{"id":"an11.13","title":"With Nandiya","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an11.13","title":"With Nandiya","units":[{"id":"an11.13:0","sourceIds":["an11.13:0.1","an11.13:0.2","an11.13:0.3"],"kind":"text","text":{"pi":"Aṅguttara Nikāya 11.13\n2. Anussativagga\nNandiyasutta","en":"Numbered Discourses 11.13\n2. Recollection\nWith Nandiya"}},{"id":"an11.13:1","sourceIds":["an11.13:1.1","an11.13:1.2"],"kind":"text","text":{"pi":"Ekaṁ samayaṁ bhagavā sakkesu viharati kapilavatthusmiṁ nigrodhārāme.\nTena kho pana samayena bhagavā sāvatthiyaṁ vassāvāsaṁ upagantukāmo hoti.","en":"At one time the Buddha was staying in the land of the Sakyans, near Kapilavatthu in the Banyan Tree Monastery.\nNow at that time the Buddha wanted to commence the rains residence at Sāvatthī."}},{"id":"an11.13:2","sourceIds":["an11.13:2.1","an11.13:2.2","an11.13:2.3","an11.13:2.4","an11.13:2.5"],"kind":"text","text":{"pi":"Assosi kho nandiyo sakko:\n“bhagavā kira sāvatthiyaṁ vassāvāsaṁ upagantukāmo”ti.\nAtha kho nandiyassa sakkassa etadahosi:\n“yannūnāhampi sāvatthiyaṁ vassāvāsaṁ upagaccheyyaṁ.\nTattha kammantañceva adhiṭṭhahissāmi, bhagavantañca lacchāmi kālena kālaṁ dassanāyā”ti.","en":"Nandiya the Sakyan heard about this,\nand thought,\n“Why don’t I also commence the rains residence at Sāvatthī.\nThere I can focus on my work and from time to time get to see the Buddha.”"}},{"id":"an11.13:3","sourceIds":["an11.13:3.1","an11.13:3.2","an11.13:3.3","an11.13:3.4","an11.13:3.5"],"kind":"text","text":{"pi":"Atha kho bhagavā sāvatthiyaṁ vassāvāsaṁ upagacchi.\nNandiyopi kho sakko sāvatthiyaṁ vassāvāsaṁ upagacchi.\nTattha kammantañceva adhiṭṭhāsi, bhagavantañca labhi kālena kālaṁ dassanāya.\nTena kho pana samayena sambahulā bhikkhū bhagavato cīvarakammaṁ karonti:\n“niṭṭhitacīvaro bhagavā temāsaccayena cārikaṁ pakkamissatī”ti.","en":"So the Buddha commenced the rains residence in Sāvatthī,\nand so did Nandiya.\nThere he focused on his work and from time to time got to see the Buddha.\nAt that time several mendicants were making a robe for the Buddha, thinking that\nwhen his robe was finished and the three months of the rains residence had passed the Buddha would set out wandering."}},{"id":"an11.13:4","sourceIds":["an11.13:4.1","an11.13:4.2","an11.13:4.3","an11.13:4.4","an11.13:4.5","an11.13:4.6","an11.13:4.7","an11.13:4.8"],"kind":"text","text":{"pi":"Assosi kho nandiyo sakko:\n“sambahulā kira bhikkhū bhagavato cīvarakammaṁ karonti:\n‘niṭṭhitacīvaro bhagavā temāsaccayena cārikaṁ pakkamissatī’”ti.\nAtha kho nandiyo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho nandiyo sakko bhagavantaṁ etadavoca:\n“sutaṁ metaṁ, bhante:\n‘sambahulā kira bhikkhū bhagavato cīvarakammaṁ karonti—\nniṭṭhitacīvaro bhagavā temāsaccayena cārikaṁ pakkamissatī’ti.\nTesaṁ no, bhante, nānāvihārehi viharataṁ kenassa vihārena vihātabban”ti?","en":"Nandiya the Sakyan heard about this.\nHe went up to the Buddha, bowed, sat down to one side, and said to him:\n“Sir, I have heard that\nseveral mendicants are making a robe for the Buddha, thinking that\nwhen his robe was finished and the three months of the rains residence had passed the Buddha would set out wandering.\nNow, we spend our life in various ways. Which of these should we practice?”"