{"id":"an1.98-139","title":"The Chapter on Negligence (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.98-139","title":"The Chapter on Negligence (2nd)","units":[{"id":"an1.98:0","sourceIds":["an1.98:0.1","an1.98:0.2"],"kind":"text","text":{"pi":"Aṅguttara Nikāya 1\n10. Dutiyapamādādivagga","en":"Numbered Discourses 1.98–139\nThe Chapter on Negligence (2nd)"}},{"id":"an1.98:1","sourceIds":["an1.98:1.0","an1.98:1.1","an1.98:1.2","an1.98:1.3"],"kind":"text","text":{"pi":"98\n“Ajjhattikaṁ, bhikkhave, aṅganti karitvā nāññaṁ ekaṅgampi samanupassāmi yaṁ evaṁ mahato anatthāya saṁvattati yathayidaṁ, bhikkhave, pamādo.\nPamādo, bhikkhave, mahato anatthāya saṁvattatī”ti.\nPaṭhamaṁ.","en":"98\n“Taking into account interior factors, mendicants, I do not see a single one that is so very harmful as negligence.\nNegligence is very harmful.”"}},{"id":"an1.99:1","sourceIds":["an1.99:1.0","an1.99:1.1","an1.99:1.2","an1.99:1.3"],"kind":"text","text":{"pi":"99\n“Ajjhattikaṁ, bhikkhave, aṅganti karitvā nāññaṁ ekaṅgampi samanupassāmi yaṁ evaṁ mahato atthāya saṁvattati yathayidaṁ, bhikkhave, appamādo.\nAppamādo, bhikkhave, mahato atthāya saṁvattatī”ti.\nDutiyaṁ.","en":"99\n“Taking into account interior factors, mendicants, I do not see a single one that is so very beneficial as diligence.\nDiligence is very beneficial.”"}},{"id":"an1.100:1","sourceIds":["an1.100:1.0","an1.100:1.1","an1.100:1.2","an1.100:1.3"],"kind":"text","text":{"pi":"100\n“Ajjhattikaṁ, bhikkhave, aṅganti karitvā nāññaṁ ekaṅgampi samanupassāmi yaṁ evaṁ mahato anatthāya saṁvattati yathayidaṁ, bhikkhave, kosajjaṁ.\nKosajjaṁ, bhikkhave, mahato anatthāya saṁvattatī”ti.\nTatiyaṁ.","en":"100\n“Taking into account interior factors, mendicants, I do not see a single one that is so very harmful as laziness.\nLaziness is very harmful.”"}},{"id":"an1.101:1","sourceIds":["an1.101:1.0","an1.101:1.1","an1.101:1.2","an1.101:1.3"],"kind":"text","text":{"pi":"101\n“Ajjhattikaṁ, bhikkhave, aṅganti karitvā nāññaṁ ekaṅgampi samanupassāmi yaṁ evaṁ mahato atthāya saṁvattati yathayidaṁ, bhikkhave, vīriyārambho.\nVīriyārambho, bhikkhave, mahato atthāya saṁvattatī”ti.\nCatutthaṁ.","en":"101\n“Taking into account interior factors, mendicants, I do not see a single one that is so very beneficial as arousing energy.\nArousing energy is very beneficial.”"}},{"id":"an1.102-109:1","sourceIds":["an1.102-109:1.0","an1.102-109:1.1"],"kind":"text","text":{"pi":"102–109\n“Ajjhattikaṁ, bhikkhave, aṅganti karitvā nāññaṁ ekaṅgampi samanupassāmi yaṁ evaṁ mahato anatthāya saṁvattati yathayidaṁ, bhikkhave, mahicchatā …pe… appicchatā … asantuṭṭhitā … santuṭṭhitā … ayonisomanasikāro … yonisomanasikāro … asampajaññaṁ … sampajaññaṁ … dvādasamaṁ.","en":"102–109\n“Taking into account interior factors, mendicants, I do not see a single one that is so very harmful as having many wishes … having few wishes … lack of contentment … contentment … irrational application of mind … rational application of mind … lack of situational awareness … situational awareness …”"}},{"id":"an1.110:1","sourceIds":["an1.110:1.0","an1.110:1.1","an1.110:1.2","an1.110:1.3"],"kind":"text","text":{"pi":"110\n“Bāhiraṁ, bhikkhave, aṅganti karitvā nāññaṁ ekaṅgampi samanupassāmi yaṁ evaṁ mahato anatthāya saṁvattati yathayidaṁ, bhikkhave, pāpamittatā.