{"id":"an10.87","title":"Disciplinary Issues","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.87","title":"Disciplinary Issues","units":[{"id":"an10.87:0","sourceIds":["an10.87:0.1","an10.87:0.2","an10.87:0.3"],"kind":"text","text":{"pi":"Aṅguttara Nikāya 10.87\n9. Theravagga\nNappiyasutta","en":"Numbered Discourses 10.87\n9. Senior Mendicants\nDisciplinary Issues"}},{"id":"an10.87:1","sourceIds":["an10.87:1.1","an10.87:1.2","an10.87:1.3","an10.87:1.4"],"kind":"text","text":{"pi":"Tatra kho bhagavā kālaṅkataṁ bhikkhuṁ ārabbha bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"There the Buddha addressed the mendicants concerning the mendicant Kalandaka:\n“Mendicants!”\n“Venerable sir,” they replied.\nThe Buddha said this:"}},{"id":"an10.87:2","sourceIds":["an10.87:2.1","an10.87:2.2"],"kind":"text","text":{"pi":"“Idha, bhikkhave, bhikkhu adhikaraṇiko hoti, adhikaraṇasamathassa na vaṇṇavādī.\nYampi, bhikkhave, bhikkhu adhikaraṇiko hoti adhikaraṇasamathassa na vaṇṇavādī, ayampi dhammo na piyatāya na garutāya na bhāvanāya na sāmaññāya na ekībhāvāya saṁvattati.","en":"“Firstly, a mendicant raises disciplinary issues and doesn’t praise the settling of disciplinary issues.\nThis quality doesn’t conduce to fondness, respect, esteem, harmony, and unity."}},{"id":"an10.87:3","sourceIds":["an10.87:3.1","an10.87:3.2"],"kind":"text","text":{"pi":"Puna caparaṁ, bhikkhave, bhikkhu na sikkhākāmo hoti, sikkhāsamādānassa na vaṇṇavādī.\nYampi, bhikkhave, bhikkhu na sikkhākāmo hoti sikkhāsamādānassa na vaṇṇavādī, ayampi dhammo na piyatāya na garutāya na bhāvanāya na sāmaññāya na ekībhāvāya saṁvattati.","en":"Furthermore, a mendicant is not eager to train, and doesn’t praise taking up the training. …"}},{"id":"an10.87:4","sourceIds":["an10.87:4.1","an10.87:4.2"],"kind":"text","text":{"pi":"Puna caparaṁ, bhikkhave, bhikkhu pāpiccho hoti, icchāvinayassa na vaṇṇavādī.\nYampi, bhikkhave, bhikkhu pāpiccho hoti icchāvinayassa na vaṇṇavādī, ayampi dhammo na piyatāya na garutāya na bhāvanāya na sāmaññāya na ekībhāvāya saṁvattati.","en":"Furthermore, a mendicant has corrupt wishes, and doesn’t praise getting rid of wishes. …"}},{"id":"an10.87:5","sourceIds":["an10.87:5.1","an10.87:5.2"],"kind":"text","text":{"pi":"Puna caparaṁ, bhikkhave, bhikkhu kodhano hoti, kodhavinayassa na vaṇṇavādī.\nYampi, bhikkhave, bhikkhu kodhano hoti kodhavinayassa na vaṇṇavādī, ayampi dhammo na piyatāya na garutāya na bhāvanāya na sāmaññāya na ekībhāvāya saṁvattati.","en":"Furthermore, a mendicant is irritable, and doesn’t praise getting rid of anger. …"}},{"id":"an10.87:6","sourceIds":["an10.87:6.1","an10.87:6.2"],"kind":"text","text":{"pi":"Puna caparaṁ, bhikkhave, bhikkhu makkhī hoti, makkhavinayassa na vaṇṇavādī.