{"id":"an10.2","title":"Making a Wish","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.2","title":"Making a Wish","units":[{"id":"an10.2:0","sourceIds":["an10.2:0.1","an10.2:0.2","an10.2:0.3"],"kind":"text","text":{"pi":"Aṅguttara Nikāya 10.2\n1. Ānisaṁsavagga\nCetanākaraṇīyasutta","en":"Numbered Discourses 10.2\n1. Benefits\nMaking a Wish"}},{"id":"an10.2:1","sourceIds":["an10.2:1.1","an10.2:1.2","an10.2:1.3","an10.2:1.4","an10.2:1.5","an10.2:1.6","an10.2:1.7","an10.2:1.8","an10.2:1.9","an10.2:1.10","an10.2:1.11","an10.2:1.12","an10.2:1.13","an10.2:1.14","an10.2:1.15","an10.2:1.16","an10.2:1.17","an10.2:1.18","an10.2:1.19","an10.2:1.20","an10.2:1.21","an10.2:1.22","an10.2:1.23","an10.2:1.24","an10.2:1.25","an10.2:1.26","an10.2:1.27"],"kind":"text","text":{"pi":"“Sīlavato, bhikkhave, sīlasampannassa na cetanāya karaṇīyaṁ:\n‘avippaṭisāro me uppajjatū’ti.\nDhammatā esā, bhikkhave, yaṁ sīlavato sīlasampannassa avippaṭisāro uppajjati.\nAvippaṭisārissa, bhikkhave, na cetanāya karaṇīyaṁ:\n‘pāmojjaṁ me uppajjatū’ti.\nDhammatā esā, bhikkhave, yaṁ avippaṭisārissa pāmojjaṁ jāyati.\nPamuditassa, bhikkhave, na cetanāya karaṇīyaṁ:\n‘pīti me uppajjatū’ti.\nDhammatā esā, bhikkhave, yaṁ pamuditassa pīti uppajjati.\nPītimanassa, bhikkhave, na cetanāya karaṇīyaṁ:\n‘kāyo me passambhatū’ti.\nDhammatā esā, bhikkhave, yaṁ pītimanassa kāyo passambhati.\nPassaddhakāyassa, bhikkhave, na cetanāya karaṇīyaṁ:\n‘sukhaṁ vediyāmī’ti.\nDhammatā esā, bhikkhave, yaṁ passaddhakāyo sukhaṁ vediyati.\nSukhino, bhikkhave, na cetanāya karaṇīyaṁ:\n‘cittaṁ me samādhiyatū’ti.\nDhammatā esā, bhikkhave, yaṁ sukhino cittaṁ samādhiyati.\nSamāhitassa, bhikkhave, na cetanāya karaṇīyaṁ:\n‘yathābhūtaṁ jānāmi passāmī’ti.\nDhammatā esā, bhikkhave, yaṁ samāhito yathābhūtaṁ jānāti passati.\nYathābhūtaṁ, bhikkhave, jānato passato na cetanāya karaṇīyaṁ:\n‘nibbindāmi virajjāmī’ti.\nDhammatā esā, bhikkhave, yaṁ yathābhūtaṁ jānaṁ passaṁ nibbindati virajjati.\nNibbinnassa, bhikkhave, virattassa na cetanāya karaṇīyaṁ:\n‘vimuttiñāṇadassanaṁ sacchikaromī’ti.\nDhammatā esā, bhikkhave, yaṁ nibbinno viratto vimuttiñāṇadassanaṁ sacchikaroti.","en":"“Mendicants, an ethical person, who has fulfilled ethical conduct, need not make a wish:\n‘May I have no regrets!’\nIt’s only natural that an ethical person has no regrets.\nWhen you have no regrets you need not make a wish:\n‘May I feel joy!’\nIt’s only natural that joy springs up when you have no regrets.\nWhen you feel joy you need not make a wish:\n‘May I experience rapture!’\nIt’s only natural that rapture arises when you’re joyful.\nWhen your mind is full of rapture you need not make a wish:\n‘May my body become tranquil!’\nIt’s only natural that your body becomes tranquil when your mind is full of rapture.\nWhen your body is tranquil you need not make a wish:\n‘May I feel bliss!’\nIt’s only natural to feel bliss when your body is tranquil.\nWhen you feel bliss you need not make a wish:\n‘May my mind be immersed in samādhi!’\nIt’s only natural for the mind to be immersed in samādhi when you feel bliss.\nWhen your mind is immersed in samādhi you need not make a wish:\n‘May I truly know and see!’\nIt’s only natural to truly know and see when your mind is immersed in samādhi.\nWhen you truly know and see you need not make a wish:\n‘May I become disillusioned and dispassionate!’\nIt’s only natural to become disillusioned and dispassionate when you truly know and see.\nWhen you’re disillusioned and dispassionate you need not make a wish:\n‘May I realize the knowledge and vision of freedom!’\nIt’s only natural to realize the knowledge and vision of freedom when you’re disillusioned and dispassionate."}},{"id":"an10.2:2","sourceIds":["an10.2:2.1","an10.2:2.2","an10.2:2.3","an10.2:2.4","an10.2:2.5","an10.2:2.6","an10.2:2.7","an10.2:2.8","an10.2:2.9","an10.2:2.10","an10.2:2.11"],"kind":"text","text":{"pi":"Iti kho, bhikkhave, nibbidāvirāgo vimuttiñāṇadassanattho vimuttiñāṇadassanānisaṁso;\nyathābhūtañāṇadassanaṁ nibbidāvirāgatthaṁ nibbidāvirāgānisaṁsaṁ;\nsamādhi yathābhūtañāṇadassanattho yathābhūtañāṇadassanānisaṁso;\nsukhaṁ samādhatthaṁ samādhānisaṁsaṁ;\npassaddhi sukhatthā sukhānisaṁsā;\npīti passaddhatthā passaddhānisaṁsā;\npāmojjaṁ pītatthaṁ pītānisaṁsaṁ;\navippaṭisāro pāmojjattho pāmojjānisaṁso;\nkusalāni sīlāni avippaṭisāratthāni avippaṭisārānisaṁsāni.\nIti kho, bhikkhave, dhammā dhamme abhisandenti, dhammā dhamme paripūrenti apārā pāraṁ gamanāyā”ti.\nDutiyaṁ.","en":"And so, mendicants, the knowledge and vision of freedom is the goal and benefit of disillusionment and dispassion.\nDisillusionment and dispassion is the goal and benefit of truly knowing and seeing.\nTruly knowing and seeing is the goal and benefit of immersion.\nImmersion is the goal and benefit of bliss.\nBliss is the goal and benefit of tranquility.\nTranquility is the goal and benefit of rapture.\nRapture is the goal and benefit of joy.\nJoy is the goal and benefit of not having regrets.\nNot having regrets is the goal and benefit of skillful ethics.\nAnd so, mendicants, good qualities flow on and fill up from one to the other, for going from the near shore to the far shore.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}