{"id":"an10.95","title":"With Uttiya","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.95","title":"With Uttiya","units":[{"id":"an10.95:0","sourceIds":["an10.95:0.1","an10.95:0.2","an10.95:0.3"],"kind":"text","text":{"pi":"Aṅguttara Nikāya 10.95\n10. Upālivagga\nUttiyasutta","en":"Numbered Discourses 10.95\n10. With Upāli\nWith Uttiya"}},{"id":"an10.95:1","sourceIds":["an10.95:1.1","an10.95:1.2","an10.95:1.3","an10.95:1.4","an10.95:1.5"],"kind":"text","text":{"pi":"Atha kho uttiyo paribbājako yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho uttiyo paribbājako bhagavantaṁ etadavoca:\n“kiṁ nu kho, bho gotama, sassato loko, idameva saccaṁ moghamaññan”ti?\n“Abyākataṁ kho etaṁ, uttiya, mayā:\n‘sassato loko, idameva saccaṁ moghamaññan’”ti.","en":"Then the wanderer Uttiya went up to the Buddha, and exchanged greetings with him.\nWhen the greetings and polite conversation were over, he sat down to one side and said to the Buddha,\n“Worthy Gotama, is this right: ‘The cosmos is eternal. This is the only truth, anything else is futile’?”\n“This has not been declared by me, Uttiya.”"}},{"id":"an10.95:2","sourceIds":["an10.95:2.1","an10.95:2.2","an10.95:2.3"],"kind":"text","text":{"pi":"“Kiṁ pana, bho gotama, asassato loko, idameva saccaṁ moghamaññan”ti?\n“Etampi kho, uttiya, abyākataṁ mayā:\n‘asassato loko, idameva saccaṁ moghamaññan’”ti.","en":"“Then is this right: ‘The cosmos is not eternal. This is the only truth, anything else is futile’?”\n“This has not been declared by me, Uttiya.”"}},{"id":"an10.95:3","sourceIds":["an10.95:3.1","an10.95:3.2","an10.95:3.3","an10.95:3.4","an10.95:3.5","an10.95:3.6","an10.95:3.7","an10.95:3.8","an10.95:3.9","an10.95:3.10"],"kind":"text","text":{"pi":"“Kiṁ nu kho, bho gotama, antavā loko …pe…\nanantavā loko …\ntaṁ jīvaṁ taṁ sarīraṁ …\naññaṁ jīvaṁ aññaṁ sarīraṁ …\nhoti tathāgato paraṁ maraṇā …\nna hoti tathāgato paraṁ maraṇā …\nhoti ca na ca hoti tathāgato paraṁ maraṇā …\nneva hoti na na hoti tathāgato paraṁ maraṇā, idameva saccaṁ moghamaññan”ti?\n“Etampi kho, uttiya, abyākataṁ mayā:\n‘neva hoti na na hoti tathāgato paraṁ maraṇā, idameva saccaṁ moghamaññan’”ti.","en":"“Then is this right: ‘The cosmos is finite …’ …\n‘The cosmos is infinite …’ …\n‘The soul and the body are one and the same …’ …\n‘The soul is one thing, the body another …’ …\n‘A realized one still exists after death …’ …\n‘A realized one no longer exists after death …’ …\n‘A realized one both still exists and no longer exists after death …’ …\n‘A realized one neither still exists nor no longer exists after death. This is the only truth, anything else is futile’?”\n“This has not been declared by me, Uttiya.”"}},{"id":"an10.95:4","sourceIds":["an10.95:4.1","an10.95:4.2"],"kind":"text","text":{"pi":"“‘Kiṁ nu kho, bho gotama, sassato loko, idameva saccaṁ moghamaññan’ti, iti puṭṭho samāno ‘abyākataṁ kho etaṁ, uttiya, mayā—\nsassato loko, idameva saccaṁ moghamaññan’ti vadesi.","en":"“When asked about all these points, worthy Gotama says that they have not been declared by him."}},{"id":"an10.95:5","sourceIds":["an10.95:5.1","an10.95:5.2"],"kind":"text","text":{"pi":"‘Kiṁ pana, bho gotama, asassato loko, idameva saccaṁ moghamaññan’ti, iti puṭṭho samāno:\n‘etampi kho, uttiya, abyākataṁ mayā asassato loko, idameva saccaṁ moghamaññan’ti vadesi."}},{"id":"an10.95:6","sourceIds":["an10.95:6.1","an10.95:6.2","an10.95:6.3","an10.95:6.4","an10.95:6.5","an10.95:6.6","an10.95:6.7","an10.95:6.8","an10.95:6.9","an10.95:6.10","an10.95:6.11"],"kind":"text","text":{"pi":"‘Kiṁ nu kho, bho gotama, antavā loko …pe…\nanantavā loko …\ntaṁ jīvaṁ taṁ sarīraṁ …\naññaṁ jīvaṁ aññaṁ sarīraṁ …\nhoti tathāgato paraṁ maraṇā …\nna hoti tathāgato paraṁ maraṇā …\nhoti ca na ca hoti tathāgato paraṁ maraṇā …\nneva hoti na na hoti tathāgato paraṁ maraṇā, idameva saccaṁ moghamaññan’ti, iti puṭṭho samāno:\n‘etampi kho, uttiya, abyākataṁ mayā—\nneva hoti na na hoti tathāgato paraṁ maraṇā, idameva saccaṁ moghamaññan’ti vadesi.\nAtha kiñcarahi bhotā gotamena byākatan”ti?","en":"So what then has been declared by Worthy Gotama?”"}},{"id":"an10.95:7","sourceIds":["an10.95:7.1"],"kind":"text","text":{"pi":"“Abhiññāya kho ahaṁ, uttiya, sāvakānaṁ dhammaṁ desemi sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāyā”ti.","en":"“Uttiya, I teach my disciples from my own insight in order to purify sentient beings, to get past sorrow and crying, to make an end of pain and sadness, to end the cycle of suffering, and to realize extinguishment.”"