{"id":"an11.9","title":"With Sandha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an11.9","title":"With Sandha","units":[{"id":"an11.9:0","sourceIds":["an11.9:0.1","an11.9:0.2","an11.9:0.3"],"kind":"text","text":{"pi":"Aṅguttara Nikāya 11.9\n1. Nissayavagga\nSaddhasutta","en":"Numbered Discourses 11.9\n1. Dependence\nWith Sandha"}},{"id":"an11.9:1","sourceIds":["an11.9:1.1","an11.9:1.2"],"kind":"text","text":{"pi":"Ekaṁ samayaṁ bhagavā nātike viharati giñjakāvasathe.\nAtha kho āyasmā saddho yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ saddhaṁ bhagavā etadavoca:","en":"At one time the Buddha was staying at Ñātika in the brick house.\nThen Venerable Sandha went up to the Buddha, bowed, and sat down to one side. The Buddha said to him:"}},{"id":"an11.9:2","sourceIds":["an11.9:2.1","an11.9:2.2","an11.9:2.3","an11.9:2.4","an11.9:2.5","an11.9:2.6","an11.9:2.7","an11.9:2.8","an11.9:2.9","an11.9:2.10","an11.9:2.11","an11.9:2.12","an11.9:2.13","an11.9:2.14","an11.9:2.15","an11.9:2.16","an11.9:2.17"],"kind":"text","text":{"pi":"“Ājānīyajhāyitaṁ kho, saddha, jhāya;\nmā khaḷuṅkajhāyitaṁ.\nKathañca, khaḷuṅkajhāyitaṁ hoti?\nAssakhaḷuṅko hi, saddha, doṇiyā baddho ‘yavasaṁ yavasan’ti jhāyati.\nTaṁ kissa hetu?\nNa hi, saddha, assakhaḷuṅkassa doṇiyā baddhassa evaṁ hoti:\n‘kiṁ nu kho maṁ ajja assadammasārathi kāraṇaṁ kāressati, kimassāhaṁ paṭikaromī’ti.\nSo doṇiyā baddho ‘yavasaṁ yavasan’ti jhāyati.\nEvamevaṁ kho, saddha, idhekacco purisakhaḷuṅko araññagatopi rukkhamūlagatopi suññāgāragatopi kāmarāgapariyuṭṭhitena cetasā viharati kāmarāgaparetena uppannassa ca kāmarāgassa nissaraṇaṁ yathābhūtaṁ nappajānāti.\nSo kāmarāgaṁyeva antaraṁ katvā jhāyati pajjhāyati nijjhāyati avajjhāyati,\nbyāpādapariyuṭṭhitena cetasā viharati …\nthinamiddhapariyuṭṭhitena cetasā viharati …\nuddhaccakukkuccapariyuṭṭhitena cetasā viharati …\nvicikicchāpariyuṭṭhitena cetasā viharati vicikicchāparetena, uppannāya ca vicikicchāya nissaraṇaṁ yathābhūtaṁ nappajānāti.\nSo vicikicchaṁyeva antaraṁ katvā jhāyati pajjhāyati nijjhāyati avajjhāyati.\nSo pathavimpi nissāya jhāyati, āpampi nissāya jhāyati, tejampi nissāya jhāyati, vāyampi nissāya jhāyati, ākāsānañcāyatanampi nissāya jhāyati, viññāṇañcāyatanampi nissāya jhāyati, ākiñcaññāyatanampi nissāya jhāyati, nevasaññānāsaññāyatanampi nissāya jhāyati, idhalokampi nissāya jhāyati, paralokampi nissāya jhāyati, yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā, tampi nissāya jhāyati.\nEvaṁ kho, saddha, purisakhaḷuṅkajhāyitaṁ hoti.","en":"“Sandha, meditate like a thoroughbred,\nnot like a wild colt.\nAnd how does a wild colt meditate?\nA wild colt, tied up by the feeding trough, meditates: ‘Fodder, fodder!’\nWhy is that?\nBecause it doesn’t occur to the wild colt tied up by the feeding trough:\n‘What task will the horse trainer have me do today? How should I respond?’\nTied up by the feeding trough they just meditate: ‘Fodder, fodder!’\nIn the same way, take a certain wild person who has gone to the forest, the root of a tree, or an empty hut. Their heart is overcome and mired in sensual desire, and they don’t truly understand the escape from sensual desire that has arisen.\nHarboring sensual desire within they meditate and concentrate and contemplate and ruminate.\nTheir heart is overcome by ill will …\ndullness and drowsiness …\nrestlessness and remorse …\ndoubt …\nHarboring doubt within they meditate and concentrate and contemplate and ruminate.\nThey meditate dependent on earth, water, fire, and air. They meditate dependent on the dimension of infinite space, infinite consciousness, nothingness, or neither perception nor non-perception. They meditate dependent on this world or the other world. They meditate dependent on what is seen, heard, thought, known, attained, sought, or explored by the mind.