{"id":"an10.115","title":"Bad Principles (3rd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.115","title":"Bad Principles (3rd)","units":[{"id":"an10.115:0","sourceIds":["an10.115:0.1","an10.115:0.2","an10.115:0.3"],"kind":"text","text":{"pi":"Aṅguttara Nikāya 10.115\n12. Paccorohaṇivagga\nTatiyaadhammasutta","en":"Numbered Discourses 10.115\n12. The Ceremony of Descent\nBad Principles (3rd)"}},{"id":"an10.115:1","sourceIds":["an10.115:1.1","an10.115:1.2","an10.115:1.3","an10.115:1.4","an10.115:1.5"],"kind":"text","text":{"pi":"“Adhammo ca, bhikkhave, veditabbo dhammo ca;\nanattho ca veditabbo attho ca.\nAdhammañca viditvā dhammañca, anatthañca viditvā atthañca yathā dhammo yathā attho tathā paṭipajjitabban”ti.\nIdamavoca bhagavā.\nIdaṁ vatvāna sugato uṭṭhāyāsanā vihāraṁ pāvisi.","en":"“Mendicants, you should know bad principles and good principles.\nAnd you should know bad results and good results.\nKnowing these things, your practice should follow the good principles with good results.”\nThat is what the Buddha said.\nWhen he had spoken, the Holy One rose from his seat and entered his dwelling."}},{"id":"an10.115:2","sourceIds":["an10.115:2.1","an10.115:2.2","an10.115:2.3","an10.115:2.4","an10.115:2.5","an10.115:2.6"],"kind":"text","text":{"pi":"Atha kho tesaṁ bhikkhūnaṁ acirapakkantassa bhagavato etadahosi:\n“idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘adhammo ca, bhikkhave, veditabbo dhammo ca;\nanattho ca veditabbo attho ca.\nAdhammañca viditvā dhammañca, anatthañca viditvā atthañca yathā dhammo yathā attho tathā paṭipajjitabban’ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā”ti?","en":"Soon after the Buddha left, those mendicants considered,\n“The Buddha gave this brief summary recital, then entered his dwelling without explaining the meaning in detail.\nWho can explain in detail the meaning of this brief summary recital given by the Buddha?”"}},{"id":"an10.115:3","sourceIds":["an10.115:3.1","an10.115:3.2","an10.115:3.3","an10.115:3.4","an10.115:3.5"],"kind":"text","text":{"pi":"Atha kho tesaṁ bhikkhūnaṁ etadahosi:\n“ayaṁ kho āyasmā ānando satthu ceva saṁvaṇṇito sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā ānando tenupasaṅkameyyāma; upasaṅkamitvā āyasmantaṁ ānandaṁ etamatthaṁ paṭipuccheyyāma.\nYathā no āyasmā ānando byākarissati tathā naṁ dhāressāmā”ti.","en":"Then they considered,\n“This Venerable Ānanda is praised by the Buddha and esteemed by his sensible spiritual companions.\nHe is capable of explaining in detail the meaning of this brief summary recital given by the Buddha.\nLet’s go to him, and ask him about this matter.\nAs he answers, so we’ll remember it.”"}},{"id":"an10.115:4","sourceIds":["an10.115:4.1","an10.115:4.2"],"kind":"text","text":{"pi":"Atha kho te bhikkhū yenāyasmā ānando tenupasaṅkamiṁsu; upasaṅkamitvā āyasmatā ānandena saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnā kho te bhikkhū āyasmantaṁ ānandaṁ etadavocuṁ:","en":"Then those mendicants went to Ānanda, and exchanged greetings with him.\nWhen the greetings and polite conversation were over, they sat down to one side. They told him what had happened, and said,"}},{"id":"an10.115:5","sourceIds":["an10.115:5.1","an10.115:5.2","an10.115:5.3"],"kind":"text","text":{"pi":"“Idaṁ kho no, āvuso ānanda, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘adhammo ca …pe…\ntathā paṭipajjitabban’ti."}},{"id":"an10.115:6","sourceIds":["an10.115:6.1","an10.115:6.2","an10.115:6.3","an10.115:6.4","an10.115:6.5"],"kind":"text","text":{"pi":"Tesaṁ no, āvuso, amhākaṁ acirapakkantassa bhagavato etadahosi:\n‘idaṁ kho no, āvuso, bhagavatā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho—\nadhammo ca …pe…\ntathā paṭipajjitabbanti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti?"