{"id":"an10.172","title":"Bad Principles (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.172","title":"Bad Principles (2nd)","units":[{"id":"an10.172:0","sourceIds":["an10.172:0.1","an10.172:0.2","an10.172:0.3"],"kind":"text","text":{"pi":"Aṅguttara Nikāya 10.172\n17. Jāṇussoṇivagga\nDutiyaadhammasutta","en":"Numbered Discourses 10.172\n17. With Jānussoṇi\nBad Principles (2nd)"}},{"id":"an10.172:1","sourceIds":["an10.172:1.1","an10.172:1.2","an10.172:1.3","an10.172:1.4","an10.172:1.5"],"kind":"text","text":{"pi":"“Adhammo ca, bhikkhave, veditabbo dhammo ca;\nanattho ca veditabbo attho ca.\nAdhammañca viditvā dhammañca, anatthañca viditvā atthañca yathā dhammo yathā attho tathā paṭipajjitabban”ti.\nIdamavoca bhagavā.\nIdaṁ vatvāna sugato uṭṭhāyāsanā vihāraṁ pāvisi.","en":"“Mendicants, you should know bad principles and good principles.\nAnd you should know bad results and good results.\nKnowing these things, your practice should follow the good principles with good results.”\nThat is what the Buddha said.\nWhen he had spoken, the Holy One rose from his seat and entered his dwelling."}},{"id":"an10.172:2","sourceIds":["an10.172:2.1","an10.172:2.2","an10.172:2.3","an10.172:2.4","an10.172:2.5","an10.172:2.6"],"kind":"text","text":{"pi":"Atha kho tesaṁ bhikkhūnaṁ acirapakkantassa bhagavato etadahosi:\n“idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘adhammo ca, bhikkhave, veditabbo dhammo ca;\nanattho ca veditabbo attho ca.\nAdhammañca viditvā dhammañca, anatthañca viditvā atthañca yathā dhammo yathā attho tathā paṭipajjitabban’ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā”ti?","en":"Soon after the Buddha left, those mendicants considered,\n“The Buddha gave this brief summary recital, then entered his dwelling without explaining the meaning in detail.\n‘You should know bad principles and good principles.\nAnd you should know bad results and good results.\nKnowing these things, your practice should follow the good principles with good results.’\nWho can explain in detail the meaning of this brief summary recital given by the Buddha?”"}},{"id":"an10.172:3","sourceIds":["an10.172:3.1","an10.172:3.2","an10.172:3.3","an10.172:3.4","an10.172:3.5"],"kind":"text","text":{"pi":"Atha kho tesaṁ bhikkhūnaṁ etadahosi:\n“ayaṁ kho āyasmā mahākaccāno satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā mahākaccāno tenupasaṅkameyyāma; upasaṅkamitvā āyasmantaṁ mahākaccānaṁ etamatthaṁ puccheyyāma.\nYathā no āyasmā mahākaccāno byākarissati tathā naṁ dhāressāmā”ti.","en":"Then those mendicants thought,\n“This Venerable Mahākaccāna is praised by the Buddha and esteemed by his sensible spiritual companions.\nHe is capable of explaining in detail the meaning of this brief summary recital given by the Buddha.\nLet’s go to him, and ask him about this matter.\nAs he answers, so we’ll remember it.”"}},{"id":"an10.172:4","sourceIds":["an10.172:4.1","an10.172:4.2"],"kind":"text","text":{"pi":"Atha kho te bhikkhū yenāyasmā mahākaccāno tenupasaṅkamiṁsu; upasaṅkamitvā āyasmatā mahākaccānena saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnā kho te bhikkhū āyasmantaṁ mahākaccānaṁ etadavocuṁ:","en":"Then those mendicants went to Mahākaccāna, and exchanged greetings with him.\nWhen the greetings and polite conversation were over, they sat down to one side. They told him what had happened, and said,"}},{"id":"an10.172:5","sourceIds":["an10.172:5.1","an10.172:5.2","an10.172:5.3","an10.172:5.4"],"kind":"text","text":{"pi":"“Idaṁ kho no, āvuso kaccāna, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘adhammo ca, bhikkhave, veditabbo dhammo ca;\nanattho ca veditabbo attho ca.