{"id":"an2.11-20","title":"The Chapter on Disciplinary Issues","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an2.11-20","title":"The Chapter on Disciplinary Issues","units":[{"id":"an2.11:0","sourceIds":["an2.11:0.1","an2.11:0.2"],"kind":"text","text":{"pi":"Aṅguttara Nikāya 2\n2. Adhikaraṇavagga","en":"Numbered Discourses 2.11–20\nThe Chapter on Disciplinary Issues"}},{"id":"an2.11:1","sourceIds":["an2.11:1.0","an2.11:1.1","an2.11:1.2","an2.11:1.3","an2.11:1.4","an2.11:1.5","an2.11:1.6","an2.11:1.7","an2.11:1.8"],"kind":"text","text":{"pi":"11\n“Dvemāni, bhikkhave, balāni.\nKatamāni dve?\nPaṭisaṅkhānabalañca bhāvanābalañca.\nKatamañca, bhikkhave, paṭisaṅkhānabalaṁ?\nIdha, bhikkhave, ekacco iti paṭisañcikkhati:\n‘kāyaduccaritassa kho pāpako vipāko diṭṭhe ceva dhamme abhisamparāyañca, vacīduccaritassa pāpako vipāko diṭṭhe ceva dhamme abhisamparāyañca, manoduccaritassa pāpako vipāko diṭṭhe ceva dhamme abhisamparāyañcā’ti.\nSo iti paṭisaṅkhāya kāyaduccaritaṁ pahāya kāyasucaritaṁ bhāveti, vacīduccaritaṁ pahāya vacīsucaritaṁ bhāveti, manoduccaritaṁ pahāya manosucaritaṁ bhāveti, suddhaṁ attānaṁ pariharati.\nIdaṁ vuccati, bhikkhave, paṭisaṅkhānabalaṁ.","en":"11\n“There are, mendicants, these two powers.\nWhat two?\nThe power of reflection and the power of development.\nAnd what, mendicants, is the power of reflection?\nIt’s when someone reflects:\n‘Bad conduct of body, speech, or mind has a bad, painful result in both this life and the next.’\nReflecting like this, they give up bad conduct by way of body, speech, and mind, and develop good conduct by way of body, speech, and mind, keeping themselves pure.\nThis is called the power of reflection."}},{"id":"an2.11:2","sourceIds":["an2.11:2.1","an2.11:2.2","an2.11:2.3","an2.11:2.4","an2.11:2.5","an2.11:2.6"],"kind":"text","text":{"pi":"Katamañca, bhikkhave, bhāvanābalaṁ.\nTatra, bhikkhave, yamidaṁ bhāvanābalaṁ sekhānametaṁ balaṁ.\nSekhañhi so, bhikkhave, balaṁ āgamma rāgaṁ pajahati, dosaṁ pajahati, mohaṁ pajahati.\nRāgaṁ pahāya, dosaṁ pahāya, mohaṁ pahāya yaṁ akusalaṁ na taṁ karoti, yaṁ pāpaṁ na taṁ sevati.\nIdaṁ vuccati, bhikkhave, bhāvanābalaṁ.\nImāni kho, bhikkhave, dve balānī”ti.","en":"And what, mendicants, is the power of development?\nIn this context, the power of development is the power of the trainees.\nFor when you rely on the power of a trainee, you give up greed, hate, and delusion.\nThen you don’t do anything unskillful, or practice anything bad.\nThis is called the power of development.\nThese are the two powers.”"}},{"id":"an2.12:1","sourceIds":["an2.12:1.0","an2.12:1.1","an2.12:1.2","an2.12:1.3","an2.12:1.4","an2.12:1.5","an2.12:1.6","an2.12:1.7","an2.12:1.8"],"kind":"text","text":{"pi":"12\n“Dvemāni, bhikkhave, balāni.\nKatamāni dve?\nPaṭisaṅkhānabalañca bhāvanābalañca.\nKatamañca, bhikkhave, paṭisaṅkhānabalaṁ?\nIdha, bhikkhave, ekacco iti paṭisañcikkhati:\n‘kāyaduccaritassa kho pāpako vipāko diṭṭhe ceva dhamme abhisamparāyañca, vacīduccaritassa pāpako vipāko diṭṭhe ceva dhamme abhisamparāyañca, manoduccaritassa pāpako vipāko diṭṭhe ceva dhamme abhisamparāyañcā’ti.\nSo iti paṭisaṅkhāya kāyaduccaritaṁ pahāya kāyasucaritaṁ bhāveti, vacīduccaritaṁ pahāya vacīsucaritaṁ bhāveti, manoduccaritaṁ pahāya manosucaritaṁ bhāveti, suddhaṁ attānaṁ pariharati.\nIdaṁ vuccati, bhikkhave, paṭisaṅkhānabalaṁ.","en":"12\n“There are, mendicants, these two powers.\nWhat two?\nThe power of reflection and the power of development.