{"id":"an10.177","title":"With Jānussoṇi","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.177","title":"With Jānussoṇi","units":[{"id":"an10.177:0","sourceIds":["an10.177:0.1","an10.177:0.2","an10.177:0.3"],"kind":"text","text":{"pi":"Aṅguttara Nikāya 10.177\n17. Jāṇussoṇivagga\nJāṇussoṇisutta","en":"Numbered Discourses 10.177\n17. With Jānussoṇi\nWith Jānussoṇi"}},{"id":"an10.177:1","sourceIds":["an10.177:1.1","an10.177:1.2"],"kind":"text","text":{"pi":"Atha kho jāṇussoṇi brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho jāṇussoṇi brāhmaṇo bhagavantaṁ etadavoca:","en":"Then the brahmin Jānussoṇi went up to the Buddha, and exchanged greetings with him.\nWhen the greetings and polite conversation were over, he sat down to one side and said to the Buddha,"}},{"id":"an10.177:2","sourceIds":["an10.177:2.1","an10.177:2.2","an10.177:2.3","an10.177:2.4","an10.177:2.5","an10.177:2.6"],"kind":"text","text":{"pi":"“Mayamassu, bho gotama, brāhmaṇā nāma.\nDānāni dema, saddhāni karoma:\n‘idaṁ dānaṁ petānaṁ ñātisālohitānaṁ upakappatu, idaṁ dānaṁ petā ñātisālohitā paribhuñjantū’ti.\nKacci taṁ, bho gotama, dānaṁ petānaṁ ñātisālohitānaṁ upakappati;\nkacci te petā ñātisālohitā taṁ dānaṁ paribhuñjantī”ti?\n“Ṭhāne kho, brāhmaṇa, upakappati, no aṭṭhāne”ti.","en":"“We who are known as brahmins\ngive gifts and perform memorial rites for the dead:\n‘May this gift aid my departed relatives and kin. May they partake of this gift.’\nBut does this gift really aid departed relatives and kin?\nDo they actually partake of it?”\n“It aids them if the conditions are right, brahmin, but not if the conditions are wrong.”"}},{"id":"an10.177:3","sourceIds":["an10.177:3.1","an10.177:3.2","an10.177:3.3","an10.177:3.4","an10.177:3.5"],"kind":"text","text":{"pi":"“Katamaṁ pana, bho gotama, ṭhānaṁ, katamaṁ aṭṭhānan”ti?\n“Idha, brāhmaṇa, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhiko hoti.\nSo kāyassa bhedā paraṁ maraṇā nirayaṁ upapajjati.\nYo nerayikānaṁ sattānaṁ āhāro, tena so tattha yāpeti, tena so tattha tiṭṭhati.\nIdampi kho, brāhmaṇa, aṭṭhānaṁ yattha ṭhitassa taṁ dānaṁ na upakappati.","en":"“Then, worthy Gotama, what are the right and wrong conditions?”\n“Brahmin, take someone who kills living creatures, steals, and commits sexual misconduct. They use speech that’s false, backbiting, harsh, or nonsensical. And they’re covetous, malicious, with wrong view.\nWhen their body breaks up, after death, they’re reborn in hell.\nThere they survive feeding on the food of the hell beings.\nThe conditions there are wrong, so the gift does not aid the one who lives there."}},{"id":"an10.177:4","sourceIds":["an10.177:4.1","an10.177:4.2","an10.177:4.3","an10.177:4.4"],"kind":"text","text":{"pi":"Idha pana, brāhmaṇa, ekacco pāṇātipātī …pe… micchādiṭṭhiko hoti.\nSo kāyassa bhedā paraṁ maraṇā tiracchānayoniṁ upapajjati.\nYo tiracchānayonikānaṁ sattānaṁ āhāro, tena so tattha yāpeti, tena so tattha tiṭṭhati.\nIdampi kho, brāhmaṇa, aṭṭhānaṁ yattha ṭhitassa taṁ dānaṁ na upakappati.","en":"Take someone else who kills living creatures … and has wrong view.\nWhen their body breaks up, after death, they’re reborn in the animal realm.\nThere they survive feeding on the food of the beings in the animal realm.\nThe conditions there too are wrong, so the gift does not aid the one who lives there."}},{"id":"an10.177:5","sourceIds":["an10.177:5.1","an10.177:5.2","an10.177:5.3","an10.177:5.4"],"kind":"text","text":{"pi":"Idha pana, brāhmaṇa, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhiko hoti.