{"id":"an2.42-51","title":"The Chapter on Assemblies","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an2.42-51","title":"The Chapter on Assemblies","units":[{"id":"an2.42:0","sourceIds":["an2.42:0.1","an2.42:0.2"],"kind":"text","text":{"pi":"Aṅguttara Nikāya 2\n5. Parisavagga","en":"Numbered Discourses 2.42–51\nThe Chapter on Assemblies"}},{"id":"an2.42:1","sourceIds":["an2.42:1.0","an2.42:1.1","an2.42:1.2","an2.42:1.3","an2.42:1.4","an2.42:1.5","an2.42:1.6"],"kind":"text","text":{"pi":"42\n“Dvemā, bhikkhave, parisā.\nKatamā dve?\nUttānā ca parisā gambhīrā ca parisā.\nKatamā ca, bhikkhave, uttānā parisā?\nIdha, bhikkhave, yassaṁ parisāyaṁ bhikkhū uddhatā honti unnaḷā capalā mukharā vikiṇṇavācā muṭṭhassatī asampajānā asamāhitā vibbhantacittā pākatindriyā.\nAyaṁ vuccati, bhikkhave, uttānā parisā.","en":"42\n“There are, mendicants, these two assemblies.\nWhat two?\nA shallow assembly and a deep assembly.\nAnd what is a shallow assembly?\nAn assembly where the mendicants are haughty, insolent, fickle, scurrilous, loose-tongued, unmindful, lacking situational awareness and immersion, with straying minds and undisciplined faculties.\nThis is called a shallow assembly."}},{"id":"an2.42:2","sourceIds":["an2.42:2.1","an2.42:2.2","an2.42:2.3","an2.42:2.4","an2.42:2.5"],"kind":"text","text":{"pi":"Katamā ca, bhikkhave, gambhīrā parisā?\nIdha, bhikkhave, yassaṁ parisāyaṁ bhikkhū anuddhatā honti anunnaḷā acapalā amukharā avikiṇṇavācā upaṭṭhitassatī sampajānā samāhitā ekaggacittā saṁvutindriyā.\nAyaṁ vuccati, bhikkhave, gambhīrā parisā.\nImā kho, bhikkhave, dve parisā.\nEtadaggaṁ, bhikkhave, imāsaṁ dvinnaṁ parisānaṁ yadidaṁ gambhīrā parisā”ti.","en":"And what is a deep assembly?\nAn assembly where the mendicants are not haughty, insolent, fickle, scurrilous, or loose-tongued, but have established mindfulness, situational awareness, immersion, unified minds, and restrained faculties.\nThis is called a deep assembly.\nThese are the two assemblies.\nThe better of these two assemblies is the deep assembly.”"}},{"id":"an2.43:1","sourceIds":["an2.43:1.0","an2.43:1.1","an2.43:1.2","an2.43:1.3","an2.43:1.4","an2.43:1.5","an2.43:1.6"],"kind":"text","text":{"pi":"43\n“Dvemā, bhikkhave, parisā.\nKatamā dve?\nVaggā ca parisā samaggā ca parisā.\nKatamā ca, bhikkhave, vaggā parisā?\nIdha, bhikkhave, yassaṁ parisāyaṁ bhikkhū bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti.\nAyaṁ vuccati, bhikkhave, vaggā parisā.","en":"43\n“There are, mendicants, these two assemblies.\nWhat two?\nA divided assembly and a harmonious assembly.\nAnd what is a divided assembly?\nAn assembly where the mendicants fight, quarrel, and dispute, continually wounding each other with barbed words.\nThis is called a divided assembly."}},{"id":"an2.43:2","sourceIds":["an2.43:2.1","an2.43:2.2","an2.43:2.3","an2.43:2.4","an2.43:2.5"],"kind":"text","text":{"pi":"Katamā ca, bhikkhave, samaggā parisā?\nIdha, bhikkhave, yassaṁ parisāyaṁ bhikkhū samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharanti.\nAyaṁ vuccati, bhikkhave, samaggā parisā.\nImā kho, bhikkhave, dve parisā.\nEtadaggaṁ, bhikkhave, imāsaṁ dvinnaṁ parisānaṁ yadidaṁ samaggā parisā”ti.","en":"And what is a harmonious assembly?\nAn assembly where the mendicants live in harmony, appreciating each other, without dispute, blending like milk and water, and regarding each other with kindly eyes.\nThis is called a harmonious assembly.