{"id":"an10.89","title":"With Kokālika","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.89","title":"With Kokālika","units":[{"id":"an10.89:0","sourceIds":["an10.89:0.1","an10.89:0.2","an10.89:0.3"],"kind":"text","text":{"pi":"Aṅguttara Nikāya 10.89\n9. Theravagga\nKokālikasutta","en":"Numbered Discourses 10.89\n9. Senior Mendicants\nWith Kokālika"}},{"id":"an10.89:1","sourceIds":["an10.89:1.1","an10.89:1.2","an10.89:1.3","an10.89:1.4","an10.89:1.5"],"kind":"text","text":{"pi":"Atha kho kokāliko bhikkhu yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho kokāliko bhikkhu bhagavantaṁ etadavoca:\n“pāpicchā, bhante, sāriputtamoggallānā, pāpikānaṁ icchānaṁ vasaṁ gatā”ti.\n“Mā hevaṁ, kokālika, mā hevaṁ, kokālika.\nPasādehi, kokālika, sāriputtamoggallānesu cittaṁ.\nPesalā sāriputtamoggallānā”ti.","en":"Then the mendicant Kokālika went up to the Buddha, bowed, sat down to one side, and said to him,\n“Sir, Sāriputta and Moggallāna have corrupt wishes. They’ve fallen under the sway of corrupt wishes.”\n“Don’t say that, Kokālika! Don’t say that, Kokālika!\nHave confidence in Sāriputta and Moggallāna,\nthey’re good monks.”"}},{"id":"an10.89:2","sourceIds":["an10.89:2.1","an10.89:2.2","an10.89:2.3","an10.89:2.4","an10.89:2.5"],"kind":"text","text":{"pi":"Dutiyampi kho kokāliko bhikkhu bhagavantaṁ etadavoca:\n“kiñcāpi me, bhante, bhagavā saddhāyiko paccayiko, atha kho pāpicchāva sāriputtamoggallānā, pāpikānaṁ icchānaṁ vasaṁ gatā”ti.\n“Mā hevaṁ, kokālika, mā hevaṁ, kokālika.\nPasādehi, kokālika, sāriputtamoggallānesu cittaṁ.\nPesalā sāriputtamoggallānā”ti.","en":"For a second time Kokālika said to the Buddha,\n“Despite my faith and trust in the Buddha, Sāriputta and Moggallāna have corrupt wishes. They’ve fallen under the sway of corrupt wishes.”\n“Don’t say that, Kokālika! Don’t say that, Kokālika!\nHave confidence in Sāriputta and Moggallāna,\nthey’re good monks.”"}},{"id":"an10.89:3","sourceIds":["an10.89:3.1","an10.89:3.2","an10.89:3.3","an10.89:3.4","an10.89:3.5"],"kind":"text","text":{"pi":"Tatiyampi kho kokāliko bhikkhu bhagavantaṁ etadavoca:\n“kiñcāpi me, bhante, bhagavā saddhāyiko paccayiko, atha kho pāpicchāva sāriputtamoggallānā, pāpikānaṁ icchānaṁ vasaṁ gatā”ti.\n“Mā hevaṁ, kokālika, mā hevaṁ, kokālika.\nPasādehi, kokālika, sāriputtamoggallānesu cittaṁ.\nPesalā sāriputtamoggallānā”ti.","en":"For a third time Kokālika said to the Buddha,\n“Despite my faith and trust in the Buddha, Sāriputta and Moggallāna have corrupt wishes. They’ve fallen under the sway of corrupt wishes.”\n“Don’t say that, Kokālika! Don’t say that, Kokālika!\nHave confidence in Sāriputta and Moggallāna,\nthey’re good monks.”"}},{"id":"an10.89:4","sourceIds":["an10.89:4.1","an10.89:4.2","an10.89:4.3","an10.89:4.4"],"kind":"text","text":{"pi":"Atha kho kokāliko bhikkhu uṭṭhāyāsanā bhagavantaṁ abhivādetvā padakkhiṇaṁ katvā pakkāmi.