\nYampi, bhikkhave, bhikkhu makkhī hoti makkhavinayassa na vaṇṇavādī, ayampi dhammo na piyatāya na garutāya na bhāvanāya na sāmaññāya na ekībhāvāya saṁvattati.","en":"Furthermore, a mendicant denigrates others, and doesn’t praise getting rid of denigration. …"}},{"id":"an10.87:7","sourceIds":["an10.87:7.1","an10.87:7.2"],"kind":"text","text":{"pi":"Puna caparaṁ, bhikkhave, bhikkhu saṭho hoti, sāṭheyyavinayassa na vaṇṇavādī.\nYampi, bhikkhave, bhikkhu saṭho hoti sāṭheyyavinayassa na vaṇṇavādī, ayampi dhammo na piyatāya na garutāya na bhāvanāya na sāmaññāya na ekībhāvāya saṁvattati.","en":"Furthermore, a mendicant is devious, and doesn’t praise getting rid of deviousness. …"}},{"id":"an10.87:8","sourceIds":["an10.87:8.1","an10.87:8.2"],"kind":"text","text":{"pi":"Puna caparaṁ, bhikkhave, bhikkhu māyāvī hoti, māyāvinayassa na vaṇṇavādī.\nYampi, bhikkhave, bhikkhu māyāvī hoti māyāvinayassa na vaṇṇavādī, ayampi dhammo na piyatāya na garutāya na bhāvanāya na sāmaññāya na ekībhāvāya saṁvattati.","en":"Furthermore, a mendicant is deceitful, and doesn’t praise getting rid of deceitfulness. …"}},{"id":"an10.87:9","sourceIds":["an10.87:9.1","an10.87:9.2"],"kind":"text","text":{"pi":"Puna caparaṁ, bhikkhave, bhikkhu dhammānaṁ na nisāmakajātiko hoti, dhammanisantiyā na vaṇṇavādī.\nYampi, bhikkhave, bhikkhu dhammānaṁ na nisāmakajātiko hoti dhammanisantiyā na vaṇṇavādī, ayampi dhammo na piyatāya na garutāya na bhāvanāya na sāmaññāya na ekībhāvāya saṁvattati.","en":"Furthermore, a mendicant doesn’t pay attention to the teachings, and doesn’t praise attending to the teachings. …"}},{"id":"an10.87:10","sourceIds":["an10.87:10.1","an10.87:10.2"],"kind":"text","text":{"pi":"Puna caparaṁ, bhikkhave, bhikkhu na paṭisallīno hoti, paṭisallānassa na vaṇṇavādī.\nYampi, bhikkhave, bhikkhu na paṭisallīno hoti paṭisallānassa na vaṇṇavādī, ayampi dhammo na piyatāya na garutāya na bhāvanāya na sāmaññāya na ekībhāvāya saṁvattati.","en":"Furthermore, a mendicant is not in retreat, and doesn’t praise retreat. …"}},{"id":"an10.87:11","sourceIds":["an10.87:11.1","an10.87:11.2"],"kind":"text","text":{"pi":"Puna caparaṁ, bhikkhave, bhikkhu sabrahmacārīnaṁ na paṭisanthārako hoti, paṭisanthārakassa na vaṇṇavādī.\nYampi, bhikkhave, bhikkhu sabrahmacārīnaṁ na paṭisanthārako hoti paṭisanthārakassa na vaṇṇavādī, ayampi dhammo na piyatāya na garutāya na bhāvanāya na sāmaññāya na ekībhāvāya saṁvattati.","en":"Furthermore, a mendicant is inhospitable to their spiritual companions, and doesn’t praise hospitality.\nThis quality doesn’t conduce to fondness, respect, esteem, harmony, and unity."}},{"id":"an10.87:12","sourceIds":["an10.87:12.1","an10.87:12.2","an10.87:12.3","an10.87:12.4"],"kind":"text","text":{"pi":"Evarūpassa, bhikkhave, bhikkhuno kiñcāpi evaṁ icchā uppajjeyya:\n‘aho vata maṁ sabrahmacārī sakkareyyuṁ garuṁ kareyyuṁ māneyyuṁ pūjeyyun’ti, atha kho naṁ sabrahmacārī na ceva sakkaronti na garuṁ karonti na mānenti na pūjenti.\nTaṁ kissa hetu?\nTathāhissa, bhikkhave, viññū sabrahmacārī te pāpake akusale dhamme appahīne samanupassanti.","en":"Even though a mendicant such as this might wish:\n‘If only my spiritual companions would honor, respect, esteem, and venerate me!’ Still they don’t honor, respect, esteem, and venerate them.\nWhy is that?\nBecause their sensible spiritual companions see that they haven’t given up those bad unskillful qualities."}},{"id":"an10.87:13","sourceIds":["an10.87:13.1","an10.87:13.2","an10.87:13.3","an10.87:13.4","an10.87:13.5","an10.87:13.6","an10.87:13.7","an10.87:13.8"],"kind":"text","text":{"pi":"Seyyathāpi, bhikkhave, assakhaḷuṅkassa kiñcāpi evaṁ icchā uppajjeyya:\n‘aho vata maṁ manussā ājānīyaṭṭhāne ṭhapeyyuṁ, ājānīyabhojanañca bhojeyyuṁ, ājānīyaparimajjanañca parimajjeyyun’ti, atha kho naṁ manussā na ceva ājānīyaṭṭhāne ṭhapenti na ca ājānīyabhojanaṁ bhojenti na ca ājānīyaparimajjanaṁ parimajjanti.\nTaṁ kissa hetu?\nTathāhissa, bhikkhave, viññū manussā tāni sāṭheyyāni kūṭeyyāni jimheyyāni vaṅkeyyāni appahīnāni samanupassanti.\nEvamevaṁ kho, bhikkhave, evarūpassa bhikkhuno kiñcāpi evaṁ icchā uppajjeyya:\n‘aho vata maṁ sabrahmacārī sakkareyyuṁ garuṁ kareyyuṁ māneyyuṁ pūjeyyun’ti, atha kho naṁ sabrahmacārī na ceva sakkaronti na garuṁ karonti na mānenti na pūjenti.\nTaṁ kissa hetu?\nTathāhissa, bhikkhave, viññū sabrahmacārī te pāpake akusale dhamme appahīne samanupassanti.","en":"Suppose a wild colt was to wish:\n‘If only the humans would put me in a thoroughbred’s place, feed me a thoroughbred’s food, and give me a thoroughbred’s grooming.’ Still the humans wouldn’t put them in a thoroughbred’s place, feed them a thoroughbred’s food, or give them a thoroughbred’s grooming.\nWhy is that?\nBecause sensible humans see that they haven’t given up their tricks, bluffs, ruses, and feints.\nIn the same way, even though a mendicant such as this might wish:\n‘If only my spiritual companions would honor, respect, esteem, and venerate me!’ Still they don’t honor, respect, esteem, and venerate them.\nWhy is that?\nBecause their sensible spiritual companions see that they haven’t given up those bad unskillful qualities."}},{"id":"an10.87:14","sourceIds":["an10.87:14.1","an10.87:14.2"],"kind":"text","text":{"pi":"Idha pana, bhikkhave, bhikkhu na adhikaraṇiko hoti, adhikaraṇasamathassa vaṇṇavādī.\nYampi, bhikkhave, bhikkhu na adhikaraṇiko hoti adhikaraṇasamathassa vaṇṇavādī, ayampi dhammo piyatāya garutāya bhāvanāya sāmaññāya ekībhāvāya saṁvattati.","en":"Next, a mendicant doesn’t raise disciplinary issues and praises the settling of disciplinary issues.\nThis quality conduces to fondness, respect, esteem, harmony, and unity."}},{"id":"an10.87:15","sourceIds":["an10.87:15.1","an10.87:15.2"],"kind":"text","text":{"pi":"Puna caparaṁ, bhikkhave, bhikkhu sikkhākāmo hoti, sikkhāsamādānassa vaṇṇavādī.\nYampi, bhikkhave, bhikkhu sikkhākāmo hoti sikkhāsamādānassa vaṇṇavādī, ayampi dhammo piyatāya garutāya bhāvanāya sāmaññāya ekībhāvāya saṁvattati.","en":"Furthermore, a mendicant is eager to train, and praises taking up the training. …"}},{"id":"an10.87:16","sourceIds":["an10.87:16.1","an10.87:16.2"],"kind":"text","text":{"pi":"Puna caparaṁ, bhikkhave, bhikkhu appiccho hoti, icchāvinayassa vaṇṇavādī.