\nThese are the two assemblies.\nThe better of these two assemblies is the harmonious assembly.”"}},{"id":"an2.44:1","sourceIds":["an2.44:1.0","an2.44:1.1","an2.44:1.2","an2.44:1.3","an2.44:1.4","an2.44:1.5","an2.44:1.6","an2.44:1.7","an2.44:1.8"],"kind":"text","text":{"pi":"44\n“Dvemā, bhikkhave, parisā.\nKatamā dve?\nAnaggavatī ca parisā aggavatī ca parisā.\nKatamā ca, bhikkhave, anaggavatī parisā?\nIdha, bhikkhave, yassaṁ parisāyaṁ therā bhikkhū bāhulikā honti sāthalikā, okkamane pubbaṅgamā, paviveke nikkhittadhurā, na vīriyaṁ ārabhanti appattassa pattiyā anadhigatassa adhigamāya asacchikatassa sacchikiriyāya.\nTesaṁ pacchimā janatā diṭṭhānugatiṁ āpajjati.\nSāpi hoti bāhulikā sāthalikā, okkamane pubbaṅgamā, paviveke nikkhittadhurā, na vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nAyaṁ vuccati, bhikkhave, anaggavatī parisā.","en":"44\n“There are, mendicants, these two assemblies.\nWhat two?\nAn assembly of the worst and an assembly of the best.\nAnd what is an assembly of the worst?\nAn assembly where the senior mendicants are indulgent and slack, leaders in backsliding, neglecting seclusion, not rousing energy for attaining the unattained, achieving the unachieved, and realizing the unrealized.\nThose who come after follow their example.\nThey too become indulgent and slack, leaders in backsliding, neglecting seclusion, not rousing energy for attaining the unattained, achieving the unachieved, and realizing the unrealized.\nThis is called an assembly of the worst."}},{"id":"an2.44:2","sourceIds":["an2.44:2.1","an2.44:2.2","an2.44:2.3","an2.44:2.4","an2.44:2.5","an2.44:2.6","an2.44:2.7"],"kind":"text","text":{"pi":"Katamā ca, bhikkhave, aggavatī parisā?\nIdha, bhikkhave, yassaṁ parisāyaṁ therā bhikkhū na bāhulikā honti na sāthalikā, okkamane nikkhittadhurā, paviveke pubbaṅgamā, vīriyaṁ ārabhanti appattassa pattiyā anadhigatassa adhigamāya asacchikatassa sacchikiriyāya.\nTesaṁ pacchimā janatā diṭṭhānugatiṁ āpajjati.\nSāpi hoti na bāhulikā na sāthalikā, okkamane nikkhittadhurā, paviveke pubbaṅgamā, vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nAyaṁ vuccati, bhikkhave, aggavatī parisā.\nImā kho, bhikkhave, dve parisā.\nEtadaggaṁ, bhikkhave, imāsaṁ dvinnaṁ parisānaṁ yadidaṁ aggavatī parisā”ti.","en":"And what is an assembly of the best?\nAn assembly where the senior mendicants are not indulgent or slack, nor are they backsliders; instead, they take the lead in seclusion, rousing energy for attaining the unattained, achieving the unachieved, and realizing the unrealized.\nThose who come after follow their example.\nThey too are not indulgent or slack, nor are they backsliders; instead, they take the lead in seclusion, rousing energy for attaining the unattained, achieving the unachieved, and realizing the unrealized.\nThis is called an assembly of the best.\nThese are the two assemblies.\nThe better of these two assemblies is the assembly of the best.”"}},{"id":"an2.45:1","sourceIds":["an2.45:1.0","an2.45:1.1","an2.45:1.2","an2.45:1.3","an2.45:1.4","an2.45:1.5","an2.45:1.6"],"kind":"text","text":{"pi":"45\n“Dvemā, bhikkhave, parisā.\nKatamā dve?\nAnariyā ca parisā ariyā ca parisā.\nKatamā ca, bhikkhave, anariyā parisā?\nIdha, bhikkhave, yassaṁ parisāyaṁ bhikkhū ‘idaṁ dukkhan’ti yathābhūtaṁ nappajānanti, ‘ayaṁ dukkhasamudayo’ti yathābhūtaṁ nappajānanti, ‘ayaṁ dukkhanirodho’ti yathābhūtaṁ nappajānanti, ‘ayaṁ dukkhanirodhagāminī paṭipadā’ti yathābhūtaṁ nappajānanti.