}},{"id":"an10.115:7","sourceIds":["an10.115:7.1","an10.115:7.2","an10.115:7.3","an10.115:7.4","an10.115:7.5","an10.115:7.6"],"kind":"text","text":{"pi":"Tesaṁ no, āvuso, amhākaṁ etadahosi:\n‘ayaṁ kho āyasmā ānando satthu ceva saṁvaṇṇito sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā ānando tenupasaṅkameyyāma; upasaṅkamitvā āyasmantaṁ ānandaṁ etamatthaṁ paṭipuccheyyāma.\nYathā no āyasmā ānando byākarissati tathā naṁ dhāressāmā’ti.\nVibhajatu āyasmā ānando”ti.","en":"“May Venerable Ānanda please explain this.”"}},{"id":"an10.115:8","sourceIds":["an10.115:8.1","an10.115:8.2","an10.115:8.3","an10.115:8.4","an10.115:8.5"],"kind":"text","text":{"pi":"“Seyyathāpi, āvuso, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva mūlaṁ atikkamma khandhaṁ sākhāpalāse sāraṁ pariyesitabbaṁ maññeyya;\nevaṁsampadamidaṁ āyasmantānaṁ satthari sammukhībhūte taṁ bhagavantaṁ atisitvā amhe etamatthaṁ paṭipucchitabbaṁ maññatha.\nSo hāvuso, bhagavā jānaṁ jānāti passaṁ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato.\nSo ceva panetassa kālo ahosi yaṁ tumhe bhagavantaṁyeva upasaṅkamitvā etamatthaṁ paṭipuccheyyātha.\nYathā vo bhagavā byākareyya tathā naṁ dhāreyyāthā”ti.","en":"“Reverends, suppose there was a person in need of heartwood. And while wandering in search of heartwood he’d come across a large tree standing with heartwood. But he’d pass over the roots and trunk, imagining that the heartwood should be sought in the branches and leaves.\nSuch is the consequence for the venerables. Though you were face to face with the Buddha, you bypassed him, imagining that you should ask me about this matter.\nFor he is the Buddha, the one who knows and sees. He is vision, he is knowledge, he is the manifestation of principle, he is the manifestation of divinity. He is the preacher, the proclaimer, the elucidator of meaning, the bestower of freedom from death, the lord of truth, the Realized One.\nThat was the time to approach the Buddha and ask about this matter.\nYou should have remembered it in line with the Buddha’s answer.”"}},{"id":"an10.115:9","sourceIds":["an10.115:9.1","an10.115:9.2","an10.115:9.3","an10.115:9.4","an10.115:9.5","an10.115:9.6"],"kind":"text","text":{"pi":"“Addhāvuso ānanda, bhagavā jānaṁ jānāti passaṁ passati cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato.\nSo ceva panetassa kālo ahosi yaṁ mayaṁ bhagavantaṁyeva upasaṅkamitvā etamatthaṁ paṭipuccheyyāma,\nyathā no bhagavā byākareyya tathā naṁ dhāreyyāma.\nApi cāyasmā ānando satthu ceva saṁvaṇṇito sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nVibhajatāyasmā ānando agaruṁ katvā”ti.","en":"“Certainly he is the Buddha, the one who knows and sees. He is vision, he is knowledge, he is the manifestation of principle, he is the manifestation of divinity. He is the preacher, the proclaimer, the elucidator of meaning, the bestower of freedom from death, the lord of truth, the Realized One.\nThat was the time to approach the Buddha and ask about this matter.\nWe should have remembered it in line with the Buddha’s answer.\nStill, Venerable Ānanda is praised by the Buddha and esteemed by his sensible spiritual companions.\nYou are capable of explaining in detail the meaning of this brief summary recital given by the Buddha.\nPlease explain this, if it’s no trouble.”"}},{"id":"an10.115:10","sourceIds":["an10.115:10.1","an10.115:10.2","an10.115:10.3"],"kind":"text","text":{"pi":"“Tenahāvuso, suṇātha, sādhukaṁ manasi karotha, bhāsissāmī”ti.\n“Evamāvuso”ti kho te bhikkhū āyasmato ānandassa paccassosuṁ.