\nThat’s how a wild colt meditates."}},{"id":"an11.9:3","sourceIds":["an11.9:3.1","an11.9:3.2","an11.9:3.3","an11.9:3.4","an11.9:3.5","an11.9:3.6","an11.9:3.7","an11.9:3.8","an11.9:3.9","an11.9:3.10","an11.9:3.11","an11.9:3.12","an11.9:3.13","an11.9:3.14","an11.9:3.15"],"kind":"text","text":{"pi":"Kathañca, saddha, ājānīyajhāyitaṁ hoti?\nBhadro hi, saddha, assājānīyo doṇiyā baddho na ‘yavasaṁ yavasan’ti jhāyati.\nTaṁ kissa hetu?\nBhadrassa hi, saddha, assājānīyassa doṇiyā baddhassa evaṁ hoti:\n‘kiṁ nu kho maṁ ajja assadammasārathi kāraṇaṁ kāressati, kimassāhaṁ paṭikaromī’ti.\nSo doṇiyā baddho na ‘yavasaṁ yavasan’ti jhāyati.\nBhadro hi, saddha, assājānīyo yathā iṇaṁ yathā bandhaṁ yathā jāniṁ yathā kaliṁ evaṁ patodassa ajjhoharaṇaṁ samanupassati.\nEvamevaṁ kho, saddha, bhadro purisājānīyo araññagatopi rukkhamūlagatopi suññāgāragatopi na kāmarāgapariyuṭṭhitena cetasā viharati na kāmarāgaparetena, uppannassa ca kāmarāgassa nissaraṇaṁ yathābhūtaṁ pajānāti,\nna byāpādapariyuṭṭhitena cetasā viharati …\nna thinamiddhapariyuṭṭhitena cetasā viharati …\nna uddhaccakukkuccapariyuṭṭhitena cetasā viharati …\nna vicikicchāpariyuṭṭhitena cetasā viharati na vicikicchāparetena, uppannāya ca vicikicchāya nissaraṇaṁ yathābhūtaṁ pajānāti.\nSo neva pathaviṁ nissāya jhāyati, na āpaṁ nissāya jhāyati, na tejaṁ nissāya jhāyati, na vāyaṁ nissāya jhāyati, na ākāsānañcāyatanaṁ nissāya jhāyati, na viññāṇañcāyatanaṁ nissāya jhāyati, na ākiñcaññāyatanaṁ nissāya jhāyati, na nevasaññānāsaññāyatanaṁ nissāya jhāyati, na idhalokaṁ nissāya jhāyati, na paralokaṁ nissāya jhāyati, yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā, tampi nissāya na jhāyati;\njhāyati ca pana.\nEvaṁ jhāyiñca pana, saddha, bhadraṁ purisājānīyaṁ saindā devā sabrahmakā sapajāpatikā ārakāva namassanti:","en":"And how does a thoroughbred meditate?\nA fine thoroughbred, tied up by the feeding trough, doesn’t meditate: ‘Fodder, fodder!’\nWhy is that?\nBecause it occurs to the fine thoroughbred tied up by the feeding trough:\n‘What task will the horse trainer have me do today? How should I respond?’\nTied up by the feeding trough they don’t meditate: ‘Fodder, fodder!’\nFor that fine thoroughbred regards the use of the goad as a debt, a bond, a loss, a misfortune.\nIn the same way, take a certain fine thoroughbred person who has gone to the forest, the root of a tree, or an empty hut. Their heart is not overcome and mired in sensual desire, and they truly understand the escape from sensual desire that has arisen.\nTheir heart is not overcome by ill will …\ndullness and drowsiness …\nrestlessness and remorse …\ndoubt …\nThey don’t meditate dependent on earth, water, fire, and air. They don’t meditate dependent on the dimension of infinite space, infinite consciousness, nothingness, or neither perception nor non-perception. They don’t meditate dependent on this world or the other world. They don’t meditate dependent on what is seen, heard, thought, known, attained, sought, or explored by the mind.\nYet they do meditate.\nWhen a fine thoroughbred meditates like this, the gods together with Indra, the Divinity, and the Progenitor worship them from afar:"}},{"id":"an11.9:4","sourceIds":["an11.9:4.1","an11.9:4.2","an11.9:4.3","an11.9:4.4"],"kind":"text","text":{"pi":"‘Namo te purisājañña,\nnamo te purisuttama;\nYassa te nābhijānāma,\nyampi nissāya jhāyasī’”ti.","en":"‘Homage to you, O thoroughbred!\nHomage to you, supreme among men!\nWe don’t understand\nthe basis of your absorption.’”"