{"id":"an10.50","title":"Fights","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.50","title":"Fights","units":[{"id":"an10.50:0","sourceIds":["an10.50:0.1","an10.50:0.2","an10.50:0.3"],"kind":"text","text":{"pi":"Aṅguttara Nikāya 10.50\n5. Akkosavagga\nBhaṇḍanasutta","en":"Numbered Discourses 10.50\n5. Abuse\nFights"}},{"id":"an10.50:1","sourceIds":["an10.50:1.1","an10.50:1.2"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena sambahulā bhikkhū pacchābhattaṁ piṇḍapātapaṭikkantā upaṭṭhānasālāyaṁ sannisinnā sannipatitā bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti.","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time, after the meal, on return from almsround, several mendicants sat together in the assembly hall. They were fighting, quarreling, and disputing, wounding each other with barbed words."}},{"id":"an10.50:2","sourceIds":["an10.50:2.1","an10.50:2.2","an10.50:2.3"],"kind":"text","text":{"pi":"Atha kho bhagavā sāyanhasamayaṁ paṭisallānā vuṭṭhito yena upaṭṭhānasālā tenupasaṅkami; upasaṅkamitvā paññatte āsane nisīdi.\nNisajja kho bhagavā bhikkhū āmantesi:\n“kāya nuttha, bhikkhave, etarahi kathāya sannisinnā sannipatitā, kā ca pana vo antarākathā vippakatā”ti?","en":"Then in the late afternoon, the Buddha came out of retreat and went to the assembly hall. He sat down on the seat spread out,\nand addressed the mendicants:\n“Mendicants, what were you sitting talking about just now? What conversation was left unfinished?”"}},{"id":"an10.50:3","sourceIds":["an10.50:3.1","an10.50:3.2"],"kind":"text","text":{"pi":"“Idha mayaṁ, bhante, pacchābhattaṁ piṇḍapātapaṭikkantā upaṭṭhānasālāyaṁ sannisinnā sannipatitā bhaṇḍanajātā kalahajātā vivādāpannā aññamaññaṁ mukhasattīhi vitudantā viharāmā”ti.\n“Na kho panetaṁ, bhikkhave, tumhākaṁ patirūpaṁ kulaputtānaṁ saddhāya agārasmā anagāriyaṁ pabbajitānaṁ, yaṁ tumhe bhaṇḍanajātā kalahajātā vivādāpannā aññamaññaṁ mukhasattīhi vitudantā vihareyyātha.","en":"“Sir, after the meal, on return from almsround, we sat together in the assembly hall, fighting, quarreling, and disputing, wounding each other with barbed words.”\n“Mendicants, this is not appropriate for you gentlemen who have gone forth out of faith from the lay life to homelessness."}},{"id":"an10.50:4","sourceIds":["an10.50:4.1","an10.50:4.2","an10.50:4.3","an10.50:4.4","an10.50:4.5"],"kind":"text","text":{"pi":"Dasayime, bhikkhave, dhammā sāraṇīyā piyakaraṇā garukaraṇā saṅgahāya avivādāya sāmaggiyā ekībhāvāya saṁvattanti.\nKatame dasa?\nIdha, bhikkhave, bhikkhu sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu.\nYampi, bhikkhave, bhikkhu sīlavā hoti …pe… samādāya sikkhati sikkhāpadesu,\nayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.","en":"There are ten warm-hearted qualities that make for fondness and respect, conducing to inclusion, harmony, and unity, without dispute.\nWhat ten?\nFirstly, a mendicant is ethical, restrained in the monastic code, conducting themselves well and resorting for alms in suitable places. Seeing danger in the slightest fault, they keep the rules they’ve undertaken.\nWhen a mendicant is ethical,\nthis warm-hearted quality makes for fondness and respect, conducing to inclusion, harmony, and unity, without dispute."}},{"id":"an10.50:5","sourceIds":["an10.50:5.1","an10.50:5.2","an10.50:5.3"],"kind":"text","text":{"pi":"Puna caparaṁ, bhikkhave, bhikkhu bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā.\nYampi, bhikkhave, bhikkhu bahussuto hoti …pe… diṭṭhiyā suppaṭividdhā,\nayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.","en":"Furthermore, a mendicant is very learned, remembering and keeping what they’ve learned. These teachings are good in the beginning, good in the middle, and good in the end, meaningful and well-phrased, describing a spiritual practice that’s entirely full and pure. They are very learned in such teachings, remembering them, rehearsing them, mentally scrutinizing them, and penetrating them theoretically. …"}},{"id":"an10.50:6","sourceIds":["an10.50:6.1","an10.50:6.2","an10.50:6.3"],"kind":"text","text":{"pi":"Puna caparaṁ, bhikkhave, bhikkhu kalyāṇamitto hoti kalyāṇasahāyo kalyāṇasampavaṅko.\nYampi, bhikkhave, bhikkhu kalyāṇamitto hoti kalyāṇasahāyo kalyāṇasampavaṅko,\nayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.","en":"Furthermore, a mendicant has good friends, companions, and associates. …"}},{"id":"an10.50:7","sourceIds":["an10.50:7.1","an10.50:7.2","an10.50:7.3"],"kind":"text","text":{"pi":"Puna caparaṁ, bhikkhave, bhikkhu suvaco hoti sovacassakaraṇehi dhammehi samannāgato khamo padakkhiṇaggāhī anusāsaniṁ.