\nAcirapakkantassa ca kokālikassa bhikkhuno sāsapamattīhi pīḷakāhi sabbo kāyo phuṭo ahosi.\nSāsapamattiyo hutvā muggamattiyo ahesuṁ, muggamattiyo hutvā kalāyamattiyo ahesuṁ, kalāyamattiyo hutvā kolaṭṭhimattiyo ahesuṁ, kolaṭṭhimattiyo hutvā kolamattiyo ahesuṁ, kolamattiyo hutvā āmalakamattiyo ahesuṁ, āmalakamattiyo hutvā tiṇḍukamattiyo ahesuṁ, tiṇḍukamattiyo hutvā, beḷuvasalāṭukamattiyo ahesuṁ, beḷuvasalāṭukamattiyo hutvā billamattiyo ahesuṁ, billamattiyo hutvā pabhijjiṁsu, pubbañca lohitañca pagghariṁsu.\nSo sudaṁ kadalipattesu seti macchova visagilito.","en":"Then Kokālika rose from his seat, bowed, and respectfully circled the Buddha, keeping him on his right, before leaving.\nNot long after he left his body erupted with boils the size of mustard seeds.\nThe boils grew to the size of mung beans, then chickpeas, then jujube seeds, then jujubes, then myrobalans, then unripe wood-apples, then ripe wood-apples. Finally they burst open, and pus and blood oozed out.\nHe just laid down on banana leaves like a poisoned fish."}},{"id":"an10.89:5","sourceIds":["an10.89:5.1","an10.89:5.2","an10.89:5.3","an10.89:5.4","an10.89:5.5","an10.89:5.6","an10.89:5.7"],"kind":"text","text":{"pi":"Atha kho turū paccekabrahmā yena kokāliko bhikkhu tenupasaṅkami; upasaṅkamitvā vehāse ṭhatvā kokālikaṁ bhikkhuṁ etadavoca:\n“pasādehi, kokālika, sāriputtamoggallānesu cittaṁ.\nPesalā sāriputtamoggallānā”ti.\n“Kosi tvaṁ, āvuso”ti?\n“Ahaṁ turū paccekabrahmā”ti.\n“Nanu tvaṁ, āvuso, bhagavatā anāgāmī byākato, atha kiñcarahi idhāgato?\nPassa yāvañca te idaṁ aparaddhan”ti.","en":"Then Tudu the independent divinity went to Kokālika, and standing in the air he said to him,\n“Kokālika, have confidence in Sāriputta and Moggallāna,\nthey’re good monks.”\n“Who are you, reverend?”\n“I am Tudu the independent divinity.”\n“Didn’t the Buddha declare you a non-returner? So what then are you doing back here?\nSee how far you have strayed!”"}},{"id":"an10.89:6","sourceIds":["an10.89:6.1"],"kind":"text","text":{"pi":"Atha kho turū paccekabrahmā kokālikaṁ bhikkhuṁ gāthāhi ajjhabhāsi:","en":"Then Tudu addressed Kokālika in verse:"}},{"id":"an10.89:7","sourceIds":["an10.89:7.1","an10.89:7.2","an10.89:7.3","an10.89:7.4"],"kind":"text","text":{"pi":"“Purisassa hi jātassa,\nkuṭhārī jāyate mukhe;\nYāya chindati attānaṁ,\nbālo dubbhāsitaṁ bhaṇaṁ.","en":"“A person is born\nwith an axe in their mouth.\nA fool cuts themselves with it\nwhen they say bad words."}},{"id":"an10.89:8","sourceIds":["an10.89:8.1","an10.89:8.2","an10.89:8.3","an10.89:8.4"],"kind":"text","text":{"pi":"Yo nindiyaṁ pasaṁsati,\nTaṁ vā nindati yo pasaṁsiyo;\nVicināti mukhena so kaliṁ,\nKalinā tena sukhaṁ na vindati.","en":"When you praise someone worthy of criticism,\nor criticize someone worthy of praise,\nyou choose a losing hand with your own mouth:\nyou’ll never find happiness that way."