\nAnd what, mendicants, is the power of reflection?\nIt’s when someone reflects:\n‘Bad conduct of body, speech, or mind has a bad, painful result in both this life and the next.’\nReflecting like this, they give up bad conduct by way of body, speech, and mind, and develop good conduct by way of body, speech, and mind, keeping themselves pure.\nThis is called the power of reflection."}},{"id":"an2.12:2","sourceIds":["an2.12:2.1","an2.12:2.2","an2.12:2.3","an2.12:2.4","an2.12:2.5","an2.12:2.6","an2.12:2.7","an2.12:2.8","an2.12:2.9","an2.12:2.10"],"kind":"text","text":{"pi":"Katamañca, bhikkhave, bhāvanābalaṁ?\nIdha, bhikkhave, bhikkhu satisambojjhaṅgaṁ bhāveti vivekanissitaṁ virāganissitaṁ nirodhanissitaṁ vosaggapariṇāmiṁ,\ndhammavicayasambojjhaṅgaṁ bhāveti …\nvīriyasambojjhaṅgaṁ bhāveti …\npītisambojjhaṅgaṁ bhāveti …\npassaddhisambojjhaṅgaṁ bhāveti …\nsamādhisambojjhaṅgaṁ bhāveti …\nupekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vosaggapariṇāmiṁ.\nIdaṁ vuccati, bhikkhave, bhāvanābalaṁ.\nImāni kho, bhikkhave, dve balānī”ti.","en":"And what, mendicants, is the power of development?\nIt’s when a mendicant develops the awakening factors of mindfulness,\ninvestigation of principles,\nenergy,\nrapture,\ntranquility,\nimmersion,\nand equanimity, which rely on seclusion, fading away, and cessation, and ripen as letting go.\nThis is called the power of development.\nThese are the two powers.”"}},{"id":"an2.13:1","sourceIds":["an2.13:1.0","an2.13:1.1","an2.13:1.2","an2.13:1.3","an2.13:1.4","an2.13:1.5","an2.13:1.6","an2.13:1.7","an2.13:1.8"],"kind":"text","text":{"pi":"13\n“Dvemāni, bhikkhave, balāni.\nKatamāni dve?\nPaṭisaṅkhānabalañca bhāvanābalañca.\nKatamañca, bhikkhave, paṭisaṅkhānabalaṁ?\nIdha, bhikkhave, ekacco iti paṭisañcikkhati:\n‘kāyaduccaritassa kho pāpako vipāko diṭṭhe ceva dhamme abhisamparāyañca, vacīduccaritassa kho pāpako vipāko diṭṭhe ceva dhamme abhisamparāyañca, manoduccaritassa kho pāpako vipāko diṭṭhe ceva dhamme abhisamparāyañcā’ti.\nSo iti paṭisaṅkhāya kāyaduccaritaṁ pahāya kāyasucaritaṁ bhāveti, vacīduccaritaṁ pahāya vacīsucaritaṁ bhāveti, manoduccaritaṁ pahāya manosucaritaṁ bhāveti, suddhaṁ attānaṁ pariharati.\nIdaṁ vuccati, bhikkhave, paṭisaṅkhānabalaṁ.","en":"13\n“There are, mendicants, these two powers.\nWhat two?\nThe power of reflection and the power of development.\nAnd what, mendicants, is the power of reflection?\nIt’s when someone reflects:\n‘Bad conduct of body, speech, or mind has a bad, painful result in both this life and the next.’\nReflecting like this, they give up bad conduct by way of body, speech, and mind, and develop good conduct by way of body, speech, and mind, keeping themselves pure.\nThis is called the power of reflection."}},{"id":"an2.13:2","sourceIds":["an2.13:2.1","an2.13:2.2","an2.13:2.3","an2.13:2.4","an2.13:2.5","an2.13:2.6","an2.13:2.7"],"kind":"text","text":{"pi":"Katamañca, bhikkhave, bhāvanābalaṁ?\nIdha, bhikkhave, bhikkhu vivicceva kāmehi, vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.\nVitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.\nPītiyā ca virāgā upekkhako ca viharati sato ca sampajāno, sukhañca kāyena paṭisaṁvedeti, yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharati.\nSukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.\nIdaṁ vuccati, bhikkhave, bhāvanābalaṁ.\nImāni kho, bhikkhave, dve balānī”ti.","en":"And what, mendicants, is the power of development?