{"id":"an10.99","title":"With Upāli","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.99","title":"With Upāli","units":[{"id":"an10.99:0","sourceIds":["an10.99:0.1","an10.99:0.2","an10.99:0.3"],"kind":"text","text":{"pi":"Aṅguttara Nikāya 10.99\n10. Upālivagga\nUpālisutta","en":"Numbered Discourses 10.99\n10. With Upāli\nWith Upāli"}},{"id":"an10.99:1","sourceIds":["an10.99:1.1","an10.99:1.2"],"kind":"text","text":{"pi":"Atha kho āyasmā upāli yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā upāli bhagavantaṁ etadavoca:\n“icchāmahaṁ, bhante, araññavanapatthāni pantāni senāsanāni paṭisevitun”ti.","en":"Then Venerable Upāli went up to the Buddha, bowed, sat down to one side, and said to him,\n“Sir, I wish to frequent remote lodgings in the wilderness and the forest.”"}},{"id":"an10.99:2","sourceIds":["an10.99:2.1","an10.99:2.2","an10.99:2.3","an10.99:2.4","an10.99:2.5","an10.99:2.6"],"kind":"text","text":{"pi":"“Durabhisambhavāni hi kho, upāli, araññavanapatthāni pantāni senāsanāni.\nDukkaraṁ pavivekaṁ durabhiramaṁ.\nEkatte haranti maññe mano vanāni samādhiṁ alabhamānassa bhikkhuno.\nYo kho, upāli, evaṁ vadeyya:\n‘ahaṁ samādhiṁ alabhamāno araññavanapatthāni pantāni senāsanāni paṭisevissāmī’ti, tassetaṁ pāṭikaṅkhaṁ:\n‘saṁsīdissati vā uplavissati vā’ti.","en":"“Upāli, remote lodgings in the wilderness and the forest are challenging.\nIt’s hard to maintain seclusion and hard to find joy in it.\nStaying alone, the forests seem to rob the mind of a mendicant who isn’t immersed in samādhi.\nIf someone should say this,\n‘Though I don’t have immersion, I’m going to frequent remote lodgings in the wilderness and the forest.’ You can expect that\nthey’ll sink down or float away."}},{"id":"an10.99:3","sourceIds":["an10.99:3.1","an10.99:3.2","an10.99:3.3","an10.99:3.4","an10.99:3.5","an10.99:3.6","an10.99:3.7","an10.99:3.8","an10.99:3.9"],"kind":"text","text":{"pi":"Seyyathāpi, upāli, mahāudakarahado.\nAtha āgaccheyya hatthināgo sattaratano vā aḍḍhaṭṭharatano vā.\nTassa evamassa:\n‘yannūnāhaṁ imaṁ udakarahadaṁ ogāhetvā kaṇṇasandhovikampi khiḍḍaṁ kīḷeyyaṁ piṭṭhisandhovikampi khiḍḍaṁ kīḷeyyaṁ.\nKaṇṇasandhovikampi khiḍḍaṁ kīḷitvā piṭṭhisandhovikampi khiḍḍaṁ kīḷitvā nhatvā ca pivitvā ca paccuttaritvā yena kāmaṁ pakkameyyan’ti.\nSo taṁ udakarahadaṁ ogāhetvā kaṇṇasandhovikampi khiḍḍaṁ kīḷeyya piṭṭhisandhovikampi khiḍḍaṁ kīḷeyya;\nkaṇṇasandhovikampi khiḍḍaṁ kīḷitvā piṭṭhisandhovikampi khiḍḍaṁ kīḷitvā nhatvā ca pivitvā ca paccuttaritvā yena kāmaṁ pakkameyya.\nTaṁ kissa hetu?\nMahā, upāli, attabhāvo gambhīre gādhaṁ vindati.","en":"Suppose there was a large lake,\nand along comes a bull elephant that’s three or three and a half meters tall.\nHe’d think,\n‘Why don’t I plunge into this lake and play around while washing my ears and back?\nWhen I’ve bathed and drunk, I’ll emerge from the water and go wherever I want.’\nAnd that’s just what he does.\nWhy is that?\nBecause his large incarnation finds a footing in the depths."}},{"id":"an10.99:4","sourceIds":["an10.99:4.1","an10.99:4.2","an10.99:4.3","an10.99:4.4","an10.99:4.5","an10.99:4.6","an10.99:4.7","an10.99:4.8","an10.99:4.9","an10.99:4.10","an10.99:4.11","an10.99:4.12","an10.99:4.13"],"kind":"text","text":{"pi":"Atha āgaccheyya saso vā biḷāro vā.\nTassa evamassa:\n‘ko cāhaṁ, ko ca hatthināgo.\nYannūnāhaṁ imaṁ udakarahadaṁ ogāhetvā kaṇṇasandhovikampi khiḍḍaṁ kīḷeyyaṁ piṭṭhisandhovikampi khiḍḍaṁ kīḷeyyaṁ;\nkaṇṇasandhovikampi khiḍḍaṁ kīḷitvā piṭṭhisandhovikampi khiḍḍaṁ kīḷitvā nhatvā ca pivitvā ca paccuttaritvā yena kāmaṁ pakkameyyan’ti.