\nAyaṁ vuccati, bhikkhave, anariyā parisā.","en":"45\n“There are, mendicants, these two assemblies.\nWhat two?\nAn ignoble assembly and a noble assembly.\nAnd what is an ignoble assembly?\nAn assembly where the mendicants don’t truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThis is called an ignoble assembly."}},{"id":"an2.45:2","sourceIds":["an2.45:2.1","an2.45:2.2","an2.45:2.3","an2.45:2.4","an2.45:2.5"],"kind":"text","text":{"pi":"Katamā ca, bhikkhave, ariyā parisā?\nIdha, bhikkhave, yassaṁ parisāyaṁ bhikkhū ‘idaṁ dukkhan’ti yathābhūtaṁ pajānanti, ‘ayaṁ dukkhasamudayo’ti yathābhūtaṁ pajānanti, ‘ayaṁ dukkhanirodho’ti yathābhūtaṁ pajānanti, ‘ayaṁ dukkhanirodhagāminī paṭipadā’ti yathābhūtaṁ pajānanti.\nAyaṁ vuccati, bhikkhave, ariyā parisā.\nImā kho, bhikkhave, dve parisā.\nEtadaggaṁ, bhikkhave, imāsaṁ dvinnaṁ parisānaṁ yadidaṁ ariyā parisā”ti.","en":"And what is a noble assembly?\nAn assembly where the mendicants truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThis is called a noble assembly.\nThese are the two assemblies.\nThe better of these two assemblies is the noble assembly.”"}},{"id":"an2.46:1","sourceIds":["an2.46:1.0","an2.46:1.1","an2.46:1.2","an2.46:1.3","an2.46:1.4","an2.46:1.5","an2.46:1.6"],"kind":"text","text":{"pi":"46\n“Dvemā, bhikkhave, parisā.\nKatamā dve?\nParisākasaṭo ca parisāmaṇḍo ca.\nKatamo ca, bhikkhave, parisākasaṭo?\nIdha, bhikkhave, yassaṁ parisāyaṁ bhikkhū chandāgatiṁ gacchanti, dosāgatiṁ gacchanti, mohāgatiṁ gacchanti, bhayāgatiṁ gacchanti.\nAyaṁ vuccati, bhikkhave, parisākasaṭo.","en":"46\n“There are, mendicants, these two assemblies.\nWhat two?\nAn assembly of the dregs and an assembly of the cream.\nAnd what is an assembly of the dregs?\nAn assembly where the mendicants make decisions prejudiced by favoritism, hostility, stupidity, and cowardice.\nThis is called an assembly of the dregs."}},{"id":"an2.46:2","sourceIds":["an2.46:2.1","an2.46:2.2","an2.46:2.3","an2.46:2.4","an2.46:2.5"],"kind":"text","text":{"pi":"Katamo ca, bhikkhave, parisāmaṇḍo?\nIdha, bhikkhave, yassaṁ parisāyaṁ bhikkhū na chandāgatiṁ gacchanti, na dosāgatiṁ gacchanti, na mohāgatiṁ gacchanti, na bhayāgatiṁ gacchanti.\nAyaṁ vuccati, bhikkhave, parisāmaṇḍo.\nImā kho, bhikkhave, dve parisā.\nEtadaggaṁ, bhikkhave, imāsaṁ dvinnaṁ parisānaṁ yadidaṁ parisāmaṇḍo”ti.","en":"And what is an assembly of the cream?\nAn assembly where the mendicants make decisions unprejudiced by favoritism, hostility, stupidity, and cowardice.\nThis is called an assembly of the cream.\nThese are the two assemblies.\nThe better of these two assemblies is the assembly of the cream.”"}},{"id":"an2.47:1","sourceIds":["an2.47:1.0","an2.47:1.1","an2.47:1.2","an2.47:1.3","an2.47:1.4","an2.47:1.5","an2.47:1.6","an2.47:1.7","an2.47:1.8","an2.47:1.9"],"kind":"text","text":{"pi":"47\n“Dvemā, bhikkhave, parisā.\nKatamā dve?\nOkkācitavinītā parisā nopaṭipucchāvinītā, paṭipucchāvinītā parisā nookkācitavinītā.\nKatamā ca, bhikkhave, okkācitavinītā parisā nopaṭipucchāvinītā?\nIdha, bhikkhave, yassaṁ parisāyaṁ bhikkhū ye te suttantā tathāgatabhāsitā gambhīrā gambhīratthā lokuttarā suññatāpaṭisaṁyuttā tesu bhaññamānesu na sussūsanti na sotaṁ odahanti na aññā cittaṁ upaṭṭhapenti na ca te dhamme uggahetabbaṁ pariyāpuṇitabbaṁ maññanti.