\nPāpamittatā, bhikkhave, mahato anatthāya saṁvattatī”ti.\nTerasamaṁ.","en":"110\n“Taking into account exterior factors, mendicants, I do not see a single one that is so very harmful as bad friends.\nBad friends are very harmful.”"}},{"id":"an1.111:1","sourceIds":["an1.111:1.0","an1.111:1.1","an1.111:1.2","an1.111:1.3"],"kind":"text","text":{"pi":"111\n“Bāhiraṁ, bhikkhave, aṅganti karitvā nāññaṁ ekaṅgampi samanupassāmi yaṁ evaṁ mahato atthāya saṁvattati yathayidaṁ, bhikkhave, kalyāṇamittatā.\nKalyāṇamittatā, bhikkhave, mahato atthāya saṁvattatī”ti.\nCuddasamaṁ.","en":"111\n“Taking into account exterior factors, mendicants, I do not see a single one that is so very beneficial as good friends.\nGood friends are very beneficial.”"}},{"id":"an1.112:1","sourceIds":["an1.112:1.0","an1.112:1.1","an1.112:1.2","an1.112:1.3"],"kind":"text","text":{"pi":"112\n“Ajjhattikaṁ, bhikkhave, aṅganti karitvā nāññaṁ ekaṅgampi samanupassāmi yaṁ evaṁ mahato anatthāya saṁvattati yathayidaṁ, bhikkhave, anuyogo akusalānaṁ dhammānaṁ, ananuyogo kusalānaṁ dhammānaṁ.\nAnuyogo, bhikkhave, akusalānaṁ dhammānaṁ, ananuyogo kusalānaṁ dhammānaṁ mahato anatthāya saṁvattatī”ti.\nPannarasamaṁ.","en":"112\n“Taking into account interior factors, mendicants, I do not see a single one that is so very harmful as pursuing bad habits and not good habits.\nPursuing bad habits and not good habits is very harmful.”"}},{"id":"an1.113:1","sourceIds":["an1.113:1.0","an1.113:1.1","an1.113:1.2","an1.113:1.3"],"kind":"text","text":{"pi":"113\n“Ajjhattikaṁ, bhikkhave, aṅganti karitvā nāññaṁ ekaṅgampi samanupassāmi yaṁ evaṁ mahato atthāya saṁvattati yathayidaṁ, bhikkhave, anuyogo kusalānaṁ dhammānaṁ, ananuyogo akusalānaṁ dhammānaṁ.\nAnuyogo, bhikkhave, kusalānaṁ dhammānaṁ, ananuyogo akusalānaṁ dhammānaṁ mahato atthāya saṁvattatī”ti.\nSoḷasamaṁ.","en":"113\n“Taking into account interior factors, mendicants, I do not see a single one that is so very beneficial as pursuing good habits and not bad habits.\nPursuing good habits and not bad habits is very beneficial.”"}},{"id":"an1.114:1","sourceIds":["an1.114:1.0","an1.114:1.1","an1.114:1.2","an1.114:1.3"],"kind":"text","text":{"pi":"114\n“Nāhaṁ, bhikkhave, aññaṁ ekadhammampi samanupassāmi yo evaṁ saddhammassa sammosāya antaradhānāya saṁvattati yathayidaṁ, bhikkhave, pamādo.\nPamādo, bhikkhave, saddhammassa sammosāya antaradhānāya saṁvattatī”ti.\nSattarasamaṁ.","en":"114\n“Mendicants, I do not see a single thing that leads to the decline and disappearance of the true teaching like negligence.\nNegligence leads to the decline and disappearance of the true teaching.”"}},{"id":"an1.115:1","sourceIds":["an1.115:1.0","an1.115:1.1","an1.115:1.2","an1.115:1.3"],"kind":"text","text":{"pi":"115\n“Nāhaṁ, bhikkhave, aññaṁ ekadhammampi samanupassāmi yo evaṁ saddhammassa ṭhitiyā asammosāya anantaradhānāya saṁvattati yathayidaṁ, bhikkhave, appamādo.\nAppamādo, bhikkhave, saddhammassa ṭhitiyā asammosāya anantaradhānāya saṁvattatī”ti.\nAṭṭhārasamaṁ.","en":"115\n“Mendicants, I do not see a single thing that leads to the continuation, persistence, and enduring of the true teaching like diligence.\nDiligence leads to the continuation, persistence, and enduring of the true teaching.”"