{"id":"an10.94","title":"With Vajjiyamāhita","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.94","title":"With Vajjiyamāhita","units":[{"id":"an10.94:0","sourceIds":["an10.94:0.1","an10.94:0.2","an10.94:0.3"],"kind":"text","text":{"pi":"Aṅguttara Nikāya 10.94\n10. Upālivagga\nVajjiyamāhitasutta","en":"Numbered Discourses 10.94\n10. With Upāli\nWith Vajjiyamāhita"}},{"id":"an10.94:1","sourceIds":["an10.94:1.1","an10.94:1.2","an10.94:1.3","an10.94:1.4","an10.94:1.5","an10.94:1.6","an10.94:1.7","an10.94:1.8"],"kind":"text","text":{"pi":"Ekaṁ samayaṁ bhagavā campāyaṁ viharati gaggarāya pokkharaṇiyā tīre.\nAtha kho vajjiyamāhito gahapati divā divassa campāya nikkhami bhagavantaṁ dassanāya.\nAtha kho vajjiyamāhitassa gahapatissa etadahosi:\n“akālo kho tāva bhagavantaṁ dassanāya.\nPaṭisallīno bhagavā.\nManobhāvanīyānampi bhikkhūnaṁ akālo dassanāya.\nPaṭisallīnā manobhāvanīyāpi bhikkhū.\nYannūnāhaṁ yena aññatitthiyānaṁ paribbājakānaṁ ārāmo tenupasaṅkameyyan”ti.","en":"At one time the Buddha was staying near Campā on the banks of the Gaggarā Lotus Pond.\nThen the householder Vajjiyamāhita left Sāvatthī in the middle of the day to see the Buddha.\nThen it occurred to him,\n“It’s the wrong time to see the Buddha,\nas he’s in retreat.\nAnd it’s the wrong time to see the esteemed mendicants,\nas they’re in retreat.\nWhy don’t I visit the monastery for the wanderers of other religions?”"}},{"id":"an10.94:2","sourceIds":["an10.94:2.1","an10.94:2.2"],"kind":"text","text":{"pi":"Atha kho vajjiyamāhito gahapati yena aññatitthiyānaṁ paribbājakānaṁ ārāmo tenupasaṅkami.\nTena kho pana samayena te aññatitthiyā paribbājakā saṅgamma samāgamma unnādino uccāsaddamahāsaddā anekavihitaṁ tiracchānakathaṁ kathentā nisinnā honti.","en":"Then he went to the monastery for the wanderers of other religions.\nNow at that time, the wanderers of other religions had come together, making an uproar, a colossal racket as they sat and talked about all kinds of low topics."}},{"id":"an10.94:3","sourceIds":["an10.94:3.1","an10.94:3.2","an10.94:3.3","an10.94:3.4","an10.94:3.5","an10.94:3.6"],"kind":"text","text":{"pi":"Addasaṁsu kho te aññatitthiyā paribbājakā vajjiyamāhitaṁ gahapatiṁ dūratova āgacchantaṁ. Disvāna aññamaññaṁ saṇṭhāpesuṁ:\n“appasaddā bhonto hontu. Mā bhonto saddamakattha.\nAyaṁ vajjiyamāhito gahapati āgacchati samaṇassa gotamassa sāvako.\nYāvatā kho pana samaṇassa gotamassa sāvakā gihī odātavasanā campāyaṁ paṭivasanti, ayaṁ tesaṁ aññataro vajjiyamāhito gahapati.\nAppasaddakāmā kho pana te āyasmanto appasaddavinītā appasaddassa vaṇṇavādino.\nAppeva nāma appasaddaṁ parisaṁ viditvā upasaṅkamitabbaṁ maññeyyā”ti.","en":"They saw Vajjiyamāhita coming off in the distance, and stopped each other, saying,\n“Be quiet, good fellows, don’t make a sound.\nThe householder Vajjiyamāhita, a disciple of the ascetic Gotama, is coming into our monastery.\nHe is included among the white-clothed lay disciples of the ascetic Gotama, who is residing near Campā.\nSuch venerables like the quiet, are educated to be quiet, and praise the quiet.\nHopefully if he sees that our assembly is quiet he’ll see fit to approach.”"}},{"id":"an10.94:4","sourceIds":["an10.94:4.1","an10.94:4.2","an10.94:4.3","an10.94:4.4","an10.94:4.5","an10.94:4.6","an10.94:4.7","an10.94:4.8"],"kind":"text","text":{"pi":"Atha kho te aññatitthiyā paribbājakā tuṇhī ahesuṁ.