}},{"id":"an10.95:8","sourceIds":["an10.95:8.1","an10.95:8.2"],"kind":"text","text":{"pi":"“Yaṁ panetaṁ bhavaṁ gotamo abhiññāya sāvakānaṁ dhammaṁ desesi sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya, sabbo vā tena loko nīyati upaḍḍho vā tibhāgo vā”ti?\nEvaṁ vutte, bhagavā tuṇhī ahosi.","en":"“But when the worthy Gotama teaches in this way, is the whole world saved, or half, or a third?”\nBut when he said this, the Buddha kept silent."}},{"id":"an10.95:9","sourceIds":["an10.95:9.1","an10.95:9.2","an10.95:9.3","an10.95:9.4"],"kind":"text","text":{"pi":"Atha kho āyasmato ānandassa etadahosi:\n“mā hevaṁ kho uttiyo paribbājako pāpakaṁ diṭṭhigataṁ paṭilabhi:\n‘sabbasāmukkaṁsikaṁ vata me samaṇo gotamo pañhaṁ puṭṭho saṁsādeti, no vissajjeti, na nūna visahatī’ti.\nTadassa uttiyassa paribbājakassa dīgharattaṁ ahitāya dukkhāyā”ti.","en":"Then Venerable Ānanda thought,\n“The wanderer Uttiya must not get the harmful misconception:\n‘When the ascetic Gotama was asked this all-important question he falters without answering. He just can’t do it!’\nThat would be for his lasting harm and suffering.”"}},{"id":"an10.95:10","sourceIds":["an10.95:10.1","an10.95:10.2","an10.95:10.3","an10.95:10.4","an10.95:10.5","an10.95:10.6","an10.95:10.7","an10.95:10.8"],"kind":"text","text":{"pi":"Atha kho āyasmā ānando uttiyaṁ paribbājakaṁ etadavoca:\n“tenahāvuso uttiya, upamaṁ te karissāmi.\nUpamāya m’idhekacce viññū purisā bhāsitassa atthaṁ ājānanti.\nSeyyathāpi, āvuso uttiya, rañño paccantimaṁ nagaraṁ daḷhuddhāpaṁ daḷhapākāratoraṇaṁ ekadvāraṁ.\nTatrassa dovāriko paṇḍito byatto medhāvī aññātānaṁ nivāretā ñātānaṁ pavesetā.\nSo tassa nagarassa samantā anupariyāyapathaṁ anukkamati. Anupariyāyapathaṁ anukkamamāno na passeyya pākārasandhiṁ vā pākāravivaraṁ vā, antamaso biḷāranikkhamanamattampi.\nNo ca khvassa evaṁ ñāṇaṁ hoti: ‘ettakā pāṇā imaṁ nagaraṁ pavisanti vā nikkhamanti vā’ti.\nAtha khvassa evamettha hoti: ‘ye kho keci oḷārikā pāṇā imaṁ nagaraṁ pavisanti vā nikkhamanti vā, sabbe te iminā dvārena pavisanti vā nikkhamanti vā’ti.","en":"Then Ānanda said to the wanderer Uttiya,\n“Well then, Reverend Uttiya, I shall give you a simile.\nFor by means of a simile some sensible people understand the meaning of what is said.\nSuppose there was a king’s frontier citadel with fortified embankments, ramparts, and arches, and a single gate.\nAnd it has a gatekeeper who is astute, competent, and intelligent. He keeps strangers out and lets known people in.\nAs he walks around the patrol path, he doesn’t see a hole or cleft in the wall, not even one big enough for a cat to slip out.\nHe doesn’t know how many creatures enter or leave the citadel.\nBut he does know that whatever sizable creatures enter or leave the citadel, all of them do so via this gate."}},{"id":"an10.95:11","sourceIds":["an10.95:11.1","an10.95:11.2","an10.95:11.3","an10.95:11.4","an10.95:11.5","an10.95:11.6"],"kind":"text","text":{"pi":"Evamevaṁ kho, āvuso uttiya, na tathāgatassa evaṁ ussukkaṁ hoti: ‘sabbo vā tena loko nīyati, upaḍḍho vā, tibhāgo vā’ti.\nAtha kho evamettha tathāgatassa hoti: ‘ye kho keci lokamhā nīyiṁsu vā nīyanti vā nīyissanti vā, sabbe te pañca nīvaraṇe pahāya cetaso upakkilese paññāya dubbalīkaraṇe, catūsu satipaṭṭhānesu suppatiṭṭhitacittā, satta bojjhaṅge yathābhūtaṁ bhāvetvā.\nEvamete lokamhā nīyiṁsu vā nīyanti vā nīyissanti vā’ti.\nYadeva kho tvaṁ, āvuso uttiya, bhagavantaṁ pañhaṁ apucchi tadevetaṁ pañhaṁ bhagavantaṁ aññena pariyāyena apucchi.\nTasmā te taṁ bhagavā na byākāsī”ti.\nPañcamaṁ.","en":"In the same way, it’s not the Realized One’s concern whether the whole world is saved by this, or half, or a third.\nBut the Realized One knows that whoever is saved from the world—whether in the past, the future, or the present—all have given up the five hindrances, corruptions of the heart that weaken wisdom. They have firmly established their mind in the four kinds of mindfulness meditation. And they have truly developed the seven awakening factors.\nThat’s how they’re saved from the world, in the past, future, or present.\nUttiya, you were just asking the Buddha the same question as before in a different way.\nThat’s why he didn’t answer.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.95/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}