{"id":"an10.109","title":"Emetic","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.109","title":"Emetic","units":[{"id":"an10.109:0","sourceIds":["an10.109:0.1","an10.109:0.2","an10.109:0.3"],"kind":"text","text":{"pi":"Aṅguttara Nikāya 10.109\n11. Samaṇasaññāvagga\nVamanasutta","en":"Numbered Discourses 10.109\n11. Perceptions for Ascetics\nEmetic"}},{"id":"an10.109:1","sourceIds":["an10.109:1.1","an10.109:1.2","an10.109:1.3"],"kind":"text","text":{"pi":"“Tikicchakā, bhikkhave, vamanaṁ denti pittasamuṭṭhānānampi ābādhānaṁ paṭighātāya, semhasamuṭṭhānānampi ābādhānaṁ paṭighātāya, vātasamuṭṭhānānampi ābādhānaṁ paṭighātāya.\nAtthetaṁ, bhikkhave, vamanaṁ; ‘netaṁ natthī’ti vadāmi.\nTañca kho etaṁ, bhikkhave, vamanaṁ sampajjatipi vipajjatipi.","en":"“Mendicants, doctors prescribe an emetic for eliminating illnesses stemming from disorders of bile, phlegm, and wind.\nThere is such an emetic, I don’t deny it.\nBut this kind of emetic sometimes works and sometimes fails."}},{"id":"an10.109:2","sourceIds":["an10.109:2.1","an10.109:2.2"],"kind":"text","text":{"pi":"Ahañca kho, bhikkhave, ariyaṁ vamanaṁ desessāmi, yaṁ vamanaṁ sampajjatiyeva no vipajjati, yaṁ vamanaṁ āgamma jātidhammā sattā jātiyā parimuccanti, jarādhammā sattā jarāya parimuccanti, maraṇadhammā sattā maraṇena parimuccanti, sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti.\nTaṁ suṇātha …pe….","en":"I will teach a noble emetic that works without fail. Relying on that emetic, sentient beings who are liable to rebirth, old age, and death, to sorrow, lamentation, pain, sadness, and distress are freed from all these things.\nListen and apply your mind well, I will speak. …"}},{"id":"an10.109:3","sourceIds":["an10.109:3.1"],"kind":"text","text":{"pi":"Katamañca taṁ, bhikkhave, ariyaṁ vamanaṁ, yaṁ vamanaṁ sampajjatiyeva no vipajjati, yaṁ vamanaṁ āgamma jātidhammā sattā jātiyā parimuccanti …pe… sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti?","en":"And what is that noble emetic that works without fail?"}},{"id":"an10.109:4","sourceIds":["an10.109:4.1","an10.109:4.2","an10.109:4.3"],"kind":"text","text":{"pi":"Sammādiṭṭhikassa, bhikkhave, micchādiṭṭhi vantā hoti;\nye ca micchādiṭṭhipaccayā aneke pāpakā akusalā dhammā sambhavanti te cassa vantā honti;\nsammādiṭṭhipaccayā ca aneke kusalā dhammā bhāvanāpāripūriṁ gacchanti.","en":"For one of right view, wrong view is vomited up.\nAnd the many bad, unskillful qualities produced by wrong view are vomited up.\nAnd because of right view, many skillful qualities are fully developed."}},{"id":"an10.109:5","sourceIds":["an10.109:5.1","an10.109:5.2","an10.109:5.3","an10.109:5.4","an10.109:5.5","an10.109:5.6","an10.109:5.7","an10.109:5.8"],"kind":"text","text":{"pi":"Sammāsaṅkappassa, bhikkhave, micchāsaṅkappo vanto hoti …pe…\nsammāvācassa, bhikkhave, micchāvācā vantā hoti …\nsammākammantassa, bhikkhave, micchākammanto vanto hoti …\nsammāājīvassa, bhikkhave, micchāājīvo vanto hoti …\nsammāvāyāmassa, bhikkhave, micchāvāyāmo vanto hoti …\nsammāsatissa, bhikkhave, micchāsati vantā hoti …\nsammāsamādhissa, bhikkhave, micchāsamādhi vanto hoti …\nsammāñāṇissa, bhikkhave, micchāñāṇaṁ vantaṁ hoti …pe….","en":"For one of right purpose, wrong purpose is vomited up. …\nFor one of right speech, wrong speech is vomited up. …\nFor one of right action, wrong action is vomited up. …\nFor one of right livelihood, wrong livelihood is vomited up. …\nFor one of right effort, wrong effort is vomited up. …\nFor one of right mindfulness, wrong mindfulness is vomited up. …\nFor one of right immersion, wrong immersion is vomited up. …\nFor one of right knowledge, wrong knowledge is vomited up. …"}},{"id":"an10.109:6","sourceIds":["an10.109:6.1","an10.109:6.2","an10.109:6.3","an10.109:6.4","an10.109:6.5"],"kind":"text","text":{"pi":"Sammāvimuttissa, bhikkhave, micchāvimutti vantā hoti;\nye ca micchāvimuttipaccayā aneke pāpakā akusalā dhammā sambhavanti te cassa vantā honti;\nsammāvimuttipaccayā ca aneke kusalā dhammā bhāvanāpāripūriṁ gacchanti.\nIdaṁ kho taṁ, bhikkhave, ariyaṁ vamanaṁ yaṁ vamanaṁ sampajjatiyeva no vipajjati, yaṁ vamanaṁ āgamma jātidhammā sattā jātiyā parimuccanti …pe… sokaparidevadukkhadomanassupāyāsehi parimuccantī”ti.\nNavamaṁ.","en":"For one of right freedom, wrong freedom is vomited up.\nAnd the many bad, unskillful qualities produced by wrong freedom are vomited up.\nAnd because of right freedom, many skillful qualities are fully developed.\nThis is the noble emetic that works without fail. Relying on this emetic, sentient beings who are liable to rebirth, old age, and death, to sorrow, lamentation, pain, sadness, and distress are freed from all these things.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.109/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}