\nAdhammañca viditvā dhammañca, anatthañca viditvā atthañca yathā dhammo yathā attho tathā paṭipajjitabban’ti."}},{"id":"an10.172:6","sourceIds":["an10.172:6.1","an10.172:6.2","an10.172:6.3","an10.172:6.4","an10.172:6.5"],"kind":"text","text":{"pi":"Tesaṁ no, āvuso, amhākaṁ acirapakkantassa bhagavato etadahosi:\n‘idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho—\nadhammo ca, bhikkhave …pe…\ntathā paṭipajjitabbanti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti?"}},{"id":"an10.172:7","sourceIds":["an10.172:7.1","an10.172:7.2","an10.172:7.3","an10.172:7.4","an10.172:7.5","an10.172:7.6"],"kind":"text","text":{"pi":"Tesaṁ no, āvuso, amhākaṁ etadahosi:\n‘ayaṁ kho āyasmā mahākaccāno satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā mahākaccāno tenupasaṅkameyyāma; upasaṅkamitvā āyasmantaṁ mahākaccānaṁ etamatthaṁ paṭipuccheyyāma.\nYathā no āyasmā mahākaccāno byākarissati tathā naṁ dhāressāmā’ti.\nVibhajatu āyasmā mahākaccāno”ti.","en":"“May Venerable Mahākaccāna please explain this.”"}},{"id":"an10.172:8","sourceIds":["an10.172:8.1","an10.172:8.2","an10.172:8.3","an10.172:8.4","an10.172:8.5"],"kind":"text","text":{"pi":"“Seyyathāpi, āvuso, puriso sāratthiko sāraṁ gavesī sārapariyesanaṁ caramāno mahato rukkhassa tiṭṭhato sāravato atikkammeva mūlaṁ atikkamma khandhaṁ sākhāpalāse sāraṁ pariyesitabbaṁ maññeyya.\nEvaṁsampadamidaṁ āyasmantānaṁ satthari sammukhībhūte taṁ bhagavantaṁ atisitvā amhe etamatthaṁ paṭipucchitabbaṁ maññatha.\nSo hāvuso, bhagavā jānaṁ jānāti passaṁ passati cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato.\nSo ceva panetassa kālo ahosi yaṁ tumhe bhagavantaṁyeva upasaṅkamitvā etamatthaṁ paṭipuccheyyātha.\nYathā vo bhagavā byākareyya tathā naṁ dhāreyyāthā”ti.","en":"“Reverends, suppose there was a person in need of heartwood. And while wandering in search of heartwood he’d come across a large tree standing with heartwood. But he’d pass over the roots and trunk, imagining that the heartwood should be sought in the branches and leaves.\nSuch is the consequence for the venerables. Though you were face to face with the Buddha, you bypassed him, imagining that you should ask me about this matter.\nFor he is the Buddha, the one who knows and sees. He is vision, he is knowledge, he is the manifestation of principle, he is the manifestation of divinity. He is the preacher, the proclaimer, the elucidator of meaning, the bestower of freedom from death, the lord of truth, the Realized One.\nThat was the time to approach the Buddha and ask about this matter.\nYou should have remembered it in line with the Buddha’s answer.”"}},{"id":"an10.172:9","sourceIds":["an10.172:9.1","an10.172:9.2","an10.172:9.3","an10.172:9.4","an10.172:9.5","an10.172:9.6"],"kind":"text","text":{"pi":"“Addhā, āvuso kaccāna, bhagavā jānaṁ jānāti passaṁ passati cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato.\nSo ceva panetassa kālo ahosi yaṁ mayaṁ bhagavantaṁyeva upasaṅkamitvā etamatthaṁ paṭipuccheyyāma.\nYathā no bhagavā byākareyya tathā naṁ dhāreyyāma.\nApi cāyasmā mahākaccāno satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nVibhajatāyasmā mahākaccāno agaruṁ karitvā”ti.","en":"“Certainly he is the Buddha, the one who knows and sees. He is vision, he is knowledge, he is the manifestation of principle, he is the manifestation of divinity. He is the preacher, the proclaimer, the elucidator of meaning, the bestower of freedom from death, the lord of truth, the Realized One.\nThat was the time to approach the Buddha and ask about this matter.\nWe should have remembered it in line with the Buddha’s answer.\nStill, Venerable Mahākaccāna is praised by the Buddha and esteemed by his sensible spiritual companions.