{"id":"an10.20","title":"Abodes of the Noble Ones (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.20","title":"Abodes of the Noble Ones (2nd)","units":[{"id":"an10.20:0","sourceIds":["an10.20:0.1","an10.20:0.2","an10.20:0.3"],"kind":"text","text":{"pi":"Aṅguttara Nikāya 10.20\n2. Nāthavagga\nDutiyaariyāvāsasutta","en":"Numbered Discourses 10.20\n2. A Protector\nAbodes of the Noble Ones (2nd)"}},{"id":"an10.20:1","sourceIds":["an10.20:1.1","an10.20:1.2"],"kind":"text","text":{"pi":"Ekaṁ samayaṁ bhagavā kurūsu viharati kammāsadhammaṁ nāma kurūnaṁ nigamo.\nTatra kho bhagavā bhikkhū āmantesi …pe….","en":"At one time the Buddha was staying in the land of the Kurus, near the Kuru town named Kammāsadamma.\nThere the Buddha addressed the mendicants:"}},{"id":"an10.20:2","sourceIds":["an10.20:2.1","an10.20:2.2","an10.20:2.3"],"kind":"text","text":{"pi":"“Dasayime, bhikkhave, ariyāvāsā, ye ariyā āvasiṁsu vā āvasanti vā āvasissanti vā.\nKatame dasa?\nIdha, bhikkhave, bhikkhu pañcaṅgavippahīno hoti, chaḷaṅgasamannāgato, ekārakkho, caturāpasseno, paṇunnapaccekasacco, samavayasaṭṭhesano, anāvilasaṅkappo, passaddhakāyasaṅkhāro, suvimuttacitto, suvimuttapañño.","en":"“There are these ten abodes of the noble ones in which the noble ones of the past, present, and future abide.\nWhat ten?\nA mendicant has given up five factors, possesses six factors, has a single guard, has four supports, has cast aside idiosyncratic interpretations of the truth, has totally given up searching, has unsullied intentions, has stilled the physical process, and is well freed in mind and well freed by wisdom."}},{"id":"an10.20:3","sourceIds":["an10.20:3.1","an10.20:3.2","an10.20:3.3"],"kind":"text","text":{"pi":"Kathañca, bhikkhave, bhikkhu pañcaṅgavippahīno hoti?\nIdha, bhikkhave, bhikkhuno kāmacchando pahīno hoti, byāpādo pahīno hoti, thinamiddhaṁ pahīnaṁ hoti, uddhaccakukkuccaṁ pahīnaṁ hoti, vicikicchā pahīnā hoti.\nEvaṁ kho, bhikkhave, bhikkhu pañcaṅgavippahīno hoti.","en":"And how has a mendicant given up five factors?\nIt’s when a mendicant has given up sensual desire, ill will, dullness and drowsiness, restlessness and remorse, and doubt.\nThat’s how a mendicant has given up five factors."}},{"id":"an10.20:4","sourceIds":["an10.20:4.1","an10.20:4.2","an10.20:4.3","an10.20:4.4","an10.20:4.5","an10.20:4.6","an10.20:4.7","an10.20:4.8"],"kind":"text","text":{"pi":"Kathañca, bhikkhave, bhikkhu chaḷaṅgasamannāgato hoti?\nIdha, bhikkhave, bhikkhu cakkhunā rūpaṁ disvā neva sumano hoti na dummano, upekkhako viharati sato sampajāno.\nSotena saddaṁ sutvā …\nghānena gandhaṁ ghāyitvā …\njivhāya rasaṁ sāyitvā …\nkāyena phoṭṭhabbaṁ phusitvā …\nmanasā dhammaṁ viññāya neva sumano hoti na dummano, upekkhako viharati sato sampajāno.\nEvaṁ kho, bhikkhave, bhikkhu chaḷaṅgasamannāgato hoti.","en":"And how does a mendicant possess six factors?\nIt’s when a mendicant, seeing a sight with their eyes, is neither happy nor sad. They remain equanimous, mindful and aware.\nHearing a sound with their ears …\nSmelling an odor with their nose …\nTasting a flavor with their tongue …\nEncountering a touch with their body …\nKnowing an idea with their mind, they’re neither happy nor sad. They remain equanimous, mindful and aware.\nThat’s how a mendicant possesses six factors."