{"id":"an11.2","title":"Making a Wish","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an11.2","title":"Making a Wish","units":[{"id":"an11.2:0","sourceIds":["an11.2:0.1","an11.2:0.2","an11.2:0.3"],"kind":"text","text":{"pi":"Aṅguttara Nikāya 11.2\n1. Nissayavagga\nCetanākaraṇīyasutta","en":"Numbered Discourses 11.2\n1. Dependence\nMaking a Wish"}},{"id":"an11.2:1","sourceIds":["an11.2:1.1","an11.2:1.2","an11.2:1.3"],"kind":"text","text":{"pi":"“Sīlavato, bhikkhave, sīlasampannassa na cetanāya karaṇīyaṁ:\n‘avippaṭisāro me uppajjatū’ti.\nDhammatā esā, bhikkhave, yaṁ sīlavato sīlasampannassa avippaṭisāro uppajjati.","en":"“Mendicants, an ethical person, who has fulfilled ethical conduct, need not make a wish:\n‘May I have no regrets!’\nIt’s only natural that an ethical person has no regrets."}},{"id":"an11.2:2","sourceIds":["an11.2:2.1","an11.2:2.2","an11.2:2.3"],"kind":"text","text":{"pi":"Avippaṭisārissa, bhikkhave, na cetanāya karaṇīyaṁ:\n‘pāmojjaṁ me uppajjatū’ti.\nDhammatā esā, bhikkhave, yaṁ avippaṭisārissa pāmojjaṁ uppajjati.","en":"When you have no regrets you need not make a wish:\n‘May I feel joy!’\nIt’s only natural that joy springs up when you have no regrets."}},{"id":"an11.2:3","sourceIds":["an11.2:3.1","an11.2:3.2","an11.2:3.3"],"kind":"text","text":{"pi":"Pamuditassa, bhikkhave, na cetanāya karaṇīyaṁ:\n‘pīti me uppajjatū’ti.\nDhammatā esā, bhikkhave, yaṁ pamuditassa pīti uppajjati.","en":"When you feel joy you need not make a wish:\n‘May I experience rapture!’\nIt’s only natural that rapture arises when you’re joyful."}},{"id":"an11.2:4","sourceIds":["an11.2:4.1","an11.2:4.2","an11.2:4.3"],"kind":"text","text":{"pi":"Pītimanassa, bhikkhave, na cetanāya karaṇīyaṁ:\n‘kāyo me passambhatū’ti.\nDhammatā esā, bhikkhave, yaṁ pītimanassa kāyo passambhati.","en":"When your mind is full of rapture you need not make a wish:\n‘May my body become tranquil!’\nIt’s only natural that your body becomes tranquil when your mind is full of rapture."}},{"id":"an11.2:5","sourceIds":["an11.2:5.1","an11.2:5.2","an11.2:5.3"],"kind":"text","text":{"pi":"Passaddhakāyassa, bhikkhave, na cetanāya karaṇīyaṁ:\n‘sukhaṁ vediyāmī’ti.\nDhammatā esā, bhikkhave, yaṁ passaddhakāyo sukhaṁ vediyati.","en":"When your body is tranquil you need not make a wish:\n‘May I feel bliss!’\nIt’s only natural to feel bliss when your body is tranquil."}},{"id":"an11.2:6","sourceIds":["an11.2:6.1","an11.2:6.2","an11.2:6.3"],"kind":"text","text":{"pi":"Sukhino, bhikkhave, na cetanāya karaṇīyaṁ:\n‘cittaṁ me samādhiyatū’ti.\nDhammatā esā, bhikkhave, yaṁ sukhino cittaṁ samādhiyati.","en":"When you feel bliss you need not make a wish:\n‘May my mind be immersed in samādhi!’\nIt’s only natural for the mind to become immersed in samādhi when you feel bliss."}},{"id":"an11.2:7","sourceIds":["an11.2:7.1","an11.2:7.2","an11.2:7.3"],"kind":"text","text":{"pi":"Samāhitassa, bhikkhave, na cetanāya karaṇīyaṁ:\n‘yathābhūtaṁ jānāmi passāmī’ti.