{"id":"an10.219","title":"The Body Born of Deeds","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.219","title":"The Body Born of Deeds","units":[{"id":"an10.219:0","sourceIds":["an10.219:0.1","an10.219:0.2","an10.219:0.3"],"kind":"text","text":{"pi":"Aṅguttara Nikāya 10.219\n21. Karajakāyavagga\nKarajakāyasutta","en":"Numbered Discourses 10.219\n21. The Body Born of Deeds\nThe Body Born of Deeds"}},{"id":"an10.219:1","sourceIds":["an10.219:1.1","an10.219:1.2","an10.219:1.3"],"kind":"text","text":{"pi":"“Nāhaṁ, bhikkhave, sañcetanikānaṁ kammānaṁ katānaṁ upacitānaṁ appaṭisaṁveditvā byantībhāvaṁ vadāmi,\ntañca kho diṭṭheva dhamme upapajje vā apare vā pariyāye.\nNa tvevāhaṁ, bhikkhave, sañcetanikānaṁ kammānaṁ katānaṁ upacitānaṁ appaṭisaṁveditvā dukkhassantakiriyaṁ vadāmi.","en":"“Mendicants, I don’t say that intentional deeds that have been performed and accumulated are eliminated without being experienced.\nAnd that may be in this very life, or in the next life, or in some subsequent period.\nBut in any case, there is no making an end of suffering without experiencing intentional deeds that have been performed and accumulated, I say."}},{"id":"an10.219:2","sourceIds":["an10.219:2.1"],"kind":"text","text":{"pi":"Sa kho so, bhikkhave, ariyasāvako evaṁ vigatābhijjho vigatabyāpādo asammūḷho sampajāno paṭissato mettāsahagatena cetasā ekaṁ disaṁ pharitvā viharati tathā dutiyaṁ tathā tatiyaṁ tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā viharati.","en":"That noble disciple is rid of desire, rid of ill will, unconfused, aware, and mindful. They meditate spreading a heart full of love to one direction, and to the second, and to the third, and to the fourth. In the same way above, below, across, everywhere, all around, they spread a heart full of love to the whole world—abundant, expansive, limitless, free of enmity and ill will."}},{"id":"an10.219:3","sourceIds":["an10.219:3.1","an10.219:3.2"],"kind":"text","text":{"pi":"So evaṁ pajānāti:\n‘pubbe kho me idaṁ cittaṁ parittaṁ ahosi abhāvitaṁ, etarahi pana me idaṁ cittaṁ appamāṇaṁ subhāvitaṁ. Yaṁ kho pana kiñci pamāṇakataṁ kammaṁ, na taṁ tatrāvasissati na taṁ tatrāvatiṭṭhatī’ti.","en":"They understand:\n‘Formerly my mind was limited and undeveloped. Now it’s limitless and well developed. Whatever limited deeds I’ve done don’t remain or persist there.’"}},{"id":"an10.219:4","sourceIds":["an10.219:4.1","an10.219:4.2","an10.219:4.3"],"kind":"text","text":{"pi":"Taṁ kiṁ maññatha, bhikkhave,\ndaharatagge ce so ayaṁ kumāro mettaṁ cetovimuttiṁ bhāveyya, api nu kho pāpakammaṁ kareyyā”ti?\n“No hetaṁ, bhante”.","en":"What do you think, mendicants?\nSuppose a child had developed the heart’s release by love from their childhood on. Would they still do any bad deed?”\n“No, sir.”"}},{"id":"an10.219:5","sourceIds":["an10.219:5.1","an10.219:5.2","an10.219:5.3"],"kind":"text","text":{"pi":"“Akarontaṁ kho pana pāpakammaṁ api nu kho dukkhaṁ phuseyyā”ti?\n“No hetaṁ, bhante.\nAkarontañhi, bhante, pāpakammaṁ kuto dukkhaṁ phusissatī”ti.","en":"“Not doing any bad deed, would they still experience any suffering?”\n“No, sir.\nFor if they don’t do any bad deed, from where would suffering afflict them?”"}},{"id":"an10.219:6","sourceIds":["an10.219:6.1","an10.219:6.2","an10.219:6.3","an10.219:6.4","an10.219:6.5","an10.219:6.6","an10.219:6.7"],"kind":"text","text":{"pi":"“Bhāvetabbā kho panāyaṁ, bhikkhave, mettācetovimutti itthiyā vā purisena vā.\nItthiyā vā, bhikkhave, purisassa vā nāyaṁ kāyo ādāya gamanīyo.\nCittantaro ayaṁ, bhikkhave, macco.\nSo evaṁ pajānāti:\n‘yaṁ kho me idaṁ kiñci pubbe iminā karajakāyena pāpakammaṁ kataṁ, sabbaṁ taṁ idha vedanīyaṁ;\nna taṁ anugaṁ bhavissatī’ti.\nEvaṁ bhāvitā kho, bhikkhave, mettā cetovimutti anāgāmitāya saṁvattati, idha paññassa bhikkhuno uttari vimuttiṁ appaṭivijjhato.","en":"“This heart’s release by love should be developed by women or men.