82:1.3"],"kind":"text","text":{"pi":"82\n“Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, pamādo.\nPamādo, bhikkhave, mahato anatthāya saṁvattatī”ti.\nPaṭhamaṁ.","en":"82\n“Mendicants, I do not see a single thing that is so very harmful as negligence.\nNegligence is very harmful.”"}},{"id":"an1.83:1","sourceIds":["an1.83:1.0","an1.83:1.1","an1.83:1.2","an1.83:1.3"],"kind":"text","text":{"pi":"83\n“Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, appamādo.\nAppamādo, bhikkhave, mahato atthāya saṁvattatī”ti.\nDutiyaṁ.","en":"83\n“Mendicants, I do not see a single thing that is so very beneficial as diligence.\nDiligence is very beneficial.”"}},{"id":"an1.84:1","sourceIds":["an1.84:1.0","an1.84:1.1","an1.84:1.2","an1.84:1.3"],"kind":"text","text":{"pi":"84\n“Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, kosajjaṁ.\nKosajjaṁ, bhikkhave, mahato anatthāya saṁvattatī”ti.\nTatiyaṁ.","en":"84\n“Mendicants, I do not see a single thing that is so very harmful as laziness.\nLaziness is very harmful.”"}},{"id":"an1.85:1","sourceIds":["an1.85:1.0","an1.85:1.1","an1.85:1.2","an1.85:1.3"],"kind":"text","text":{"pi":"85\n“Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, vīriyārambho.\nVīriyārambho, bhikkhave, mahato atthāya saṁvattatī”ti.\nCatutthaṁ.","en":"85\n“Mendicants, I do not see a single thing that is so very beneficial as arousing energy.\nArousing energy is very beneficial.”"}},{"id":"an1.86:1","sourceIds":["an1.86:1.0","an1.86:1.1","an1.86:1.2","an1.86:1.3"],"kind":"text","text":{"pi":"86\n“Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, mahicchatā.\nMahicchatā, bhikkhave, mahato anatthāya saṁvattatī”ti.\nPañcamaṁ.","en":"86\n“Mendicants, I do not see a single thing that is so very harmful as having many wishes.\nHaving many wishes is very harmful.”"}},{"id":"an1.87:1","sourceIds":["an1.87:1.0","an1.87:1.1","an1.87:1.2","an1.87:1.3"],"kind":"text","text":{"pi":"87\n“Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, appicchatā.\nAppicchatā, bhikkhave, mahato atthāya saṁvattatī”ti.\nChaṭṭhaṁ.","en":"87\n“Mendicants, I do not see a single thing that is so very beneficial as having few wishes.\nHaving few wishes is very beneficial.”"}},{"id":"an1.88:1","sourceIds":["an1.88:1.0","an1.88:1.1","an1.88:1.2","an1.88:1.3"],"kind":"text","text":{"pi":"88\n“Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, asantuṭṭhitā.\nAsantuṭṭhitā, bhikkhave, mahato anatthāya saṁvattatī”ti.\nSattamaṁ.","en":"88\n“Mendicants, I do not see a single thing that is so very harmful as lack of contentment.\nLack of contentment is very harmful.”"}},{"id":"an1.89:1","sourceIds":["an1.89:1.0","an1.89:1.1","an1.89:1.2","an1.89:1.3"],"kind":"text","text":{"pi":"89\n“Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, santuṭṭhitā.\nSantuṭṭhitā, bhikkhave, mahato atthāya saṁvattatī”ti.\nAṭṭhamaṁ.","en":"89\n“Mendicants, I do not see a single thing that is so very beneficial as contentment.\nContentment is very beneficial.”"}},{"id":"an1.90:1","sourceIds":["an1.90:1.0","an1.90:1.1","an1.90:1.2","an1.90:1.3"],"kind":"text","text":{"pi":"90\n“Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, ayonisomanasikāro.\nAyonisomanasikāro, bhikkhave, mahato anatthāya saṁvattatī”ti.\nNavamaṁ.","en":"90\n“Mendicants, I do not see a single thing that is so very harmful as irrational application of mind.