\nIt’s when a mendicant, quite secluded from sensual pleasures, secluded from unskillful qualities, enters and remains in the first absorption, which has the rapture and bliss born of seclusion, while placing the mind and keeping it connected.\nAs the placing of the mind and keeping it connected are stilled, they enter and remain in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nAnd with the fading away of rapture, they enter and remain in the third absorption, where they meditate with equanimity, mindful and aware, experiencing for themselves the bliss of which the noble ones declare, ‘Equanimous and mindful, one meditates in bliss.’\nWith the giving up of pleasure and pain and the disappearance of former happiness and sadness, they enter and remain in the fourth absorption, without pleasure or pain, with pure equanimity and mindfulness.\nThis is called the power of development.\nThese are the two powers.”"}},{"id":"an2.14:1","sourceIds":["an2.14:1.0","an2.14:1.1","an2.14:1.2","an2.14:1.3","an2.14:1.4"],"kind":"text","text":{"pi":"14\n“Dvemā, bhikkhave, tathāgatassa dhammadesanā.\nKatamā dve?\nsaṅkhittena ca vitthārena ca.\nImā kho, bhikkhave, dve tathāgatassa dhammadesanā”ti.","en":"14\n“Mendicants, the Realized One has two ways of teaching the Dhamma.\nWhat two?\nIn brief and in detail.\nThese are the Realized One’s two ways of teaching the Dhamma.”"}},{"id":"an2.15:1","sourceIds":["an2.15:1.0","an2.15:1.1","an2.15:1.2","an2.15:1.3","an2.15:1.4"],"kind":"text","text":{"pi":"15\n“Yasmiṁ, bhikkhave, adhikaraṇe āpanno ca bhikkhu codako ca bhikkhu na sādhukaṁ attanāva attānaṁ paccavekkhati tasmetaṁ, bhikkhave, adhikaraṇe pāṭikaṅkhaṁ:\n‘dīghattāya kharattāya vāḷattāya saṁvattissati, bhikkhū ca na phāsuṁ viharissantī’ti.\nYasmiñca kho, bhikkhave, adhikaraṇe āpanno ca bhikkhu codako ca bhikkhu sādhukaṁ attanāva attānaṁ paccavekkhati tasmetaṁ, bhikkhave, adhikaraṇe pāṭikaṅkhaṁ:\n‘na dīghattāya kharattāya vāḷattāya saṁvattissati, bhikkhū ca phāsuṁ viharissantī’ti.","en":"15\n“Mendicants, in a disciplinary issue, if neither the offending mendicant nor the accusing mendicant carefully checks themselves, you can expect that issue\nwill lead to lasting acrimony and enmity, and the mendicants won’t live comfortably.\nBut in a disciplinary issue, if both the offending mendicant and the accusing mendicant carefully check themselves, you can expect that issue\nwon’t lead to lasting acrimony and enmity, and the mendicants will live comfortably."}},{"id":"an2.15:2","sourceIds":["an2.15:2.1","an2.15:2.2","an2.15:2.3","an2.15:2.4","an2.15:2.5","an2.15:2.6","an2.15:2.7","an2.15:2.8","an2.15:2.9","an2.15:2.10","an2.15:2.11","an2.15:2.12"],"kind":"text","text":{"pi":"Kathañca, bhikkhave, āpanno bhikkhu sādhukaṁ attanāva attānaṁ paccavekkhati?\nIdha, bhikkhave, āpanno bhikkhu iti paṭisañcikkhati:\n‘ahaṁ kho akusalaṁ āpanno kañcideva desaṁ kāyena.\nMaṁ so bhikkhu addasa akusalaṁ āpajjamānaṁ kañcideva desaṁ kāyena.\nNo ce ahaṁ akusalaṁ āpajjeyyaṁ kañcideva desaṁ kāyena, na maṁ so bhikkhu passeyya akusalaṁ āpajjamānaṁ kañcideva desaṁ kāyena.\nYasmā ca kho, ahaṁ akusalaṁ āpanno kañcideva desaṁ kāyena, tasmā maṁ so bhikkhu addasa akusalaṁ āpajjamānaṁ kañcideva desaṁ kāyena.\nDisvā ca pana maṁ so bhikkhu akusalaṁ āpajjamānaṁ kañcideva desaṁ kāyena anattamano ahosi.\nAnattamano samāno anattamanavacanaṁ maṁ so bhikkhu avaca.\nAnattamanavacanāhaṁ tena bhikkhunā vutto samāno anattamano ahosiṁ.\nAnattamano samāno paresaṁ ārocesiṁ.