\nYe pana te suttantā kavitā kāveyyā cittakkharā cittabyañjanā bāhirakā sāvakabhāsitā tesu bhaññamānesu sussūsanti sotaṁ odahanti aññā cittaṁ upaṭṭhapenti, te dhamme uggahetabbaṁ pariyāpuṇitabbaṁ maññanti, te ca taṁ dhammaṁ pariyāpuṇitvā na ceva aññamaññaṁ paṭipucchanti na ca paṭivicaranti:\n‘idaṁ kathaṁ, imassa ko attho’ti?\nTe avivaṭañceva na vivaranti, anuttānīkatañca na uttānīkaronti, anekavihitesu ca kaṅkhāṭhāniyesu dhammesu kaṅkhaṁ na paṭivinodenti.\nAyaṁ vuccati, bhikkhave, okkācitavinītā parisā no paṭipucchāvinītā.","en":"47\n“There are, mendicants, these two assemblies.\nWhat two?\nAn assembly educated in fancy talk, not in questioning, and an assembly educated in questioning, not in fancy talk.\nAnd what is an assembly educated in fancy talk, not in questioning?\nIt is an assembly where, when discourses spoken by the Realized One—deep, profound, transcendent, dealing with emptiness—are being recited the mendicants do not want to listen. They don’t actively listen or try to understand, nor do they think those teachings are worth learning and memorizing.\nBut when discourses composed by poets—poetry, with fancy words and phrases, composed by outsiders or spoken by disciples—are being recited the mendicants do want to listen. They actively listen and try to understand, and they think those teachings are worth learning and memorizing. But when they’ve memorized those teachings they don’t question or examine each other, saying:\n‘Why does it say this? What does that mean?’\nSo they don’t reveal what is hidden or clarify what is unclear, or dispel doubt regarding the many doubtful matters.\nThis is called an assembly educated in fancy talk, not in questioning."}},{"id":"an2.47:2","sourceIds":["an2.47:2.1","an2.47:2.2","an2.47:2.3","an2.47:2.4","an2.47:2.5","an2.47:2.6","an2.47:2.7","an2.47:2.8","an2.47:2.9"],"kind":"text","text":{"pi":"Katamā ca, bhikkhave, paṭipucchāvinītā parisā nookkācitavinītā?\nIdha, bhikkhave, yassaṁ parisāyaṁ bhikkhū ye te suttantā kavitā kāveyyā cittakkharā cittabyañjanā bāhirakā sāvakabhāsitā tesu bhaññamānesu na sussūsanti na sotaṁ odahanti na aññā cittaṁ upaṭṭhapenti, na ca te dhamme uggahetabbaṁ pariyāpuṇitabbaṁ maññanti.\nYe pana te suttantā tathāgatabhāsitā gambhīrā gambhīratthā lokuttarā suññatāpaṭisaṁyuttā tesu bhaññamānesu sussūsanti sotaṁ odahanti aññā cittaṁ upaṭṭhapenti, te ca dhamme uggahetabbaṁ pariyāpuṇitabbaṁ maññanti.\nTe taṁ dhammaṁ pariyāpuṇitvā aññamaññaṁ paṭipucchanti paṭivicaranti:\n‘idaṁ kathaṁ, imassa ko attho’ti?\nTe avivaṭañceva vivaranti, anuttānīkatañca uttānīkaronti, anekavihitesu ca kaṅkhāṭhāniyesu dhammesu kaṅkhaṁ paṭivinodenti.\nAyaṁ vuccati, bhikkhave, paṭipucchāvinītā parisā nookkācitavinītā.\nImā kho, bhikkhave, dve parisā.\nEtadaggaṁ, bhikkhave, imāsaṁ dvinnaṁ parisānaṁ yadidaṁ paṭipucchāvinītā parisā nookkācitavinītā”ti.","en":"And what is an assembly educated in questioning, not in fancy talk?\nIt is an assembly where, when discourses composed by poets—poetry, with fancy words and phrases, composed by outsiders or spoken by disciples—are being recited the mendicants do not want to listen. They don’t actively listen or try to understand, nor do they think those teachings are worth learning and memorizing.\nBut when discourses spoken by the Realized One—deep, profound, transcendent, dealing with emptiness—are being recited the mendicants do want to listen. They actively listen and try to understand, and they think those teachings are worth learning and memorizing.