\nAthāyasmā ānando etadavoca:","en":"“Then listen and apply your mind well, I will speak.”\n“Yes, reverend,” they replied.\nĀnanda said this:"}},{"id":"an10.115:11","sourceIds":["an10.115:11.1","an10.115:11.2","an10.115:11.3","an10.115:11.4"],"kind":"text","text":{"pi":"“Yaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘adhammo ca, bhikkhave, veditabbo dhammo ca;\nanattho ca veditabbo attho ca.\nAdhammañca viditvā dhammañca, anatthañca viditvā atthañca yathā dhammo yathā attho tathā paṭipajjitabban’ti.","en":"“Reverends, the Buddha gave this brief summary recital, then entered his dwelling without explaining the meaning in detail:\n‘You should know bad principles and good principles.\nAnd you should know bad results and good results.\nKnowing these things, your practice should follow the good principles with good results.’"}},{"id":"an10.115:12","sourceIds":["an10.115:12.1"],"kind":"text","text":{"pi":"Katamo cāvuso, adhammo, katamo ca dhammo, katamo ca anattho, katamo ca attho?","en":"So what are bad principles? What are good principles? What are bad results? And what are good results?"}},{"id":"an10.115:13","sourceIds":["an10.115:13.1","an10.115:13.2","an10.115:13.3","an10.115:13.4"],"kind":"text","text":{"pi":"Micchādiṭṭhi, āvuso, adhammo;\nsammādiṭṭhi dhammo;\nye ca micchādiṭṭhipaccayā aneke pāpakā akusalā dhammā sambhavanti, ayaṁ anattho;\nsammādiṭṭhipaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Wrong view is a bad principle.\nRight view is a good principle.\nAnd the many bad, unskillful qualities produced by wrong view are bad results.\nAnd the many skillful qualities fully developed because of right view are good results."}},{"id":"an10.115:14","sourceIds":["an10.115:14.1","an10.115:14.2","an10.115:14.3","an10.115:14.4","an10.115:14.5","an10.115:14.6","an10.115:14.7","an10.115:14.8","an10.115:14.9","an10.115:14.10","an10.115:14.11","an10.115:14.12","an10.115:14.13","an10.115:14.14","an10.115:14.15","an10.115:14.16"],"kind":"text","text":{"pi":"Micchāsaṅkappo, āvuso, adhammo;\nsammāsaṅkappo dhammo …\nmicchāvācā, āvuso, adhammo;\nsammāvācā dhammo …\nmicchākammanto, āvuso, adhammo;\nsammākammanto dhammo …\nmicchāājīvo, āvuso, adhammo;\nsammāājīvo dhammo …\nmicchāvāyāmo, āvuso, adhammo;\nsammāvāyāmo dhammo …\nmicchāsati, āvuso, adhammo;\nsammāsati dhammo …\nmicchāsamādhi, āvuso, adhammo;\nsammāsamādhi dhammo …\nmicchāñāṇaṁ, āvuso, adhammo;\nsammāñāṇaṁ dhammo ….","en":"Wrong purpose is a bad principle.\nRight purpose is a good principle. …\nWrong speech is a bad principle.\nRight speech is a good principle. …\nWrong action is a bad principle.\nRight action is a good principle. …\nWrong livelihood is a bad principle.\nRight livelihood is a good principle. …\nWrong effort is a bad principle.\nRight effort is a good principle. …\nWrong mindfulness is a bad principle.\nRight mindfulness is a good principle. …\nWrong immersion is a bad principle.\nRight immersion is a good principle. …\nWrong knowledge is a bad principle.\nRight knowledge is a good principle. …"}},{"id":"an10.115:15","sourceIds":["an10.115:15.1","an10.115:15.2","an10.115:15.3","an10.115:15.4"],"kind":"text","text":{"pi":"Micchāvimutti, āvuso, adhammo;\nsammāvimutti dhammo;\nye ca micchāvimuttipaccayā aneke pāpakā akusalā dhammā sambhavanti, ayaṁ anattho;\nsammāvimuttipaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Wrong freedom is a bad principle.\nRight freedom is a good principle.\nAnd the many bad, unskillful qualities produced by wrong freedom are bad results.\nAnd the many skillful qualities fully developed because of right freedom are good results."