\nSo taṁ udakarahadaṁ sahasā appaṭisaṅkhā pakkhandeyya.\nTassetaṁ pāṭikaṅkhaṁ:\n‘saṁsīdissati vā uplavissati vā’ti.\nTaṁ kissa hetu?\nParitto, upāli, attabhāvo gambhīre gādhaṁ na vindati.\nEvamevaṁ kho, upāli, yo evaṁ vadeyya:\n‘ahaṁ samādhiṁ alabhamāno araññavanapatthāni pantāni senāsanāni paṭisevissāmī’ti, tassetaṁ pāṭikaṅkhaṁ:\n‘saṁsīdissati vā uplavissati vā’ti.","en":"Then along comes a rabbit or a cat.\nThey’d think,\n‘What difference is there between me and a bull elephant?\nWhy don’t I plunge into this lake and play around while washing my ears and back?\nWhen I’ve bathed and drunk, I’ll emerge from the water and go wherever I want.’\nThey jump into the lake rashly, without thinking.\nYou can expect that\nthey’ll sink down or float away.\nWhy is that?\nBecause their little incarnation finds no footing in the depths.\nIf someone should say this,\n‘Though I don’t have immersion, I’m going to frequent remote lodgings in the wilderness and the forest.’ You can expect that\nthey’ll sink down or float away."}},{"id":"an10.99:5","sourceIds":["an10.99:5.1","an10.99:5.2","an10.99:5.3","an10.99:5.4"],"kind":"text","text":{"pi":"Seyyathāpi, upāli, daharo kumāro mando uttānaseyyako sakena muttakarīsena kīḷati.\nTaṁ kiṁ maññasi, upāli,\nnanvāyaṁ kevalā paripūrā bālakhiḍḍā”ti?\n“Evaṁ, bhante”.","en":"Suppose there was a little baby boy playing in his own urine and feces.\nWhat do you think, Upāli?\nIsn’t that a totally foolish game?”\n“Yes, sir.”"}},{"id":"an10.99:6","sourceIds":["an10.99:6.1","an10.99:6.2","an10.99:6.3","an10.99:6.4","an10.99:6.5"],"kind":"text","text":{"pi":"“Sa kho so, upāli, kumāro aparena samayena vuddhimanvāya indriyānaṁ paripākamanvāya\nyāni kānici kumārakānaṁ kīḷāpanakāni bhavanti, seyyathidaṁ—vaṅkakaṁ ghaṭikaṁ mokkhacikaṁ ciṅgulakaṁ pattāḷhakaṁ rathakaṁ dhanukaṁ, tehi kīḷati.\nTaṁ kiṁ maññasi, upāli,\nnanvāyaṁ khiḍḍā purimāya khiḍḍāya abhikkantatarā ca paṇītatarā cā”ti?\n“Evaṁ, bhante”.","en":"“After some time that boy grows up and his faculties mature.\nHe accordingly plays childish games such as toy plows, tip-cat, somersaults, pinwheels, toy measures, toy carts, and toy bows.\nWhat do you think, Upāli?\nAren’t such games better than what he did before?”\n“Yes, sir.”"}},{"id":"an10.99:7","sourceIds":["an10.99:7.1","an10.99:7.2","an10.99:7.3","an10.99:7.4","an10.99:7.5","an10.99:7.6","an10.99:7.7","an10.99:7.8","an10.99:7.9","an10.99:7.10"],"kind":"text","text":{"pi":"“Sa kho so, upāli, kumāro aparena samayena vuddhimanvāya indriyānaṁ paripākamanvāya\npañcahi kāmaguṇehi samappito samaṅgibhūto paricāreti\ncakkhuviññeyyehi rūpehi iṭṭhehi kantehi manāpehi piyarūpehi kāmūpasaṁhitehi rajanīyehi,\nsotaviññeyyehi saddehi …\nghānaviññeyyehi gandhehi …\njivhāviññeyyehi rasehi …\nkāyaviññeyyehi phoṭṭhabbehi iṭṭhehi kantehi manāpehi piyarūpehi kāmūpasaṁhitehi rajanīyehi.\nTaṁ kiṁ maññasi, upāli,\nnanvāyaṁ khiḍḍā purimāhi khiḍḍāhi abhikkantatarā ca paṇītatarā cā”ti?\n“Evaṁ, bhante”.","en":"“After some time that boy grows up and his faculties mature further.\nHe accordingly amuses himself, supplied and provided with the five kinds of sensual stimulation.\nSights known by the eye, which are likable, desirable, agreeable, pleasant, sensual, and arousing.\nSounds known by the ear …\nSmells known by the nose …\nTastes known by the tongue …\nTouches known by the body, which are likable, desirable, agreeable, pleasant, sensual, and arousing.