\nAnd when they’ve memorized those teachings they question and examine each other, saying:\n‘Why does it say this? What does that mean?’\nSo they reveal what is hidden, clarify what is unclear, and dispel doubt regarding the many doubtful matters.\nThis is called an assembly educated in questioning, not in fancy talk.\nThese are the two assemblies.\nThe better of these two assemblies is the assembly educated in questioning, not in fancy talk.”"}},{"id":"an2.48:1","sourceIds":["an2.48:1.0","an2.48:1.1","an2.48:1.2","an2.48:1.3","an2.48:1.4","an2.48:1.5","an2.48:1.6","an2.48:1.7","an2.48:1.8","an2.48:1.9"],"kind":"text","text":{"pi":"48\n“Dvemā, bhikkhave, parisā.\nKatamā dve?\nĀmisagaru parisā no saddhammagaru, saddhammagaru parisā no āmisagaru.\nKatamā ca, bhikkhave, āmisagaru parisā no saddhammagaru?\nIdha, bhikkhave, yassaṁ parisāyaṁ bhikkhū gihīnaṁ odātavasanānaṁ sammukhā aññamaññassa vaṇṇaṁ bhāsanti:\n‘asuko bhikkhu ubhatobhāgavimutto, asuko paññāvimutto, asuko kāyasakkhī, asuko diṭṭhippatto, asuko saddhāvimutto, asuko dhammānusārī, asuko saddhānusārī, asuko sīlavā kalyāṇadhammo, asuko dussīlo pāpadhammo’ti.\nTe tena lābhaṁ labhanti.\nTe taṁ lābhaṁ labhitvā gathitā mucchitā ajjhopannā anādīnavadassāvino anissaraṇapaññā paribhuñjanti.\nAyaṁ vuccati, bhikkhave, āmisagaru parisā no saddhammagaru.","en":"48\n“There are, mendicants, these two assemblies.\nWhat two?\nAn assembly that values things of the flesh, not the true teaching, and an assembly that values the true teaching, not things of the flesh.\nAnd what is an assembly that values things of the flesh, not the true teaching?\nIt is an assembly where the mendicants praise each other in front of the white-clothed laypeople, saying:\n‘The mendicant so-and-so is freed both ways; so-and-so is freed by wisdom; so-and-so is a direct witness; so-and-so is attained to view; so-and-so is freed by faith; so-and-so is a follower of teachings; so-and-so is a follower by faith; so-and-so is ethical, of good character; so-and-so is unethical, of bad character.’\nThey thereby acquire material things.\nAnd when they get these things, they use them tied, infatuated, attached, blind to the drawbacks, and not understanding the escape.\nThis is called an assembly that values things of the flesh, not the true teaching."}},{"id":"an2.48:2","sourceIds":["an2.48:2.1","an2.48:2.2","an2.48:2.3","an2.48:2.4","an2.48:2.5","an2.48:2.6","an2.48:2.7","an2.48:2.8"],"kind":"text","text":{"pi":"Katamā ca, bhikkhave, saddhammagaru parisā noāmisagaru?\nIdha, bhikkhave, yassaṁ parisāyaṁ bhikkhū gihīnaṁ odātavasanānaṁ sammukhā aññamaññassa vaṇṇaṁ na bhāsanti:\n‘asuko bhikkhu ubhatobhāgavimutto, asuko paññāvimutto, asuko kāyasakkhī, asuko diṭṭhippatto, asuko saddhāvimutto, asuko dhammānusārī, asuko saddhānusārī, asuko sīlavā kalyāṇadhammo, asuko dussīlo pāpadhammo’ti.\nTe tena lābhaṁ labhanti.\nTe taṁ lābhaṁ labhitvā agathitā amucchitā anajjhosannā ādīnavadassāvino nissaraṇapaññā paribhuñjanti.\nAyaṁ vuccati, bhikkhave, saddhammagaru parisā noāmisagaru.\nImā kho, bhikkhave, dve parisā.\nEtadaggaṁ, bhikkhave, imāsaṁ dvinnaṁ parisānaṁ yadidaṁ saddhammagaru parisā noāmisagarū”ti.","en":"And what is an assembly that values the true teaching, not things of the flesh?