\nHe is capable of explaining in detail the meaning of this brief summary recital given by the Buddha.\nPlease explain this, if it’s no trouble.”"}},{"id":"an10.172:10","sourceIds":["an10.172:10.1","an10.172:10.2","an10.172:10.3"],"kind":"text","text":{"pi":"“Tena hāvuso, suṇātha, sādhukaṁ manasi karotha, bhāsissāmī”ti.\n“Evaṁ, āvuso”ti kho te bhikkhū āyasmato mahākaccānassa paccassosuṁ.\nAthāyasmā mahākaccāno etadavoca:","en":"“Well then, reverends, listen and apply your mind well, I will speak.”\n“Yes, reverend,” they replied.\nMahākaccāna said this:"}},{"id":"an10.172:11","sourceIds":["an10.172:11.1","an10.172:11.2","an10.172:11.3"],"kind":"text","text":{"pi":"“Yaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘adhammo ca, bhikkhave, veditabbo …pe…\ntathā paṭipajjitabban’ti.","en":"“Reverends, the Buddha gave this brief summary recital, then entered his dwelling without explaining the meaning in detail:\n‘You should know bad principles and good principles …\nand practice accordingly.’"}},{"id":"an10.172:12","sourceIds":["an10.172:12.1","an10.172:12.2","an10.172:12.3","an10.172:12.4","an10.172:12.5","an10.172:12.6"],"kind":"text","text":{"pi":"Katamo cāvuso, adhammo; katamo ca dhammo?\nKatamo ca anattho, katamo ca attho?\nPāṇātipāto, āvuso, adhammo;\npāṇātipātā veramaṇī dhammo;\nye ca pāṇātipātapaccayā aneke pāpakā akusalā dhammā sambhavanti, ayaṁ anattho;\npāṇātipātā veramaṇipaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"So what are bad principles? What are good principles?\nWhat are bad results? And what are good results?\nKilling living creatures is a bad principle.\nNot killing living creatures is a good principle.\nAnd the many bad, unskillful qualities produced by killing living creatures are bad results.\nAnd the many skillful qualities fully developed because of not killing living creatures are good results."}},{"id":"an10.172:13","sourceIds":["an10.172:13.1","an10.172:13.2","an10.172:13.3","an10.172:13.4"],"kind":"text","text":{"pi":"Adinnādānaṁ, āvuso, adhammo;\nadinnādānā veramaṇī dhammo;\nye ca adinnādānapaccayā aneke pāpakā akusalā dhammā sambhavanti, ayaṁ anattho;\nadinnādānā veramaṇipaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Stealing is a bad principle.\nNot stealing is a good principle.\nAnd the many bad, unskillful qualities produced by stealing are bad results.\nAnd the many skillful qualities fully developed because of not stealing are good results."}},{"id":"an10.172:14","sourceIds":["an10.172:14.1","an10.172:14.2","an10.172:14.3","an10.172:14.4"],"kind":"text","text":{"pi":"Kāmesumicchācāro, āvuso, adhammo;\nkāmesumicchācārā veramaṇī dhammo;\nye ca kāmesumicchācārapaccayā aneke pāpakā akusalā dhammā sambhavanti, ayaṁ anattho;\nkāmesumicchācārā veramaṇipaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Sexual misconduct is a bad principle.\nRefraining from sexual misconduct is a good principle.\nAnd the many bad, unskillful qualities produced by sexual misconduct are bad results.\nAnd the many skillful qualities fully developed because of refraining from sexual misconduct are good results."}},{"id":"an10.172:15","sourceIds":["an10.172:15.1","an10.172:15.2","an10.172:15.3","an10.172:15.4"],"kind":"text","text":{"pi":"Musāvādo, āvuso, adhammo;\nmusāvādā veramaṇī dhammo;\nye ca musāvādapaccayā aneke pāpakā akusalā dhammā sambhavanti, ayaṁ anattho;\nmusāvādā veramaṇipaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Lying is a bad principle.\nNot lying is a good principle.\nAnd the many bad, unskillful qualities produced by lying are bad results.\nAnd the many skillful qualities fully developed because of not lying are good results."