\nWhat do you think, Upāli?\nAren’t such games better than what he did before?”\n“Yes, sir.”"}},{"id":"an10.99:8","sourceIds":["an10.99:8.1","an10.99:8.2","an10.99:8.3"],"kind":"text","text":{"pi":"“Idha kho pana vo, upāli, tathāgato loke uppajjati arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā.\nSo imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.\nSo dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.","en":"“Now in this regard, Upāli, a Realized One arises in the world, perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.\nHe has realized with his own insight this world—with its gods, Māras, and divinities, this population with its ascetics and brahmins, gods and humans—and he makes it known to others.\nHe teaches Dhamma that’s good in the beginning, good in the middle, and good in the end, meaningful and well-phrased. And he reveals a spiritual practice that’s entirely full and pure."}},{"id":"an10.99:9","sourceIds":["an10.99:9.1","an10.99:9.2","an10.99:9.3","an10.99:9.4","an10.99:9.5","an10.99:9.6"],"kind":"text","text":{"pi":"Taṁ dhammaṁ suṇāti gahapati vā gahapatiputto vā aññatarasmiṁ vā kule paccājāto.\nSo taṁ dhammaṁ sutvā tathāgate saddhaṁ paṭilabhati.\nSo tena saddhāpaṭilābhena samannāgato iti paṭisañcikkhati:\n‘sambādho gharāvāso rajāpatho, abbhokāso pabbajjā.\nNayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ.\nYannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan’ti.","en":"A householder hears that teaching, or a householder’s child, or someone reborn in a good family.\nThey gain faith in the Realized One\nand reflect:\n‘Life at home is cramped and dirty, life gone forth is wide open.\nIt’s not easy for someone living at home to lead the spiritual life utterly full and pure, like a polished shell.\nWhy don’t I shave off my hair and beard, dress in ocher robes, and go forth from the lay life to homelessness?’"}},{"id":"an10.99:10","sourceIds":["an10.99:10.1"],"kind":"text","text":{"pi":"So aparena samayena appaṁ vā bhogakkhandhaṁ pahāya mahantaṁ vā bhogakkhandhaṁ pahāya appaṁ vā ñātiparivaṭṭaṁ pahāya mahantaṁ vā ñātiparivaṭṭaṁ pahāya kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajati.","en":"After some time they give up a large or small fortune, and a large or small family circle. They shave off hair and beard, dress in ocher robes, and go forth from the lay life to homelessness."}},{"id":"an10.99:11","sourceIds":["an10.99:11.1"],"kind":"text","text":{"pi":"So evaṁ pabbajito samāno bhikkhūnaṁ sikkhāsājīvasamāpanno pāṇātipātaṁ pahāya pāṇātipātā paṭivirato hoti nihitadaṇḍo nihitasattho lajjī dayāpanno sabbapāṇabhūtahitānukampī viharati.","en":"Once they’ve gone forth, they take up the training and livelihood of the mendicants. They give up killing living creatures, renouncing the rod and the sword. They’re scrupulous and kind, living full of sympathy for all living beings."}},{"id":"an10.99:12","sourceIds":["an10.99:12.1"],"kind":"text","text":{"pi":"Adinnādānaṁ pahāya adinnādānā paṭivirato hoti dinnādāyī dinnapāṭikaṅkhī; athenena sucibhūtena attanā viharati.","en":"They give up stealing. They take only what’s given, and expect only what’s given. They keep themselves clean by not thieving."}},{"id":"an10.99:13","sourceIds":["an10.99:13.1"],"kind":"text","text":{"pi":"Abrahmacariyaṁ pahāya brahmacārī hoti ārācārī virato methunā gāmadhammā.","en":"They give up unchastity. They are chaste, set apart, refraining from the vulgar act of sex."