}},{"id":"an10.20:5","sourceIds":["an10.20:5.1","an10.20:5.2","an10.20:5.3"],"kind":"text","text":{"pi":"Kathañca, bhikkhave, bhikkhu ekārakkho hoti?\nIdha, bhikkhave, bhikkhu satārakkhena cetasā samannāgato hoti.\nEvaṁ kho, bhikkhave, bhikkhu ekārakkho hoti.","en":"And how does a mendicant have a single guard?\nIt’s when a mendicant’s heart is guarded by mindfulness.\nThat’s how a mendicant has a single guard."}},{"id":"an10.20:6","sourceIds":["an10.20:6.1","an10.20:6.2","an10.20:6.3"],"kind":"text","text":{"pi":"Kathañca, bhikkhave, bhikkhu caturāpasseno hoti?\nIdha, bhikkhave, bhikkhu saṅkhāyekaṁ paṭisevati, saṅkhāyekaṁ adhivāseti, saṅkhāyekaṁ parivajjeti, saṅkhāyekaṁ vinodeti.\nEvaṁ kho, bhikkhave, bhikkhu caturāpasseno hoti.","en":"And how does a mendicant have four supports?\nAfter appraisal, a mendicant uses some things, endures some things, avoids some things, and dispels some things.\nThat’s how a mendicant has four supports."}},{"id":"an10.20:7","sourceIds":["an10.20:7.1","an10.20:7.2","an10.20:7.3","an10.20:7.4","an10.20:7.5"],"kind":"text","text":{"pi":"Kathañca, bhikkhave, bhikkhu paṇunnapaccekasacco hoti?\nIdha, bhikkhave, bhikkhuno yāni tāni puthusamaṇabrāhmaṇānaṁ puthupaccekasaccāni, seyyathidaṁ:\n‘sassato loko’ti vā, ‘asassato loko’ti vā, ‘antavā loko’ti vā, ‘anantavā loko’ti vā, ‘taṁ jīvaṁ taṁ sarīran’ti vā, ‘aññaṁ jīvaṁ aññaṁ sarīran’ti vā, ‘hoti tathāgato paraṁ maraṇā’ti vā, ‘na hoti tathāgato paraṁ maraṇā’ti vā, ‘hoti ca na ca hoti tathāgato paraṁ maraṇā’ti vā, ‘neva hoti na na hoti tathāgato paraṁ maraṇā’ti vā,\nsabbāni tāni nunnāni honti paṇunnāni cattāni vantāni muttāni pahīnāni paṭinissaṭṭhāni.\nEvaṁ kho, bhikkhave, bhikkhu paṇunnapaccekasacco hoti.","en":"And how has a mendicant cast aside idiosyncratic interpretations of the truth?\nDifferent ascetics and brahmins have different idiosyncratic interpretations of the truth. For example:\nthe cosmos is eternal, or not eternal, or finite, or infinite; the soul and the body are one and the same, or the soul is one thing, the body another; after death, a realized one still exists, or no longer exists, or both still exists and no longer exists, or neither still exists nor no longer exists.\nA mendicant has cast out, cast aside, thrown out, discarded, let go of, given up, and relinquished all these.\nThat’s how a mendicant has cast aside idiosyncratic interpretations of the truth."}},{"id":"an10.20:8","sourceIds":["an10.20:8.1","an10.20:8.2","an10.20:8.3"],"kind":"text","text":{"pi":"Kathañca, bhikkhave, bhikkhu samavayasaṭṭhesano hoti?\nIdha, bhikkhave, bhikkhuno kāmesanā pahīnā hoti, bhavesanā pahīnā hoti, brahmacariyesanā paṭippassaddhā.\nEvaṁ kho, bhikkhave, bhikkhu samavayasaṭṭhesano hoti.","en":"And how has a mendicant totally given up searching?\nIt’s when they’ve given up searching for sensual pleasures, for continued existence, and for a spiritual life.\nThat’s how a mendicant has totally given up searching."}},{"id":"an10.20:9","sourceIds":["an10.20:9.1","an10.20:9.2","an10.20:9.3"],"kind":"text","text":{"pi":"Kathañca, bhikkhave, bhikkhu anāvilasaṅkappo hoti?\nIdha, bhikkhave, bhikkhuno kāmasaṅkappo pahīno hoti, byāpādasaṅkappo pahīno hoti, vihiṁsāsaṅkappo pahīno hoti.