}},{"id":"an10.89:9","sourceIds":["an10.89:9.1","an10.89:9.2","an10.89:9.3","an10.89:9.4","an10.89:9.5"],"kind":"text","text":{"pi":"Appamattako ayaṁ kali,\nYo akkhesu dhanaparājayo;\nSabbassāpi sahāpi attanā,\nAyameva mahattaro kali;\nYo sugatesu manaṁ padūsaye.","en":"A losing hand at dice is a trivial thing,\nif all you lose is your money\nand all you own, even yourself.\nWhat’s a really terrible hand\nis to hate the holy ones."}},{"id":"an10.89:10","sourceIds":["an10.89:10.1","an10.89:10.2","an10.89:10.3","an10.89:10.4"],"kind":"text","text":{"pi":"Sataṁ sahassānaṁ nirabbudānaṁ,\nChattiṁsati pañca ca abbudāni;\nYamariyagarahī nirayaṁ upeti,\nVācaṁ manañca paṇidhāya pāpakan”ti.","en":"For a hundred thousand times a hundred million\ntimes five hundred and thirty-six times a thousand times ten million years\na slanderer of noble ones goes to hell,\nhaving aimed bad words and thoughts at them.”"}},{"id":"an10.89:11","sourceIds":["an10.89:11.1","an10.89:11.2"],"kind":"text","text":{"pi":"Atha kho kokāliko bhikkhu teneva ābādhena kālamakāsi.\nKālaṅkato ca kokāliko bhikkhu padumaṁ nirayaṁ upapajjati sāriputtamoggallānesu cittaṁ āghātetvā.","en":"Then the mendicant Kokālika died of that illness.\nHe was reborn in the Pink Lotus hell because of his resentment for Sāriputta and Moggallāna."}},{"id":"an10.89:12","sourceIds":["an10.89:12.1","an10.89:12.2","an10.89:12.3","an10.89:12.4","an10.89:12.5"],"kind":"text","text":{"pi":"Atha kho brahmā sahampati abhikkantāya rattiyā abhikkantavaṇṇo kevalakappaṁ jetavanaṁ obhāsetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho brahmā sahampati bhagavantaṁ etadavoca:\n“kokāliko, bhante, bhikkhu kālaṅkato.\nKālaṅkato ca, bhante, kokāliko bhikkhu padumaṁ nirayaṁ upapanno sāriputtamoggallānesu cittaṁ āghātetvā”ti.\nIdamavoca brahmā sahampati.\nIdaṁ vatvā bhagavantaṁ abhivādetvā padakkhiṇaṁ katvā tatthevantaradhāyi.","en":"Then, late at night, the glorious divinity Sahampati, lighting up the entire Jeta’s Grove, went up to the Buddha, bowed, stood to one side, and said to him,\n“Sir, the mendicant Kokālika has passed away.\nHe was reborn in the Pink Lotus hell because of his resentment for Sāriputta and Moggallāna.”\nThat is what the divinity Sahampati said.\nThen he bowed and respectfully circled the Buddha, keeping him on his right, before vanishing right there."}},{"id":"an10.89:13","sourceIds":["an10.89:13.1","an10.89:13.2","an10.89:13.3","an10.89:13.4","an10.89:13.5","an10.89:13.6"],"kind":"text","text":{"pi":"Atha kho bhagavā tassā rattiyā accayena bhikkhū āmantesi:\n“imaṁ, bhikkhave, rattiṁ brahmā sahampati abhikkantāya rattiyā abhikkantavaṇṇo kevalakappaṁ jetavanaṁ obhāsetvā yenāhaṁ tenupasaṅkami; upasaṅkamitvā maṁ abhivādetvā ekamantaṁ aṭṭhāsi. Ekamantaṁ ṭhito kho, bhikkhave, brahmā sahampati maṁ etadavoca:\n‘kokāliko, bhante, bhikkhu kālaṅkato;\nkālaṅkato ca, bhante, kokāliko bhikkhu padumaṁ nirayaṁ upapanno sāriputtamoggallānesu cittaṁ āghātetvā’ti.