{"id":"an10.28","title":"The Great Questions (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.28","title":"The Great Questions (2nd)","units":[{"id":"an10.28:0","sourceIds":["an10.28:0.1","an10.28:0.2","an10.28:0.3"],"kind":"text","text":{"pi":"Aṅguttara Nikāya 10.28\n3. Mahāvagga\nDutiyamahāpañhāsutta","en":"Numbered Discourses 10.28\n3. The Great Chapter\nThe Great Questions (2nd)"}},{"id":"an10.28:1","sourceIds":["an10.28:1.1","an10.28:1.2"],"kind":"text","text":{"pi":"Ekaṁ samayaṁ bhagavā kajaṅgalāyaṁ viharati veḷuvane.\nAtha kho sambahulā kajaṅgalakā upāsakā yena kajaṅgalikā bhikkhunī tenupasaṅkamiṁsu; upasaṅkamitvā kajaṅgalikaṁ bhikkhuniṁ abhivādetvā ekamantaṁ nisīdiṁsu. Ekamantaṁ nisinnā kho kajaṅgalakā upāsakā kajaṅgalikaṁ bhikkhuniṁ etadavocuṁ:","en":"At one time the Buddha was staying near Kajaṅgalā in a bamboo grove.\nThen several lay followers of Kajaṅgalā went to the nun Kajaṅgalikā, bowed, sat down to one side, and said to her:"}},{"id":"an10.28:2","sourceIds":["an10.28:2.1","an10.28:2.2","an10.28:2.3"],"kind":"text","text":{"pi":"“Vuttamidaṁ, ayye, bhagavatā mahāpañhesu:\n‘eko pañho eko uddeso ekaṁ veyyākaraṇaṁ, dve pañhā dve uddesā dve veyyākaraṇāni, tayo pañhā tayo uddesā tīṇi veyyākaraṇāni, cattāro pañhā cattāro uddesā cattāri veyyākaraṇāni, pañca pañhā pañcuddesā pañca veyyākaraṇāni, cha pañhā cha uddesā cha veyyākaraṇāni, satta pañhā sattuddesā satta veyyākaraṇāni, aṭṭha pañhā aṭṭhuddesā aṭṭha veyyākaraṇāni, nava pañhā navuddesā nava veyyākaraṇāni, dasa pañhā dasuddesā dasa veyyākaraṇānī’ti.\nImassa nu kho, ayye, bhagavatā saṅkhittena bhāsitassa kathaṁ vitthārena attho daṭṭhabbo”ti?","en":"“Ma’am, this was said by the Buddha in ‘The Great Questions’:\n‘One thing: question, summary recital, and answer. Two … Three … Four … Five … Six … Seven … Eight … Nine … Ten things: question, summary recital, and answer.’\nHow should we see the detailed meaning of the Buddha’s brief statement?”"}},{"id":"an10.28:3","sourceIds":["an10.28:3.1","an10.28:3.2","an10.28:3.3","an10.28:3.4","an10.28:3.5"],"kind":"text","text":{"pi":"“Na kho panetaṁ, āvuso, bhagavato sammukhā sutaṁ sammukhā paṭiggahitaṁ, napi manobhāvanīyānaṁ bhikkhūnaṁ sammukhā sutaṁ sammukhā paṭiggahitaṁ;\napi ca yathā mettha khāyati\ntaṁ suṇātha, sādhukaṁ manasi karotha, bhāsissāmī”ti.\n“Evaṁ, ayye”ti, kho kajaṅgalakā upāsakā kajaṅgalikāya bhikkhuniyā paccassosuṁ.\nKajaṅgalikā bhikkhunī etadavoca:","en":"“Respectable sirs, I haven’t heard and learned this in the presence of the Buddha or from esteemed mendicants.\nBut as to how it seems to me,\nlisten and apply your mind well, I will speak.”\n“Yes, ma’am,” replied the lay followers.\nThe nun Kajaṅgalikā said this:"}},{"id":"an10.28:4","sourceIds":["an10.28:4.1","an10.28:4.2","an10.28:4.3","an10.28:4.4","an10.28:4.5","an10.28:4.6","an10.28:4.7"],"kind":"text","text":{"pi":"“‘Eko pañho eko uddeso ekaṁ veyyākaraṇan’ti, iti kho panetaṁ vuttaṁ bhagavatā.\nKiñcetaṁ paṭicca vuttaṁ?\nEkadhamme, āvuso, bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\nKatamasmiṁ ekadhamme?\nSabbe sattā āhāraṭṭhitikā—\nimasmiṁ kho, āvuso, ekadhamme bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\n‘Eko pañho eko uddeso ekaṁ veyyākaraṇan’ti, iti yaṁ taṁ vuttaṁ bhagavatā idametaṁ paṭicca vuttaṁ.","en":"“‘One thing: question, summary recital, and answer.’ That’s what the Buddha said,\nbut why did he say it?\nBecoming completely disillusioned, dispassionate, and freed regarding one thing, seeing its limits and fully comprehending its meaning, a mendicant makes an end of suffering in this very life.\nWhat one thing?\n‘All sentient beings are sustained by food.’\nBecoming completely disillusioned, dispassionate, and freed regarding this one thing, seeing its limits and fully comprehending its meaning, a mendicant makes an end of suffering in this very life.