}},{"id":"an10.99:14","sourceIds":["an10.99:14.1"],"kind":"text","text":{"pi":"Musāvādaṁ pahāya musāvādā paṭivirato hoti saccavādī saccasandho theto paccayiko avisaṁvādako lokassa.","en":"They give up lying. They speak the truth and stick to the truth. They’re honest and dependable, and don’t trick the world with their words."}},{"id":"an10.99:15","sourceIds":["an10.99:15.1"],"kind":"text","text":{"pi":"Pisuṇaṁ vācaṁ pahāya pisuṇāya vācāya paṭivirato hoti, ito sutvā na amutra akkhātā imesaṁ bhedāya, amutra vā sutvā na imesaṁ akkhātā amūsaṁ bhedāya. Iti bhinnānaṁ vā sandhātā sahitānaṁ vā anuppadātā, samaggārāmo samaggarato samagganandī; samaggakaraṇiṁ vācaṁ bhāsitā hoti.","en":"They give up backbiting. They don’t repeat in one place what they heard in another so as to divide people against each other. Instead, they reconcile those who are divided and support those who are united, delighting in harmony, loving harmony, speaking words that promote harmony."}},{"id":"an10.99:16","sourceIds":["an10.99:16.1"],"kind":"text","text":{"pi":"Pharusaṁ vācaṁ pahāya pharusāya vācāya paṭivirato hoti. Yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā, tathārūpiṁ vācaṁ bhāsitā hoti.","en":"They give up harsh speech. They speak in a way that’s mellow, pleasing to the ear, endearing, going to the heart, polite, and likable and agreeable to the people."}},{"id":"an10.99:17","sourceIds":["an10.99:17.1"],"kind":"text","text":{"pi":"Samphappalāpaṁ pahāya samphappalāpā paṭivirato hoti kālavādī bhūtavādī atthavādī dhammavādī vinayavādī, nidhānavatiṁ vācaṁ bhāsitā hoti kālena sāpadesaṁ pariyantavatiṁ atthasaṁhitaṁ.","en":"They give up talking nonsense. Their words are timely, true, and meaningful, in line with the teaching and training. They say things at the right time which are valuable, reasonable, succinct, and beneficial."}},{"id":"an10.99:18","sourceIds":["an10.99:18.1","an10.99:18.2","an10.99:18.3","an10.99:18.4","an10.99:18.5","an10.99:18.6","an10.99:18.7","an10.99:18.8","an10.99:18.9","an10.99:18.10","an10.99:18.11","an10.99:18.12","an10.99:18.13","an10.99:18.14","an10.99:18.15","an10.99:18.16","an10.99:18.17","an10.99:18.18","an10.99:18.19"],"kind":"text","text":{"pi":"So bījagāmabhūtagāmasamārambhā paṭivirato hoti.\nEkabhattiko hoti rattūparato, virato vikālabhojanā.\nNaccagītavāditavisūkadassanā paṭivirato hoti,\nmālāgandhavilepanadhāraṇamaṇḍanavibhūsanaṭṭhānā paṭivirato hoti,\nuccāsayanamahāsayanā paṭivirato hoti,\njātarūparajatapaṭiggahaṇā paṭivirato hoti,\nāmakadhaññapaṭiggahaṇā paṭivirato hoti,\nāmakamaṁsapaṭiggahaṇā paṭivirato hoti,\nitthikumārikapaṭiggahaṇā paṭivirato hoti,\ndāsidāsapaṭiggahaṇā paṭivirato hoti,\najeḷakapaṭiggahaṇā paṭivirato hoti,\nkukkuṭasūkarapaṭiggahaṇā paṭivirato hoti,\nhatthigavassavaḷavapaṭiggahaṇā paṭivirato hoti,\nkhettavatthupaṭiggahaṇā paṭivirato hoti,\ndūteyyapahiṇagamanānuyogā paṭivirato hoti,\nkayavikkayā paṭivirato hoti,\ntulākūṭakaṁsakūṭamānakūṭā paṭivirato hoti,\nukkoṭanavañcananikatisāciyogā paṭivirato hoti,\nchedanavadhabandhanaviparāmosaālopasahasākārā paṭivirato hoti.","en":"They refrain from injuring plants and seeds.\nThey eat in one part of the day, abstaining from eating at night and food at the wrong time.\nThey refrain from seeing shows of dancing, singing, and music.\nThey refrain from attiring and adorning themselves with garlands, fragrance, and makeup.\nThey refrain from high and luxurious beds.