{"id":"an10.12","title":"Five Factors","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.12","title":"Five Factors","units":[{"id":"an10.12:0","sourceIds":["an10.12:0.1","an10.12:0.2","an10.12:0.3"],"kind":"text","text":{"pi":"Aṅguttara Nikāya 10.12\n2. Nāthavagga\nPañcaṅgasutta","en":"Numbered Discourses 10.12\n2. A Protector\nFive Factors"}},{"id":"an10.12:1","sourceIds":["an10.12:1.1","an10.12:1.2","an10.12:1.3","an10.12:1.4"],"kind":"text","text":{"pi":"“Pañcaṅgavippahīno, bhikkhave, bhikkhu pañcaṅgasamannāgato imasmiṁ dhammavinaye ‘kevalī vusitavā uttamapuriso’ti vuccati.\nKathañca, bhikkhave, bhikkhu pañcaṅgavippahīno hoti?\nIdha, bhikkhave, bhikkhuno kāmacchando pahīno hoti, byāpādo pahīno hoti, thinamiddhaṁ pahīnaṁ hoti, uddhaccakukkuccaṁ pahīnaṁ hoti, vicikicchā pahīnā hoti.\nEvaṁ kho, bhikkhave, bhikkhu pañcaṅgavippahīno hoti.","en":"“Mendicants, in this teaching and training a mendicant who has given up five factors and possesses five factors is called consummate, accomplished, a supreme person.\nAnd how has a mendicant given up five factors?\nIt’s when a mendicant has given up sensual desire, ill will, dullness and drowsiness, restlessness and remorse, and doubt.\nThat’s how a mendicant has given up five factors."}},{"id":"an10.12:2","sourceIds":["an10.12:2.1","an10.12:2.2","an10.12:2.3"],"kind":"text","text":{"pi":"Kathañca, bhikkhave, bhikkhu pañcaṅgasamannāgato hoti?\nIdha, bhikkhave, bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti, asekhena vimuttikkhandhena samannāgato hoti, asekhena vimuttiñāṇadassanakkhandhena samannāgato hoti.\nEvaṁ kho, bhikkhave, bhikkhu pañcaṅgasamannāgato hoti.","en":"And how does a mendicant have five factors?\nIt’s when a mendicant has the entire spectrum of an adept’s ethics, immersion, wisdom, freedom, and knowledge and vision of freedom.\nThat’s how a mendicant has five factors."}},{"id":"an10.12:3","sourceIds":["an10.12:3.1"],"kind":"text","text":{"pi":"Pañcaṅgavippahīno kho, bhikkhave, bhikkhu pañcaṅgasamannāgato imasmiṁ dhammavinaye ‘kevalī vusitavā uttamapuriso’ti vuccati.","en":"In this teaching and training a mendicant who has given up five factors and possesses five factors is called consummate, accomplished, a supreme person."}},{"id":"an10.12:4","sourceIds":["an10.12:4.1","an10.12:4.2","an10.12:4.3","an10.12:4.4"],"kind":"text","text":{"pi":"Kāmacchando ca byāpādo,\nthinamiddhañca bhikkhuno;\nUddhaccaṁ vicikicchā ca,\nsabbasova na vijjati.","en":"Sensual desire, ill will,\ndullness and drowsiness,\nrestlessness, and doubt\nare not found in a mendicant at all."}},{"id":"an10.12:5","sourceIds":["an10.12:5.1","an10.12:5.2","an10.12:5.3","an10.12:5.4"],"kind":"text","text":{"pi":"Asekhena ca sīlena,\nasekhena samādhinā;\nVimuttiyā ca sampanno,\nñāṇena ca tathāvidho.","en":"That sort are accomplished\nin an adept’s ethics,\nan adept’s immersion,\nand freedom and knowledge."}},{"id":"an10.12:6","sourceIds":["an10.12:6.1","an10.12:6.2","an10.12:6.3","an10.12:6.4","an10.12:6.5"],"kind":"text","text":{"pi":"Sa ve pañcaṅgasampanno,\npañca aṅge vivajjayaṁ;\nImasmiṁ dhammavinaye,\nkevalī iti vuccatī”ti.\nDutiyaṁ.","en":"Possessing these five factors,\nand rid of five factors,\nin this teaching and training\nthey’re called ‘consummate’.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.12/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}