\nIrrational application of mind is very harmful.”"}},{"id":"an1.91:1","sourceIds":["an1.91:1.0","an1.91:1.1","an1.91:1.2","an1.91:1.3"],"kind":"text","text":{"pi":"91\n“Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, yoniso manasikāro.\nYonisomanasikāro, bhikkhave, mahato atthāya saṁvattatī”ti.\nDasamaṁ.","en":"91\n“Mendicants, I do not see a single thing that is so very beneficial as rational application of mind.\nRational application of mind is very beneficial.”"}},{"id":"an1.92:1","sourceIds":["an1.92:1.0","an1.92:1.1","an1.92:1.2","an1.92:1.3"],"kind":"text","text":{"pi":"92\n“Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, asampajaññaṁ.\nAsampajaññaṁ, bhikkhave, mahato anatthāya saṁvattatī”ti.\nEkādasamaṁ.","en":"92\n“Mendicants, I do not see a single thing that is so very harmful as lack of situational awareness.\nLack of situational awareness is very harmful.”"}},{"id":"an1.93:1","sourceIds":["an1.93:1.0","an1.93:1.1","an1.93:1.2","an1.93:1.3"],"kind":"text","text":{"pi":"93\n“Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, sampajaññaṁ.\nSampajaññaṁ, bhikkhave, mahato atthāya saṁvattatī”ti.\nDvādasamaṁ.","en":"93\n“Mendicants, I do not see a single thing that is so very beneficial as situational awareness.\nSituational awareness is very beneficial.”"}},{"id":"an1.94:1","sourceIds":["an1.94:1.0","an1.94:1.1","an1.94:1.2","an1.94:1.3"],"kind":"text","text":{"pi":"94\n“Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, pāpamittatā.\nPāpamittatā, bhikkhave, mahato anatthāya saṁvattatī”ti.\nTerasamaṁ.","en":"94\n“Mendicants, I do not see a single thing that is so very harmful as bad friends.\nBad friends are very harmful.”"}},{"id":"an1.95:1","sourceIds":["an1.95:1.0","an1.95:1.1","an1.95:1.2","an1.95:1.3"],"kind":"text","text":{"pi":"95\n“Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, kalyāṇamittatā.\nKalyāṇamittatā, bhikkhave, mahato atthāya saṁvattatī”ti.\nCuddasamaṁ.","en":"95\n“Mendicants, I do not see a single thing that is so very beneficial as good friends.\nGood friends are very beneficial.”"}},{"id":"an1.96:1","sourceIds":["an1.96:1.0","an1.96:1.1","an1.96:1.2","an1.96:1.3"],"kind":"text","text":{"pi":"96\n“Nāhaṁ, bhikkhave, aññaṁ ekadhammampi samanupassāmi yo evaṁ mahato anatthāya saṁvattati yathayidaṁ, bhikkhave, anuyogo akusalānaṁ dhammānaṁ, ananuyogo kusalānaṁ dhammānaṁ.\nAnuyogo, bhikkhave, akusalānaṁ dhammānaṁ, ananuyogo kusalānaṁ dhammānaṁ mahato anatthāya saṁvattatī”ti.\nPannarasamaṁ.","en":"96\n“Mendicants, I do not see a single thing that is so very harmful as pursuing bad habits and not good habits.\nPursuing bad habits and not good habits is very harmful.”"}},{"id":"an1.97:1","sourceIds":["an1.97:1.0","an1.97:1.1","an1.97:1.2","an1.97:1.3","an1.97:1.4"],"kind":"text","text":{"pi":"97\n“Nāhaṁ, bhikkhave, aññaṁ ekadhammampi samanupassāmi yo evaṁ mahato atthāya saṁvattati yathayidaṁ, bhikkhave, anuyogo kusalānaṁ dhammānaṁ, ananuyogo akusalānaṁ dhammānaṁ.\nAnuyogo, bhikkhave, kusalānaṁ dhammānaṁ, ananuyogo akusalānaṁ dhammānaṁ mahato atthāya saṁvattatī”ti.\nSoḷasamaṁ.\nPamādādivaggo navamo.","en":"97\n“Mendicants, I do not see a single thing that is so very beneficial as pursuing good habits and not bad habits.\nPursuing good habits and not bad habits is very beneficial.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.82-97/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}