\nIti mameva tattha accayo accagamā suṅkadāyakaṁva bhaṇḍasmin’ti.\nEvaṁ kho, bhikkhave, āpanno bhikkhu sādhukaṁ attanāva attānaṁ paccavekkhati.","en":"And how, mendicants, does an offending mendicant carefully check themselves?\nAn offending mendicant reflects:\n‘I have committed a certain unskillful offense with the body.\nThat mendicant saw me do this.\nIf I hadn’t committed that offense, they wouldn’t have seen me.\nBut since I did commit that offense, they did see me.\nWhen they saw me, they were upset,\nand they voiced their unhappiness to me.\nThen I also got upset,\nso I told others.\nSo the mistake is mine alone, like someone who owes customs duty on their goods.’\nThat’s how, mendicants, an offending mendicant carefully checks themselves."}},{"id":"an2.15:3","sourceIds":["an2.15:3.1","an2.15:3.2","an2.15:3.3","an2.15:3.4","an2.15:3.5","an2.15:3.6","an2.15:3.7","an2.15:3.8","an2.15:3.9","an2.15:3.10","an2.15:3.11","an2.15:3.12"],"kind":"text","text":{"pi":"Kathañca, bhikkhave, codako bhikkhu sādhukaṁ attanāva attānaṁ paccavekkhati?\nIdha, bhikkhave, codako bhikkhu iti paṭisañcikkhati:\n‘ayaṁ kho bhikkhu akusalaṁ āpanno kañcideva desaṁ kāyena.\nAhaṁ imaṁ bhikkhuṁ addasaṁ akusalaṁ āpajjamānaṁ kañcideva desaṁ kāyena.\nNo ce ayaṁ bhikkhu akusalaṁ āpajjeyya kañcideva desaṁ kāyena, nāhaṁ imaṁ bhikkhuṁ passeyyaṁ akusalaṁ āpajjamānaṁ kañcideva desaṁ kāyena.\nYasmā ca kho, ayaṁ bhikkhu akusalaṁ āpanno kañcideva desaṁ kāyena, tasmā ahaṁ imaṁ bhikkhuṁ addasaṁ akusalaṁ āpajjamānaṁ kañcideva desaṁ kāyena.\nDisvā ca panāhaṁ imaṁ bhikkhuṁ akusalaṁ āpajjamānaṁ kañcideva desaṁ kāyena anattamano ahosiṁ.\nAnattamano samāno anattamanavacanāhaṁ imaṁ bhikkhuṁ avacaṁ.\nAnattamanavacanāyaṁ bhikkhu mayā vutto samāno anattamano ahosi.\nAnattamano samāno paresaṁ ārocesi.\nIti mameva tattha accayo accagamā suṅkadāyakaṁva bhaṇḍasmin’ti.\nEvaṁ kho, bhikkhave, codako bhikkhu sādhukaṁ attanāva attānaṁ paccavekkhati.","en":"And how, mendicants, does an accusing mendicant carefully check themselves?\nAn accusing mendicant reflects:\n‘This mendicant has committed a certain unskillful offense with the body.\nI saw them do that.\nIf they hadn’t committed that offense, I wouldn’t have seen them.\nBut since they did commit that offense, I did see them.\nWhen I saw them, I was upset,\nand I voiced my unhappiness to them.\nThen they also got upset,\nso they told others.\nSo the mistake is mine alone, like someone who owes customs duty on their goods.’\nThat’s how, mendicants, an accusing mendicant carefully checks themselves."}},{"id":"an2.15:4","sourceIds":["an2.15:4.1","an2.15:4.2"],"kind":"text","text":{"pi":"Yasmiṁ, bhikkhave, adhikaraṇe āpanno ca bhikkhu codako ca bhikkhu na sādhukaṁ attanāva attānaṁ paccavekkhati tasmetaṁ, bhikkhave, adhikaraṇe pāṭikaṅkhaṁ dīghattāya kharattāya vāḷattāya saṁvattissati, bhikkhū ca na phāsuṁ viharissantīti.\nYasmiñca kho, bhikkhave, adhikaraṇe āpanno ca bhikkhu codako ca bhikkhu sādhukaṁ attanāva attānaṁ paccavekkhati tasmetaṁ, bhikkhave, adhikaraṇe pāṭikaṅkhaṁ na dīghattāya kharattāya vāḷattāya saṁvattissati, bhikkhū ca phāsuṁ viharissantī”ti.","en":"In a disciplinary issue, if neither the offending mendicant nor the accusing mendicant carefully checks themselves, you can expect that issue will lead to lasting acrimony and enmity, and the mendicants won’t live comfortably.