{"id":"an10.70","title":"Topics of Discussion (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.70","title":"Topics of Discussion (2nd)","units":[{"id":"an10.70:0","sourceIds":["an10.70:0.1","an10.70:0.2","an10.70:0.3"],"kind":"text","text":{"pi":"Aṅguttara Nikāya 10.70\n7. Yamakavagga\nDutiyakathāvatthusutta","en":"Numbered Discourses 10.70\n7. Pairs\nTopics of Discussion (2nd)"}},{"id":"an10.70:1","sourceIds":["an10.70:1.1","an10.70:1.2","an10.70:1.3"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena sambahulā bhikkhū pacchābhattaṁ piṇḍapātapaṭikkantā upaṭṭhānasālāyaṁ sannisinnā sannipatitā anekavihitaṁ tiracchānakathaṁ anuyuttā viharanti, seyyathidaṁ—\nrājakathaṁ corakathaṁ mahāmattakathaṁ …pe… itibhavābhavakathaṁ iti vāti.","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time, after the meal, on return from almsround, several mendicants sat together in the assembly hall.\nThey engaged in all kinds of low talk, such as talk about kings, bandits, and chief ministers; talk about armies, threats, and wars; talk about food, drink, clothes, and beds; talk about garlands and fragrances; talk about family, vehicles, villages, towns, cities, and countries; talk about women and heroes; talk at the street market and the place for water pots; talk about the departed; motley talk; tales of land and sea; and talk about being reborn in this or that state of existence."}},{"id":"an10.70:2","sourceIds":["an10.70:2.1","an10.70:2.2","an10.70:2.3","an10.70:2.4"],"kind":"text","text":{"pi":"“Dasayimāni, bhikkhave, pāsaṁsāni ṭhānāni.\nKatamāni dasa?\nIdha, bhikkhave, bhikkhu attanā ca appiccho hoti, appicchakathañca bhikkhūnaṁ kattā hoti.\n‘Appiccho bhikkhu appicchakathañca bhikkhūnaṁ kattā’ti pāsaṁsametaṁ ṭhānaṁ.","en":"“Mendicants, there are ten grounds for praise.\nWhat ten?\nIt’s when a mendicant personally has few wishes, and speaks to the mendicants on having few wishes.\nThis is a ground for praise."}},{"id":"an10.70:3","sourceIds":["an10.70:3.1","an10.70:3.2"],"kind":"text","text":{"pi":"Attanā ca santuṭṭho hoti, santuṭṭhikathañca bhikkhūnaṁ kattā hoti.\n‘Santuṭṭho bhikkhu santuṭṭhikathañca bhikkhūnaṁ kattā’ti pāsaṁsametaṁ ṭhānaṁ.","en":"A mendicant personally is content, and speaks to the mendicants on contentment.\nThis is a ground for praise."}},{"id":"an10.70:4","sourceIds":["an10.70:4.1","an10.70:4.2"],"kind":"text","text":{"pi":"Attanā ca pavivitto hoti, pavivekakathañca bhikkhūnaṁ kattā hoti.\n‘Pavivitto bhikkhu pavivekakathañca bhikkhūnaṁ kattā’ti pāsaṁsametaṁ ṭhānaṁ.","en":"A mendicant personally is secluded, and speaks to the mendicants on seclusion.\nThis is a ground for praise."}},{"id":"an10.70:5","sourceIds":["an10.70:5.1","an10.70:5.2"],"kind":"text","text":{"pi":"Attanā ca asaṁsaṭṭho hoti, asaṁsaṭṭhakathañca bhikkhūnaṁ kattā hoti.\n‘Asaṁsaṭṭho bhikkhu asaṁsaṭṭhakathañca bhikkhūnaṁ kattā’ti pāsaṁsametaṁ ṭhānaṁ.","en":"A mendicant personally doesn’t mix closely with others, and speaks to the mendicants on not mixing closely with others.\nThis is a ground for praise."