{"id":"an10.1","title":"What’s the Goal?","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.1","title":"What’s the Goal?","units":[{"id":"an10.1:0","sourceIds":["an10.1:0.1","an10.1:0.2","an10.1:0.3"],"kind":"text","text":{"pi":"Aṅguttara Nikāya 10.1\n1. Ānisaṁsavagga\nKimatthiyasutta","en":"Numbered Discourses 10.1\n1. Benefits\nWhat’s the Goal?"}},{"id":"an10.1:1","sourceIds":["an10.1:1.1","an10.1:1.2","an10.1:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen Venerable Ānanda went up to the Buddha, bowed, sat down to one side, and said to him:"}},{"id":"an10.1:2","sourceIds":["an10.1:2.1","an10.1:2.2"],"kind":"text","text":{"pi":"“Kimatthiyāni, bhante, kusalāni sīlāni kimānisaṁsānī”ti?\n“Avippaṭisāratthāni kho, ānanda, kusalāni sīlāni avippaṭisārānisaṁsānī”ti.","en":"“Sir, what is the goal and benefit of skillful ethics?”\n“Ānanda, having no regrets is the goal and benefit of skillful ethics.”"}},{"id":"an10.1:3","sourceIds":["an10.1:3.1","an10.1:3.2"],"kind":"text","text":{"pi":"“Avippaṭisāro pana, bhante, kimatthiyo kimānisaṁso”ti?\n“Avippaṭisāro kho, ānanda, pāmojjattho pāmojjānisaṁso”ti.","en":"“But what is the goal and benefit of having no regrets?”\n“Joy is the goal and benefit of having no regrets.”"}},{"id":"an10.1:4","sourceIds":["an10.1:4.1","an10.1:4.2"],"kind":"text","text":{"pi":"“Pāmojjaṁ pana, bhante, kimatthiyaṁ kimānisaṁsan”ti?\n“Pāmojjaṁ kho, ānanda, pītatthaṁ pītānisaṁsan”ti.","en":"“But what is the goal and benefit of joy?”\n“Rapture …”"}},{"id":"an10.1:5","sourceIds":["an10.1:5.1","an10.1:5.2"],"kind":"text","text":{"pi":"“Pīti pana, bhante, kimatthiyā kimānisaṁsā”ti?\n“Pīti kho, ānanda, passaddhatthā passaddhānisaṁsā”ti.","en":"“But what is the goal and benefit of rapture?”\n“Tranquility …”"}},{"id":"an10.1:6","sourceIds":["an10.1:6.1","an10.1:6.2"],"kind":"text","text":{"pi":"“Passaddhi pana, bhante, kimatthiyā kimānisaṁsā”ti?\n“Passaddhi kho, ānanda, sukhatthā sukhānisaṁsā”ti.","en":"“But what is the goal and benefit of tranquility?”\n“Bliss …”"}},{"id":"an10.1:7","sourceIds":["an10.1:7.1","an10.1:7.2"],"kind":"text","text":{"pi":"“Sukhaṁ pana, bhante, kimatthiyaṁ kimānisaṁsan”ti?\n“Sukhaṁ kho, ānanda, samādhatthaṁ samādhānisaṁsan”ti.","en":"“But what is the goal and benefit of bliss?”\n“Immersion …”"}},{"id":"an10.1:8","sourceIds":["an10.1:8.1","an10.1:8.2"],"kind":"text","text":{"pi":"“Samādhi pana, bhante, kimatthiyo kimānisaṁso”ti?\n“Samādhi kho, ānanda, yathābhūtañāṇadassanattho yathābhūtañāṇadassanānisaṁso”ti.","en":"“But what is the goal and benefit of immersion?”\n“Truly knowing and seeing …”"}},{"id":"an10.1:9","sourceIds":["an10.1:9.1","an10.1:9.2"],"kind":"text","text":{"pi":"“Yathābhūtañāṇadassanaṁ pana, bhante, kimatthiyaṁ kimānisaṁsan”ti?\n“Yathābhūtañāṇadassanaṁ kho, ānanda, nibbidāvirāgatthaṁ nibbidāvirāgānisaṁsan”ti.","en":"“But what is the goal and benefit of truly knowing and seeing?”\n“Disillusionment and dispassion …”"}},{"id":"an10.1:10","sourceIds":["an10.1:10.1","an10.1:10.2"],"kind":"text","text":{"pi":"“Nibbidāvirāgo pana, bhante, kimatthiyo kimānisaṁso”ti?\n“Nibbidāvirāgo kho, ānanda, vimuttiñāṇadassanattho vimuttiñāṇadassanānisaṁso.","en":"“But what is the goal and benefit of disillusionment and dispassion?”\n“Knowledge and vision of freedom is the goal and benefit of disillusionment and dispassion."}},{"id":"an10.1:11","sourceIds":["an10.1:11.1","an10.1:11.2","an10.1:11.3","an10.1:11.4","an10.1:11.5","an10.1:11.6","an10.1:11.7","an10.1:11.8","an10.1:11.9","an10.1:11.10","an10.1:11.11"],"kind":"text","text":{"pi":"Iti kho, ānanda, kusalāni sīlāni avippaṭisāratthāni avippaṭisārānisaṁsāni;\navippaṭisāro pāmojjattho pāmojjānisaṁso;\npāmojjaṁ pītatthaṁ pītānisaṁsaṁ;\npīti passaddhatthā passaddhānisaṁsā;\npassaddhi sukhatthā sukhānisaṁsā;\nsukhaṁ samādhatthaṁ samādhānisaṁsaṁ;\nsamādhi yathābhūtañāṇadassanattho yathābhūtañāṇadassanānisaṁso;\nyathābhūtañāṇadassanaṁ nibbidāvirāgatthaṁ nibbidāvirāgānisaṁsaṁ;\nnibbidāvirāgo vimuttiñāṇadassanattho vimuttiñāṇadassanānisaṁso.\nIti kho, ānanda, kusalāni sīlāni anupubbena aggāya parentī”ti.\nPaṭhamaṁ.","en":"So, Ānanda, the goal and benefit of skillful ethics is not having regrets.\nJoy is the goal and benefit of not having regrets.\nRapture is the goal and benefit of joy.\nTranquility is the goal and benefit of rapture.\nBliss is the goal and benefit of tranquility.\nImmersion is the goal and benefit of bliss.\nTruly knowing and seeing is the goal and benefit of immersion.\nDisillusionment and dispassion is the goal and benefit of truly knowing and seeing.\nKnowledge and vision of freedom is the goal and benefit of disillusionment and dispassion.\nSo, Ānanda, skillful ethics progressively lead up to the highest.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}