{"id":"an10.82","title":"With Ānanda","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.82","title":"With Ānanda","units":[{"id":"an10.82:0","sourceIds":["an10.82:0.1","an10.82:0.2","an10.82:0.3"],"kind":"text","text":{"pi":"Aṅguttara Nikāya 10.82\n9. Theravagga\nĀnandasutta","en":"Numbered Discourses 10.82\n9. Senior Mendicants\nWith Ānanda"}},{"id":"an10.82:1","sourceIds":["an10.82:1.1"],"kind":"text","text":{"pi":"Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ ānandaṁ bhagavā etadavoca:","en":"Then Venerable Ānanda went up to the Buddha, bowed, and sat down to one side. The Buddha said to him:"}},{"id":"an10.82:2","sourceIds":["an10.82:2.1"],"kind":"text","text":{"pi":"“So vatānanda, bhikkhu ‘assaddho samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"“Ānanda, it is quite impossible for a faithless mendicant to achieve growth, improvement, or maturity in this teaching and training."}},{"id":"an10.82:3","sourceIds":["an10.82:3.1"],"kind":"text","text":{"pi":"So vatānanda, bhikkhu ‘dussīlo samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"It is quite impossible for a mendicant who is unethical …"}},{"id":"an10.82:4","sourceIds":["an10.82:4.1"],"kind":"text","text":{"pi":"So vatānanda, bhikkhu ‘appassuto samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"unlearned …"}},{"id":"an10.82:5","sourceIds":["an10.82:5.1"],"kind":"text","text":{"pi":"So vatānanda, bhikkhu ‘dubbaco samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"hard to admonish …"}},{"id":"an10.82:6","sourceIds":["an10.82:6.1"],"kind":"text","text":{"pi":"So vatānanda, bhikkhu ‘pāpamitto samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"with bad friends …"}},{"id":"an10.82:7","sourceIds":["an10.82:7.1"],"kind":"text","text":{"pi":"So vatānanda, bhikkhu ‘kusīto samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"lazy …"}},{"id":"an10.82:8","sourceIds":["an10.82:8.1"],"kind":"text","text":{"pi":"So vatānanda, bhikkhu ‘muṭṭhassati samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"unmindful …"}},{"id":"an10.82:9","sourceIds":["an10.82:9.1"],"kind":"text","text":{"pi":"So vatānanda, bhikkhu ‘asantuṭṭho samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"lacking contentment …"}},{"id":"an10.82:10","sourceIds":["an10.82:10.1"],"kind":"text","text":{"pi":"So vatānanda, bhikkhu ‘pāpiccho samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"of corrupt wishes …"}},{"id":"an10.82:11","sourceIds":["an10.82:11.1"],"kind":"text","text":{"pi":"So vatānanda, bhikkhu ‘micchādiṭṭhiko samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"of wrong view to achieve growth, improvement, or maturity in this teaching and training."}},{"id":"an10.82:12","sourceIds":["an10.82:12.1"],"kind":"text","text":{"pi":"So vatānanda, bhikkhu ‘imehi dasahi dhammehi samannāgato imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.","en":"It is quite impossible for a mendicant with these ten qualities to achieve growth, improvement, or maturity in this teaching and training."}},{"id":"an10.82:13","sourceIds":["an10.82:13.1"],"kind":"text","text":{"pi":"So vatānanda, bhikkhu ‘saddho samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjati.","en":"It is quite possible for a faithful mendicant to achieve growth, improvement, or maturity in this teaching and training."}},{"id":"an10.82:14","sourceIds":["an10.82:14.1"],"kind":"text","text":{"pi":"So vatānanda, bhikkhu ‘sīlavā samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjati.","en":"It is quite possible for a mendicant who is ethical …"}},{"id":"an10.82:15","sourceIds":["an10.82:15.1"],"kind":"text","text":{"pi":"So vatānanda, bhikkhu ‘bahussuto sutadharo samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjati.","en":"a learned memorizer …"}},{"id":"an10.82:16","sourceIds":["an10.82:16.1"],"kind":"text","text":{"pi":"So vatānanda, bhikkhu ‘suvaco samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjati.","en":"easy to admonish …"}},{"id":"an10.82:17","sourceIds":["an10.82:17.1"],"kind":"text","text":{"pi":"So vatānanda, bhikkhu ‘kalyāṇamitto samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjati.","en":"with good friends …"}},{"id":"an10.82:18","sourceIds":["an10.82:18.1"],"kind":"text","text":{"pi":"So vatānanda, bhikkhu ‘āraddhavīriyo samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjati.","en":"energetic …"}},{"id":"an10.82:19","sourceIds":["an10.82:19.1"],"kind":"text","text":{"pi":"So vatānanda, bhikkhu ‘upaṭṭhitassati samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjati.","en":"mindful …"}},{"id":"an10.82:20","sourceIds":["an10.82:20.1"],"kind":"text","text":{"pi":"So vatānanda, bhikkhu ‘santuṭṭho samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjati.","en":"contented …"}},{"id":"an10.82:21","sourceIds":["an10.82:21.1"],"kind":"text","text":{"pi":"So vatānanda, bhikkhu ‘appiccho samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjati.","en":"of few desires …"}},{"id":"an10.82:22","sourceIds":["an10.82:22.1"],"kind":"text","text":{"pi":"So vatānanda, bhikkhu ‘sammādiṭṭhiko samāno imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjati.","en":"of right view to achieve growth, improvement, or maturity in this teaching and training."}},{"id":"an10.82:23","sourceIds":["an10.82:23.1","an10.82:23.2"],"kind":"text","text":{"pi":"So vatānanda, bhikkhu ‘imehi dasahi dhammehi samannāgato imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjatī”ti.\nDutiyaṁ.","en":"It is quite possible for a mendicant with these ten qualities to achieve growth, improvement, or maturity in this teaching and training.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.82/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}