\nAtha kho vajjiyamāhito gahapati yena te aññatitthiyā paribbājakā tenupasaṅkami; upasaṅkamitvā tehi aññatitthiyehi paribbājakehi saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinnaṁ kho vajjiyamāhitaṁ gahapatiṁ te aññatitthiyā paribbājakā etadavocuṁ:\n“saccaṁ kira, gahapati, samaṇo gotamo sabbaṁ tapaṁ garahati, sabbaṁ tapassiṁ lūkhājīviṁ ekaṁsena upakkosati upavadatī”ti?\n“Na kho, bhante, bhagavā sabbaṁ tapaṁ garahati napi sabbaṁ tapassiṁ lūkhājīviṁ ekaṁsena upakkosati upavadati.\nGārayhaṁ kho, bhante, bhagavā garahati, pasaṁsitabbaṁ pasaṁsati.\nGārayhaṁ kho pana, bhante, bhagavā garahanto pasaṁsitabbaṁ pasaṁsanto vibhajjavādo bhagavā.\nNa so bhagavā ettha ekaṁsavādo”ti.","en":"Then those wanderers of other religions fell silent.\nThen Vajjiyamāhita went up to them, and exchanged greetings with the wanderers there.\nWhen the greetings and polite conversation were over, he sat down to one side. The wanderers said to him:\n“Is it really true, householder? Does the ascetic Gotama criticize all forms of mortification? Does he categorically condemn and denounce those fervent mortifiers who live rough?”\n“No, sirs, the Buddha does not criticize all forms of mortification. Nor does he categorically condemn and denounce those fervent mortifiers who live rough.\nThe Buddha criticizes where it is due, and praises where it is due.\nIn doing so he is one who speaks after analyzing the question,\nand is not one-sided on this point.”"}},{"id":"an10.94:5","sourceIds":["an10.94:5.1","an10.94:5.2","an10.94:5.3","an10.94:5.4","an10.94:5.5","an10.94:5.6","an10.94:5.7"],"kind":"text","text":{"pi":"Evaṁ vutte, aññataro paribbājako vajjiyamāhitaṁ gahapatiṁ etadavoca:\n“āgamehi tvaṁ, gahapati, yassa tvaṁ samaṇassa gotamassa vaṇṇaṁ bhāsati, samaṇo gotamo venayiko appaññattiko”ti?\n“Etthapāhaṁ, bhante, āyasmante vakkhāmi sahadhammena:\n‘idaṁ kusalan’ti, bhante, bhagavatā paññattaṁ;\n‘idaṁ akusalan’ti, bhante, bhagavatā paññattaṁ.\nIti kusalākusalaṁ bhagavā paññāpayamāno sapaññattiko bhagavā;\nna so bhagavā venayiko appaññattiko”ti.","en":"When he said this, one of the wanderers said to him,\n“Hold on, householder! That ascetic Gotama who you praise is an exterminator who refrains from making statements.”\n“On this point, also, I reasonably respond to the venerables.\nThe Buddha has stated ‘This is skillful’ and\n‘This is unskillful’.\nSo when it comes to what is skillful and unskillful the Buddha makes a statement.\nHe is not an exterminator who refrains from making statements.”"}},{"id":"an10.94:6","sourceIds":["an10.94:6.1","an10.94:6.2","an10.94:6.3"],"kind":"text","text":{"pi":"Evaṁ vutte te paribbājakā tuṇhībhūtā maṅkubhūtā pattakkhandhā adhomukhā pajjhāyantā appaṭibhānā nisīdiṁsu.\nAtha kho vajjiyamāhito gahapati te paribbājake tuṇhībhūte maṅkubhūte pattakkhandhe adhomukhe pajjhāyante appaṭibhāne viditvā uṭṭhāyāsanā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho vajjiyamāhito gahapati yāvatako ahosi tehi aññatitthiyehi paribbājakehi saddhiṁ kathāsallāpo taṁ sabbaṁ bhagavato ārocesi.","en":"When this was said, those wanderers sat silent, dismayed, shoulders drooping, downcast, depressed, with nothing to say.