\nEvaṁ kho, bhikkhave, bhikkhu anāvilasaṅkappo hoti.","en":"And how does a mendicant have unsullied intentions?\nIt’s when a mendicant has given up intentions of sensuality, malice, and cruelty.\nThat’s how a mendicant has unsullied intentions."}},{"id":"an10.20:10","sourceIds":["an10.20:10.1","an10.20:10.2","an10.20:10.3"],"kind":"text","text":{"pi":"Kathañca, bhikkhave, bhikkhu passaddhakāyasaṅkhāro hoti?\nIdha, bhikkhave, bhikkhu sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.\nEvaṁ kho, bhikkhave, bhikkhu passaddhakāyasaṅkhāro hoti.","en":"And how has a mendicant stilled the physical process?\nIt’s when, with the giving up of pleasure and pain and the disappearance of former happiness and sadness, they enter and remain in the fourth absorption, without pleasure or pain, with pure equanimity and mindfulness.\nThat’s how a mendicant has stilled the physical process."}},{"id":"an10.20:11","sourceIds":["an10.20:11.1","an10.20:11.2","an10.20:11.3"],"kind":"text","text":{"pi":"Kathañca, bhikkhave, bhikkhu suvimuttacitto hoti?\nIdha, bhikkhave, bhikkhuno rāgā cittaṁ vimuttaṁ hoti, dosā cittaṁ vimuttaṁ hoti, mohā cittaṁ vimuttaṁ hoti.\nEvaṁ kho, bhikkhave, bhikkhu suvimuttacitto hoti.","en":"And how is a mendicant well freed in mind?\nIt’s when a mendicant’s mind is freed from greed, hate, and delusion.\nThat’s how a mendicant is well freed in mind."}},{"id":"an10.20:12","sourceIds":["an10.20:12.1","an10.20:12.2","an10.20:12.3"],"kind":"text","text":{"pi":"Kathañca, bhikkhave, bhikkhu suvimuttapañño hoti?\nIdha, bhikkhave, bhikkhu ‘rāgo me pahīno ucchinnamūlo tālāvatthukato anabhāvaṅkato āyatiṁ anuppādadhammo’ti pajānāti, doso me pahīno …pe… ‘moho me pahīno ucchinnamūlo tālāvatthukato anabhāvaṅkato āyatiṁ anuppādadhammo’ti pajānāti.\nEvaṁ kho, bhikkhave, bhikkhu suvimuttapañño hoti.","en":"And how is a mendicant well freed by wisdom?\nIt’s when a mendicant understands: ‘I’ve given up greed, hate, and delusion, cut them off at the root, made them like a palm stump, obliterated them, so they’re unable to arise in the future.’\nThat’s how a mendicant’s mind is well freed by wisdom."}},{"id":"an10.20:13","sourceIds":["an10.20:13.1","an10.20:13.2","an10.20:13.3","an10.20:13.4","an10.20:13.5","an10.20:13.6"],"kind":"text","text":{"pi":"Ye hi keci, bhikkhave, atītamaddhānaṁ ariyā ariyāvāse āvasiṁsu, sabbe te imeva dasa ariyāvāse āvasiṁsu;\nye hi keci, bhikkhave, anāgatamaddhānaṁ ariyā ariyāvāse āvasissanti, sabbe te imeva dasa ariyāvāse āvasissanti;\nye hi keci, bhikkhave, etarahi ariyā ariyāvāse āvasanti, sabbe te imeva dasa ariyāvāse āvasanti.\nIme kho, bhikkhave, dasa ariyāvāsā, ye ariyā āvasiṁsu vā āvasanti vā āvasissanti vā”ti.\nDasamaṁ.\nNāthavaggo dutiyo.","en":"Mendicants, whether in the past, future, or present, all noble ones abide in these same ten abodes of the noble ones.\nThese are the ten abodes of the noble ones in which the noble ones of the past, present, and future abide.”"}},{"id":"an10.20:14","sourceIds":["an10.20:14.0","an10.20:14.1","an10.20:14.2","an10.20:14.3","an10.20:14.4"],"kind":"text","text":{"pi":"Tassuddānaṁ\nSenāsanañca pañcaṅgaṁ,\nSaṁyojanākhilena ca;\nAppamādo āhuneyyo,\nDve nāthā dve ariyāvāsāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.20/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}