{"id":"an11.1","title":"What’s the Goal?","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an11.1","title":"What’s the Goal?","units":[{"id":"an11.1:0","sourceIds":["an11.1:0.1","an11.1:0.2","an11.1:0.3"],"kind":"text","text":{"pi":"Aṅguttara Nikāya 11.1\n1. Nissayavagga\nKimatthiyasutta","en":"Numbered Discourses 11.1\n1. Dependence\nWhat’s the Goal?"}},{"id":"an11.1:1","sourceIds":["an11.1:1.1","an11.1:1.2","an11.1:1.3","an11.1:1.4","an11.1:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:\n“kimatthiyāni, bhante, kusalāni sīlāni kimānisaṁsānī”ti?\n“Avippaṭisāratthāni kho, ānanda, kusalāni sīlāni avippaṭisārānisaṁsānī”ti.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen Venerable Ānanda went up to the Buddha, bowed, sat down to one side, and said to him:\n“Sir, what is the goal and benefit of skillful ethics?”\n“Ānanda, having no regrets is the goal and benefit of skillful ethics.”"}},{"id":"an11.1:2","sourceIds":["an11.1:2.1","an11.1:2.2"],"kind":"text","text":{"pi":"“Avippaṭisāro pana, bhante, kimatthiyo kimānisaṁso”?\n“Avippaṭisāro kho, ānanda, pāmojjattho pāmojjānisaṁso”.","en":"“But what is the goal and benefit of having no regrets?”\n“Joy is the goal and benefit of having no regrets.”"}},{"id":"an11.1:3","sourceIds":["an11.1:3.1","an11.1:3.2"],"kind":"text","text":{"pi":"“Pāmojjaṁ pana, bhante, kimatthiyaṁ kimānisaṁsaṁ”?\n“Pāmojjaṁ kho, ānanda, pītatthaṁ pītānisaṁsaṁ”.","en":"“But what is the goal and benefit of joy?”\n“Rapture …”"}},{"id":"an11.1:4","sourceIds":["an11.1:4.1","an11.1:4.2"],"kind":"text","text":{"pi":"“Pīti pana, bhante, kimatthiyā kimānisaṁsā”?\n“Pīti kho, ānanda, passaddhatthā passaddhānisaṁsā”.","en":"“But what is the goal and benefit of rapture?”\n“Tranquility …”"}},{"id":"an11.1:5","sourceIds":["an11.1:5.1","an11.1:5.2"],"kind":"text","text":{"pi":"“Passaddhi pana, bhante, kimatthiyā kimānisaṁsā”?\n“Passaddhi kho, ānanda, sukhatthā sukhānisaṁsā”.","en":"“But what is the goal and benefit of tranquility?”\n“Bliss …”"}},{"id":"an11.1:6","sourceIds":["an11.1:6.1","an11.1:6.2"],"kind":"text","text":{"pi":"“Sukhaṁ pana, bhante, kimatthiyaṁ kimānisaṁsaṁ”?\n“Sukhaṁ kho, ānanda, samādhatthaṁ samādhānisaṁsaṁ”.","en":"“But what is the goal and benefit of bliss?”\n“Immersion …”"}},{"id":"an11.1:7","sourceIds":["an11.1:7.1","an11.1:7.2"],"kind":"text","text":{"pi":"“Samādhi pana, bhante, kimatthiyo kimānisaṁso”?\n“Samādhi kho, ānanda, yathābhūtañāṇadassanattho yathābhūtañāṇadassanānisaṁso”.","en":"“But what is the goal and benefit of immersion?”\n“Truly knowing and seeing …”"}},{"id":"an11.1:8","sourceIds":["an11.1:8.1","an11.1:8.2"],"kind":"text","text":{"pi":"“Yathābhūtañāṇadassanaṁ pana, bhante, kimatthiyaṁ kimānisaṁsaṁ”?\n“Yathābhūtañāṇadassanaṁ kho, ānanda, nibbidatthaṁ nibbidānisaṁsaṁ”.","en":"“But what is the goal and benefit of truly knowing and seeing?”\n“Disillusionment …”"}},{"id":"an11.1:9","sourceIds":["an11.1:9.1","an11.1:9.2"],"kind":"text","text":{"pi":"“Nibbidā pana, bhante, kimatthiyā kimānisaṁsā”?\n“Nibbidā kho, ānanda, virāgatthā virāgānisaṁsā”.","en":"“But what is the goal and benefit of disillusionment?”\n“Dispassion …”"}},{"id":"an11.1:10","sourceIds":["an11.1:10.1","an11.1:10.2"],"kind":"text","text":{"pi":"“Virāgo pana, bhante, kimatthiyo kimānisaṁso”?\n“Virāgo kho, ānanda, vimuttiñāṇadassanattho vimuttiñāṇadassanānisaṁso.","en":"“But what is the goal and benefit of dispassion?”\n“Knowledge and vision of freedom is the goal and benefit of dispassion."}},{"id":"an11.1:11","sourceIds":["an11.1:11.1","an11.1:11.2","an11.1:11.3","an11.1:11.4","an11.1:11.5","an11.1:11.6","an11.1:11.7","an11.1:11.8","an11.1:11.9","an11.1:11.10","an11.1:11.11","an11.1:11.12"],"kind":"text","text":{"pi":"Iti kho, ānanda, kusalāni sīlāni avippaṭisāratthāni avippaṭisārānisaṁsāni,\navippaṭisāro pāmojjattho pāmojjānisaṁso,\npāmojjaṁ pītatthaṁ pītānisaṁsaṁ,\npīti passaddhatthā passaddhānisaṁsā,\npassaddhi sukhatthā sukhānisaṁsā,\nsukhaṁ samādhatthaṁ samādhānisaṁsaṁ,\nsamādhi yathābhūtañāṇadassanattho yathābhūtañāṇadassanānisaṁso,\nyathābhūtañāṇadassanaṁ nibbidatthaṁ nibbidānisaṁsaṁ,\nnibbidā virāgatthā virāgānisaṁsā,\nvirāgo vimuttiñāṇadassanattho vimuttiñāṇadassanānisaṁso.\nIti kho, ānanda, kusalāni sīlāni anupubbena aggāya parentī”ti.\nPaṭhamaṁ.","en":"So, Ānanda, the goal and benefit of skillful ethics is not having regrets.\nJoy is the goal and benefit of not having regrets.\nRapture is the goal and benefit of joy.\nTranquility is the goal and benefit of rapture.\nBliss is the goal and benefit of tranquility.\nImmersion is the goal and benefit of bliss.\nTruly knowing and seeing is the goal and benefit of immersion.\nDisillusionment is the goal and benefit of truly knowing and seeing.\nDispassion is the goal and benefit of disillusionment.\nAnd knowledge and vision of freedom is the goal and benefit of dispassion.\nSo, Ānanda, skillful ethics progressively lead up to the highest.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an11.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}