\nSo kāyassa bhedā paraṁ maraṇā manussānaṁ sahabyataṁ upapajjati.\nYo manussānaṁ āhāro, tena so tattha yāpeti, tena so tattha tiṭṭhati.\nIdampi kho, brāhmaṇa, aṭṭhānaṁ yattha ṭhitassa taṁ dānaṁ na upakappati.","en":"Take someone else who doesn’t kill living creatures, steal, or commit sexual misconduct. They don’t use speech that’s false, backbiting, harsh, or nonsensical. And they’re contented, kind-hearted, with right view.\nWhen their body breaks up, after death, they’re reborn in the human realm.\nThere they survive feeding on human food.\nThe conditions there too are wrong, so the gift does not aid the one who lives there."}},{"id":"an10.177:6","sourceIds":["an10.177:6.1","an10.177:6.2","an10.177:6.3","an10.177:6.4"],"kind":"text","text":{"pi":"Idha pana, brāhmaṇa, ekacco pāṇātipātā paṭivirato hoti …pe… sammādiṭṭhiko hoti.\nSo kāyassa bhedā paraṁ maraṇā devānaṁ sahabyataṁ upapajjati.\nYo devānaṁ āhāro, tena so tattha yāpeti, tena so tattha tiṭṭhati.\nIdampi, brāhmaṇa, aṭṭhānaṁ yattha ṭhitassa taṁ dānaṁ upakappati.","en":"Take someone else who doesn’t kill living creatures … and has right view.\nWhen their body breaks up, after death, they’re reborn in the company of the gods.\nThere they survive feeding on the food of the gods.\nThe conditions there too are wrong, so the gift does not aid the one who lives there."}},{"id":"an10.177:7","sourceIds":["an10.177:7.1","an10.177:7.2","an10.177:7.3","an10.177:7.4"],"kind":"text","text":{"pi":"Idha pana, brāhmaṇa, ekacco pāṇātipātī hoti …pe… micchādiṭṭhiko hoti.\nSo kāyassa bhedā paraṁ maraṇā pettivisayaṁ upapajjati.\nYo pettivesayikānaṁ sattānaṁ āhāro, tena so tattha yāpeti, tena so tattha tiṭṭhati, yaṁ vā panassa ito anuppavecchanti mittāmaccā vā ñātisālohitā vā, tena so tattha yāpeti, tena so tattha tiṭṭhati.\nIdaṁ kho, brāhmaṇa, ṭhānaṁ yattha ṭhitassa taṁ dānaṁ upakappatī”ti.","en":"Take someone else who kills living creatures … and has wrong view.\nWhen their body breaks up, after death, they’re reborn in the ghost realm.\nThere they survive feeding on the food of the beings in the ghost realm. Or else they survive feeding on what friends and colleagues, relatives and kin provide them with from here.\nThe conditions there are right, so the gift aids the one who lives there.”"}},{"id":"an10.177:8","sourceIds":["an10.177:8.1","an10.177:8.2"],"kind":"text","text":{"pi":"“Sace pana, bho gotama, so peto ñātisālohito taṁ ṭhānaṁ anupapanno hoti, ko taṁ dānaṁ paribhuñjatī”ti?\n“Aññepissa, brāhmaṇa, petā ñātisālohitā taṁ ṭhānaṁ upapannā honti, te taṁ dānaṁ paribhuñjantī”ti.","en":"“But worthy Gotama, who partakes of that gift if the departed relative is not reborn in that place?”\n“Other departed relatives reborn there will partake of that gift.”"}},{"id":"an10.177:9","sourceIds":["an10.177:9.1","an10.177:9.2","an10.177:9.3"],"kind":"text","text":{"pi":"“Sace pana, bho gotama, so ceva peto ñātisālohito taṁ ṭhānaṁ anupapanno hoti aññepissa ñātisālohitā petā taṁ ṭhānaṁ anupapannā honti, ko taṁ dānaṁ paribhuñjatī”ti?\n“Aṭṭhānaṁ kho etaṁ, brāhmaṇa, anavakāso yaṁ taṁ ṭhānaṁ vivittaṁ assa iminā dīghena addhunā yadidaṁ petehi ñātisālohitehi.\nApi ca, brāhmaṇa, dāyakopi anipphalo”ti.","en":"“But who partakes of the gift when neither that relative nor other relatives have been reborn in that place?”\n“It’s impossible, brahmin, it cannot happen that that place is vacant of departed relatives in all this long time.