{"id":"an10.108","title":"Doctors","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.108","title":"Doctors","units":[{"id":"an10.108:0","sourceIds":["an10.108:0.1","an10.108:0.2","an10.108:0.3"],"kind":"text","text":{"pi":"Aṅguttara Nikāya 10.108\n11. Samaṇasaññāvagga\nTikicchakasutta","en":"Numbered Discourses 10.108\n11. Perceptions for Ascetics\nDoctors"}},{"id":"an10.108:1","sourceIds":["an10.108:1.1","an10.108:1.2","an10.108:1.3"],"kind":"text","text":{"pi":"“Tikicchakā, bhikkhave, virecanaṁ denti pittasamuṭṭhānānampi ābādhānaṁ paṭighātāya, semhasamuṭṭhānānampi ābādhānaṁ paṭighātāya, vātasamuṭṭhānānampi ābādhānaṁ paṭighātāya.\nAtthetaṁ, bhikkhave, virecanaṁ; ‘netaṁ natthī’ti vadāmi.\nTañca kho etaṁ, bhikkhave, virecanaṁ sampajjatipi vipajjatipi.","en":"“Mendicants, doctors prescribe a purgative for eliminating illnesses stemming from disorders of bile, phlegm, and wind.\nThere is such a purgative, I don’t deny it.\nBut this kind of purgative sometimes works and sometimes fails."}},{"id":"an10.108:2","sourceIds":["an10.108:2.1","an10.108:2.2","an10.108:2.3","an10.108:2.4"],"kind":"text","text":{"pi":"Ahañca kho, bhikkhave, ariyaṁ virecanaṁ desessāmi, yaṁ virecanaṁ sampajjatiyeva no vipajjati, yaṁ virecanaṁ āgamma jātidhammā sattā jātiyā parimuccanti, jarādhammā sattā jarāya parimuccanti, maraṇadhammā sattā maraṇena parimuccanti, sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"I will teach a noble purgative that works without fail. Relying on that purgative, sentient beings who are liable to rebirth, old age, and death, to sorrow, lamentation, pain, sadness, and distress are freed from all these things.\nListen and apply your mind well, I will speak.”\n“Yes, sir,” they replied.\nThe Buddha said this:"}},{"id":"an10.108:3","sourceIds":["an10.108:3.1"],"kind":"text","text":{"pi":"“Katamañca taṁ, bhikkhave, ariyaṁ virecanaṁ, yaṁ virecanaṁ sampajjatiyeva no vipajjati, yaṁ virecanaṁ āgamma jātidhammā sattā jātiyā parimuccanti, jarādhammā sattā jarāya parimuccanti, maraṇadhammā sattā maraṇena parimuccanti, sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti?","en":"“And what is the noble purgative that works without fail?"}},{"id":"an10.108:4","sourceIds":["an10.108:4.1","an10.108:4.2","an10.108:4.3"],"kind":"text","text":{"pi":"Sammādiṭṭhikassa, bhikkhave, micchādiṭṭhi virittā hoti;\nye ca micchādiṭṭhipaccayā aneke pāpakā akusalā dhammā sambhavanti te cassa virittā honti;\nsammādiṭṭhipaccayā ca aneke kusalā dhammā bhāvanāpāripūriṁ gacchanti.","en":"For one of right view, wrong view is purged.\nAnd the many bad, unskillful qualities produced by wrong view are purged.\nAnd because of right view, many skillful qualities are fully developed."}},{"id":"an10.108:5","sourceIds":["an10.108:5.1","an10.108:5.2","an10.108:5.3","an10.108:5.4","an10.108:5.5","an10.108:5.6","an10.108:5.7","an10.108:5.8"],"kind":"text","text":{"pi":"Sammāsaṅkappassa, bhikkhave, micchāsaṅkappo viritto hoti …pe…\nsammāvācassa, bhikkhave, micchāvācā virittā hoti …\nsammākammantassa, bhikkhave, micchākammanto viritto hoti …\nsammāājīvassa, bhikkhave, micchāājīvo viritto hoti …\nsammāvāyāmassa, bhikkhave, micchāvāyāmo viritto hoti …\nsammāsatissa, bhikkhave, micchāsati virittā hoti …\nsammāsamādhissa, bhikkhave, micchāsamādhi viritto hoti …\nsammāñāṇissa, bhikkhave, micchāñāṇaṁ virittaṁ hoti …pe….","en":"For one of right purpose, wrong purpose is purged. …\nFor one of right speech, wrong speech is purged. …\nFor one of right action, wrong action is purged. …\nFor one of right livelihood, wrong livelihood is purged. …\nFor one of right effort, wrong effort is purged. …\nFor one of right mindfulness, wrong mindfulness is purged. …\nFor one of right immersion, wrong immersion is purged. …\nFor one of right knowledge, wrong knowledge is purged. …"}},{"id":"an10.108:6","sourceIds":["an10.108:6.1","an10.108:6.2","an10.108:6.3","an10.108:6.4","an10.108:6.5"],"kind":"text","text":{"pi":"Sammāvimuttissa, bhikkhave, micchāvimutti virittā hoti;\nye ca micchāvimuttipaccayā aneke pāpakā akusalā dhammā sambhavanti te cassa virittā honti;\nsammāvimuttipaccayā ca aneke kusalā dhammā bhāvanāpāripūriṁ gacchanti.\nIdaṁ kho taṁ, bhikkhave, ariyaṁ virecanaṁ yaṁ virecanaṁ sampajjatiyeva no vipajjati, yaṁ virecanaṁ āgamma jātidhammā sattā jātiyā parimuccanti …pe… sokaparidevadukkhadomanassupāyāsehi parimuccantī”ti.\nAṭṭhamaṁ.","en":"For one of right freedom, wrong freedom is purged.\nAnd the many bad, unskillful qualities produced by wrong freedom are purged.\nAnd because of right freedom, many skillful qualities are fully developed.\nThis is the noble purgative that works without fail. Relying on this purgative, sentient beings who are liable to rebirth, old age, and death, to sorrow, lamentation, pain, sadness, and distress are freed from all these things.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.108/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}