{"id":"an10.81","title":"With Bāhuna","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.81","title":"With Bāhuna","units":[{"id":"an10.81:0","sourceIds":["an10.81:0.1","an10.81:0.2","an10.81:0.3"],"kind":"text","text":{"pi":"Aṅguttara Nikāya 10.81\n9. Theravagga\nVāhanasutta","en":"Numbered Discourses 10.81\n9. Senior Mendicants\nWith Bāhuna"}},{"id":"an10.81:1","sourceIds":["an10.81:1.1","an10.81:1.2","an10.81:1.3"],"kind":"text","text":{"pi":"Ekaṁ samayaṁ bhagavā campāyaṁ viharati gaggarāya pokkharaṇiyā tīre.\nAtha kho āyasmā vāhano yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā vāhano bhagavantaṁ etadavoca:\n“katihi nu kho, bhante, dhammehi tathāgato nissaṭo visaṁyutto vippamutto vimariyādīkatena cetasā viharatī”ti?","en":"At one time the Buddha was staying near Campā on the banks of the Gaggarā Lotus Pond.\nThen Venerable Bāhuna went up to the Buddha, bowed, sat down to one side, and said to him:\n“Sir, how many things has the Realized One escaped from, so that he lives detached, liberated, with mind free of boundaries?”"}},{"id":"an10.81:2","sourceIds":["an10.81:2.1","an10.81:2.2","an10.81:2.3","an10.81:2.4","an10.81:2.5","an10.81:2.6","an10.81:2.7","an10.81:2.8","an10.81:2.9","an10.81:2.10","an10.81:2.11","an10.81:2.12","an10.81:2.13","an10.81:2.14","an10.81:2.15"],"kind":"text","text":{"pi":"“Dasahi kho, vāhana, dhammehi tathāgato nissaṭo visaṁyutto vippamutto vimariyādīkatena cetasā viharati.\nKatamehi dasahi?\nRūpena kho, vāhana, tathāgato nissaṭo visaṁyutto vippamutto vimariyādīkatena cetasā viharati,\nvedanāya kho, vāhana …pe…\nsaññāya kho, vāhana …\nsaṅkhārehi kho, vāhana …\nviññāṇena kho, vāhana …\njātiyā kho, vāhana …\njarāya kho, vāhana …\nmaraṇena kho, vāhana …\ndukkhehi kho, vāhana …\nkilesehi kho, vāhana, tathāgato nissaṭo visaṁyutto vippamutto vimariyādīkatena cetasā viharati.\nSeyyathāpi, vāhana, uppalaṁ vā padumaṁ vā puṇḍarīkaṁ vā udake jātaṁ udake saṁvaḍḍhaṁ udakā paccuggamma ṭhitaṁ anupalittaṁ udakena;\nevamevaṁ kho, vāhana, imehi dasahi dhammehi tathāgato nissaṭo visaṁyutto vippamutto vimariyādīkatena cetasā viharatī”ti.\nPaṭhamaṁ.","en":"“Bāhuna, the Realized One has escaped from ten things, so that he lives detached, liberated, with mind free of boundaries.\nWhat ten?\nForm …\nfeeling …\nperception …\nchoices …\nconsciousness …\nrebirth …\nold age …\ndeath …\nsuffering …\ndefilements …\nSuppose there was a blue water lily, or a pink or white lotus. Though it sprouted and grew in the water, it would rise up above the water and stand with no water clinging to it.\nIn the same way, the Realized One has escaped from ten things, so that he lives detached, liberated, with mind free of boundaries.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.81/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}