}},{"id":"an11.13:5","sourceIds":["an11.13:5.1","an11.13:5.2","an11.13:5.3","an11.13:5.4","an11.13:5.5","an11.13:5.6","an11.13:5.7","an11.13:5.8","an11.13:5.9","an11.13:5.10"],"kind":"text","text":{"pi":"“Sādhu sādhu, nandiya.\nEtaṁ kho, nandiya, tumhākaṁ patirūpaṁ kulaputtānaṁ, yaṁ tumhe tathāgataṁ upasaṅkamitvā puccheyyātha:\n‘tesaṁ no, bhante, nānāvihārehi viharataṁ kenassa vihārena vihātabban’ti?\nSaddho kho, nandiya, ārādhako hoti, no assaddho;\nsīlavā ārādhako hoti, no dussīlo;\nāraddhavīriyo ārādhako hoti, no kusīto;\nupaṭṭhitassati ārādhako hoti, no muṭṭhassati;\nsamāhito ārādhako hoti, no asamāhito;\npaññavā ārādhako hoti, no duppañño.\nImesu kho te, nandiya, chasu dhammesu patiṭṭhāya pañcasu dhammesu ajjhattaṁ sati upaṭṭhāpetabbā.","en":"“Good, good, Nandiya!\nIt’s appropriate that gentlemen such as you come to me and ask:\n‘We spend our life in various ways. Which of these should we practice?’\nThe faithful succeed, not the faithless.\nThe ethical succeed, not the unethical.\nThe energetic succeed, not the lazy.\nThe mindful succeed, not the unmindful.\nThose with immersion succeed, not those without immersion.\nThe wise succeed, not the witless.\nWhen you’re grounded on these six things, go on to establish mindfulness on five further things internally."}},{"id":"an11.13:6","sourceIds":["an11.13:6.1","an11.13:6.2","an11.13:6.3"],"kind":"text","text":{"pi":"Idha tvaṁ, nandiya, tathāgataṁ anussareyyāsi:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi, satthā devamanussānaṁ buddho bhagavā’ti.\nIti kho te, nandiya, tathāgataṁ ārabbha ajjhattaṁ sati upaṭṭhāpetabbā.","en":"Firstly, you should recollect the Realized One:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nIn this way you should establish mindfulness internally based on the Realized One."}},{"id":"an11.13:7","sourceIds":["an11.13:7.1","an11.13:7.2","an11.13:7.3"],"kind":"text","text":{"pi":"Puna caparaṁ tvaṁ, nandiya, dhammaṁ anussareyyāsi:\n‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṁ veditabbo viññūhī’ti.\nIti kho te, nandiya, dhammaṁ ārabbha ajjhattaṁ sati upaṭṭhāpetabbā.","en":"Furthermore, you should recollect the teaching:\n‘The teaching is well explained by the Buddha—apparent in the present life, immediately effective, inviting inspection, relevant, so that sensible people can know it for themselves.’\nIn this way you should establish mindfulness internally based on the teaching."}},{"id":"an11.13:8","sourceIds":["an11.13:8.1","an11.13:8.2","an11.13:8.3","an11.13:8.4"],"kind":"text","text":{"pi":"Puna caparaṁ tvaṁ, nandiya, kalyāṇamitte anussareyyāsi:\n‘lābhā vata me, suladdhaṁ vata me,\nyassa me kalyāṇamittā anukampakā atthakāmā ovādakā anusāsakā’ti.\nIti kho te, nandiya, kalyāṇamitte ārabbha ajjhattaṁ sati upaṭṭhāpetabbā.","en":"Furthermore, you should recollect your good friends:\n‘I’m fortunate, so very fortunate,\nto have good friends who advise and instruct me out of kindness and sympathy.’\nIn this way you should establish mindfulness internally based on good friends."