\nIt is an assembly where the mendicants don’t praise each other in front of the white-clothed laypeople, saying:\n‘The mendicant so-and-so is freed both ways; so-and-so is freed by wisdom; so-and-so is a direct witness; so-and-so is attained to view; so-and-so is freed by faith; so-and-so is a follower of teachings; so-and-so is a follower by faith; so-and-so is ethical, of good character; so-and-so is unethical, of bad character.’\nThey thereby acquire material things.\nAnd when they get these things, they use them untied, uninfatuated, unattached, seeing the drawbacks, and understanding the escape.\nThis is called an assembly that values the true teaching, not things of the flesh.\nThese are the two assemblies.\nThe better of these two assemblies is the assembly that values the true teaching, not things of the flesh.”"}},{"id":"an2.49:1","sourceIds":["an2.49:1.0","an2.49:1.1","an2.49:1.2","an2.49:1.3","an2.49:1.4","an2.49:1.5","an2.49:1.6"],"kind":"text","text":{"pi":"49\n“Dvemā, bhikkhave, parisā.\nKatamā dve?\nVisamā ca parisā samā ca parisā.\nKatamā ca, bhikkhave, visamā parisā?\nIdha, bhikkhave, yassaṁ parisāyaṁ adhammakammāni pavattanti dhammakammāni nappavattanti, avinayakammāni pavattanti vinayakammāni nappavattanti, adhammakammāni dippanti dhammakammāni na dippanti, avinayakammāni dippanti vinayakammāni na dippanti.\nAyaṁ vuccati, bhikkhave, visamā parisā. (…)","en":"49\n“There are, mendicants, these two assemblies.\nWhat two?\nAn unjust assembly and a just assembly.\nAnd what is an unjust assembly?\nAn assembly where legal acts against the teaching proceed, while legal acts following the teaching don’t proceed. Legal acts against the training proceed, while legal acts following the training don’t proceed. Legal acts against the teaching are explained, while legal acts following the teaching aren’t explained. Legal acts against the training are explained, while legal acts following the training aren’t explained.\nThis is called an unjust assembly."}},{"id":"an2.49:2","sourceIds":["an2.49:2.1","an2.49:2.2","an2.49:2.3","an2.49:2.4","an2.49:2.5"],"kind":"text","text":{"pi":"Katamā ca, bhikkhave, samā parisā?\nIdha, bhikkhave, yassaṁ parisāyaṁ dhammakammāni pavattanti adhammakammāni nappavattanti, vinayakammāni pavattanti avinayakammāni nappavattanti, dhammakammāni dippanti adhammakammāni na dippanti, vinayakammāni dippanti avinayakammāni na dippanti.\nAyaṁ vuccati, bhikkhave, samā parisā. (…)\nImā kho, bhikkhave, dve parisā.\nEtadaggaṁ, bhikkhave, imāsaṁ dvinnaṁ parisānaṁ yadidaṁ samā parisā”ti.","en":"And what is a just assembly?\nAn assembly where legal acts following the teaching proceed, while legal acts against the teaching don’t proceed. Legal acts following the training proceed, while legal acts against the training don’t proceed. Legal acts following the teaching are explained, while legal acts against the teaching aren’t explained. Legal acts in line with the training are explained, while legal acts following training aren’t explained.\nThis is called a just assembly.\nThese are the two assemblies.\nThe better of these two assemblies is the just assembly.”"}},{"id":"an2.50:1","sourceIds":["an2.50:1.0","an2.50:1.1","an2.50:1.2","an2.50:1.3","an2.50:1.4"],"kind":"text","text":{"pi":"50\n“Dvemā, bhikkhave, parisā.\nKatamā dve?\nAdhammikā ca parisā dhammikā ca parisā …pe… imā kho, bhikkhave, dve parisā.\nEtadaggaṁ, bhikkhave, imāsaṁ dvinnaṁ parisānaṁ yadidaṁ dhammikā parisā”ti.","en":"50\n“There are, mendicants, these two assemblies.\nWhat two?