{"id":"an10.83","title":"With Puṇṇiya","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.83","title":"With Puṇṇiya","units":[{"id":"an10.83:0","sourceIds":["an10.83:0.1","an10.83:0.2","an10.83:0.3"],"kind":"text","text":{"pi":"Aṅguttara Nikāya 10.83\n9. Theravagga\nPuṇṇiyasutta","en":"Numbered Discourses 10.83\n9. Senior Mendicants\nWith Puṇṇiya"}},{"id":"an10.83:1","sourceIds":["an10.83:1.1","an10.83:1.2"],"kind":"text","text":{"pi":"Atha kho āyasmā puṇṇiyo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā puṇṇiyo bhagavantaṁ etadavoca:\n“ko nu kho, bhante, hetu ko paccayo yena appekadā tathāgataṁ dhammadesanā paṭibhāti appekadā nappaṭibhātī”ti?","en":"Then Venerable Puṇṇiya went up to the Buddha, bowed, sat down to one side, and said to him:\n“Sir, what is the cause, what is the reason why sometimes the Realized One feels inspired to teach, and other times not?”"}},{"id":"an10.83:2","sourceIds":["an10.83:2.1","an10.83:2.2"],"kind":"text","text":{"pi":"“Saddho ca, puṇṇiya, bhikkhu hoti, no ca upasaṅkamitā; neva tāva tathāgataṁ dhammadesanā paṭibhāti.\nYato ca kho, puṇṇiya, bhikkhu saddho ca hoti upasaṅkamitā ca, evaṁ tathāgataṁ dhammadesanā paṭibhāti.","en":"“Puṇṇiya, when a mendicant has faith but doesn’t approach, the Realized One doesn’t feel inspired to teach.\nBut when a mendicant has faith and approaches, the Realized One feels inspired to teach."}},{"id":"an10.83:3","sourceIds":["an10.83:3.1","an10.83:3.2","an10.83:3.3","an10.83:3.4","an10.83:3.5","an10.83:3.6","an10.83:3.7","an10.83:3.8"],"kind":"text","text":{"pi":"Saddho ca, puṇṇiya, bhikkhu hoti upasaṅkamitā ca, no ca payirupāsitā …pe…\npayirupāsitā ca, no ca paripucchitā …\nparipucchitā ca, no ca ohitasoto dhammaṁ suṇāti …\nohitasoto ca dhammaṁ suṇāti, no ca sutvā dhammaṁ dhāreti …\nsutvā ca dhammaṁ dhāreti, no ca dhātānaṁ dhammānaṁ atthaṁ upaparikkhati …\ndhātānañca dhammānaṁ atthaṁ upaparikkhati no ca atthamaññāya dhammamaññāya dhammānudhammappaṭipanno hoti …\natthamaññāya dhammamaññāya dhammānudhammappaṭipanno ca hoti, no ca kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagaḷāya atthassa viññāpaniyā …\nkalyāṇavāco ca hoti kalyāṇavākkaraṇo poriyā vācāya samannāgato vissaṭṭhāya anelagaḷāya atthassa viññāpaniyā, no ca sandassako hoti samādapako samuttejako sampahaṁsako sabrahmacārīnaṁ, neva tāva tathāgataṁ dhammadesanā paṭibhāti.","en":"When a mendicant has faith and approaches, but doesn’t pay homage …\nthey pay homage, but don’t ask questions …\nthey ask questions, but don’t actively listen to the teaching …\nthey actively listen to the teaching, but don’t remember the teaching they’ve heard …\nthey remember the teaching they’ve heard, but don’t examine the meaning of the teachings they’ve remembered …\nthey examine the meaning of the teachings they’ve remembered, but, not having understood the meaning and the teaching, they don’t practice in line with the principle of the teaching …\nthey practice in line with the teaching, but they’re not a good speaker and do not enunciate well. Their voice is not polished, clear, articulate, and doesn’t express the meaning …\nThey’re a good speaker who enunciates well, but they don’t educate, encourage, fire up, and inspire their spiritual companions. The Realized One doesn’t feel inspired to teach."}},{"id":"an10.83:4","sourceIds":["an10.83:4.1","an10.83:4.2","an10.83:4.3","an10.83:4.4"],"kind":"text","text":{"pi":"Yato ca kho, puṇṇiya, bhikkhu saddho ca hoti, upasaṅkamitā ca, payirupāsitā ca, paripucchitā ca, ohitasoto ca dhammaṁ suṇāti, sutvā ca dhammaṁ dhāreti, dhātānañca dhammānaṁ atthaṁ upaparikkhati, atthamaññāya dhammamaññāya dhammānudhammappaṭipanno ca hoti, kalyāṇavāco ca hoti kalyāṇavākkaraṇo poriyā vācāya samannāgato vissaṭṭhāya anelagaḷāya atthassa viññāpaniyā, sandassako ca hoti samādapako samuttejako sampahaṁsako sabrahmacārīnaṁ—\nevaṁ tathāgataṁ dhammadesanā paṭibhāti.\nImehi kho, puṇṇiya, dasahi dhammehi samannāgatā ekantapaṭibhānā tathāgataṁ dhammadesanā hotī”ti.\nTatiyaṁ.","en":"But when a mendicant has faith, approaches, pays homage, asks questions, actively listens to the teachings, remembers the teachings, examines the meaning, practices in line with the principle of the teaching, has a good voice, and encourages their spiritual companions,\nthe Realized One feels inspired to teach.\nWhen someone possesses these ten qualities, the Realized One feels totally inspired to teach.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.83/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}