\nIdamavoca, bhikkhave, brahmā sahampati.\nIdaṁ vatvā maṁ abhivādetvā padakkhiṇaṁ katvā tatthevantaradhāyī”ti.","en":"Then, when the night had passed, the Buddha told the mendicants all that had happened."}},{"id":"an10.89:14","sourceIds":["an10.89:14.1","an10.89:14.2","an10.89:14.3","an10.89:14.4","an10.89:14.5"],"kind":"text","text":{"pi":"Evaṁ vutte, aññataro bhikkhu bhagavantaṁ etadavoca:\n“kīva dīghaṁ nu kho, bhante, padume niraye āyuppamāṇan”ti?\n“Dīghaṁ kho, bhikkhu, padume niraye āyuppamāṇaṁ.\nNa taṁ sukaraṁ saṅkhātuṁ:\n‘ettakāni vassānīti vā ettakāni vassasatānīti vā ettakāni vassasahassānīti vā ettakāni vassasatasahassānīti vā’”ti.","en":"When he said this, one of the mendicants said to the Buddha,\n“Sir, how long is the lifespan in the Pink Lotus hell?”\n“It’s long, mendicant.\nIt’s not easy to calculate\nhow many years, how many hundreds or thousands or hundreds of thousands of years it lasts.”"}},{"id":"an10.89:15","sourceIds":["an10.89:15.1","an10.89:15.2","an10.89:15.3","an10.89:15.4","an10.89:15.5","an10.89:15.6","an10.89:15.7","an10.89:15.8","an10.89:15.9","an10.89:15.10","an10.89:15.11","an10.89:15.12","an10.89:15.13","an10.89:15.14","an10.89:15.15","an10.89:15.16"],"kind":"text","text":{"pi":"“Sakkā pana, bhante, upamaṁ kātun”ti?\n“Sakkā, bhikkhū”ti bhagavā avoca:\n“seyyathāpi, bhikkhu, vīsatikhāriko kosalako tilavāho tato puriso vassasatassa vassasatassa accayena ekamekaṁ tilaṁ uddhareyya.\nKhippataraṁ kho so, bhikkhu, vīsatikhāriko kosalako tilavāho iminā upakkamena parikkhayaṁ pariyādānaṁ gaccheyya, na tveva eko abbudo nirayo.\nSeyyathāpi, bhikkhu, vīsati abbudā nirayā; evameko nirabbudo nirayo.\nSeyyathāpi, bhikkhu, vīsati nirabbudā nirayā; evameko ababo nirayo.\nSeyyathāpi, bhikkhu, vīsati ababā nirayā; evameko aṭaṭo nirayo.\nSeyyathāpi, bhikkhu, vīsati aṭaṭā nirayā; evameko ahaho nirayo.\nSeyyathāpi, bhikkhu, vīsati ahahā nirayā; evameko kumudo nirayo.\nSeyyathāpi, bhikkhu, vīsati kumudā nirayā; evameko sogandhiko nirayo.\nSeyyathāpi, bhikkhu, vīsati sogandhikā nirayā; evameko uppalako nirayo.\nSeyyathāpi, bhikkhu, vīsati uppalakā nirayā; evameko puṇḍarīko nirayo.\nSeyyathāpi, bhikkhu, vīsati puṇḍarīkā nirayā; evameko padumo nirayo.\nPadumaṁ kho pana, bhikkhu, nirayaṁ kokāliko bhikkhu upapanno sāriputtamoggallānesu cittaṁ āghātetvā”ti.\nIdamavoca bhagavā.\nIdaṁ vatvāna sugato athāparaṁ etadavoca satthā:","en":"“But sir, is it possible to give a simile?”\n“It’s possible,” said the Buddha.\n“Suppose there was a Kosalan load of twenty packs of sesame seed. And at the end of every hundred years someone would remove a single seed from it.