\nThey refrain from receiving gold and currency,\nraw grains,\nraw meat,\nwomen and girls,\nmale and female bondservants,\ngoats and sheep,\nchickens and pigs,\nelephants, cows, horses, and mares,\nand fields and land.\nThey refrain from running errands and messages;\nbuying and selling;\nfalsifying weights, metals, or measures;\nbribery, fraud, cheating, and duplicity;\nmutilation, murder, abduction, banditry, plunder, and violence."}},{"id":"an10.99:19","sourceIds":["an10.99:19.1","an10.99:19.2","an10.99:19.3","an10.99:19.4","an10.99:19.5"],"kind":"text","text":{"pi":"So santuṭṭho hoti kāyaparihārikena cīvarena kucchiparihārikena piṇḍapātena.\nYena yeneva pakkamati samādāyeva pakkamati,\nseyyathāpi nāma pakkhī sakuṇo yena yeneva ḍeti sapattabhārova ḍeti.\nEvamevaṁ bhikkhu santuṭṭho hoti kāyaparihārikena cīvarena kucchiparihārikena piṇḍapātena. Yena yeneva pakkamati samādāyeva pakkamati.\nSo iminā ariyena sīlakkhandhena samannāgato ajjhattaṁ anavajjasukhaṁ paṭisaṁvedeti.","en":"They’re content with robes to look after the body and almsfood to look after the belly.\nWherever they go, they set out taking only these things.\nThey’re like a bird: wherever it flies, wings are its only burden.\nIn the same way, a mendicant is content with robes to look after the body and almsfood to look after the belly. Wherever they go, they set out taking only these things.\nWhen they have this spectrum of noble ethics, they experience a blameless happiness inside themselves."}},{"id":"an10.99:20","sourceIds":["an10.99:20.1","an10.99:20.2","an10.99:20.3","an10.99:20.4","an10.99:20.5","an10.99:20.6","an10.99:20.7","an10.99:20.8","an10.99:20.9"],"kind":"text","text":{"pi":"So cakkhunā rūpaṁ disvā na nimittaggāhī hoti nānubyañjanaggāhī.\nYatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati; rakkhati cakkhundriyaṁ, cakkhundriye saṁvaraṁ āpajjati.\nSotena saddaṁ sutvā …\nghānena gandhaṁ ghāyitvā …\njivhāya rasaṁ sāyitvā …\nkāyena phoṭṭhabbaṁ phusitvā …\nmanasā dhammaṁ viññāya na nimittaggāhī hoti nānubyañjanaggāhī.\nYatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati; rakkhati manindriyaṁ, manindriye saṁvaraṁ āpajjati.\nSo iminā ariyena indriyasaṁvarena samannāgato ajjhattaṁ abyāsekasukhaṁ paṭisaṁvedeti.","en":"When they see a sight with their eyes, they don’t get caught up in the features and details.\nIf the faculty of sight were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of sight, and achieving its restraint.\nWhen they hear a sound with their ears …\nWhen they smell an odor with their nose …\nWhen they taste a flavor with their tongue …\nWhen they feel a touch with their body …\nWhen they know an idea with their mind, they don’t get caught up in the features and details.\nIf the faculty of mind were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of mind, and achieving its restraint.\nWhen they have this noble sense restraint, they experience an unsullied bliss inside themselves."}},{"id":"an10.99:21","sourceIds":["an10.99:21.1"],"kind":"text","text":{"pi":"So abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.","en":"They act with situational awareness when going out and coming back; when looking ahead and aside; when bending and extending the limbs; when bearing the outer robe, bowl and robes; when eating, drinking, chewing, and tasting; when urinating and defecating; when walking, standing, sitting, sleeping, waking, speaking, and keeping silent."