}},{"id":"an11.9:5","sourceIds":["an11.9:5.1","an11.9:5.2","an11.9:5.3","an11.9:5.4"],"kind":"text","text":{"pi":"Evaṁ vutte, āyasmā saddho bhagavantaṁ etadavoca:\n“kathaṁ jhāyī pana, bhante, bhadro purisājānīyo neva pathaviṁ nissāya jhāyati, na āpaṁ nissāya jhāyati, na tejaṁ nissāya jhāyati, na vāyaṁ nissāya jhāyati, na ākāsānañcāyatanaṁ nissāya jhāyati, na viññāṇañcāyatanaṁ nissāya jhāyati, na ākiñcaññāyatanaṁ nissāya jhāyati, na nevasaññānāsaññāyatanaṁ nissāya jhāyati, na idhalokaṁ nissāya jhāyati, na paralokaṁ nissāya jhāyati, yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā, tampi nissāya na jhāyati;\njhāyati ca pana?\nKathaṁ jhāyiñca pana, bhante, bhadraṁ purisājānīyaṁ saindā devā sabrahmakā sapajāpatikā ārakāva namassanti:","en":"When he said this, Venerable Sandha asked the Buddha,\n“But sir, how does that fine thoroughbred meditate?”"}},{"id":"an11.9:6","sourceIds":["an11.9:6.1","an11.9:6.2","an11.9:6.3","an11.9:6.4"],"kind":"text","text":{"pi":"‘Namo te purisājañña,\nnamo te purisuttama;\nYassa te nābhijānāma,\nyampi nissāya jhāyasī’”ti."}},{"id":"an11.9:7","sourceIds":["an11.9:7.1","an11.9:7.2","an11.9:7.3","an11.9:7.4","an11.9:7.5"],"kind":"text","text":{"pi":"“Idha, saddha, bhadrassa purisājānīyassa pathaviyaṁ pathavisaññā vibhūtā hoti, āpasmiṁ āposaññā vibhūtā hoti, tejasmiṁ tejosaññā vibhūtā hoti, vāyasmiṁ vāyosaññā vibhūtā hoti, ākāsānañcāyatane ākāsānañcāyatanasaññā vibhūtā hoti, viññāṇañcāyatane viññāṇañcāyatanasaññā vibhūtā hoti, ākiñcaññāyatane ākiñcaññāyatanasaññā vibhūtā hoti, nevasaññānāsaññāyatane nevasaññānāsaññāyatanasaññā vibhūtā hoti, idhaloke idhalokasaññā vibhūtā hoti, paraloke paralokasaññā vibhūtā hoti, yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā, tatrāpi saññā vibhūtā hoti.\nEvaṁ jhāyī kho, saddha, bhadro purisājānīyo neva pathaviṁ nissāya jhāyati …pe…\nyampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā, tampi nissāya na jhāyati;\njhāyati ca pana.\nEvaṁ jhāyiñca pana, saddha, bhadraṁ purisājānīyaṁ saindā devā sabrahmakā sapajāpatikā ārakāva namassanti:","en":"“Sandha, for a fine thoroughbred person, the perception of earth has vanished in relation to earth. The perception of water … fire … air has vanished in relation to air. The perception of the dimension of infinite space has vanished in relation to the dimension of infinite space. The perception of the dimension of infinite consciousness … nothingness … neither perception nor non-perception has vanished in relation to the dimension of neither perception nor non-perception. The perception of this world has vanished in relation to this world. The perception of the other world has vanished in relation to the other world. And the perception of what is seen, heard, thought, known, attained, sought, or explored by the mind has vanished.\nThat’s how that fine thoroughbred person doesn’t meditate dependent on earth, water, fire, and air. They don’t meditate dependent on the dimension of infinite space, infinite consciousness, nothingness, or neither perception nor non-perception. They don’t meditate dependent on this world or the other world.\nThey don’t meditate dependent on what is seen, heard, thought, known, attained, sought, or explored by the mind.\nYet they do meditate.\nWhen a fine thoroughbred person meditates like this, the gods together with Indra, the Divinity, and the Progenitor worship them from afar:"}},{"id":"an11.9:8","sourceIds":["an11.9:8.1","an11.9:8.2","an11.9:8.3","an11.9:8.4","an11.9:8.5"],"kind":"text","text":{"pi":"‘Namo te purisājañña,\nnamo te purisuttama;\nYassa te nābhijānāma,\nyampi nissāya jhāyasī’”ti.\nNavamaṁ.","en":"‘Homage to you, O thoroughbred!\nHomage to you, supreme among men!\nWe don’t understand\nthe basis of your absorption.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an11.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}