{"id":"an10.10","title":"Inspiring All Around: the Three Knowledges","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.10","title":"Inspiring All Around: the Three Knowledges","units":[{"id":"an10.10:0","sourceIds":["an10.10:0.1","an10.10:0.2","an10.10:0.3"],"kind":"text","text":{"pi":"Aṅguttara Nikāya 10.10\n1. Ānisaṁsavagga\nVijjāsutta","en":"Numbered Discourses 10.10\n1. Benefits\nInspiring All Around: the Three Knowledges"}},{"id":"an10.10:1","sourceIds":["an10.10:1.1","an10.10:1.2","an10.10:1.3","an10.10:1.4","an10.10:1.5"],"kind":"text","text":{"pi":"“Saddho ca, bhikkhave, bhikkhu hoti, no ca sīlavā.\nEvaṁ so tenaṅgena aparipūro hoti.\nTena taṁ aṅgaṁ paripūretabbaṁ:\n‘kintāhaṁ saddho ca assaṁ sīlavā cā’ti.\nYato ca kho, bhikkhave, bhikkhu saddho ca hoti, sīlavā ca, evaṁ so tenaṅgena paripūro hoti.","en":"“A mendicant is faithful, but not ethical.\nSo they’re incomplete in that respect,\nand should fulfill it, thinking:\n‘How can I become faithful and ethical?’\nWhen the mendicant is faithful and ethical, they’re complete in that respect."}},{"id":"an10.10:2","sourceIds":["an10.10:2.1","an10.10:2.2","an10.10:2.3","an10.10:2.4","an10.10:2.5","an10.10:2.6","an10.10:2.7","an10.10:2.8","an10.10:2.9","an10.10:2.10","an10.10:2.11"],"kind":"text","text":{"pi":"Saddho ca, bhikkhave, bhikkhu hoti sīlavā ca, no ca bahussuto bahussuto ca,\nno ca dhammakathiko …pe…\ndhammakathiko ca, no ca parisāvacaro parisāvacaro ca,\nno ca visārado parisāya dhammaṁ deseti visārado ca parisāya dhammaṁ deseti,\nno ca vinayadharo vinayadharo ca,\nno ca anekavihitaṁ pubbenivāsaṁ anussarati, seyyathidaṁ—ekampi jātiṁ dvepi jātiyo …pe… iti sākāraṁ sauddesaṁ anekavihitaṁ pubbenivāsaṁ anussarati. Anekavihitañca …pe… pubbenivāsaṁ anussarati,\nno ca dibbena cakkhunā visuddhena atikkantamānusakena …pe… yathākammūpage satte pajānāti dibbena ca cakkhunā visuddhena atikkantamānusakena …pe…\nyathākammūpage satte pajānāti, no ca āsavānaṁ khayā …pe… sacchikatvā upasampajja viharati.\nEvaṁ so tenaṅgena aparipūro hoti.\nTena taṁ aṅgaṁ paripūretabbaṁ:\n‘kintāhaṁ saddho ca assaṁ, sīlavā ca, bahussuto ca, dhammakathiko ca, parisāvacaro ca, visārado ca parisāya dhammaṁ deseyyaṁ, vinayadharo ca, anekavihitañca pubbenivāsaṁ anussareyyaṁ, seyyathidaṁ—ekampi jātiṁ dvepi jātiyo …pe… iti sākāraṁ sauddesaṁ anekavihitaṁ pubbenivāsaṁ anussareyyaṁ, dibbena ca cakkhunā visuddhena atikkantamānusakena …pe… yathākammūpage satte pajāneyyaṁ, āsavānañca khayā …pe… sacchikatvā upasampajja vihareyyan’ti.","en":"A mendicant is faithful and ethical, but not learned …\nthey’re not a Dhamma speaker …\nthey don’t frequent assemblies …\nthey don’t teach Dhamma to the assembly with assurance …\nthey’re not an expert in the monastic law …\nthey don’t recollect their many kinds of past lives …\nthey don’t, with clairvoyance that is purified and superhuman, see sentient beings passing away and being reborn …\nthey don’t realize the undefiled freedom of heart and freedom by wisdom, and live having realized it with their own insight in this very life due to the ending of defilements.\nSo they’re incomplete in that respect,\nand should fulfill it, thinking:\n‘How can I become faithful, ethical, and learned, a Dhamma speaker, one who frequents assemblies, one who teaches Dhamma to the assembly with assurance, an expert in the training, one who recollects their many kinds of past lives, one who with clairvoyance that surpasses the human sees sentient beings passing away and being reborn, and one who lives having realized the ending of defilements?’"}},{"id":"an10.10:3","sourceIds":["an10.10:3.1","an10.10:3.2","an10.10:3.3","an10.10:3.4","an10.10:3.5"],"kind":"text","text":{"pi":"Yato ca kho, bhikkhave, bhikkhu saddho ca hoti, sīlavā ca, bahussuto ca, dhammakathiko ca, parisāvacaro ca, visārado ca parisāya dhammaṁ deseti, vinayadharo ca, anekavihitañca pubbenivāsaṁ anussarati, seyyathidaṁ—ekampi jātiṁ dvepi jātiyo …pe… iti sākāraṁ sauddesaṁ anekavihitaṁ pubbenivāsaṁ anussarati, dibbena ca cakkhunā visuddhena atikkantamānusakena …pe… yathākammūpage satte pajānāti, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nEvaṁ so tenaṅgena paripūro hoti.\nImehi kho, bhikkhave, dasahi dhammehi samannāgato bhikkhu samantapāsādiko ca hoti sabbākāraparipūro cā”ti.\nDasamaṁ.\nĀnisaṁsavaggo paṭhamo.","en":"When they are faithful, ethical, and learned, a Dhamma speaker, one who frequents assemblies, one who teaches Dhamma to the assembly with assurance, an expert in the training, one who recollects their many kinds of past lives, one who with clairvoyance that surpasses the human sees sentient beings passing away and being reborn, and one who lives having realized the ending of defilements,\nthey’re complete in that respect.\nA mendicant who possesses these ten qualities is impressive all around, and is complete in every respect.”"}},{"id":"an10.10:4","sourceIds":["an10.10:4.0","an10.10:4.1","an10.10:4.2","an10.10:4.3","an10.10:4.4"],"kind":"text","text":{"pi":"Tassuddānaṁ\nKimatthiyaṁ cetanā ca,\ntayo upanisāpi ca;\nSamādhi sāriputto ca,\njhānaṁ santena vijjayāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}