\nIt’s never fruitless for the donor.”"}},{"id":"an10.177:10","sourceIds":["an10.177:10.1","an10.177:10.2","an10.177:10.3","an10.177:10.4","an10.177:10.5","an10.177:10.6"],"kind":"text","text":{"pi":"“Aṭṭhānepi bhavaṁ gotamo parikappaṁ vadatī”ti?\n“Aṭṭhānepi kho ahaṁ, brāhmaṇa, parikappaṁ vadāmi.\nIdha, brāhmaṇa, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhiko hoti;\nso dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nSo kāyassa bhedā paraṁ maraṇā hatthīnaṁ sahabyataṁ upapajjati.\nSo tattha lābhī hoti annassa pānassa mālānānālaṅkārassa.","en":"“Does the worthy Gotama propose this even when the conditions are wrong?”\n“I propose this even when the conditions are wrong.\nTake someone who kills living creatures, steals, and commits sexual misconduct. They use speech that’s false, backbiting, harsh, or nonsensical. And they’re covetous, malicious, with wrong view.\nThey give to ascetics or brahmins such things as food, drink, clothing, vehicles; garlands, fragrance, and makeup; and bed, house, and lighting.\nWhen their body breaks up, after death, they’re reborn in the company of elephants.\nThere they get to have food and drink, garlands and various adornments."}},{"id":"an10.177:11","sourceIds":["an10.177:11.1","an10.177:11.2"],"kind":"text","text":{"pi":"Yaṁ kho, brāhmaṇa, idha pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhiko, tena so kāyassa bhedā paraṁ maraṇā hatthīnaṁ sahabyataṁ upapajjati.\nYañca kho so dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ, tena so tattha lābhī hoti annassa pānassa mālānānālaṅkārassa.","en":"Since in this life they killed living creatures … and had wrong view, they were reborn in the company of elephants.\nSince they gave to ascetics or brahmins … they get to have food and drink, garlands and various adornments."}},{"id":"an10.177:12","sourceIds":["an10.177:12.1","an10.177:12.2","an10.177:12.3","an10.177:12.4","an10.177:12.5","an10.177:12.6"],"kind":"text","text":{"pi":"Idha pana, brāhmaṇa, ekacco pāṇātipātī hoti …pe… micchādiṭṭhiko hoti.\nSo dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nSo kāyassa bhedā paraṁ maraṇā assānaṁ sahabyataṁ upapajjati …pe…\ngunnaṁ sahabyataṁ upapajjati …pe…\nkukkurānaṁ sahabyataṁ upapajjati.\nSo tattha lābhī hoti annassa pānassa mālānānālaṅkārassa.","en":"Take someone else who kills living creatures … and has wrong view.\nThey give to ascetics or brahmins …\nWhen their body breaks up, after death, they’re reborn in the company of horses. …\ncattle …\ndogs.\nThere they get to have food and drink, garlands and various adornments."}},{"id":"an10.177:13","sourceIds":["an10.177:13.1","an10.177:13.2"],"kind":"text","text":{"pi":"Yaṁ kho, brāhmaṇa, idha pāṇātipātī …pe… micchādiṭṭhiko, tena so kāyassa bhedā paraṁ maraṇā kukkurānaṁ sahabyataṁ upapajjati.\nYañca kho so dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ, tena so tattha lābhī hoti annassa pānassa mālānānālaṅkārassa.","en":"Since in this life they killed living creatures … and had wrong view, they were reborn in the company of dogs.\nSince they gave to ascetics or brahmins … they get to have food and drink, garlands and various adornments."}},{"id":"an10.177:14","sourceIds":["an10.177:14.1","an10.177:14.2","an10.177:14.3","an10.177:14.4"],"kind":"text","text":{"pi":"Idha pana, brāhmaṇa, ekacco pāṇātipātā paṭivirato hoti …pe… sammādiṭṭhiko hoti.\nSo dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nSo kāyassa bhedā paraṁ maraṇā manussānaṁ sahabyataṁ upapajjati.