\nSeeing this, Vajjiyamāhita rose from his seat. He went to the Buddha, bowed, sat down to one side,\nand informed the Buddha of all they had discussed."}},{"id":"an10.94:7","sourceIds":["an10.94:7.1","an10.94:7.2","an10.94:7.3","an10.94:7.4","an10.94:7.5","an10.94:7.6","an10.94:7.7","an10.94:7.8","an10.94:7.9","an10.94:7.10","an10.94:7.11","an10.94:7.12"],"kind":"text","text":{"pi":"“Sādhu sādhu, gahapati.\nEvaṁ kho te, gahapati, moghapurisā kālena kālaṁ sahadhammena suniggahitaṁ niggahetabbā.\nNāhaṁ, gahapati, sabbaṁ tapaṁ tapitabbanti vadāmi;\nna ca panāhaṁ, gahapati, sabbaṁ tapaṁ na tapitabbanti vadāmi;\nnāhaṁ, gahapati, sabbaṁ samādānaṁ samāditabbanti vadāmi;\nna panāhaṁ, gahapati, sabbaṁ samādānaṁ na samāditabbanti vadāmi;\nnāhaṁ, gahapati, sabbaṁ padhānaṁ padahitabbanti vadāmi;\nna panāhaṁ, gahapati, sabbaṁ padhānaṁ na padahitabbanti vadāmi;\nnāhaṁ, gahapati, sabbo paṭinissaggo paṭinissajjitabboti vadāmi.\nNa panāhaṁ, gahapati, sabbo paṭinissaggo na paṭinissajjitabboti vadāmi;\nnāhaṁ, gahapati, sabbā vimutti vimuccitabbāti vadāmi;\nna panāhaṁ, gahapati, sabbā vimutti na vimuccitabbāti vadāmi.","en":"“Good, good, householder!\nThat’s how you should legitimately and completely refute those futile men from time to time.\nHouseholder, I don’t say that all mortifications should be undergone.\nBut I don’t say that no mortifications should be undergone.\nI don’t say that all observances should be undertaken.\nBut I don’t say that no observances should be undertaken.\nI don’t say that all efforts should be tried.\nBut I don’t say that no efforts should be tried.\nI don’t say that everything should be given up.\nBut I don’t say that nothing should be given up.\nI don’t say that you should be liberated with all kinds of freedom.\nBut I don’t say that you should not be liberated with any kind of freedom."}},{"id":"an10.94:8","sourceIds":["an10.94:8.1","an10.94:8.2"],"kind":"text","text":{"pi":"Yañhi, gahapati, tapaṁ tapato akusalā dhammā abhivaḍḍhanti, kusalā dhammā parihāyanti, evarūpaṁ tapaṁ na tapitabbanti vadāmi.\nYañca khvassa, gahapati, tapaṁ tapato akusalā dhammā parihāyanti, kusalā dhammā abhivaḍḍhanti, evarūpaṁ tapaṁ tapitabbanti vadāmi.","en":"When undergoing certain mortifications, unskillful qualities grow while skillful qualities decline. I say that you shouldn’t undergo those mortifications.\nWhen undergoing certain mortifications, unskillful qualities decline while skillful qualities grow. I say that you should undergo those mortifications."}},{"id":"an10.94:9","sourceIds":["an10.94:9.1","an10.94:9.2"],"kind":"text","text":{"pi":"Yañhi, gahapati, samādānaṁ samādiyato akusalā dhammā abhivaḍḍhanti, kusalā dhammā parihāyanti, evarūpaṁ samādānaṁ na samāditabbanti vadāmi.\nYañca khvassa, gahapati, samādānaṁ samādiyato akusalā dhammā parihāyanti, kusalā dhammā abhivaḍḍhanti, evarūpaṁ samādānaṁ samāditabbanti vadāmi.","en":"When undertaking certain observances, unskillful qualities grow while skillful qualities decline. I say that you shouldn’t undertake those observances.\nWhen undertaking certain observances, unskillful qualities decline while skillful qualities grow. I say that you should undertake those observances."