}},{"id":"an10.99:22","sourceIds":["an10.99:22.1","an10.99:22.2","an10.99:22.3"],"kind":"text","text":{"pi":"So iminā ca ariyena sīlakkhandhena samannāgato, iminā ca ariyena indriyasaṁvarena samannāgato, iminā ca ariyena satisampajaññena samannāgato\nvivittaṁ senāsanaṁ bhajati araññaṁ rukkhamūlaṁ pabbataṁ kandaraṁ giriguhaṁ susānaṁ vanapatthaṁ abbhokāsaṁ palālapuñjaṁ.\nSo araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.","en":"When they have this spectrum of noble ethics, this noble sense restraint, and this noble mindfulness and situational awareness,\nthey frequent a secluded lodging—a wilderness, the root of a tree, a hill, a ravine, a mountain cave, a charnel ground, a forest, the open air, a heap of straw.\nGone to a wilderness, or to the root of a tree, or to an empty hut, they sit down cross-legged, set their body straight, and bring mindfulness to the present."}},{"id":"an10.99:23","sourceIds":["an10.99:23.1","an10.99:23.2","an10.99:23.3","an10.99:23.4","an10.99:23.5"],"kind":"text","text":{"pi":"So abhijjhaṁ loke pahāya vigatābhijjhena cetasā viharati, abhijjhāya cittaṁ parisodheti.\nByāpādapadosaṁ pahāya abyāpannacitto viharati sabbapāṇabhūtahitānukampī, byāpādapadosā cittaṁ parisodheti.\nThinamiddhaṁ pahāya vigatathinamiddho viharati ālokasaññī sato sampajāno, thinamiddhā cittaṁ parisodheti.\nUddhaccakukkuccaṁ pahāya anuddhato viharati ajjhattaṁ vūpasantacitto, uddhaccakukkuccā cittaṁ parisodheti.\nVicikicchaṁ pahāya tiṇṇavicikiccho viharati akathaṅkathī kusalesu dhammesu, vicikicchāya cittaṁ parisodheti.","en":"Giving up covetousness for the world, they meditate with a heart rid of covetousness, cleansing the mind of covetousness.\nGiving up ill will and malevolence, they meditate with a mind rid of ill will, full of sympathy for all living beings, cleansing the mind of ill will.\nGiving up dullness and drowsiness, they meditate with a mind rid of dullness and drowsiness, perceiving light, mindful and aware, cleansing the mind of dullness and drowsiness.\nGiving up restlessness and remorse, they meditate without restlessness, their mind settled internally, cleansing the mind of restlessness and remorse.\nGiving up doubt, they meditate having gone beyond doubt, not undecided about skillful qualities, cleansing the mind of doubt."}},{"id":"an10.99:24","sourceIds":["an10.99:24.1","an10.99:24.2","an10.99:24.3","an10.99:24.4","an10.99:24.5"],"kind":"text","text":{"pi":"So ime pañca nīvaraṇe pahāya cetaso upakkilese paññāya dubbalīkaraṇe,\nvivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.\nTaṁ kiṁ maññasi, upāli,\n‘nanvāyaṁ vihāro purimehi vihārehi abhikkantataro ca paṇītataro cā’”ti?\n“Evaṁ, bhante”.","en":"They give up these five hindrances, corruptions of the heart that weaken wisdom.\nThen, quite secluded from sensual pleasures, secluded from unskillful qualities, they enter and remain in the first absorption, which has the rapture and bliss born of seclusion, while placing the mind and keeping it connected.\nWhat do you think, Upāli?\nIsn’t this state better than what they had before?”\n“Yes, sir.”"}},{"id":"an10.99:25","sourceIds":["an10.99:25.1"],"kind":"text","text":{"pi":"“Imampi kho, upāli, mama sāvakā attani dhammaṁ sampassamānā araññavanapatthāni pantāni senāsanāni paṭisevanti, no ca kho tāva anuppattasadatthā viharanti.","en":"“When my disciples see this quality inside themselves they frequent remote lodgings in the wilderness and the forest. But so far they haven’t achieved their heart’s goal."