{"id":"an10.31","title":"With Upāli","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.31","title":"With Upāli","units":[{"id":"an10.31:0","sourceIds":["an10.31:0.1","an10.31:0.2","an10.31:0.3"],"kind":"text","text":{"pi":"Aṅguttara Nikāya 10.31\n4. Upālivagga\nUpālisutta","en":"Numbered Discourses 10.31\n4. With Upāli\nWith Upāli"}},{"id":"an10.31:1","sourceIds":["an10.31:1.1","an10.31:1.2"],"kind":"text","text":{"pi":"Atha kho āyasmā upāli yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā upāli bhagavantaṁ etadavoca:\n“kati nu kho, bhante, atthavase paṭicca tathāgatena sāvakānaṁ sikkhāpadaṁ paññattaṁ, pātimokkhaṁ uddiṭṭhan”ti?","en":"Then Venerable Upāli went up to the Buddha, bowed, sat down to one side, and said to him:\n“Sir, for how many reasons did the Realized One lay down training rules for his disciples and recite the monastic code?”"}},{"id":"an10.31:2","sourceIds":["an10.31:2.1","an10.31:2.2","an10.31:2.3","an10.31:2.4","an10.31:2.5"],"kind":"text","text":{"pi":"“Dasa kho, upāli, atthavase paṭicca tathāgatena sāvakānaṁ sikkhāpadaṁ paññattaṁ, pātimokkhaṁ uddiṭṭhaṁ.\nKatame dasa?\nSaṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya—\nime kho, upāli, dasa atthavase paṭicca tathāgatena sāvakānaṁ sikkhāpadaṁ paññattaṁ, pātimokkhaṁ uddiṭṭhan”ti.\nPaṭhamaṁ.","en":"“Upāli, the Realized One laid down training rules for his disciples and recited the monastic code for ten reasons.\nWhat ten?\nFor the well-being of the Saṅgha and for the comfort of the Saṅgha. For keeping difficult individuals in check and for the comfort of good-hearted mendicants. For restraining defilements that affect this life and protecting against defilements that affect lives to come. For inspiring confidence in those without it, and increasing confidence in those who have it. For the continuation of the true teaching and the support of the training.\nThe Realized One laid down training rules for his disciples and recited the monastic code for these ten reasons.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.31/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}