}},{"id":"an10.172:16","sourceIds":["an10.172:16.1","an10.172:16.2","an10.172:16.3","an10.172:16.4"],"kind":"text","text":{"pi":"Pisuṇā vācā, āvuso, adhammo;\npisuṇāya vācāya veramaṇī dhammo;\nye ca pisuṇāvācāpaccayā aneke pāpakā akusalā dhammā sambhavanti, ayaṁ anattho;\npisuṇāya vācāya veramaṇipaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Backbiting is a bad principle.\nRefraining from divisive speech is a good principle.\nAnd the many bad, unskillful qualities produced by backbiting are bad results.\nAnd the many skillful qualities fully developed because of refraining from divisive speech are good results."}},{"id":"an10.172:17","sourceIds":["an10.172:17.1","an10.172:17.2","an10.172:17.3","an10.172:17.4"],"kind":"text","text":{"pi":"Pharusā vācā, āvuso, adhammo;\npharusāya vācāya veramaṇī dhammo;\nye ca pharusāvācāpaccayā aneke pāpakā akusalā dhammā sambhavanti, ayaṁ anattho;\npharusāya vācāya veramaṇipaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Harsh speech is a bad principle.\nRefraining from harsh speech is a good principle.\nAnd the many bad, unskillful qualities produced by harsh speech are bad results.\nAnd the many skillful qualities fully developed because of refraining from harsh speech are good results."}},{"id":"an10.172:18","sourceIds":["an10.172:18.1","an10.172:18.2","an10.172:18.3","an10.172:18.4"],"kind":"text","text":{"pi":"Samphappalāpo, āvuso, adhammo;\nsamphappalāpā veramaṇī dhammo;\nye ca samphappalāpapaccayā aneke pāpakā akusalā dhammā sambhavanti, ayaṁ anattho;\nsamphappalāpā veramaṇipaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Talking nonsense is a bad principle.\nRefraining from talking nonsense is a good principle.\nAnd the many bad, unskillful qualities produced by talking nonsense are bad results.\nAnd the many skillful qualities fully developed because of refraining from talking nonsense are good results."}},{"id":"an10.172:19","sourceIds":["an10.172:19.1","an10.172:19.2","an10.172:19.3","an10.172:19.4"],"kind":"text","text":{"pi":"Abhijjhā, āvuso, adhammo;\nanabhijjhā dhammo;\nye ca abhijjhāpaccayā aneke pāpakā akusalā dhammā sambhavanti, ayaṁ anattho;\nanabhijjhāpaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Covetousness is a bad principle.\nContentment is a good principle.\nAnd the many bad, unskillful qualities produced by covetousness are bad results.\nAnd the many skillful qualities fully developed because of contentment are good results."}},{"id":"an10.172:20","sourceIds":["an10.172:20.1","an10.172:20.2","an10.172:20.3","an10.172:20.4"],"kind":"text","text":{"pi":"Byāpādo, āvuso, adhammo;\nabyāpādo dhammo;\nye ca byāpādapaccayā aneke pāpakā akusalā dhammā sambhavanti, ayaṁ anattho;\nabyāpādapaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Ill will is a bad principle.\nGood will is a good principle.\nAnd the many bad, unskillful qualities produced by ill will are bad results.\nAnd the many skillful qualities fully developed because of good will are good results."}},{"id":"an10.172:21","sourceIds":["an10.172:21.1","an10.172:21.2","an10.172:21.3","an10.172:21.4"],"kind":"text","text":{"pi":"Micchādiṭṭhi, āvuso, adhammo;\nsammādiṭṭhi dhammo;\nye ca micchādiṭṭhipaccayā aneke pāpakā akusalā dhammā sambhavanti, ayaṁ anattho;\nsammādiṭṭhipaccayā ca aneke kusalā dhammā bhāvanāpāripūriṁ gacchanti, ayaṁ attho.","en":"Wrong view is a bad principle.\nRight view is a good principle.\nAnd the many bad, unskillful qualities produced by wrong view are bad results.\nAnd the many skillful qualities fully developed because of right view are good results."