}},{"id":"an10.99:26","sourceIds":["an10.99:26.1","an10.99:26.2","an10.99:26.3","an10.99:26.4"],"kind":"text","text":{"pi":"Puna caparaṁ, upāli, bhikkhu vitakkavicārānaṁ vūpasamā …pe… dutiyaṁ jhānaṁ upasampajja viharati.\nTaṁ kiṁ maññasi, upāli,\n‘nanvāyaṁ vihāro purimehi vihārehi abhikkantataro ca paṇītataro cā’”ti?\n“Evaṁ, bhante”.","en":"Furthermore, as the placing of the mind and keeping it connected are stilled, a mendicant enters and remains in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nWhat do you think, Upāli?\nIsn’t this state better than what they had before?”\n“Yes, sir.”"}},{"id":"an10.99:27","sourceIds":["an10.99:27.1"],"kind":"text","text":{"pi":"“Imampi kho, upāli, mama sāvakā attani dhammaṁ sampassamānā araññavanapatthāni pantāni senāsanāni paṭisevanti, no ca kho tāva anuppattasadatthā viharanti.","en":"“When my disciples see this quality inside themselves they frequent remote lodgings in the wilderness and the forest. But so far they haven’t achieved their heart’s goal."}},{"id":"an10.99:28","sourceIds":["an10.99:28.1","an10.99:28.2","an10.99:28.3","an10.99:28.4"],"kind":"text","text":{"pi":"Puna caparaṁ, upāli, bhikkhu pītiyā ca virāgā …pe… tatiyaṁ jhānaṁ upasampajja viharati.\nTaṁ kiṁ maññasi, upāli,\n‘nanvāyaṁ vihāro purimehi vihārehi abhikkantataro ca paṇītataro cā’”ti?\n“Evaṁ, bhante”.","en":"Furthermore, with the fading away of rapture, a mendicant enters and remains in the third absorption. They meditate with equanimity, mindful and aware, experiencing for themselves the bliss of which the noble ones declare, ‘Equanimous and mindful, one meditates in bliss.’\nWhat do you think, Upāli?\nIsn’t this state better than what they had before?”\n“Yes, sir.”"}},{"id":"an10.99:29","sourceIds":["an10.99:29.1"],"kind":"text","text":{"pi":"“Imampi kho, upāli, mama sāvakā attani dhammaṁ sampassamānā araññavanapatthāni pantāni senāsanāni paṭisevanti, no ca kho tāva anuppattasadatthā viharanti.","en":"“When my disciples see this quality inside themselves they frequent remote lodgings in the wilderness and the forest. But so far they haven’t achieved their heart’s goal."}},{"id":"an10.99:30","sourceIds":["an10.99:30.1"],"kind":"text","text":{"pi":"Puna caparaṁ, upāli, bhikkhu sukhassa ca pahānā …pe… catutthaṁ jhānaṁ …pe….","en":"Furthermore, with the giving up of pleasure and pain and the disappearance of former happiness and sadness, a mendicant enters and remains in the fourth absorption, without pleasure or pain, with pure equanimity and mindfulness. …” …"}},{"id":"an10.99:31","sourceIds":["an10.99:31.1","an10.99:31.2","an10.99:31.3","an10.99:31.4"],"kind":"text","text":{"pi":"Puna caparaṁ, upāli, bhikkhu sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā ‘ananto ākāso’ti ākāsānañcāyatanaṁ upasampajja viharati.\nTaṁ kiṁ maññasi, upāli,\n‘nanvāyaṁ vihāro purimehi vihārehi abhikkantataro ca paṇītataro cā’”ti?\n“Evaṁ, bhante”.","en":"“Furthermore, going totally beyond perceptions of form, with the disappearance of perceptions of impingement, not focusing on perceptions of diversity, aware that ‘space is infinite’, a mendicant enters and remains in the dimension of infinite space.\nWhat do you think, Upāli?\nIsn’t this state better than what they had before?”\n“Yes, sir.”"