}},{"id":"an10.115:16","sourceIds":["an10.115:16.1","an10.115:16.2","an10.115:16.3","an10.115:16.4","an10.115:16.5"],"kind":"text","text":{"pi":"Ayaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘adhammo ca, bhikkhave, veditabbo dhammo ca …pe…\ntathā paṭipajjitabban’ti, imassa kho ahaṁ, āvuso, bhagavatā saṅkhittena uddesassa uddiṭṭhassa vitthārena atthaṁ avibhattassa evaṁ vitthārena atthaṁ ājānāmi.\nĀkaṅkhamānā ca pana tumhe, āvuso, bhagavantaṁyeva upasaṅkamitvā etamatthaṁ paṭipuccheyyātha.\nYathā vo bhagavā byākaroti tathā naṁ dhāreyyāthā”ti.","en":"The Buddha gave this brief summary recital, then entered his dwelling without explaining the meaning in detail:\n‘You should know bad principles and good principles …\nand practice accordingly.’ And this is how I understand the detailed meaning of this summary recital.\nIf you wish, you may go to the Buddha and ask him about this.\nYou should remember it in line with the Buddha’s answer.”"}},{"id":"an10.115:17","sourceIds":["an10.115:17.1"],"kind":"text","text":{"pi":"“Evamāvuso”ti kho te bhikkhū āyasmato ānandassa bhāsitaṁ abhinanditvā anumoditvā uṭṭhāyāsanā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:","en":"“Yes, reverend,” said those mendicants, approving and agreeing with what Ānanda said. Then they rose from their seats and went to the Buddha, bowed, sat down to one side, and told him what had happened. Then they said:"}},{"id":"an10.115:18","sourceIds":["an10.115:18.1","an10.115:18.2","an10.115:18.3"],"kind":"text","text":{"pi":"“Yaṁ kho no bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘adhammo ca, bhikkhave, veditabbo …pe…\ntathā paṭipajjitabban’ti."}},{"id":"an10.115:19","sourceIds":["an10.115:19.1","an10.115:19.2","an10.115:19.3","an10.115:19.4","an10.115:19.5"],"kind":"text","text":{"pi":"Tesaṁ no, bhante, amhākaṁ acirapakkantassa bhagavato etadahosi:\n‘idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho—\nadhammo ca, bhikkhave, veditabbo …pe…\ntathā paṭipajjitabbanti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti?"}},{"id":"an10.115:20","sourceIds":["an10.115:20.1","an10.115:20.2","an10.115:20.3","an10.115:20.4","an10.115:20.5"],"kind":"text","text":{"pi":"Tesaṁ no, bhante, amhākaṁ etadahosi:\n‘ayaṁ kho āyasmā ānando satthu ceva saṁvaṇṇito sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā ānando tenupasaṅkameyyāma; upasaṅkamitvā āyasmantaṁ ānandaṁ etamatthaṁ paṭipuccheyyāma.\nYathā no āyasmā ānando byākarissati tathā naṁ dhāressāmā’ti."}},{"id":"an10.115:21","sourceIds":["an10.115:21.1","an10.115:21.2"],"kind":"text","text":{"pi":"Atha kho mayaṁ, bhante, yenāyasmā ānando tenupasaṅkamimhā; upasaṅkamitvā āyasmantaṁ ānandaṁ etamatthaṁ apucchimhā.\nTesaṁ no, bhante, āyasmatā ānandena imehi ākārehi imehi padehi imehi byañjanehi attho suvibhatto”ti.","en":"“Sir, we went to Ānanda and asked him about this matter.\nAnd Ānanda clearly explained the meaning to us in this manner, with these words and phrases.”"}},{"id":"an10.115:22","sourceIds":["an10.115:22.1","an10.115:22.2","an10.115:22.3","an10.115:22.4","an10.115:22.5","an10.115:22.6"],"kind":"text","text":{"pi":"“Sādhu sādhu, bhikkhave.\nPaṇḍito, bhikkhave, ānando.\nMahāpañño, bhikkhave, ānando.\nMañcepi tumhe, bhikkhave, upasaṅkamitvā etamatthaṁ paṭipuccheyyātha, ahampi cetaṁ evamevaṁ byākareyyaṁ yathā taṁ ānandena byākataṁ.\nEso ceva tassa attho evañca naṁ dhāreyyāthā”ti.\nTatiyaṁ.","en":"“Good, good, mendicants!\nĀnanda is astute,\nhe has great wisdom.\nIf you came to me and asked this question, I would answer it in exactly the same way as Ānanda.\nThat is what it means, and that’s how you should remember it.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.115/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}