}},{"id":"an1.116:1","sourceIds":["an1.116:1.0","an1.116:1.1","an1.116:1.2","an1.116:1.3"],"kind":"text","text":{"pi":"116\n“Nāhaṁ, bhikkhave, aññaṁ ekadhammampi samanupassāmi yo evaṁ saddhammassa sammosāya antaradhānāya saṁvattati yathayidaṁ, bhikkhave, kosajjaṁ.\nKosajjaṁ, bhikkhave, saddhammassa sammosāya antaradhānāya saṁvattatī”ti.\nEkūnavīsatimaṁ.","en":"116\n“Mendicants, I do not see a single thing that leads to the decline and disappearance of the true teaching like laziness.\nLaziness leads to the decline and disappearance of the true teaching.”"}},{"id":"an1.117:1","sourceIds":["an1.117:1.0","an1.117:1.1","an1.117:1.2","an1.117:1.3"],"kind":"text","text":{"pi":"117\n“Nāhaṁ, bhikkhave, aññaṁ ekadhammampi samanupassāmi yo evaṁ saddhammassa ṭhitiyā asammosāya anantaradhānāya saṁvattati yathayidaṁ, bhikkhave, vīriyārambho.\nVīriyārambho, bhikkhave, saddhammassa ṭhitiyā asammosāya anantaradhānāya saṁvattatī”ti.\nVīsatimaṁ.","en":"117\n“Mendicants, I do not see a single thing that leads to the continuation, persistence, and enduring of the true teaching like arousing energy.\nArousing energy leads to the continuation, persistence, and enduring of the true teaching.”"}},{"id":"an1.118-128:1","sourceIds":["an1.118-128:1.0","an1.118-128:1.1","an1.118-128:1.2","an1.118-128:1.3"],"kind":"text","text":{"pi":"118–128\n“Nāhaṁ, bhikkhave, aññaṁ ekadhammampi samanupassāmi yo evaṁ saddhammassa sammosāya antaradhānāya saṁvattati yathayidaṁ, bhikkhave, mahicchatā …pe… appicchatā … asantuṭṭhitā … santuṭṭhitā … ayonisomanasikāro … yonisomanasikāro … asampajaññaṁ … sampajaññaṁ … pāpamittatā … kalyāṇamittatā … anuyogo akusalānaṁ dhammānaṁ, ananuyogo kusalānaṁ dhammānaṁ.\nAnuyogo, bhikkhave, akusalānaṁ dhammānaṁ, ananuyogo kusalānaṁ dhammānaṁ saddhammassa sammosāya antaradhānāya saṁvattatī”ti.\nEkattiṁsatimaṁ.","en":"118–128\n“Mendicants, I do not see a single thing that leads to the decline and disappearance of the true teaching like having many wishes … having few wishes … lack of contentment … contentment … irrational application of mind … rational application of mind … lack of situational awareness … situational awareness … bad friends … good friends … pursuing bad habits and not good habits.\nPursuing bad habits and not good habits leads to the decline and disappearance of the true teaching.”"}},{"id":"an1.129:1","sourceIds":["an1.129:1.0","an1.129:1.1","an1.129:1.2","an1.129:1.3","an1.129:1.4"],"kind":"text","text":{"pi":"129\n“Nāhaṁ, bhikkhave, aññaṁ ekadhammampi samanupassāmi yo evaṁ saddhammassa ṭhitiyā asammosāya anantaradhānāya saṁvattati yathayidaṁ, bhikkhave, anuyogo kusalānaṁ dhammānaṁ, ananuyogo akusalānaṁ dhammānaṁ.\nAnuyogo, bhikkhave, kusalānaṁ dhammānaṁ, ananuyogo akusalānaṁ dhammānaṁ saddhammassa ṭhitiyā asammosāya anantaradhānāya saṁvattatī”ti.\nBāttiṁsatimaṁ.\nCatukkoṭikaṁ niṭṭhitaṁ.","en":"129\n“Mendicants, I do not see a single thing that leads to the continuation, persistence, and enduring of the true teaching like pursuing good habits and not bad habits.\nPursuing good habits and not bad habits leads to the continuation, persistence, and enduring of the true teaching”"}},{"id":"an1.130:1","sourceIds":["an1.130:1.0","an1.130:1.1","an1.130:1.2","an1.130:1.3"],"kind":"text","text":{"pi":"130\n“Ye te, bhikkhave, bhikkhū adhammaṁ dhammoti dīpenti te, bhikkhave, bhikkhū bahujanaahitāya paṭipannā bahujanaasukhāya, bahuno janassa anatthāya ahitāya dukkhāya devamanussānaṁ.