\n‘One thing: question, summary recital, and answer.’ That’s what the Buddha said, and this is why he said it."}},{"id":"an10.28:5","sourceIds":["an10.28:5.1","an10.28:5.2","an10.28:5.3","an10.28:5.4","an10.28:5.5","an10.28:5.6","an10.28:5.7","an10.28:5.8","an10.28:5.9"],"kind":"text","text":{"pi":"‘Dve pañhā dve uddesā dve veyyākaraṇānī’ti iti, kho panetaṁ vuttaṁ bhagavatā.\nKiñcetaṁ paṭicca vuttaṁ?\nDvīsu, āvuso, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\nKatamesu dvīsu?\nNāme ca rūpe ca …pe…\nkatamesu tīsu?\nTīsu vedanāsu—\nimesu kho, āvuso, tīsu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\n‘Tayo pañhā tayo uddesā tīṇi veyyākaraṇānī’ti, iti yaṁ taṁ vuttaṁ bhagavatā idametaṁ paṭicca vuttaṁ.","en":"What two?\nName and form. …\nWhat three?\nThree feelings. …"}},{"id":"an10.28:6","sourceIds":["an10.28:6.1","an10.28:6.2","an10.28:6.3","an10.28:6.4","an10.28:6.5","an10.28:6.6","an10.28:6.7"],"kind":"text","text":{"pi":"‘Cattāro pañhā cattāro uddesā cattāri veyyākaraṇānī’ti, iti kho panetaṁ vuttaṁ bhagavatā.\nKiñcetaṁ paṭicca vuttaṁ?\nCatūsu, āvuso, dhammesu bhikkhu sammā subhāvitacitto sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\nKatamesu catūsu?\nCatūsu satipaṭṭhānesu—\nimesu kho, āvuso, catūsu dhammesu bhikkhu sammā subhāvitacitto sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\n‘Cattāro pañhā cattāro uddesā cattāri veyyākaraṇānī’ti, iti yaṁ taṁ vuttaṁ bhagavatā idametaṁ paṭicca vuttaṁ.","en":"With a mind well developed in four things—seeing their limits and fully comprehending their meaning—a mendicant makes an end of suffering in this very life.\nWhat four?\nThe four kinds of mindfulness meditation. …\nWith a mind well developed in these four things—seeing their limits and fully fathoming their meaning—a mendicant makes an end of suffering in this very life. …"}},{"id":"an10.28:7","sourceIds":["an10.28:7.1","an10.28:7.2","an10.28:7.3","an10.28:7.4","an10.28:7.5","an10.28:7.6","an10.28:7.7","an10.28:7.8","an10.28:7.9","an10.28:7.10","an10.28:7.11","an10.28:7.12","an10.28:7.13"],"kind":"text","text":{"pi":"‘Pañca pañhā pañcuddesā pañca veyyākaraṇānī’ti, iti kho panetaṁ vuttaṁ bhagavatā.\nKiñcetaṁ paṭicca vuttaṁ?\nPañcasu, āvuso, dhammesu bhikkhu sammā subhāvitacitto sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\nKatamesu pañcasu?\nPañcasu indriyesu …pe…\nkatamesu chasu?\nChasu nissaraṇīyāsu dhātūsu …pe…\nkatamesu sattasu?\nSattasu bojjhaṅgesu …pe…\nkatamesu aṭṭhasu?\nAṭṭhasu ariyaaṭṭhaṅgikamaggesu—\nimesu kho, āvuso, aṭṭhasu dhammesu bhikkhu sammā subhāvitacitto sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\n‘Aṭṭha pañhā aṭṭhuddesā aṭṭha veyyākaraṇānī’ti, iti yaṁ taṁ vuttaṁ bhagavatā idametaṁ paṭicca vuttaṁ.","en":"What five?\nThe five faculties. …\nWhat six?\nThe six elements of escape. …\nWhat seven?\nThe seven awakening factors. …\nWhat eight?\nThe noble eightfold path. …"}},{"id":"an10.28:8","sourceIds":["an10.28:8.1","an10.28:8.2","an10.28:8.3","an10.28:8.4","an10.28:8.5","an10.28:8.6","an10.28:8.7"],"kind":"text","text":{"pi":"‘Nava pañhā navuddesā nava veyyākaraṇānī’ti, iti kho panetaṁ vuttaṁ bhagavatā.\nKiñcetaṁ paṭicca vuttaṁ?\nNavasu, āvuso, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\nKatamesu navasu?\nNavasu sattāvāsesu—\nimesu kho, āvuso, navasu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\n‘Nava pañhā navuddesā nava veyyākaraṇānī’ti, iti yaṁ taṁ vuttaṁ bhagavatā idametaṁ paṭicca vuttaṁ.","en":"Becoming completely disillusioned, dispassionate, and freed regarding nine things, seeing their limits and fully comprehending their meaning, a mendicant makes an end of suffering in this very life.\nWhat nine?\nThe nine abodes of sentient beings.