}},{"id":"an10.70:6","sourceIds":["an10.70:6.1","an10.70:6.2"],"kind":"text","text":{"pi":"Attanā ca āraddhavīriyo hoti, vīriyārambhakathañca bhikkhūnaṁ kattā hoti.\n‘Āraddhavīriyo bhikkhu vīriyārambhakathañca bhikkhūnaṁ kattā’ti pāsaṁsametaṁ ṭhānaṁ.","en":"A mendicant personally is energetic, and speaks to the mendicants on rousing energy.\nThis is a ground for praise."}},{"id":"an10.70:7","sourceIds":["an10.70:7.1","an10.70:7.2"],"kind":"text","text":{"pi":"Attanā ca sīlasampanno hoti, sīlasampadākathañca bhikkhūnaṁ kattā hoti.\n‘Sīlasampanno bhikkhu sīlasampadākathañca bhikkhūnaṁ kattā’ti pāsaṁsametaṁ ṭhānaṁ.","en":"A mendicant personally is accomplished in ethics, and speaks to the mendicants on being accomplished in ethics.\nThis is a ground for praise."}},{"id":"an10.70:8","sourceIds":["an10.70:8.1","an10.70:8.2"],"kind":"text","text":{"pi":"Attanā ca samādhisampanno hoti, samādhisampadākathañca bhikkhūnaṁ kattā hoti.\n‘Samādhisampanno bhikkhu samādhisampadākathañca bhikkhūnaṁ kattā’ti pāsaṁsametaṁ ṭhānaṁ.","en":"A mendicant personally is accomplished in immersion, and speaks to the mendicants on being accomplished in immersion.\nThis is a ground for praise."}},{"id":"an10.70:9","sourceIds":["an10.70:9.1","an10.70:9.2"],"kind":"text","text":{"pi":"Attanā ca paññāsampanno hoti, paññāsampadākathañca bhikkhūnaṁ kattā hoti.\n‘Paññāsampanno bhikkhu paññāsampadākathañca bhikkhūnaṁ kattā’ti pāsaṁsametaṁ ṭhānaṁ.","en":"A mendicant personally is accomplished in wisdom, and speaks to the mendicants on being accomplished in wisdom.\nThis is a ground for praise."}},{"id":"an10.70:10","sourceIds":["an10.70:10.1","an10.70:10.2"],"kind":"text","text":{"pi":"Attanā ca vimuttisampanno hoti, vimuttisampadākathañca bhikkhūnaṁ kattā hoti.\n‘Vimuttisampanno bhikkhu vimuttisampadākathañca bhikkhūnaṁ kattā’ti pāsaṁsametaṁ ṭhānaṁ.","en":"A mendicant personally is accomplished in freedom, and speaks to the mendicants on being accomplished in freedom.\nThis is a ground for praise."}},{"id":"an10.70:11","sourceIds":["an10.70:11.1","an10.70:11.2"],"kind":"text","text":{"pi":"Attanā ca vimuttiñāṇadassanasampanno hoti, vimuttiñāṇadassanasampadākathañca bhikkhūnaṁ kattā hoti.\n‘Vimuttiñāṇadassanasampanno bhikkhu vimuttiñāṇadassanasampadākathañca bhikkhūnaṁ kattā’ti pāsaṁsametaṁ ṭhānaṁ.","en":"A mendicant personally is accomplished in the knowledge and vision of freedom, and speaks to the mendicants on being accomplished in the knowledge and vision of freedom.\nThis is a ground for praise."}},{"id":"an10.70:12","sourceIds":["an10.70:12.1","an10.70:12.2","an10.70:12.3"],"kind":"text","text":{"pi":"Imāni kho, bhikkhave, dasa pāsaṁsāni ṭhānānī”ti.\nDasamaṁ.\nYamakavaggo dutiyo.","en":"These are the ten grounds for praise.”"}},{"id":"an10.70:13","sourceIds":["an10.70:13.0","an10.70:13.1","an10.70:13.2","an10.70:13.3","an10.70:13.4"],"kind":"text","text":{"pi":"Tassuddānaṁ\nAvijjā taṇhā niṭṭhā ca,\navecca dve sukhāni ca;\nNaḷakapāne dve vuttā,\nkathāvatthūpare duveti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}