{"id":"an10.73","title":"Likable","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.73","title":"Likable","units":[{"id":"an10.73:0","sourceIds":["an10.73:0.1","an10.73:0.2","an10.73:0.3"],"kind":"text","text":{"pi":"Aṅguttara Nikāya 10.73\n8. Ākaṅkhavagga\nIṭṭhadhammasutta","en":"Numbered Discourses 10.73\n8. If You Want\nLikable"}},{"id":"an10.73:1","sourceIds":["an10.73:1.1","an10.73:1.2","an10.73:1.3","an10.73:1.4","an10.73:1.5","an10.73:1.6","an10.73:1.7","an10.73:1.8","an10.73:1.9","an10.73:1.10","an10.73:1.11","an10.73:1.12"],"kind":"text","text":{"pi":"“Dasayime, bhikkhave, dhammā iṭṭhā kantā manāpā dullabhā lokasmiṁ.\nKatame dasa?\nBhogā iṭṭhā kantā manāpā dullabhā lokasmiṁ;\nvaṇṇo iṭṭho kanto manāpo dullabho lokasmiṁ;\nārogyaṁ iṭṭhaṁ kantaṁ manāpaṁ dullabhaṁ lokasmiṁ;\nsīlaṁ iṭṭhaṁ kantaṁ manāpaṁ dullabhaṁ lokasmiṁ;\nbrahmacariyaṁ iṭṭhaṁ kantaṁ manāpaṁ dullabhaṁ lokasmiṁ;\nmittā iṭṭhā kantā manāpā dullabhā lokasmiṁ;\nbāhusaccaṁ iṭṭhaṁ kantaṁ manāpaṁ dullabhaṁ lokasmiṁ;\npaññā iṭṭhā kantā manāpā dullabhā lokasmiṁ;\ndhammā iṭṭhā kantā manāpā dullabhā lokasmiṁ;\nsaggā iṭṭhā kantā manāpā dullabhā lokasmiṁ.","en":"“Mendicants, these ten likable, desirable, and agreeable things are rare in the world.\nWhat ten?\nWealth,\nbeauty,\nhealth,\nethical conduct,\nthe spiritual life,\nfriends,\nlearning,\nwisdom,\ngood qualities,\nand heaven are likable, desirable, and agreeable things that are rare in the world."}},{"id":"an10.73:2","sourceIds":["an10.73:2.1","an10.73:2.2","an10.73:2.3"],"kind":"text","text":{"pi":"Imesaṁ kho, bhikkhave, dasannaṁ dhammānaṁ iṭṭhānaṁ kantānaṁ manāpānaṁ dullabhānaṁ lokasmiṁ dasa dhammā paripanthā—\nālasyaṁ anuṭṭhānaṁ bhogānaṁ paripantho, amaṇḍanā avibhūsanā vaṇṇassa paripantho, asappāyakiriyā ārogyassa paripantho, pāpamittatā sīlānaṁ paripantho, indriyaasaṁvaro brahmacariyassa paripantho, visaṁvādanā mittānaṁ paripantho, asajjhāyakiriyā bāhusaccassa paripantho, asussūsā aparipucchā paññāya paripantho, ananuyogo apaccavekkhaṇā dhammānaṁ paripantho, micchāpaṭipatti saggānaṁ paripantho.\nImesaṁ kho, bhikkhave, dasannaṁ iṭṭhānaṁ kantānaṁ manāpānaṁ dullabhānaṁ lokasmiṁ ime dasa dhammā paripanthā.","en":"Ten things are roadblocks for these ten likable, desirable, and agreeable things that are rare in the world.\nSloth and lack of initiative are a roadblock for wealth. Lack of adornment and decoration are a roadblock for beauty. Unsuitable activity is a roadblock for health. Bad friendship is a roadblock for ethical conduct. Lack of sense restraint is a roadblock for the spiritual life. Dishonesty is a roadblock for friends. Not rehearsing is a roadblock for learning. Not wanting to listen and ask questions are roadblocks for wisdom. Lack of commitment and reviewing are roadblocks for good qualities. Wrong practice hinders heaven.\nThese ten things are roadblocks for these ten likable, desirable, and agreeable things that are rare in the world."}},{"id":"an10.73:3","sourceIds":["an10.73:3.1","an10.73:3.2","an10.73:3.3","an10.73:3.4"],"kind":"text","text":{"pi":"Imesaṁ kho, bhikkhave, dasannaṁ dhammānaṁ iṭṭhānaṁ kantānaṁ manāpānaṁ dullabhānaṁ lokasmiṁ dasa dhammā āhārā—\nuṭṭhānaṁ anālasyaṁ bhogānaṁ āhāro, maṇḍanā vibhūsanā vaṇṇassa āhāro, sappāyakiriyā ārogyassa āhāro, kalyāṇamittatā sīlānaṁ āhāro, indriyasaṁvaro brahmacariyassa āhāro, avisaṁvādanā mittānaṁ āhāro, sajjhāyakiriyā bāhusaccassa āhāro, sussūsā paripucchā paññāya āhāro, anuyogo paccavekkhaṇā dhammānaṁ āhāro, sammāpaṭipatti saggānaṁ āhāro.\nImesaṁ kho, bhikkhave, dasannaṁ dhammānaṁ iṭṭhānaṁ kantānaṁ manāpānaṁ dullabhānaṁ lokasmiṁ ime dasa dhammā āhārā”ti.\nTatiyaṁ.","en":"Ten things nourish these ten likable, desirable, and agreeable things that are rare in the world.\nApplication and initiative nourish wealth. Adornment and decoration nourish beauty. Suitable activity nourishes health. Good friendship nourishes ethical conduct. Sense restraint nourishes the spiritual life. Honesty nourishes friends. Rehearsing nourishes learning. Eagerness to listen and ask questions nourishes wisdom. Commitment and reviewing nourish good qualities. Right practice nourishes heaven.\nThese ten things nourish these ten likable, desirable, and agreeable things that are rare in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.73/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}