\nFor neither women nor men take this body with them when they go.\nThe mind is what’s inside mortal beings.\nThey understand:\n‘Whatever bad deeds I have done in the past with this deed-born body I will experience here.\nIt will not follow me to my next life.’\nThe heart’s release by love developed in this way leads to non-return for a wise mendicant here who has not penetrated to a higher freedom."}},{"id":"an10.219:7","sourceIds":["an10.219:7.1","an10.219:7.2","an10.219:7.3","an10.219:7.4"],"kind":"text","text":{"pi":"Karuṇāsahagatena cetasā …\nmuditāsahagatena cetasā …\nupekkhāsahagatena cetasā ekaṁ disaṁ pharitvā viharati tathā dutiyaṁ tathā tatiyaṁ tathā catutthaṁ.\nIti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyāpajjena pharitvā viharati.","en":"They meditate spreading a heart full of compassion …\nThey meditate spreading a heart full of rejoicing …\nThey meditate spreading a heart full of equanimity to one direction, and to the second, and to the third, and to the fourth.\nIn the same way above, below, across, everywhere, all around, they spread a heart full of equanimity to the whole world—abundant, expansive, limitless, free of enmity and ill will."}},{"id":"an10.219:8","sourceIds":["an10.219:8.1","an10.219:8.2"],"kind":"text","text":{"pi":"So evaṁ pajānāti:\n‘pubbe kho me idaṁ cittaṁ parittaṁ ahosi abhāvitaṁ, etarahi pana me idaṁ cittaṁ appamāṇaṁ subhāvitaṁ. Yaṁ kho pana kiñci pamāṇakataṁ kammaṁ, na taṁ tatrāvasissati na taṁ tatrāvatiṭṭhatī’ti.","en":"They understand:\n‘Formerly my mind was limited and undeveloped. Now it’s limitless and well developed. Whatever limited deeds I’ve done don’t remain or persist there.’"}},{"id":"an10.219:9","sourceIds":["an10.219:9.1","an10.219:9.2","an10.219:9.3"],"kind":"text","text":{"pi":"Taṁ kiṁ maññatha, bhikkhave,\ndaharatagge ce so ayaṁ kumāro upekkhaṁ cetovimuttiṁ bhāveyya, api nu kho pāpakammaṁ kareyyā”ti?\n“No hetaṁ, bhante”.","en":"What do you think, mendicants?\nSuppose a child had developed the heart’s release by equanimity from their childhood on. Would they still do any bad deed?”\n“No, sir.”"}},{"id":"an10.219:10","sourceIds":["an10.219:10.1","an10.219:10.2","an10.219:10.3"],"kind":"text","text":{"pi":"“Akarontaṁ kho pana pāpakammaṁ api nu kho dukkhaṁ phuseyyā”ti?\n“No hetaṁ, bhante.\nAkarontañhi, bhante, pāpakammaṁ kuto dukkhaṁ phusissatī”ti.","en":"“Not doing any bad deed, would they still experience any suffering?”\n“No, sir.\nFor if they don’t do any bad deed, from where would suffering afflict them?”"}},{"id":"an10.219:11","sourceIds":["an10.219:11.1","an10.219:11.2","an10.219:11.3","an10.219:11.4","an10.219:11.5","an10.219:11.6","an10.219:11.7","an10.219:11.8"],"kind":"text","text":{"pi":"“Bhāvetabbā kho panāyaṁ, bhikkhave, upekkhā cetovimutti itthiyā vā purisena vā.\nItthiyā vā, bhikkhave, purisassa vā nāyaṁ kāyo ādāya gamanīyo.\nCittantaro ayaṁ, bhikkhave, macco.\nSo evaṁ pajānāti:\n‘yaṁ kho me idaṁ kiñci pubbe iminā karajakāyena pāpakammaṁ kataṁ, sabbaṁ taṁ idha vedanīyaṁ;\nna taṁ anugaṁ bhavissatī’ti.\nEvaṁ bhāvitā kho, bhikkhave, upekkhā cetovimutti anāgāmitāya saṁvattati, idha paññassa bhikkhuno uttari vimuttiṁ appaṭivijjhato”ti.\nNavamaṁ.","en":"“This heart’s release by equanimity should be developed by women or men.\nFor neither women nor men take this body with them when they go.\nThe mind is what’s inside mortal beings.\nThey understand:\n‘Whatever bad deeds I have done in the past with this deed-born body I will experience here.\nIt will not follow me to my next life.’\nThe heart’s release by equanimity developed in this way leads to non-return for a wise mendicant here who has not penetrated to a higher freedom.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.219/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}