\nBut in a disciplinary issue, if both the offending mendicant and the accusing mendicant carefully checks themselves, you can expect that issue won’t lead to lasting acrimony and enmity, and the mendicants will live comfortably.”"}},{"id":"an2.16:1","sourceIds":["an2.16:1.0","an2.16:1.1","an2.16:1.2","an2.16:1.3","an2.16:1.4"],"kind":"text","text":{"pi":"16\nAtha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho so brāhmaṇo bhagavantaṁ etadavoca:\n“ko nu kho, bho gotama, hetu ko paccayo yena m’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjantī”ti?\n“Adhammacariyāvisamacariyāhetu kho, brāhmaṇa, evam’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjantī”ti.","en":"16\nThen a certain brahmin went up to the Buddha and exchanged greetings with him.\nWhen the greetings and polite conversation were over, he sat down to one side and said to the Buddha:\n“What is the cause, worthy Gotama, what is the reason why some sentient beings, when their body breaks up, after death, are reborn in a place of loss, a bad place, the underworld, hell?”\n“Unprincipled and immoral conduct is the reason why some sentient beings, when their body breaks up, after death, are reborn in a place of loss, a bad place, the underworld, hell.”"}},{"id":"an2.16:2","sourceIds":["an2.16:2.1","an2.16:2.2"],"kind":"text","text":{"pi":"“Ko nu kho, bho gotama, hetu ko paccayo yena m’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti?\n“Dhammacariyāsamacariyāhetu kho, brāhmaṇa, evam’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti.","en":"“What is the cause, worthy Gotama, what is the reason why some sentient beings, when their body breaks up, after death, are reborn in a good place, a heavenly realm?”\n“Principled and moral conduct is the reason why some sentient beings, when their body breaks up, after death, are reborn in a good place, a heavenly realm.”"}},{"id":"an2.16:3","sourceIds":["an2.16:3.1","an2.16:3.2","an2.16:3.3","an2.16:3.4"],"kind":"text","text":{"pi":"“Abhikkantaṁ, bho gotama, abhikkantaṁ, bho gotama.\nSeyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhotā gotamena anekapariyāyena dhammo pakāsito.\nEsāhaṁ bhavantaṁ gotamaṁ saraṇaṁ gacchāmi dhammañca bhikkhusaṅghañca.\nUpāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.","en":"“Excellent, worthy Gotama! Excellent!\nAs if he was righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, worthy Gotama has made the teaching clear in many ways.\nI go for refuge to the worthy Gotama, to the teaching, and to the mendicant Saṅgha.\nFrom this day forth, may the worthy Gotama remember me as a lay follower who has gone for refuge for life.”"}},{"id":"an2.17:1","sourceIds":["an2.17:1.0","an2.17:1.1","an2.17:1.2","an2.17:1.3","an2.17:1.4","an2.17:1.5","an2.17:1.6","an2.17:1.7","an2.17:1.8","an2.17:1.9","an2.17:1.10","an2.17:1.11","an2.17:1.12","an2.17:1.13"],"kind":"text","text":{"pi":"17\nAtha kho jāṇussoṇi brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho jāṇussoṇi brāhmaṇo bhagavantaṁ etadavoca:\n“ko nu kho, bho gotama, hetu ko paccayo yena m’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjantī”ti?\n“Katattā ca, brāhmaṇa, akatattā ca.\nEvam’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjantī”ti.\n“Ko pana, bho gotama, hetu ko paccayo yena m’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti?\n“Katattā ca, brāhmaṇa, akatattā ca.\nEvam’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti.\n“Na kho ahaṁ imassa bhoto gotamassa saṅkhittena bhāsitassa vitthārena atthaṁ avibhattassa vitthārena atthaṁ ājānāmi.