{"id":"an10.9","title":"Inspiring All Around: the Peaceful Liberations","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.9","title":"Inspiring All Around: the Peaceful Liberations","units":[{"id":"an10.9:0","sourceIds":["an10.9:0.1","an10.9:0.2","an10.9:0.3"],"kind":"text","text":{"pi":"Aṅguttara Nikāya 10.9\n1. Ānisaṁsavagga\nSantavimokkhasutta","en":"Numbered Discourses 10.9\n1. Benefits\nInspiring All Around: the Peaceful Liberations"}},{"id":"an10.9:1","sourceIds":["an10.9:1.1","an10.9:1.2","an10.9:1.3","an10.9:1.4","an10.9:1.5","an10.9:1.6","an10.9:1.7","an10.9:1.8","an10.9:1.9","an10.9:1.10","an10.9:1.11","an10.9:1.12"],"kind":"text","text":{"pi":"“Saddho ca, bhikkhave, bhikkhu hoti, no ca sīlavā …pe…\nsīlavā ca, no ca bahussuto …\nbahussuto ca, no ca dhammakathiko …\ndhammakathiko ca, no ca parisāvacaro …\nparisāvacaro ca, no ca visārado parisāya dhammaṁ deseti …\nvisārado ca parisāya dhammaṁ deseti, no ca vinayadharo …\nvinayadharo ca, no ca āraññiko pantasenāsano …\nāraññiko ca pantasenāsano, no ca ye te santā vimokkhā atikkamma rūpe āruppā te kāyena phusitvā viharati …\nye te santā vimokkhā atikkamma rūpe āruppā te ca kāyena phusitvā viharati, no ca āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nEvaṁ so tenaṅgena aparipūro hoti.\nTena taṁ aṅgaṁ paripūretabbaṁ:\n‘kintāhaṁ saddho ca assaṁ, sīlavā ca, bahussuto ca, dhammakathiko ca, parisāvacaro ca, visārado ca parisāya dhammaṁ deseyyaṁ, vinayadharo ca, āraññiko ca pantasenāsano, ye te santā vimokkhā atikkamma rūpe āruppā te ca kāyena phusitvā vihareyyaṁ, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja vihareyyan’ti.","en":"“A mendicant is faithful, but not ethical. …\nthey’re not learned. …\nthey’re not a Dhamma speaker …\nthey don’t frequent assemblies …\nthey don’t teach Dhamma to the assembly with assurance …\nthey’re not an expert in the training …\nthey don’t stay in the wilderness, in remote lodgings …\nthey don’t have direct meditative experience of the peaceful liberations that are formless, transcending form …\nthey don’t realize the undefiled freedom of heart and freedom by wisdom, and live having realized it with their own insight in this very life due to the ending of defilements.\nSo they’re incomplete in that respect,\nand should fulfill it, thinking:\n‘How can I become faithful, ethical, and learned, a Dhamma speaker, one who frequents assemblies, one who teaches Dhamma to the assembly with assurance, an expert in the training, one who lives in the wilderness, in remote lodgings, one who gets the formless liberations, and one who lives having realized the ending of defilements?’"}},{"id":"an10.9:2","sourceIds":["an10.9:2.1","an10.9:2.2","an10.9:2.3","an10.9:2.4"],"kind":"text","text":{"pi":"Yato ca kho, bhikkhave, bhikkhu saddho ca hoti, sīlavā ca, bahussuto ca, dhammakathiko ca, parisāvacaro ca, visārado ca parisāya dhammaṁ deseti, vinayadharo ca, āraññiko ca pantasenāsano, ye te santā vimokkhā atikkamma rūpe āruppā te ca kāyena phusitvā viharati, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati;\nevaṁ so tenaṅgena paripūro hoti.\nImehi kho, bhikkhave, dasahi dhammehi samannāgato bhikkhu samantapāsādiko ca hoti sabbākāraparipūro cā”ti.\nNavamaṁ.","en":"When they’re faithful, ethical, and learned, a Dhamma speaker, one who frequents assemblies, one who teaches Dhamma to the assembly with assurance, an expert in the monastic law, one who lives in the wilderness, in remote lodgings, one who gets the formless liberations, and one who lives having realized the ending of defilements,\nthey’re complete in that respect.\nA mendicant who possesses these ten qualities is impressive all around, and is complete in every respect.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}