{"id":"an10.84","title":"Declaration","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.84","title":"Declaration","units":[{"id":"an10.84:0","sourceIds":["an10.84:0.1","an10.84:0.2","an10.84:0.3"],"kind":"text","text":{"pi":"Aṅguttara Nikāya 10.84\n9. Theravagga\nByākaraṇasutta","en":"Numbered Discourses 10.84\n9. Senior Mendicants\nDeclaration"}},{"id":"an10.84:1","sourceIds":["an10.84:1.1","an10.84:1.2","an10.84:1.3","an10.84:1.4"],"kind":"text","text":{"pi":"Tatra kho āyasmā mahāmoggallāno bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato mahāmoggallānassa paccassosuṁ.\nĀyasmā mahāmoggallāno etadavoca:","en":"There Venerable Mahāmoggallāna addressed the mendicants:\n“Reverends, mendicants!”\n“Reverend,” they replied.\nVenerable Mahāmoggallāna said this:"}},{"id":"an10.84:2","sourceIds":["an10.84:2.1","an10.84:2.2","an10.84:2.3","an10.84:2.4"],"kind":"text","text":{"pi":"“Idhāvuso, bhikkhu aññaṁ byākaroti:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānāmī’ti.\nTamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo samanuyuñjati samanuggāhati samanubhāsati.\nSo tathāgatena vā tathāgatasāvakena vā jhāyinā samāpattikusalena paracittakusalena paracittapariyāyakusalena samanuyuñjiyamāno samanuggāhiyamāno samanubhāsiyamāno irīṇaṁ āpajjati vicinaṁ āpajjati anayaṁ āpajjati byasanaṁ āpajjati anayabyasanaṁ āpajjati.","en":"“Take a mendicant who declares enlightenment:\n‘I understand: “Rebirth is ended, the spiritual journey has been completed, what had to be done has been done, there is nothing further for this place.”’\nThey’re pursued, pressed, and grilled by the Realized One, or by one of his disciples who is a meditator skilled in attainments, in the minds of others, and in encompassing another’s mind.\nGrilled in this way they get stuck or lose their way. They fall to ruin and disaster."}},{"id":"an10.84:3","sourceIds":["an10.84:3.1","an10.84:3.2","an10.84:3.3"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṁ cetasā ceto paricca manasi karoti:\n‘kiṁ nu kho ayamāyasmā aññaṁ byākaroti—\nkhīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānāmī’ti?","en":"The Realized One or one of his disciples encompasses their mind and investigates:\n‘Why does this venerable declare enlightenment, saying:\n“I understand: ‘Rebirth is ended, the spiritual journey has been completed, what had to be done has been done, there is nothing further for this place’”?’"}},{"id":"an10.84:4","sourceIds":["an10.84:4.1"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṁ cetasā ceto paricca pajānāti:","en":"They understand:"}},{"id":"an10.84:5","sourceIds":["an10.84:5.1","an10.84:5.2","an10.84:5.3"],"kind":"text","text":{"pi":"‘Kodhano kho ayamāyasmā;\nkodhapariyuṭṭhitena cetasā bahulaṁ viharati.\nKodhapariyuṭṭhānaṁ kho pana tathāgatappavedite dhammavinaye parihānametaṁ.","en":"‘This venerable gets irritable,\nand often lives with a heart full of anger.\nBut being full of anger means decline in the teaching and training proclaimed by the Realized One."}},{"id":"an10.84:6","sourceIds":["an10.84:6.1","an10.84:6.2","an10.84:6.3"],"kind":"text","text":{"pi":"Upanāhī kho pana ayamāyasmā;\nupanāhapariyuṭṭhitena cetasā bahulaṁ viharati.