\nYampi, bhikkhave, bhikkhu suvaco hoti sovacassakaraṇehi dhammehi samannāgato khamo padakkhiṇaggāhī anusāsaniṁ,\nayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.","en":"Furthermore, a mendicant is easy to admonish, having qualities that make them easy to admonish. They’re patient, and take instruction respectfully. …"}},{"id":"an10.50:8","sourceIds":["an10.50:8.1","an10.50:8.2","an10.50:8.3"],"kind":"text","text":{"pi":"Puna caparaṁ, bhikkhave, bhikkhu yāni tāni sabrahmacārīnaṁ uccāvacāni kiṅkaraṇīyāni—tattha dakkho hoti analaso, tatrūpāyāya vīmaṁsāya samannāgato alaṁ kātuṁ alaṁ saṁvidhātuṁ.\nYampi, bhikkhave, bhikkhu yāni tāni sabrahmacārīnaṁ uccāvacāni kiṅkaraṇīyāni—tattha dakkho hoti analaso tatrūpāyāya vīmaṁsāya samannāgato alaṁ kātuṁ alaṁ saṁvidhātuṁ,\nayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.","en":"Furthermore, a mendicant is deft and tireless in a diverse spectrum of duties for their spiritual companions, understanding how to go about things in order to complete and organize the work. …"}},{"id":"an10.50:9","sourceIds":["an10.50:9.1","an10.50:9.2","an10.50:9.3"],"kind":"text","text":{"pi":"Puna caparaṁ, bhikkhave, bhikkhu dhammakāmo hoti piyasamudāhāro, abhidhamme abhivinaye uḷārapāmojjo.\nYampi, bhikkhave, bhikkhu dhammakāmo hoti piyasamudāhāro, abhidhamme abhivinaye uḷārapāmojjo,\nayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.","en":"Furthermore, a mendicant loves the teachings and is a delight to converse with, being full of joy in the teaching and training. …"}},{"id":"an10.50:10","sourceIds":["an10.50:10.1","an10.50:10.2","an10.50:10.3"],"kind":"text","text":{"pi":"Puna caparaṁ, bhikkhave, bhikkhu āraddhavīriyo viharati akusalānaṁ dhammānaṁ pahānāya kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.\nYampi, bhikkhave, bhikkhu āraddhavīriyo viharati akusalānaṁ dhammānaṁ pahānāya kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu,\nayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.","en":"Furthermore, a mendicant lives with energy roused up for giving up unskillful qualities and embracing skillful qualities. They are strong, staunchly vigorous, not slacking off when it comes to developing skillful qualities. …"}},{"id":"an10.50:11","sourceIds":["an10.50:11.1","an10.50:11.2","an10.50:11.3"],"kind":"text","text":{"pi":"Puna caparaṁ, bhikkhave, bhikkhu santuṭṭho hoti itarītaracīvarapiṇḍapātasenāsanagilānapaccayabhesajjaparikkhārena.\nYampi, bhikkhave, bhikkhu santuṭṭho hoti itarītaracīvarapiṇḍapātasenāsanagilānapaccayabhesajjaparikkhārena,\nayampi dhammo sāraṇīyo …pe… saṁvattati.","en":"Furthermore, a mendicant is content with any kind of robes, almsfood, lodgings, and medicines and supplies for the sick. …"}},{"id":"an10.50:12","sourceIds":["an10.50:12.1","an10.50:12.2","an10.50:12.3"],"kind":"text","text":{"pi":"Puna caparaṁ, bhikkhave, bhikkhu satimā hoti, paramena satinepakkena samannāgato, cirakatampi cirabhāsitampi saritā anussaritā.\nYampi, bhikkhave, bhikkhu satimā hoti, paramena satinepakkena samannāgato, cirakatampi cirabhāsitampi saritā anussaritā,\nayampi dhammo sāraṇīyo …pe… saṁvattati.","en":"Furthermore, a mendicant is mindful. They have utmost mindfulness and alertness, and can remember and recall what was said and done long ago. …"}},{"id":"an10.50:13","sourceIds":["an10.50:13.1","an10.50:13.2","an10.50:13.3"],"kind":"text","text":{"pi":"Puna caparaṁ, bhikkhave, bhikkhu paññavā hoti, udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.\nYampi, bhikkhave, bhikkhu paññavā hoti, udayatthagāminiyā paññāya samannāgato ariyāya nibbedhikāya sammā dukkhakkhayagāminiyā,\nayampi dhammo sāraṇīyo …pe… saṁvattati.","en":"Furthermore, a mendicant is wise. They have the wisdom of arising and passing away which is noble, penetrative, and leads to the complete ending of suffering.\nWhen a mendicant is wise,\nthis warm-hearted quality makes for fondness and respect, helping the Saṅgha to live in harmony and unity, without quarreling."}},{"id":"an10.50:14","sourceIds":["an10.50:14.1","an10.50:14.2","an10.50:14.3"],"kind":"text","text":{"pi":"Ime kho, bhikkhave, dasa dhammā sāraṇīyā piyakaraṇā garukaraṇā saṅgahāya avivādāya sāmaggiyā ekībhāvāya saṁvattantī”ti.\nDasamaṁ.\nAkkosavaggo pañcamo.","en":"These ten warm-hearted qualities make for fondness and respect, conducing to inclusion, harmony, and unity, without dispute.”"}},{"id":"an10.50:15","sourceIds":["an10.50:15.0","an10.50:15.1","an10.50:15.2","an10.50:15.3","an10.50:15.4","an10.50:15.5"],"kind":"text","text":{"pi":"Tassuddānaṁ\nVivādā dve ca mūlāni,\nkusinārapavesane;\nSakko mahāli abhiṇhaṁ,\nsarīraṭṭhā ca bhaṇḍanāti.\nPaṭhamo paṇṇāsako samatto."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.50/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}