\nSādhu me bhavaṁ gotamo tathā dhammaṁ desetu yathā ahaṁ imassa bhoto gotamassa saṅkhittena bhāsitassa vitthārena atthaṁ avibhattassa vitthārena atthaṁ ājāneyyan”ti.\n“Tena hi, brāhmaṇa, suṇāhi, sādhukaṁ manasi karohi; bhāsissāmī”ti.\n“Evaṁ, bho”ti kho jāṇussoṇi brāhmaṇo bhagavato paccassosi.\nBhagavā etadavoca:","en":"17\nThen the brahmin Jānussoṇi went up to the Buddha, and exchanged greetings with him.\nWhen the greetings and polite conversation were over, he sat down to one side and said to the Buddha:\n“What is the cause, worthy Gotama, what is the reason why some sentient beings, when their body breaks up, after death, are reborn in a place of loss, a bad place, the underworld, hell?”\n“What they’ve done and what they’ve not done.\nThat’s why some sentient beings, when their body breaks up, after death, are reborn in a place of loss, a bad place, the underworld, hell.”\n“But what is the cause, worthy Gotama, what is the reason why some sentient beings, when their body breaks up, after death, are reborn in a good place, a heavenly realm?”\n“What they’ve done and what they’ve not done.\nThat’s why some sentient beings, when their body breaks up, after death, are reborn in a good place, a heavenly realm.”\n“I don’t understand the meaning of what the worthy Gotama has said in brief, without explaining the details.\nWorthy Gotama, please teach me this matter in detail so I can understand the meaning.”\n“Well then, brahmin, listen and apply your mind well, I will speak.”\n“Yes, worthy sir,” Jānussoṇi replied.\nThe Buddha said this:"}},{"id":"an2.17:2","sourceIds":["an2.17:2.1","an2.17:2.2","an2.17:2.3","an2.17:2.4","an2.17:2.5","an2.17:2.6","an2.17:2.7","an2.17:2.8"],"kind":"text","text":{"pi":"“Idha, brāhmaṇa, ekaccassa kāyaduccaritaṁ kataṁ hoti, akataṁ hoti kāyasucaritaṁ;\nvacīduccaritaṁ kataṁ hoti, akataṁ hoti vacīsucaritaṁ;\nmanoduccaritaṁ kataṁ hoti, akataṁ hoti manosucaritaṁ.\nEvaṁ kho, brāhmaṇa, katattā ca akatattā ca evam’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti.\nIdha pana, brāhmaṇa, ekaccassa kāyasucaritaṁ kataṁ hoti, akataṁ hoti kāyaduccaritaṁ;\nvacīsucaritaṁ kataṁ hoti, akataṁ hoti vacīduccaritaṁ;\nmanosucaritaṁ kataṁ hoti, akataṁ hoti manoduccaritaṁ.\nEvaṁ kho, brāhmaṇa, katattā ca akatattā ca evam’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti.","en":"“Firstly, brahmin, someone has done bad things and not done good things by way of body, speech, and mind.\nSo what they’ve done and what they’ve not done is why some sentient beings, when their body breaks up, after death, are reborn in a place of loss, a bad place, the underworld, hell.\nFurthermore, brahmin, someone has done good things and not done bad things by way of body, speech, and mind.\nSo what they’ve done and what they’ve not done is why some sentient beings, when their body breaks up, after death, are reborn in a good place, a heavenly realm.”"}},{"id":"an2.17:3","sourceIds":["an2.17:3.1"],"kind":"text","text":{"pi":"“Abhikkantaṁ, bho gotama …pe… upāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.","en":"“Excellent, worthy Gotama! … From this day forth, may the worthy Gotama remember me as a lay follower who has gone for refuge for life.”"}},{"id":"an2.18:1","sourceIds":["an2.18:1.0","an2.18:1.1","an2.18:1.2","an2.18:1.3","an2.18:1.4","an2.18:1.5","an2.18:1.6","an2.18:1.7","an2.18:1.8","an2.18:1.9","an2.18:1.10"],"kind":"text","text":{"pi":"18\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ ānandaṁ bhagavā etadavoca:\n“ekaṁsenāhaṁ, ānanda, akaraṇīyaṁ vadāmi kāyaduccaritaṁ vacīduccaritaṁ manoduccaritan”ti.