}},{"id":"an10.99:32","sourceIds":["an10.99:32.1"],"kind":"text","text":{"pi":"“Imampi kho, upāli, mama sāvakā attani dhammaṁ sampassamānā araññavanapatthāni pantāni senāsanāni paṭisevanti, no ca kho tāva anuppattasadatthā viharanti.","en":"“When my disciples see this quality inside themselves they frequent remote lodgings in the wilderness and the forest. But so far they haven’t achieved their heart’s goal."}},{"id":"an10.99:33","sourceIds":["an10.99:33.1"],"kind":"text","text":{"pi":"Puna caparaṁ, upāli, bhikkhu sabbaso ākāsānañcāyatanaṁ samatikkamma ‘anantaṁ viññāṇan’ti viññāṇañcāyatanaṁ upasampajja viharati …pe….","en":"Furthermore, going totally beyond the dimension of infinite space, aware that ‘consciousness is infinite’, a mendicant enters and remains in the dimension of infinite consciousness. …” …"}},{"id":"an10.99:34","sourceIds":["an10.99:34.1"],"kind":"text","text":{"pi":"Sabbaso viññāṇañcāyatanaṁ samatikkamma ‘natthi kiñcī’ti ākiñcaññāyatanaṁ upasampajja viharati …pe….","en":"“Going totally beyond the dimension of infinite consciousness, aware that ‘there is nothing at all’, they enter and remain in the dimension of nothingness. …” …"}},{"id":"an10.99:35","sourceIds":["an10.99:35.1","an10.99:35.2","an10.99:35.3","an10.99:35.4"],"kind":"text","text":{"pi":"Sabbaso ākiñcaññāyatanaṁ samatikkamma ‘santametaṁ paṇītametan’ti nevasaññānāsaññāyatanaṁ upasampajja viharati.\nTaṁ kiṁ maññasi, upāli,\n‘nanvāyaṁ vihāro purimehi vihārehi abhikkantataro ca paṇītataro cā’”ti?\n“Evaṁ, bhante”.","en":"“Going totally beyond the dimension of nothingness, aware that ‘this is peaceful, this is sublime’, they enter and remain in the dimension of neither perception nor non-perception.\nWhat do you think, Upāli?\nIsn’t this state better than what they had before?”\n“Yes, sir.”"}},{"id":"an10.99:36","sourceIds":["an10.99:36.1"],"kind":"text","text":{"pi":"“Imampi kho, upāli, mama sāvakā attani dhammaṁ sampassamānā araññavanapatthāni pantāni senāsanāni paṭisevanti, no ca kho tāva anuppattasadatthā viharanti.","en":"“When my disciples see this quality inside themselves they frequent remote lodgings in the wilderness and the forest. But so far they haven’t achieved their heart’s goal."}},{"id":"an10.99:37","sourceIds":["an10.99:37.1","an10.99:37.2","an10.99:37.3","an10.99:37.4"],"kind":"text","text":{"pi":"Puna caparaṁ, upāli, bhikkhu sabbaso nevasaññānāsaññāyatanaṁ samatikkamma saññāvedayitanirodhaṁ upasampajja viharati; paññāya cassa disvā āsavā parikkhīṇā honti.\nTaṁ kiṁ maññasi, upāli,\n‘nanvāyaṁ vihāro purimehi vihārehi abhikkantataro ca paṇītataro cā’”ti?\n“Evaṁ, bhante”.","en":"Furthermore, going totally beyond the dimension of neither perception nor non-perception, they enter and remain in the cessation of perception and feeling. And, having seen with wisdom, their defilements come to an end.\nWhat do you think, Upāli?\nIsn’t this state better than what they had before?”\n“Yes, sir.”"}},{"id":"an10.99:38","sourceIds":["an10.99:38.1","an10.99:38.2","an10.99:38.3","an10.99:38.4"],"kind":"text","text":{"pi":"“Imampi kho, upāli, mama sāvakā attani dhammaṁ sampassamānā araññavanapatthāni pantāni senāsanāni paṭisevanti, anuppattasadatthā ca viharanti.\nIṅgha tvaṁ, upāli, saṅghe viharāhi.\nSaṅghe te viharato phāsu bhavissatī”ti.\nNavamaṁ.","en":"“When my disciples see this quality inside themselves they frequent remote lodgings in the wilderness and the forest. And they have achieved their heart’s goal.\nCome on, Upāli, stay with the Saṅgha.\nIf you stay with the Saṅgha you’ll be comfortable.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.99/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}