\nAn unprincipled assembly and a principled assembly …\nThe better of these two assemblies is the principled assembly.”"}},{"id":"an2.51:1","sourceIds":["an2.51:1.0","an2.51:1.1","an2.51:1.2","an2.51:1.3","an2.51:1.4","an2.51:1.5","an2.51:1.6","an2.51:1.7","an2.51:1.8","an2.51:1.9"],"kind":"text","text":{"pi":"51\n“Dvemā, bhikkhave, parisā.\nKatamā dve?\nAdhammavādinī ca parisā dhammavādinī ca parisā.\nKatamā ca, bhikkhave, adhammavādinī parisā?\nIdha, bhikkhave, yassaṁ parisāyaṁ bhikkhū adhikaraṇaṁ ādiyanti dhammikaṁ vā adhammikaṁ vā.\nTe taṁ adhikaraṇaṁ ādiyitvā na ceva aññamaññaṁ saññāpenti na ca saññattiṁ upagacchanti, na ca nijjhāpenti na ca nijjhattiṁ upagacchanti.\nTe asaññattibalā anijjhattibalā appaṭinissaggamantino tameva adhikaraṇaṁ thāmasā parāmāsā abhinivissa voharanti:\n‘idameva saccaṁ moghamaññan’ti.\nAyaṁ vuccati, bhikkhave, adhammavādinī parisā.","en":"51\n“There are, mendicants, these two assemblies.\nWhat two?\nAn assembly with unprincipled speech, and an assembly with principled speech.\nAnd what is an assembly with unprincipled speech?\nIt is an assembly where the mendicants take up disciplinary issues, whether legitimate or not.\nBut they don’t persuade each other or allow themselves to be persuaded, nor do they convince each other or allow themselves to be convinced.\nUnable to persuade or convince each other, they can’t let go of their opinions. They obstinately stick to that disciplinary issue, insisting that:\n‘This is the only truth, anything else is futile.’\nThis is called an assembly with unprincipled speech."}},{"id":"an2.51:2","sourceIds":["an2.51:2.1","an2.51:2.2","an2.51:2.3","an2.51:2.4","an2.51:2.5","an2.51:2.6","an2.51:2.7","an2.51:2.8","an2.51:2.9"],"kind":"text","text":{"pi":"Katamā ca, bhikkhave, dhammavādinī parisā?\nIdha, bhikkhave, yassaṁ parisāyaṁ bhikkhū adhikaraṇaṁ ādiyanti dhammikaṁ vā adhammikaṁ vā.\nTe taṁ adhikaraṇaṁ ādiyitvā aññamaññaṁ saññāpenti ceva saññattiñca upagacchanti, nijjhāpenti ceva nijjhattiñca upagacchanti.\nTe saññattibalā nijjhattibalā paṭinissaggamantino, na tameva adhikaraṇaṁ thāmasā parāmāsā abhinivissa voharanti:\n‘idameva saccaṁ moghamaññan’ti.\nAyaṁ vuccati, bhikkhave, dhammavādinī parisā.\nImā kho, bhikkhave, dve parisā.\nEtadaggaṁ, bhikkhave, imāsaṁ dvinnaṁ parisānaṁ yadidaṁ dhammavādinī parisā”ti.\nParisavaggo pañcamo.","en":"And what is an assembly with principled speech?\nIt is an assembly where the mendicants take up disciplinary issues, whether legitimate or not.\nThen they persuade each other or allow themselves to be persuaded, and they convince each other or allow themselves to be convinced.\nSince they are able to persuade and convince each other, they let go of their opinions. They don’t obstinately stick to that disciplinary issue or insist that:\n‘This is the only truth, anything else is futile.’\nThis is called an assembly with principled speech.\nThese are the two assemblies.\nThe better of these two assemblies is the assembly with principled speech.”"}},{"id":"an2.51:3","sourceIds":["an2.51:3.0","an2.51:3.1","an2.51:3.2","an2.51:3.3","an2.51:3.4","an2.51:3.5"],"kind":"text","text":{"pi":"Tassuddānaṁ\nUttānā vaggā aggavatī,\nAriyā kasaṭo ca pañcamo;\nOkkācitaāmisañceva,\nVisamā adhammādhammiyena cāti.\nPaṭhamo paṇṇāsako samatto."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an2.42-51/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}