\nBahuñca te, bhikkhave, bhikkhū apuññaṁ pasavanti, te cimaṁ saddhammaṁ antaradhāpentī”ti.\nTettiṁsatimaṁ.","en":"130\n“Mendicants, those mendicants who explain what is not the teaching as the teaching are acting for the detriment and unhappiness of the people, against the people, for the harm, detriment, and suffering of gods and humans.\nThey brim with much wickedness and make the true teaching disappear.”"}},{"id":"an1.131:1","sourceIds":["an1.131:1.0","an1.131:1.1","an1.131:1.2","an1.131:1.3"],"kind":"text","text":{"pi":"131\n“Ye te, bhikkhave, bhikkhū dhammaṁ adhammoti dīpenti te, bhikkhave, bhikkhū bahujanaahitāya paṭipannā bahujanaasukhāya, bahuno janassa anatthāya ahitāya dukkhāya devamanussānaṁ.\nBahuñca te, bhikkhave, bhikkhū apuññaṁ pasavanti, te cimaṁ saddhammaṁ antaradhāpentī”ti.\nCatuttiṁsatimaṁ.","en":"131\n“Mendicants, those mendicants who explain what is the teaching as not the teaching are acting for the detriment and unhappiness of the people, against the people, for the harm, detriment, and suffering of gods and humans.\nThey brim with much wickedness and make the true teaching disappear.”"}},{"id":"an1.132-139:1","sourceIds":["an1.132-139:1.0","an1.132-139:1.1","an1.132-139:1.2","an1.132-139:1.3","an1.132-139:1.4","an1.132-139:1.5"],"kind":"text","text":{"pi":"132–139\n“Ye te, bhikkhave, bhikkhū avinayaṁ vinayoti dīpenti …pe… vinayaṁ avinayoti dīpenti …pe… abhāsitaṁ alapitaṁ tathāgatena bhāsitaṁ lapitaṁ tathāgatenāti dīpenti …pe… bhāsitaṁ lapitaṁ tathāgatena abhāsitaṁ alapitaṁ tathāgatenāti dīpenti …pe… anāciṇṇaṁ tathāgatena āciṇṇaṁ tathāgatenāti dīpenti …pe… āciṇṇaṁ tathāgatena anāciṇṇaṁ tathāgatenāti dīpenti …pe… apaññattaṁ tathāgatena paññattaṁ tathāgatenāti dīpenti …pe… paññattaṁ tathāgatena apaññattaṁ tathāgatenāti dīpenti;\nte, bhikkhave, bhikkhū bahujanaahitāya paṭipannā bahujanaasukhāya, bahuno janassa anatthāya ahitāya dukkhāya devamanussānaṁ.\nBahuñca te, bhikkhave, bhikkhū apuññaṁ pasavanti, te cimaṁ saddhammaṁ antaradhāpentī”ti.\nDvācattālīsatimaṁ.\nDutiyapamādādivaggo dasamo.","en":"132–139\n“Those mendicants who explain what is not found in the monastic law as found in the monastic law … what is found in the monastic law as not found in the monastic law … what was not spoken and stated by the Realized One as spoken and stated by the Realized One … what was spoken and stated by the Realized One as not spoken and stated by the Realized One … what was not practiced by the Realized One as practiced by the Realized One … what was practiced by the Realized One as not practiced by the Realized One … what was not prescribed by the Realized One as prescribed by the Realized One … what was prescribed by the Realized One as not prescribed by the Realized One\nare acting for the detriment and unhappiness of the people, against the people, for the harm, detriment, and suffering of gods and humans.\nThey brim with much wickedness and make the true teaching disappear.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.98-139/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}