{"id":"an10.8","title":"Inspiring All Around: the Absorptions","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.8","title":"Inspiring All Around: the Absorptions","units":[{"id":"an10.8:0","sourceIds":["an10.8:0.1","an10.8:0.2","an10.8:0.3"],"kind":"text","text":{"pi":"Aṅguttara Nikāya 10.8\n1. Ānisaṁsavagga\nJhānasutta","en":"Numbered Discourses 10.8\n1. Benefits\nInspiring All Around: the Absorptions"}},{"id":"an10.8:1","sourceIds":["an10.8:1.1","an10.8:1.2","an10.8:1.3","an10.8:1.4","an10.8:1.5"],"kind":"text","text":{"pi":"“Saddho ca, bhikkhave, bhikkhu hoti, no ca sīlavā;\nevaṁ so tenaṅgena aparipūro hoti.\nTena taṁ aṅgaṁ paripūretabbaṁ:\n‘kintāhaṁ saddho ca assaṁ, sīlavā cā’ti.\nYato ca kho, bhikkhave, bhikkhu saddho ca hoti sīlavā ca, evaṁ so tenaṅgena paripūro hoti.","en":"“Mendicants, a mendicant is faithful but not ethical.\nSo they’re incomplete in that respect,\nand should fulfill it, thinking:\n‘How can I become faithful and ethical?’\nWhen the mendicant is faithful and ethical, they’re complete in that respect."}},{"id":"an10.8:2","sourceIds":["an10.8:2.1","an10.8:2.2","an10.8:2.3","an10.8:2.4","an10.8:2.5","an10.8:2.6","an10.8:2.7","an10.8:2.8","an10.8:2.9","an10.8:2.10","an10.8:2.11"],"kind":"text","text":{"pi":"Saddho ca, bhikkhave, bhikkhu hoti sīlavā ca, no ca bahussuto …pe…\nbahussuto ca, no ca dhammakathiko …\ndhammakathiko ca, no ca parisāvacaro …\nparisāvacaro ca, no ca visārado parisāya dhammaṁ deseti …\nvisārado ca parisāya dhammaṁ deseti, no ca vinayadharo …\nvinayadharo ca, no ca āraññiko pantasenāsano …\nāraññiko ca pantasenāsano, no ca catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī …\ncatunnañca jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, no ca āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nEvaṁ so tenaṅgena aparipūro hoti.\nTena taṁ aṅgaṁ paripūretabbaṁ:\n‘kintāhaṁ saddho ca assaṁ, sīlavā ca, bahussuto ca, dhammakathiko ca, parisāvacaro ca, visārado ca parisāya dhammaṁ deseyyaṁ, vinayadharo ca, āraññiko ca pantasenāsano, catunnañca jhānānaṁ ābhicetasikānaṁ diṭṭhadhammasukhavihārānaṁ nikāmalābhī assaṁ akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja vihareyyan’ti.","en":"A mendicant is faithful and ethical, but not learned. …\nthey’re not a Dhamma speaker …\nthey don’t frequent assemblies …\nthey don’t teach Dhamma to the assembly with assurance …\nthey’re not an expert in the monastic law …\nthey don’t stay in the wilderness, in remote lodgings …\nthey don’t get the four absorptions—blissful meditations in this life that belong to the higher mind—when they want, without trouble or difficulty …\nthey don’t realize the undefiled freedom of heart and freedom by wisdom, and live having realized it with their own insight in this very life due to the ending of defilements.\nSo they’re incomplete in that respect,\nand should fulfill it, thinking:\n‘How can I become faithful, ethical, and learned, a Dhamma speaker, one who frequents assemblies, one who teaches Dhamma to the assembly with assurance, an expert in the training, one who lives in the wilderness, in remote lodgings, one who gets the four absorptions when they want, and one who lives having realized the ending of defilements?’"}},{"id":"an10.8:3","sourceIds":["an10.8:3.1","an10.8:3.2","an10.8:3.3","an10.8:3.4"],"kind":"text","text":{"pi":"Yato ca kho, bhikkhave, bhikkhu saddho ca hoti, sīlavā ca, bahussuto ca, dhammakathiko ca, parisāvacaro ca, visārado ca parisāya dhammaṁ deseti, vinayadharo ca, āraññiko ca pantasenāsano, catunnañca jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati;\nevaṁ so tenaṅgena paripūro hoti.\nImehi kho, bhikkhave, dasahi dhammehi samannāgato bhikkhu samantapāsādiko ca hoti sabbākāraparipūro cā”ti.\nAṭṭhamaṁ.","en":"When they’re faithful, ethical, and learned, a Dhamma speaker, one who frequents assemblies, one who teaches Dhamma to the assembly with assurance, an expert in the training, one who lives in the wilderness, in remote lodgings, one who gets the four absorptions when they want, and one who lives having realized the ending of defilements,\nthey’re complete in that respect.\nA mendicant who possesses these ten qualities is impressive all around, and is complete in every respect.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}