}},{"id":"an10.94:10","sourceIds":["an10.94:10.1","an10.94:10.2"],"kind":"text","text":{"pi":"Yañhi, gahapati, padhānaṁ padahato akusalā dhammā abhivaḍḍhanti, kusalā dhammā parihāyanti, evarūpaṁ padhānaṁ na padahitabbanti vadāmi.\nYañca khvassa, gahapati, padhānaṁ padahato akusalā dhammā parihāyanti kusalā dhammā abhivaḍḍhanti, evarūpaṁ padhānaṁ padahitabbanti vadāmi.","en":"When trying certain efforts, unskillful qualities grow while skillful qualities decline. I say that you shouldn’t try those efforts.\nWhen trying certain efforts, unskillful qualities decline while skillful qualities grow. I say that you should try those efforts."}},{"id":"an10.94:11","sourceIds":["an10.94:11.1","an10.94:11.2"],"kind":"text","text":{"pi":"Yañhi, gahapati, paṭinissaggaṁ paṭinissajjato akusalā dhammā abhivaḍḍhanti, kusalā dhammā parihāyanti, evarūpo paṭinissaggo na paṭinissajjitabboti vadāmi.\nYañca khvassa, gahapati, paṭinissaggaṁ paṭinissajjato akusalā dhammā parihāyanti, kusalā dhammā abhivaḍḍhanti, evarūpo paṭinissaggo paṭinissajjitabboti vadāmi.","en":"When giving up certain things, unskillful qualities grow while skillful qualities decline. I say that you shouldn’t give up those things.\nWhen giving up certain things, unskillful qualities decline while skillful qualities grow. I say that you should give up those things."}},{"id":"an10.94:12","sourceIds":["an10.94:12.1","an10.94:12.2"],"kind":"text","text":{"pi":"Yañhi, gahapati, vimuttiṁ vimuccato akusalā dhammā abhivaḍḍhanti, kusalā dhammā parihāyanti, evarūpā vimutti na vimuccitabbāti vadāmi.\nYañca khvassa, gahapati, vimuttiṁ vimuccato akusalā dhammā parihāyanti, kusalā dhammā abhivaḍḍhanti, evarūpā vimutti vimuccitabbāti vadāmī”ti.","en":"When being liberated with certain kinds of freedom, unskillful qualities grow while skillful qualities decline. I say that you shouldn’t be liberated with those kinds of freedom.\nWhen being liberated with certain kinds of freedom, unskillful qualities decline while skillful qualities grow. I say that you should be liberated with those kinds of freedom.”"}},{"id":"an10.94:13","sourceIds":["an10.94:13.1"],"kind":"text","text":{"pi":"Atha kho vajjiyamāhito gahapati bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.","en":"After Vajjiyamāhita had been educated, encouraged, fired up, and inspired with a Dhamma talk by the Buddha, he got up from his seat, bowed, and respectfully circled the Buddha, keeping him on his right, before leaving."}},{"id":"an10.94:14","sourceIds":["an10.94:14.1","an10.94:14.2","an10.94:14.3"],"kind":"text","text":{"pi":"Atha kho bhagavā acirapakkante vajjiyamāhite gahapatimhi bhikkhū āmantesi:\n“yopi so, bhikkhave, bhikkhu dīgharattaṁ apparajakkho imasmiṁ dhammavinaye, sopi evamevaṁ aññatitthiye paribbājake sahadhammena suniggahitaṁ niggaṇheyya yathā taṁ vajjiyamāhitena gahapatinā niggahitā”ti.\nCatutthaṁ.","en":"Then, not long after Vajjiyamāhita had left, the Buddha addressed the mendicants:\n“Mendicants, even a mendicant who for a long time has had little dust in their eye in this teaching and training would legitimately and completely refute those wanderers of other religions just as the householder Vajjiyamāhita did.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.94/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}