\n“Yamidaṁ, bhante, bhagavatā ekaṁsena akaraṇīyaṁ akkhātaṁ kāyaduccaritaṁ vacīduccaritaṁ manoduccaritaṁ tasmiṁ akaraṇīye kayiramāne ko ādīnavo pāṭikaṅkho”ti?\n“Yamidaṁ, ānanda, mayā ekaṁsena akaraṇīyaṁ akkhātaṁ kāyaduccaritaṁ vacīduccaritaṁ manoduccaritaṁ tasmiṁ akaraṇīye kayiramāne ayaṁ ādīnavo pāṭikaṅkho—\nattāpi attānaṁ upavadati,\nanuvicca viññū garahanti,\npāpako kittisaddo abbhuggacchati,\nsammūḷho kālaṁ karoti,\nkāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nYamidaṁ, ānanda, mayā ekaṁsena akaraṇīyaṁ akkhātaṁ kāyaduccaritaṁ vacīduccaritaṁ manoduccaritaṁ tasmiṁ akaraṇīye kayiramāne ayaṁ ādīnavo pāṭikaṅkho”ti.","en":"18\nThen Venerable Ānanda went up to the Buddha, bowed, and sat down to one side. The Buddha said to him,\n“Ānanda, I absolutely say that you should not do bad things by way of body, speech, and mind.”\n“But, sir, if someone does these things that should not be done, what drawbacks should they expect?”\n“They should expect these drawbacks.\nThey blame themselves.\nAfter examination, sensible people criticize them.\nThey get a bad reputation.\nThey feel lost when they die.\nAnd when their body breaks up, after death, they are reborn in a place of loss, a bad place, the underworld, hell.\nThese are the drawbacks they should expect.”"}},{"id":"an2.18:2","sourceIds":["an2.18:2.1","an2.18:2.2","an2.18:2.3","an2.18:2.4","an2.18:2.5","an2.18:2.6","an2.18:2.7","an2.18:2.8","an2.18:2.9"],"kind":"text","text":{"pi":"“Ekaṁsenāhaṁ, ānanda, karaṇīyaṁ vadāmi kāyasucaritaṁ vacīsucaritaṁ manosucaritan”ti.\n“Yamidaṁ, bhante, bhagavatā ekaṁsena karaṇīyaṁ akkhātaṁ kāyasucaritaṁ vacīsucaritaṁ manosucaritaṁ tasmiṁ karaṇīye kayiramāne ko ānisaṁso pāṭikaṅkho”ti?\n“Yamidaṁ, ānanda, mayā ekaṁsena karaṇīyaṁ akkhātaṁ kāyasucaritaṁ vacīsucaritaṁ manosucaritaṁ tasmiṁ karaṇīye kayiramāne ayaṁ ānisaṁso pāṭikaṅkho—\nattāpi attānaṁ na upavadati,\nanuvicca viññū pasaṁsanti,\nkalyāṇo kittisaddo abbhuggacchati,\nasammūḷho kālaṁ karoti,\nkāyassa bhedā paraṁ maraṇā sugatiṁ saggaṁ lokaṁ upapajjati.\nYamidaṁ, ānanda, mayā ekaṁsena karaṇīyaṁ akkhātaṁ kāyasucaritaṁ vacīsucaritaṁ manosucaritaṁ tasmiṁ karaṇīye kayiramāne ayaṁ ānisaṁso pāṭikaṅkho”ti.","en":"“Ānanda, I absolutely say that you should do good things by way of body, speech, and mind.”\n“But, sir, if someone does these things that should be done, what benefits should they expect?”\n“They should expect these benefits.\nThey don’t blame themselves.\nAfter examination, sensible people praise them.\nThey get a good reputation.\nThey don’t feel lost when they die.\nAnd when the body breaks up, after death, they are reborn in a good place, a heavenly realm.\nThese are the benefits they should expect.”"}},{"id":"an2.19:1","sourceIds":["an2.19:1.0","an2.19:1.1","an2.19:1.2","an2.19:1.3","an2.19:1.4","an2.19:1.5","an2.19:1.6","an2.19:1.7","an2.19:1.8","an2.19:1.9","an2.19:1.10"],"kind":"text","text":{"pi":"19\n“Akusalaṁ, bhikkhave, pajahatha.\nSakkā, bhikkhave, akusalaṁ pajahituṁ.\nNo cedaṁ, bhikkhave, sakkā abhavissa akusalaṁ pajahituṁ, nāhaṁ evaṁ vadeyyaṁ:\n‘akusalaṁ, bhikkhave, pajahathā’ti.\nYasmā ca kho, bhikkhave, sakkā akusalaṁ pajahituṁ tasmāhaṁ evaṁ vadāmi:\n‘akusalaṁ, bhikkhave, pajahathā’ti.\nAkusalañca hidaṁ, bhikkhave, pahīnaṁ ahitāya dukkhāya saṁvatteyya nāhaṁ evaṁ vadeyyaṁ:\n‘akusalaṁ, bhikkhave, pajahathā’ti.