\nSo tattha lābhī hoti mānusakānaṁ pañcannaṁ kāmaguṇānaṁ.","en":"Take someone else who doesn’t kill living creatures, steal, or commit sexual misconduct. They don’t use speech that’s false, backbiting, harsh, or nonsensical. And they’re contented, kind-hearted, with right view.\nThey give to ascetics or brahmins …\nWhen their body breaks up, after death, they’re reborn in the human realm.\nThere they get to have the five kinds of human sensual stimulation."}},{"id":"an10.177:15","sourceIds":["an10.177:15.1","an10.177:15.2"],"kind":"text","text":{"pi":"Yaṁ kho, brāhmaṇa, idha pāṇātipātā paṭivirato hoti …pe… sammādiṭṭhiko, tena so kāyassa bhedā paraṁ maraṇā manussānaṁ sahabyataṁ upapajjati.\nYañca kho so dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ, tena so tattha lābhī hoti mānusakānaṁ pañcannaṁ kāmaguṇānaṁ.","en":"Since in this life they didn’t kill living creatures … and had right view, they were reborn in the company of humans.\nSince they gave to ascetics or brahmins … they get to have the five kinds of human sensual stimulation."}},{"id":"an10.177:16","sourceIds":["an10.177:16.1","an10.177:16.2","an10.177:16.3","an10.177:16.4"],"kind":"text","text":{"pi":"Idha pana, brāhmaṇa, ekacco pāṇātipātā paṭivirato hoti …pe… sammādiṭṭhiko hoti.\nSo dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nSo kāyassa bhedā paraṁ maraṇā devānaṁ sahabyataṁ upapajjati.\nSo tattha lābhī hoti dibbānaṁ pañcannaṁ kāmaguṇānaṁ.","en":"Take someone else who doesn’t kill living creatures … and has right view.\nThey give to ascetics or brahmins …\nWhen their body breaks up, after death, they’re reborn in the company of the gods.\nThere they get to have the five kinds of heavenly sensual stimulation."}},{"id":"an10.177:17","sourceIds":["an10.177:17.1","an10.177:17.2","an10.177:17.3"],"kind":"text","text":{"pi":"Yaṁ kho, brāhmaṇa, idha pāṇātipātā paṭivirato hoti …pe… sammādiṭṭhiko, tena so kāyassa bhedā paraṁ maraṇā devānaṁ sahabyataṁ upapajjati.\nYañca kho so dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ, tena so tattha lābhī hoti dibbānaṁ pañcannaṁ kāmaguṇānaṁ.\nApi ca, brāhmaṇa, dāyakopi anipphalo”ti.","en":"Since in this life they didn’t kill living creatures … and had right view, they were reborn in the company of the gods.\nSince they gave to ascetics or brahmins … they get to have the five kinds of heavenly sensual stimulation.\nIt’s never fruitless for the donor.”"}},{"id":"an10.177:18","sourceIds":["an10.177:18.1","an10.177:18.2","an10.177:18.3"],"kind":"text","text":{"pi":"“Acchariyaṁ, bho gotama, abbhutaṁ, bho gotama.\nYāvañcidaṁ, bho gotama, alameva dānāni dātuṁ, alaṁ saddhāni kātuṁ, yatra hi nāma dāyakopi anipphalo”ti.\n“Evametaṁ, brāhmaṇa, dāyakopi hi, brāhmaṇa, anipphalo”ti.","en":"“It’s incredible, worthy Gotama, it’s amazing,\nThis is quite enough to justify giving gifts and performing memorial rites for the dead, since it’s never fruitless for the donor.”\n“That’s so true, brahmin. It’s never fruitless for the donor.”"}},{"id":"an10.177:19","sourceIds":["an10.177:19.1","an10.177:19.2","an10.177:19.3","an10.177:19.4"],"kind":"text","text":{"pi":"“Abhikkantaṁ, bho gotama, abhikkantaṁ, bho gotama …pe…\nupāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.\nEkādasamaṁ.\nJāṇussoṇivaggo dutiyo.","en":"“Excellent, worthy Gotama! Excellent! …\nFrom this day forth, may the worthy Gotama remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.177/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}