\nUpanāhapariyuṭṭhānaṁ kho pana tathāgatappavedite dhammavinaye parihānametaṁ.","en":"This venerable is acrimonious …"}},{"id":"an10.84:7","sourceIds":["an10.84:7.1","an10.84:7.2","an10.84:7.3"],"kind":"text","text":{"pi":"Makkhī kho pana ayamāyasmā;\nmakkhapariyuṭṭhitena cetasā bahulaṁ viharati.\nMakkhapariyuṭṭhānaṁ kho pana tathāgatappavedite dhammavinaye parihānametaṁ.","en":"prone to disdain …"}},{"id":"an10.84:8","sourceIds":["an10.84:8.1","an10.84:8.2","an10.84:8.3"],"kind":"text","text":{"pi":"Paḷāsī kho pana ayamāyasmā;\npaḷāsapariyuṭṭhitena cetasā bahulaṁ viharati.\nPaḷāsapariyuṭṭhānaṁ kho pana tathāgatappavedite dhammavinaye parihānametaṁ.","en":"contemptuous …"}},{"id":"an10.84:9","sourceIds":["an10.84:9.1","an10.84:9.2","an10.84:9.3"],"kind":"text","text":{"pi":"Issukī kho pana ayamāyasmā;\nissāpariyuṭṭhitena cetasā bahulaṁ viharati.\nIssāpariyuṭṭhānaṁ kho pana tathāgatappavedite dhammavinaye parihānametaṁ.","en":"jealous …"}},{"id":"an10.84:10","sourceIds":["an10.84:10.1","an10.84:10.2","an10.84:10.3"],"kind":"text","text":{"pi":"Maccharī kho pana ayamāyasmā;\nmaccherapariyuṭṭhitena cetasā bahulaṁ viharati.\nMaccherapariyuṭṭhānaṁ kho pana tathāgatappavedite dhammavinaye parihānametaṁ.","en":"stingy …"}},{"id":"an10.84:11","sourceIds":["an10.84:11.1","an10.84:11.2","an10.84:11.3"],"kind":"text","text":{"pi":"Saṭho kho pana ayamāyasmā;\nsāṭheyyapariyuṭṭhitena cetasā bahulaṁ viharati.\nSāṭheyyapariyuṭṭhānaṁ kho pana tathāgatappavedite dhammavinaye parihānametaṁ.","en":"devious …"}},{"id":"an10.84:12","sourceIds":["an10.84:12.1","an10.84:12.2","an10.84:12.3"],"kind":"text","text":{"pi":"Māyāvī kho pana ayamāyasmā;\nmāyāpariyuṭṭhitena cetasā bahulaṁ viharati.\nMāyāpariyuṭṭhānaṁ kho pana tathāgatappavedite dhammavinaye parihānametaṁ.","en":"deceitful …"}},{"id":"an10.84:13","sourceIds":["an10.84:13.1","an10.84:13.2","an10.84:13.3"],"kind":"text","text":{"pi":"Pāpiccho kho pana ayamāyasmā;\nicchāpariyuṭṭhitena cetasā bahulaṁ viharati.\nIcchāpariyuṭṭhānaṁ kho pana tathāgatappavedite dhammavinaye parihānametaṁ.","en":"This venerable has corrupt wishes,\nand often lives with a heart full of desire.\nBut being full of desire means decline in the teaching and training proclaimed by the Realized One."}},{"id":"an10.84:14","sourceIds":["an10.84:14.1","an10.84:14.2"],"kind":"text","text":{"pi":"Sati kho pana ayamāyasmā uttari karaṇīye oramattakena visesādhigamena antarā vosānaṁ āpanno.\nAntarā vosānagamanaṁ kho pana tathāgatappavedite dhammavinaye parihānametaṁ’.","en":"When there is still more to be done, this venerable stopped half-way after achieving some trifling distinction.\nBut stopping half-way means decline in the teaching and training proclaimed by the Realized One.’"}},{"id":"an10.84:15","sourceIds":["an10.84:15.1","an10.84:15.2","an10.84:15.3"],"kind":"text","text":{"pi":"So vatāvuso, bhikkhu ‘ime dasa dhamme appahāya imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.\nSo vatāvuso, bhikkhu ‘ime dasa dhamme pahāya imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjatī”ti.\nCatutthaṁ.","en":"It is quite impossible for a mendicant to achieve growth, improvement, or maturity in this teaching and training without giving up these ten qualities.\nIt is quite possible for a mendicant to achieve growth, improvement, or maturity in this teaching and training after giving up these ten qualities.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.84/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}