\nDhammatā esā, bhikkhave, yaṁ samāhito yathābhūtaṁ jānāti passati.","en":"When your mind is immersed in samādhi you need not make a wish:\n‘May I truly know and see!’\nIt’s only natural to truly know and see when your mind is immersed in samādhi."}},{"id":"an11.2:8","sourceIds":["an11.2:8.1","an11.2:8.2","an11.2:8.3"],"kind":"text","text":{"pi":"Yathābhūtaṁ, bhikkhave, jānato passato na cetanāya karaṇīyaṁ:\n‘nibbindāmī’ti.\nDhammatā esā, bhikkhave, yaṁ yathābhūtaṁ jānaṁ passaṁ nibbindati.","en":"When you truly know and see you need not make a wish:\n‘May I grow disillusioned!’\nIt’s only natural to grow disillusioned when you truly know and see."}},{"id":"an11.2:9","sourceIds":["an11.2:9.1","an11.2:9.2","an11.2:9.3"],"kind":"text","text":{"pi":"Nibbinnassa, bhikkhave, na cetanāya karaṇīyaṁ:\n‘virajjāmī’ti.\nDhammatā esā, bhikkhave, yaṁ nibbinno virajjati.","en":"When you’re disillusioned you need not make a wish:\n‘May I become dispassionate!’\nIt’s only natural to grow dispassionate when you’re disillusioned."}},{"id":"an11.2:10","sourceIds":["an11.2:10.1","an11.2:10.2","an11.2:10.3"],"kind":"text","text":{"pi":"Virattassa, bhikkhave, na cetanāya karaṇīyaṁ:\n‘vimuttiñāṇadassanaṁ sacchikaromī’ti.\nDhammatā esā, bhikkhave, yaṁ viratto vimuttiñāṇadassanaṁ sacchikaroti.","en":"When you’re dispassionate you need not make a wish:\n‘May I realize the knowledge and vision of freedom!’\nIt’s only natural to realize the knowledge and vision of freedom when you’re dispassionate."}},{"id":"an11.2:11","sourceIds":["an11.2:11.1","an11.2:11.2","an11.2:11.3"],"kind":"text","text":{"pi":"Iti kho, bhikkhave, virāgo vimuttiñāṇadassanattho vimuttiñāṇadassanānisaṁso, nibbidā virāgatthā virāgānisaṁsā, yathābhūtañāṇadassanaṁ nibbidatthaṁ nibbidānisaṁsaṁ, samādhi yathābhūtañāṇadassanattho yathābhūtañāṇadassanānisaṁso, sukhaṁ samādhatthaṁ samādhānisaṁsaṁ, passaddhi sukhatthā sukhānisaṁsā, pīti passaddhatthā passaddhānisaṁsā, pāmojjaṁ pītatthaṁ pītānisaṁsaṁ, avippaṭisāro pāmojjattho pāmojjānisaṁso, kusalāni sīlāni avippaṭisāratthāni avippaṭisārānisaṁsāni.\nIti kho, bhikkhave, dhammā dhamme abhisandenti, dhammā dhamme paripūrenti apārā pāraṁ gamanāyā”ti.\nDutiyaṁ.","en":"And so, mendicants, the knowledge and vision of freedom is the goal and benefit of dispassion. Dispassion is the goal and benefit of disillusionment. Disillusionment is the goal and benefit of truly knowing and seeing. Truly knowing and seeing is the goal and benefit of immersion. Immersion is the goal and benefit of bliss. Bliss is the goal and benefit of tranquility. Tranquility is the goal and benefit of rapture. Rapture is the goal and benefit of joy. Joy is the goal and benefit of not having regrets. Not having regrets is the goal and benefit of skillful ethics.\nAnd so, mendicants, good qualities flow on and fill up from one to the other, for going from the near shore to the far shore.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an11.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}