\nYampi, bhikkhave, bhikkhu appiccho hoti icchāvinayassa vaṇṇavādī, ayampi dhammo …pe… ekībhāvāya saṁvattati.","en":"Furthermore, a mendicant has few desires, and praises getting rid of desires. …"}},{"id":"an10.87:17","sourceIds":["an10.87:17.1","an10.87:17.2"],"kind":"text","text":{"pi":"Puna caparaṁ, bhikkhave, bhikkhu akkodhano hoti, kodhavinayassa vaṇṇavādī.\nYampi, bhikkhave, bhikkhu akkodhano hoti kodhavinayassa vaṇṇavādī, ayampi dhammo …pe… ekībhāvāya saṁvattati.","en":"Furthermore, a mendicant is not irritable, and praises getting rid of anger. …"}},{"id":"an10.87:18","sourceIds":["an10.87:18.1","an10.87:18.2"],"kind":"text","text":{"pi":"Puna caparaṁ, bhikkhave, bhikkhu amakkhī hoti, makkhavinayassa vaṇṇavādī.\nYampi, bhikkhave, bhikkhu amakkhī hoti makkhavinayassa vaṇṇavādī, ayampi dhammo …pe… ekībhāvāya saṁvattati.","en":"Furthermore, a mendicant doesn’t denigrate others, and praises getting rid of denigration. …"}},{"id":"an10.87:19","sourceIds":["an10.87:19.1","an10.87:19.2"],"kind":"text","text":{"pi":"Puna caparaṁ, bhikkhave, bhikkhu asaṭho hoti, sāṭheyyavinayassa vaṇṇavādī.\nYampi, bhikkhave, bhikkhu asaṭho hoti sāṭheyyavinayassa vaṇṇavādī, ayampi dhammo …pe… ekībhāvāya saṁvattati.","en":"Furthermore, a mendicant isn’t devious, and praises getting rid of deviousness. …"}},{"id":"an10.87:20","sourceIds":["an10.87:20.1","an10.87:20.2"],"kind":"text","text":{"pi":"Puna caparaṁ, bhikkhave, bhikkhu amāyāvī hoti, māyāvinayassa vaṇṇavādī.\nYampi, bhikkhave, bhikkhu amāyāvī hoti māyāvinayassa vaṇṇavādī, ayampi dhammo …pe… ekībhāvāya saṁvattati.","en":"Furthermore, a mendicant isn’t deceitful, and praises getting rid of deceitfulness. …"}},{"id":"an10.87:21","sourceIds":["an10.87:21.1","an10.87:21.2"],"kind":"text","text":{"pi":"Puna caparaṁ, bhikkhave, bhikkhu dhammānaṁ nisāmakajātiko hoti, dhammanisantiyā vaṇṇavādī.\nYampi, bhikkhave, bhikkhu dhammānaṁ nisāmakajātiko hoti dhammanisantiyā vaṇṇavādī, ayampi dhammo …pe… ekībhāvāya saṁvattati.","en":"Furthermore, a mendicant pays attention to the teachings, and praises attending to the teachings. …"}},{"id":"an10.87:22","sourceIds":["an10.87:22.1","an10.87:22.2"],"kind":"text","text":{"pi":"Puna caparaṁ, bhikkhave, bhikkhu paṭisallīno hoti, paṭisallānassa vaṇṇavādī.\nYampi, bhikkhave, bhikkhu paṭisallīno hoti paṭisallānassa vaṇṇavādī, ayampi dhammo …pe… ekībhāvāya saṁvattati.","en":"Furthermore, a mendicant is in retreat, and praises retreat. …"}},{"id":"an10.87:23","sourceIds":["an10.87:23.1","an10.87:23.2"],"kind":"text","text":{"pi":"Puna caparaṁ, bhikkhave, bhikkhu sabrahmacārīnaṁ paṭisanthārako hoti, paṭisanthārakassa vaṇṇavādī.