\nBecoming completely disillusioned, dispassionate, and freed regarding these nine things, seeing their limits and fully comprehending their meaning, a mendicant makes an end of suffering in this very life."}},{"id":"an10.28:9","sourceIds":["an10.28:9.1","an10.28:9.2","an10.28:9.3","an10.28:9.4","an10.28:9.5","an10.28:9.6","an10.28:9.7"],"kind":"text","text":{"pi":"‘Dasa pañhā dasuddesā dasa veyyākaraṇānī’ti, iti kho panetaṁ vuttaṁ bhagavatā.\nKiñcetaṁ paṭicca vuttaṁ?\nDasasu, āvuso, dhammesu bhikkhu sammā subhāvitacitto sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\nKatamesu dasasu?\nDasasu kusalesu kammapathesu—\nimesu kho, āvuso, dasasu dhammesu bhikkhu sammā subhāvitacitto sammā pariyantadassāvī sammadatthaṁ abhisamecca diṭṭheva dhamme dukkhassantakaro hoti.\n‘Dasa pañhā dasuddesā dasa veyyākaraṇānī’ti, iti yaṁ taṁ vuttaṁ bhagavatā idametaṁ paṭicca vuttaṁ.","en":"‘Ten things: question, summary recital, and answer.’ That’s what the Buddha said,\nbut why did he say it?\nBecoming well developed in ten things—seeing their limits and fully fathoming their meaning—a mendicant makes an end of suffering in this very life.\nWhat ten?\nThe ten ways of performing skillful deeds.\nWith a mind well developed in these ten things—seeing their limits and fully fathoming their meaning—a mendicant makes an end of suffering in this very life.\n‘Ten things: question, summary recital, and answer.’ That’s what the Buddha said, and this is why he said it."}},{"id":"an10.28:10","sourceIds":["an10.28:10.1","an10.28:10.2","an10.28:10.3","an10.28:10.4","an10.28:10.5","an10.28:10.6","an10.28:10.7"],"kind":"text","text":{"pi":"Iti kho, āvuso, yaṁ taṁ vuttaṁ bhagavatā saṅkhittena bhāsitāsu mahāpañhāsu:\n‘eko pañho eko uddeso ekaṁ veyyākaraṇaṁ …pe…\ndasa pañhā dasuddesā dasa veyyākaraṇānī’ti, imassa kho ahaṁ, āvuso, bhagavatā saṅkhittena bhāsitassa evaṁ vitthārena atthaṁ ājānāmi.\nĀkaṅkhamānā ca pana tumhe, āvuso, bhagavantaññeva upasaṅkamitvā etamatthaṁ paṭipuccheyyātha.\nYathā vo bhagavā byākaroti tathā naṁ dhāreyyāthā”ti.\n“Evaṁ, ayye”ti kho kajaṅgalakā upāsakā kajaṅgalikāya kho bhikkhuniyā bhāsitaṁ abhinanditvā anumoditvā uṭṭhāyāsanā kajaṅgalikaṁ bhikkhuniṁ abhivādetvā padakkhiṇaṁ katvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu.\nEkamantaṁ nisinnā kho kajaṅgalakā upāsakā yāvatako ahosi kajaṅgalikāya bhikkhuniyā saddhiṁ kathāsallāpo, taṁ sabbaṁ bhagavato ārocesuṁ.","en":"That’s how I understand the detailed meaning of what the Buddha said in brief in ‘The Great Questions’.\nIf you wish, you may go to the Buddha and ask him about this.\nYou should remember it in line with the Buddha’s answer.”\n“Yes, ma’am,” replied those lay followers, approving and agreeing with what the nun Kajaṅgalikā said. Then they rose from their seats, bowed, and respectfully circled her, keeping her on their right. Then they went to the Buddha, bowed, sat down to one side,\nand informed the Buddha of all they had discussed."}},{"id":"an10.28:11","sourceIds":["an10.28:11.1","an10.28:11.2","an10.28:11.3","an10.28:11.4","an10.28:11.5"],"kind":"text","text":{"pi":"“Sādhu sādhu, gahapatayo.\nPaṇḍitā, gahapatayo, kajaṅgalikā bhikkhunī. Mahāpaññā, gahapatayo, kajaṅgalikā bhikkhunī.\nMañcepi tumhe, gahapatayo, upasaṅkamitvā etamatthaṁ paṭipuccheyyātha, ahampi cetaṁ evamevaṁ byākareyyaṁ yathā taṁ kajaṅgalikāya bhikkhuniyā byākataṁ.\nEso ceva tassa attho. Evañca naṁ dhāreyyāthā”ti.\nAṭṭhamaṁ.","en":"“Good, good, householders.\nThe nun Kajaṅgalikā is astute, she has great wisdom.\nIf you came to me and asked this question, I would answer it in exactly the same way as the nun Kajaṅgalikā.\nThat is what it means, and that’s how you should remember it.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.28/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}