\nBy this means the Kosalan load of twenty packs of sesame seed would run out faster than a single lifetime in the Abbuda hell.\nNow, twenty lifetimes in the Abbuda hell equal one lifetime in the Nirabbuda hell.\nTwenty lifetimes in the Nirabbuda hell equal one lifetime in the Ababa hell.\nTwenty lifetimes in the Ababa hell equal one lifetime in the Aṭaṭa hell.\nTwenty lifetimes in the Aṭaṭa hell equal one lifetime in the Ahaha hell.\nTwenty lifetimes in the Ahaha hell equal one lifetime in the Yellow Lotus hell.\nTwenty lifetimes in the Yellow Lotus hell equal one lifetime in the Fragrant Water Lily hell.\nTwenty lifetimes in the Fragrant Water Lily hell equal one lifetime in the Blue Water Lily hell.\nTwenty lifetimes in the Blue Water Lily hell equal one lifetime in the White Lotus hell.\nTwenty lifetimes in the White Lotus hell equal one lifetime in the Pink Lotus hell.\nThe mendicant Kokālika has been reborn in the Pink Lotus hell because of his resentment for Sāriputta and Moggallāna.”\nThat is what the Buddha said.\nThen the Holy One, the Teacher, went on to say:"}},{"id":"an10.89:16","sourceIds":["an10.89:16.1","an10.89:16.2","an10.89:16.3","an10.89:16.4"],"kind":"text","text":{"pi":"“Purisassa hi jātassa,\nkuṭhārī jāyate mukhe;\nYāya chindati attānaṁ,\nbālo dubbhāsitaṁ bhaṇaṁ.","en":"“A person is born\nwith an axe in their mouth.\nA fool cuts themselves with it\nwhen they say bad words."}},{"id":"an10.89:17","sourceIds":["an10.89:17.1","an10.89:17.2","an10.89:17.3","an10.89:17.4"],"kind":"text","text":{"pi":"Yo nindiyaṁ pasaṁsati,\nTaṁ vā nindati yo pasaṁsiyo;\nVicināti mukhena so kaliṁ,\nKalinā tena sukhaṁ na vindati.","en":"When you praise someone worthy of criticism,\nor criticize someone worthy of praise,\nyou choose a losing hand with your own mouth:\nyou’ll never find happiness that way."}},{"id":"an10.89:18","sourceIds":["an10.89:18.1","an10.89:18.2","an10.89:18.3","an10.89:18.4","an10.89:18.5"],"kind":"text","text":{"pi":"Appamattako ayaṁ kali,\nYo akkhesu dhanaparājayo;\nSabbassāpi sahāpi attanā,\nAyameva mahattaro kali;\nYo sugatesu manaṁ padūsaye.","en":"A losing hand at dice is a trivial thing,\nif all you lose is your money\nand all you own, even yourself.\nWhat’s a really terrible hand\nis to hate the holy ones."}},{"id":"an10.89:19","sourceIds":["an10.89:19.1","an10.89:19.2","an10.89:19.3","an10.89:19.4","an10.89:19.5"],"kind":"text","text":{"pi":"Sataṁ sahassānaṁ nirabbudānaṁ,\nChattiṁsati pañca ca abbudāni;\nYamariyagarahī nirayaṁ upeti,\nVācaṁ manañca paṇidhāya pāpakan”ti.\nNavamaṁ.","en":"For a hundred thousand times a hundred million,\ntimes five hundred and thirty-six times a thousand times ten million years\na slanderer of noble ones goes to hell,\nhaving aimed bad words and thoughts at them.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.89/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}