{"id":"an10.104","title":"A Seed","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.104","title":"A Seed","units":[{"id":"an10.104:0","sourceIds":["an10.104:0.1","an10.104:0.2","an10.104:0.3"],"kind":"text","text":{"pi":"Aṅguttara Nikāya 10.104\n11. Samaṇasaññāvagga\nBījasutta","en":"Numbered Discourses 10.104\n11. Perceptions for Ascetics\nA Seed"}},{"id":"an10.104:1","sourceIds":["an10.104:1.1","an10.104:1.2","an10.104:1.3","an10.104:1.4"],"kind":"text","text":{"pi":"“Micchādiṭṭhikassa, bhikkhave, purisapuggalassa micchāsaṅkappassa micchāvācassa micchākammantassa micchāājīvassa micchāvāyāmassa micchāsatissa micchāsamādhissa micchāñāṇissa micchāvimuttissa\nyañca kāyakammaṁ yathādiṭṭhi samattaṁ samādinnaṁ yañca vacīkammaṁ yañca manokammaṁ yathādiṭṭhi samattaṁ samādinnaṁ yā ca cetanā yā ca patthanā yo ca paṇidhi ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṁvattanti.\nTaṁ kissa hetu?\nDiṭṭhi hissa, bhikkhave, pāpikā.","en":"“Mendicants, consider an individual who has wrong view, purpose, speech, action, livelihood, effort, mindfulness, immersion, knowledge, and freedom.\nWhatever bodily, verbal, or mental deeds they undertake in line with that view, their intentions, aims, wishes, and choices all lead to what is unlikable, undesirable, disagreeable, harmful, and suffering.\nWhy is that?\nBecause their view is bad."}},{"id":"an10.104:2","sourceIds":["an10.104:2.1","an10.104:2.2","an10.104:2.3","an10.104:2.4","an10.104:2.5","an10.104:2.6","an10.104:2.7"],"kind":"text","text":{"pi":"Seyyathāpi, bhikkhave, nimbabījaṁ vā kosātakibījaṁ vā tittakālābubījaṁ vā allāya pathaviyā nikkhittaṁ yañceva pathavirasaṁ upādiyati yañca āporasaṁ upādiyati, sabbaṁ taṁ tittakattāya kaṭukattāya asātattāya saṁvattati.\nTaṁ kissa hetu?\nBījañhi, bhikkhave, pāpakaṁ.\nEvamevaṁ kho, bhikkhave, micchādiṭṭhikassa purisapuggalassa micchāsaṅkappassa micchāvācassa micchākammantassa micchāājīvassa micchāvāyāmassa micchāsatissa micchāsamādhissa micchāñāṇissa micchāvimuttissa yañceva kāyakammaṁ yathādiṭṭhi samattaṁ samādinnaṁ yañca vacīkammaṁ …\nyañca manokammaṁ yathādiṭṭhi samattaṁ samādinnaṁ yā ca cetanā yā ca patthanā yo ca paṇidhi ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṁvattanti.\nTaṁ kissa hetu?\nDiṭṭhi hissa, bhikkhave, pāpikā.","en":"Suppose a seed of neem, angled gourd, or bitter gourd was planted in moist earth. Whatever nutrients it takes up from the earth and water would lead to its bitter, acerbic, and unpleasant taste.\nWhy is that?\nBecause the seed is bad.\nIn the same way, consider an individual who has wrong view, purpose, speech, action, livelihood, effort, mindfulness, immersion, knowledge, and freedom.\nWhatever bodily, verbal, or mental deeds they undertake in line with that view, their intentions, aims, wishes, and choices all lead to what is unlikable, undesirable, disagreeable, harmful, and suffering.\nWhy is that?\nBecause their view is bad."}},{"id":"an10.104:3","sourceIds":["an10.104:3.1","an10.104:3.2","an10.104:3.3"],"kind":"text","text":{"pi":"Sammādiṭṭhikassa, bhikkhave, purisapuggalassa sammāsaṅkappassa sammāvācassa sammākammantassa sammāājīvassa sammāvāyāmassa sammāsatissa sammāsamādhissa sammāñāṇissa sammāvimuttissa yañceva kāyakammaṁ yathādiṭṭhi samattaṁ samādinnaṁ yañca vacīkammaṁ yathādiṭṭhi samattaṁ samādinnaṁ yañca manokammaṁ yathādiṭṭhi samattaṁ samādinnaṁ yā ca cetanā yā ca patthanā yo ca paṇidhi ye ca saṅkhārā, sabbe te dhammā iṭṭhāya kantāya manāpāya hitāya sukhāya saṁvattanti.\nTaṁ kissa hetu?\nDiṭṭhi hissa, bhikkhave, bhaddikā.","en":"Consider an individual who has right view, purpose, speech, action, livelihood, effort, mindfulness, immersion, knowledge, and freedom. Whatever bodily, verbal, or mental deeds they undertake in line with that view, their intentions, aims, wishes, and choices all lead to what is likable, desirable, agreeable, beneficial, and pleasant.\nWhy is that?\nBecause their view is good."}},{"id":"an10.104:4","sourceIds":["an10.104:4.1","an10.104:4.2","an10.104:4.3","an10.104:4.4","an10.104:4.5","an10.104:4.6","an10.104:4.7","an10.104:4.8"],"kind":"text","text":{"pi":"Seyyathāpi, bhikkhave, ucchubījaṁ vā sālibījaṁ vā muddikābījaṁ vā allāya pathaviyā nikkhittaṁ yañca pathavirasaṁ upādiyati yañca āporasaṁ upādiyati sabbaṁ taṁ sātattāya madhurattāya asecanakattāya saṁvattati.\nTaṁ kissa hetu?\nBījañhi, bhikkhave, bhaddakaṁ.\nEvamevaṁ kho, bhikkhave, sammādiṭṭhikassa …pe… sammāvimuttissa yañceva kāyakammaṁ yathādiṭṭhi samattaṁ samādinnaṁ yañca vacīkammaṁ …\nyañca manokammaṁ yathādiṭṭhi samattaṁ samādinnaṁ yā ca cetanā yā ca patthanā yo ca paṇidhi ye ca saṅkhārā, sabbe te dhammā iṭṭhāya kantāya manāpāya hitāya sukhāya saṁvattanti.\nTaṁ kissa hetu?\nDiṭṭhi hissa, bhikkhave, bhaddikā”ti.\nCatutthaṁ.","en":"Suppose a seed of sugarcane, fine rice, or grape was planted in moist earth. Whatever nutrients it takes up from the earth and water would lead to its sweet, pleasant, delectable flavor.\nWhy is that?\nBecause the seed is good.\nIn the same way, consider an individual who has right view, purpose, speech, action, livelihood, effort, mindfulness, immersion, knowledge, and freedom.\nWhatever bodily, verbal, or mental deeds they undertake in line with that view, their intentions, aims, wishes, and choices all lead to what is likable, desirable, agreeable, beneficial, and pleasant.\nWhy is that?\nBecause their view is good.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.104/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}