}},{"id":"an11.13:9","sourceIds":["an11.13:9.1","an11.13:9.2","an11.13:9.3","an11.13:9.4"],"kind":"text","text":{"pi":"Puna caparaṁ tvaṁ, nandiya, attano cāgaṁ anussareyyāsi:\n‘lābhā vata me, suladdhaṁ vata me,\nyohaṁ maccheramalapariyuṭṭhitāya pajāya vigatamalamaccherena cetasā agāraṁ ajjhāvasāmi muttacāgo payatapāṇi vossaggarato yācayogo dānasaṁvibhāgarato’ti.\nIti kho te, nandiya, cāgaṁ ārabbha ajjhattaṁ sati upaṭṭhāpetabbā.","en":"Furthermore, you should recollect your own generosity:\n‘I’m so fortunate, so very fortunate.\nAmong people full of the stain of stinginess I live at home with heart rid of stinginess, freely generous, open-handed, loving to let go, committed to charity, loving to give and to share.’\nIn this way you should establish mindfulness internally based on generosity."}},{"id":"an11.13:10","sourceIds":["an11.13:10.1","an11.13:10.2","an11.13:10.3","an11.13:10.4","an11.13:10.5"],"kind":"text","text":{"pi":"Puna caparaṁ tvaṁ, nandiya, devatā anussareyyāsi:\n‘yā devatā atikkammeva kabaḷīkārāhārabhakkhānaṁ devatānaṁ sahabyataṁ aññataraṁ manomayaṁ kāyaṁ upapannā, tā karaṇīyaṁ attano na samanupassanti katassa vā paticayaṁ’.\nSeyyathāpi, nandiya, bhikkhu asamayavimutto karaṇīyaṁ attano na samanupassati katassa vā paticayaṁ;\nevamevaṁ kho, nandiya, yā tā devatā atikkammeva kabaḷīkārāhārabhakkhānaṁ devatānaṁ sahabyataṁ aññataraṁ manomayaṁ kāyaṁ upapannā, tā karaṇīyaṁ attano na samanupassanti katassa vā paticayaṁ.\nIti kho te, nandiya, devatā ārabbha ajjhattaṁ sati upaṭṭhāpetabbā.","en":"Furthermore, you should recollect the deities:\n‘There are deities who, surpassing the company of deities that consume edible food, are reborn in a certain host of mind-made deities. They don’t see in themselves anything more to do, or anything that needs improvement.’\nAn irreversibly freed mendicant doesn’t see in themselves anything more to do, or anything that needs improvement.\nIn the same way, Nandiya, there are deities who, surpassing the company of deities that consume edible food, are reborn in a certain host of mind-made deities. They don’t see in themselves anything more to do, or anything that needs improvement.\nIn this way you should establish mindfulness internally based on the deities."}},{"id":"an11.13:11","sourceIds":["an11.13:11.1","an11.13:11.2","an11.13:11.3","an11.13:11.4","an11.13:11.5"],"kind":"text","text":{"pi":"Imehi kho, nandiya, ekādasahi dhammehi samannāgato ariyasāvako pajahateva pāpake akusale dhamme, na upādiyati.\nSeyyathāpi, nandiya, kumbho nikkujjo vamateva udakaṁ, no vantaṁ paccāvamati;\nseyyathāpi vā pana, nandiya, sukkhe tiṇadāye aggi mutto ḍahaññeva gacchati, no daḍḍhaṁ paccudāvattati;\nevamevaṁ kho, nandiya, imehi ekādasahi dhammehi samannāgato ariyasāvako pajahateva pāpake akusale dhamme, na upādiyatī”ti.\nTatiyaṁ.","en":"A noble disciple who possesses these eleven qualities gives up bad, unskillful qualities and doesn’t cling to them.\nIt’s like when a pot full of water is tipped over, so the water drains out and doesn’t go back in.\nSuppose there was an uncontrolled fire. It advances burning up dry woodlands and doesn’t turn back over what it has burned.\nIn the same way, a noble disciple who possesses these eleven qualities gives up bad, unskillful qualities and doesn’t cling to them.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an11.13/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}