}},{"id":"an10.172:22","sourceIds":["an10.172:22.1","an10.172:22.2","an10.172:22.3","an10.172:22.4","an10.172:22.5","an10.172:22.6"],"kind":"text","text":{"pi":"‘Yaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho—\nadhammo ca, bhikkhave, veditabbo …pe…\ntathā paṭipajjitabban’ti.\nImassa kho ahaṁ, āvuso, bhagavatā saṅkhittena uddesassa uddiṭṭhassa vitthārena atthaṁ avibhattassa evaṁ vitthārena atthaṁ ājānāmi.\nĀkaṅkhamānā ca pana tumhe, āvuso, bhagavantaṁyeva upasaṅkamitvā etamatthaṁ paṭipuccheyyātha.\nYathā no bhagavā byākaroti tathā naṁ dhāreyyāthā”ti.","en":"The Buddha gave this brief summary recital, then entered his dwelling without explaining the meaning in detail:\n‘You should know bad principles and good principles …\nand practice accordingly.’\nAnd this is how I understand the detailed meaning of this summary recital.\nIf you wish, you may go to the Buddha and ask him about this.\nYou should remember it in line with the Buddha’s answer.”"}},{"id":"an10.172:23","sourceIds":["an10.172:23.1"],"kind":"text","text":{"pi":"“Evamāvuso”ti kho te bhikkhū āyasmato mahākaccānassa bhāsitaṁ abhinanditvā anumoditvā uṭṭhāyāsanā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:","en":"“Yes, reverend,” said those mendicants, approving and agreeing with what Mahākaccāna said. Then they rose from their seats and went to the Buddha, bowed, sat down to one side, and told him what had happened. Then they said:"}},{"id":"an10.172:24","sourceIds":["an10.172:24.1","an10.172:24.2","an10.172:24.3"],"kind":"text","text":{"pi":"“Yaṁ kho no, bhante, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘adhammo ca, bhikkhave, veditabbo …pe…\ntathā paṭipajjitabban’ti."}},{"id":"an10.172:25","sourceIds":["an10.172:25.1","an10.172:25.2","an10.172:25.3","an10.172:25.4","an10.172:25.5"],"kind":"text","text":{"pi":"Tesaṁ no, bhante, amhākaṁ acirapakkantassa bhagavato etadahosi:\n‘idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n“adhammo ca, bhikkhave, veditabbo …pe…\ntathā paṭipajjitabban”ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti?"}},{"id":"an10.172:26","sourceIds":["an10.172:26.1","an10.172:26.2","an10.172:26.3","an10.172:26.4","an10.172:26.5"],"kind":"text","text":{"pi":"Tesaṁ no, bhante, amhākaṁ etadahosi:\n‘ayaṁ kho āyasmā mahākaccāno satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā mahākaccāno tenupasaṅkameyyāma; upasaṅkamitvā āyasmantaṁ mahākaccānaṁ etamatthaṁ paṭipuccheyyāma.\nYathā no āyasmā mahākaccāno byākarissati tathā naṁ dhāressāmā’ti."}},{"id":"an10.172:27","sourceIds":["an10.172:27.1","an10.172:27.2"],"kind":"text","text":{"pi":"Atha kho mayaṁ, bhante, yenāyasmā mahākaccāno tenupasaṅkamimhā; upasaṅkamitvā āyasmantaṁ mahākaccānaṁ etamatthaṁ apucchimhā.\nTesaṁ no, bhante, āyasmatā mahākaccānena imehi akkharehi imehi padehi imehi byañjanehi attho suvibhatto”ti.","en":"“Sir, we went to Mahākaccāna and asked him about this matter.\nAnd Mahākaccāna clearly explained the meaning to us in this manner, with these words and phrases.”"}},{"id":"an10.172:28","sourceIds":["an10.172:28.1","an10.172:28.2","an10.172:28.3","an10.172:28.4","an10.172:28.5"],"kind":"text","text":{"pi":"“Sādhu sādhu, bhikkhave.\nPaṇḍito, bhikkhave, mahākaccāno. Mahāpañño, bhikkhave, mahākaccāno.\nMañcepi tumhe, bhikkhave, upasaṅkamitvā etamatthaṁ paṭipuccheyyātha, ahampi cetaṁ evamevaṁ byākareyyaṁ yathā taṁ mahākaccānena byākataṁ.\nEso ceva tassa attho. Evañca naṁ dhāreyyāthā”ti.\nChaṭṭhaṁ.","en":"“Good, good, mendicants!\nMahākaccāna is astute, he has great wisdom.\nIf you came to me and asked this question, I would answer it in exactly the same way as Mahākaccāna.\nThat is what it means, and that’s how you should remember it.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.172/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}