\nYampi, bhikkhave, bhikkhu sabrahmacārīnaṁ paṭisanthārako hoti paṭisanthārakassa vaṇṇavādī, ayampi dhammo piyatāya garutāya bhāvanāya sāmaññāya ekībhāvāya saṁvattati.","en":"Furthermore, a mendicant is hospitable to their spiritual companions, and praises hospitality.\nThis quality conduces to fondness, respect, esteem, harmony, and unity."}},{"id":"an10.87:24","sourceIds":["an10.87:24.1","an10.87:24.2","an10.87:24.3","an10.87:24.4"],"kind":"text","text":{"pi":"Evarūpassa, bhikkhave, bhikkhuno kiñcāpi na evaṁ icchā uppajjeyya:\n‘aho vata maṁ sabrahmacārī sakkareyyuṁ garuṁ kareyyuṁ māneyyuṁ pūjeyyun’ti, atha kho naṁ sabrahmacārī sakkaronti garuṁ karonti mānenti pūjenti.\nTaṁ kissa hetu?\nTathāhissa, bhikkhave, viññū sabrahmacārī te pāpake akusale dhamme pahīne samanupassanti.","en":"Even though a mendicant such as this might never wish:\n‘If only my spiritual companions would honor, respect, esteem, and venerate me!’ Still they honor, respect, esteem, and venerate them.\nWhy is that?\nBecause their sensible spiritual companions see that they’ve given up those bad unskillful qualities."}},{"id":"an10.87:25","sourceIds":["an10.87:25.1","an10.87:25.2","an10.87:25.3","an10.87:25.4"],"kind":"text","text":{"pi":"Seyyathāpi, bhikkhave, bhaddassa assājānīyassa kiñcāpi na evaṁ icchā uppajjeyya:\n‘aho vata maṁ manussā ājānīyaṭṭhāne ṭhapeyyuṁ, ājānīyabhojanañca bhojeyyuṁ, ājānīyaparimajjanañca parimajjeyyun’ti, atha kho naṁ manussā ājānīyaṭṭhāne ca ṭhapenti ājānīyabhojanañca bhojenti ājānīyaparimajjanañca parimajjanti.\nTaṁ kissa hetu?\nTathāhissa, bhikkhave, viññū manussā tāni sāṭheyyāni kūṭeyyāni jimheyyāni vaṅkeyyāni pahīnāni samanupassanti.","en":"Suppose a fine thoroughbred never wished:\n‘If only the humans would put me in a thoroughbred’s place, feed me a thoroughbred’s food, and give me a thoroughbred’s grooming.’ Still the humans would put them in a thoroughbred’s place, feed them a thoroughbred’s food, and give them a thoroughbred’s grooming.\nWhy is that?\nBecause sensible humans see that they’ve given up their tricks, bluffs, ruses, and feints."}},{"id":"an10.87:26","sourceIds":["an10.87:26.1","an10.87:26.2","an10.87:26.3","an10.87:26.4","an10.87:26.5"],"kind":"text","text":{"pi":"Evamevaṁ kho, bhikkhave, evarūpassa bhikkhuno kiñcāpi na evaṁ icchā uppajjeyya:\n‘aho vata maṁ sabrahmacārī sakkareyyuṁ garuṁ kareyyuṁ māneyyuṁ pūjeyyun’ti, atha kho naṁ sabrahmacārī sakkaronti garuṁ karonti mānenti pūjenti.\nTaṁ kissa hetu?\nTathāhissa, bhikkhave, viññū sabrahmacārī te pāpake akusale dhamme pahīne samanupassantī”ti.\nSattamaṁ.","en":"In the same way, even though a mendicant such as this might never wish:\n‘If only my spiritual companions would honor, respect, esteem, and venerate me!’ Still they honor, respect, esteem, and venerate them.\nWhy is that?\nBecause their sensible spiritual companions see that they’ve given up those bad unskillful qualities.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.87/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}