\nYasmā ca kho, bhikkhave, akusalaṁ pahīnaṁ hitāya sukhāya saṁvattati tasmāhaṁ evaṁ vadāmi:\n‘akusalaṁ, bhikkhave, pajahathā’”ti.","en":"19\n“Mendicants, give up the unskillful.\nIt is possible to give up the unskillful.\nIf it wasn’t possible, I wouldn’t say:\n‘Give up the unskillful.’\nBut it is possible, and so I say:\n‘Give up the unskillful.’\nAnd if giving up the unskillful led to harm and suffering, I would not say:\n‘Give up the unskillful.’\nBut giving up the unskillful leads to welfare and happiness, so I say:\n‘Give up the unskillful.’"}},{"id":"an2.19:2","sourceIds":["an2.19:2.1","an2.19:2.2","an2.19:2.3","an2.19:2.4","an2.19:2.5","an2.19:2.6","an2.19:2.7","an2.19:2.8","an2.19:2.9","an2.19:2.10"],"kind":"text","text":{"pi":"“Kusalaṁ, bhikkhave, bhāvetha.\nSakkā, bhikkhave, kusalaṁ bhāvetuṁ.\nNo cedaṁ, bhikkhave, sakkā abhavissa kusalaṁ bhāvetuṁ, nāhaṁ evaṁ vadeyyaṁ:\n‘kusalaṁ, bhikkhave, bhāvethā’ti.\nYasmā ca kho, bhikkhave, sakkā kusalaṁ bhāvetuṁ tasmāhaṁ evaṁ vadāmi:\n‘kusalaṁ, bhikkhave, bhāvethā’ti.\nKusalañca hidaṁ, bhikkhave, bhāvitaṁ ahitāya dukkhāya saṁvatteyya, nāhaṁ evaṁ vadeyyaṁ:\n‘kusalaṁ, bhikkhave, bhāvethā’ti.\nYasmā ca kho, bhikkhave, kusalaṁ bhāvitaṁ hitāya sukhāya saṁvattati tasmāhaṁ evaṁ vadāmi:\n‘kusalaṁ, bhikkhave, bhāvethā’”ti.","en":"Mendicants, develop the skillful.\nIt is possible to develop the skillful.\nIf it wasn’t possible, I wouldn’t say:\n‘Develop the skillful.’\nBut it is possible, and so I say:\n‘Develop the skillful.’\nIf developing the skillful led to harm and suffering I wouldn’t say:\n‘Develop the skillful.’\nBut developing the skillful leads to welfare and happiness, so I say:\n‘Develop the skillful.’”"}},{"id":"an2.20:1","sourceIds":["an2.20:1.0","an2.20:1.1","an2.20:1.2","an2.20:1.3","an2.20:1.4","an2.20:1.5"],"kind":"text","text":{"pi":"20\n“Dveme, bhikkhave, dhammā saddhammassa sammosāya antaradhānāya saṁvattanti.\nKatame dve?\nDunnikkhittañca padabyañjanaṁ attho ca dunnīto.\nDunnikkhittassa, bhikkhave, padabyañjanassa atthopi dunnayo hoti.\nIme kho, bhikkhave, dve dhammā saddhammassa sammosāya antaradhānāya saṁvattantī”ti.","en":"20\n“These two things, mendicants, lead to the decline and disappearance of the true teaching.\nWhat two?\nThe words and phrases are misplaced, and the meaning is misinterpreted.\nWhen the words and phrases are misplaced, the meaning is misinterpreted.\nThese two things lead to the decline and disappearance of the true teaching."}},{"id":"an2.20:2","sourceIds":["an2.20:2.1","an2.20:2.2","an2.20:2.3","an2.20:2.4","an2.20:2.5","an2.20:2.6"],"kind":"text","text":{"pi":"“Dveme, bhikkhave, dhammā saddhammassa ṭhitiyā asammosāya anantaradhānāya saṁvattanti.\nKatame dve?\nSunikkhittañca padabyañjanaṁ attho ca sunīto.\nSunikkhittassa, bhikkhave, padabyañjanassa atthopi sunayo hoti.\nIme kho, bhikkhave, dve dhammā saddhammassa ṭhitiyā asammosāya anantaradhānāya saṁvattantī”ti.\nAdhikaraṇavaggo dutiyo.","en":"These two things lead to the continuation, persistence, and enduring of the true teaching.\nWhat two?\nThe words and phrases are well organized, and the meaning is correctly interpreted.\nWhen the words and phrases are well organized, the meaning is correctly interpreted.\nThese two things lead to the continuation, persistence, and enduring of the true teaching.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an2.11-20/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}