{"id":"an3.1","title":"Perils","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.1","title":"Perils","units":[{"id":"an3.1:0","sourceIds":["an3.1:0.1","an3.1:0.2","an3.1:0.3"],"kind":"text","text":{"pi":"Aṅguttara Nikāya 3.1\n1. Bālavagga\nBhayasutta","en":"Numbered Discourses 3.1\n1. Fools\nPerils"}},{"id":"an3.1:1","sourceIds":["an3.1:1.1","an3.1:1.2","an3.1:1.3","an3.1:1.4","an3.1:1.5","an3.1:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"an3.1:2","sourceIds":["an3.1:2.1","an3.1:2.2","an3.1:2.3","an3.1:2.4","an3.1:2.5","an3.1:2.6","an3.1:2.7"],"kind":"text","text":{"pi":"“Yāni kānici, bhikkhave, bhayāni uppajjanti sabbāni tāni bālato uppajjanti, no paṇḍitato.\nYe keci upaddavā uppajjanti sabbe te bālato uppajjanti, no paṇḍitato.\nYe keci upasaggā uppajjanti sabbe te bālato uppajjanti, no paṇḍitato.\nSeyyathāpi, bhikkhave, naḷāgārā vā tiṇāgārā vā aggi mutto kūṭāgārānipi ḍahati ullittāvalittāni nivātāni phusitaggaḷāni pihitavātapānāni;\nevamevaṁ kho, bhikkhave, yāni kānici bhayāni uppajjanti sabbāni tāni bālato uppajjanti, no paṇḍitato.\nYe keci upaddavā uppajjanti sabbe te bālato uppajjanti, no paṇḍitato.\nYe keci upasaggā uppajjanti sabbe te bālato uppajjanti, no paṇḍitato.","en":"“Whatever dangers there are, all come from the foolish, not from the astute.\nWhatever perils there are, all come from the foolish, not from the astute.\nWhatever hazards there are, all come from the foolish, not from the astute.\nIt’s like a fire that spreads from a hut made of reeds or grass, and burns down even a bungalow, plastered inside and out, draft-free, with doors fastened and windows shuttered.\nIn the same way, whatever dangers there are, all come from the foolish, not from the astute.\nWhatever perils there are, all come from the foolish, not from the astute.\nWhatever hazards there are, all come from the foolish, not from the astute."}},{"id":"an3.1:3","sourceIds":["an3.1:3.1","an3.1:3.2","an3.1:3.3","an3.1:3.4"],"kind":"text","text":{"pi":"Iti kho, bhikkhave, sappaṭibhayo bālo, appaṭibhayo paṇḍito.\nSaupaddavo bālo, anupaddavo paṇḍito.\nSaupasaggo bālo, anupasaggo paṇḍito.\nNatthi, bhikkhave, paṇḍitato bhayaṁ, natthi paṇḍitato upaddavo, natthi paṇḍitato upasaggo.","en":"So, the fool is dangerous, but the astute person is safe.\nThe fool is perilous, but the astute person is not.\nThe fool is hazardous, but the astute person is not.\nThere’s no danger, peril, or hazard that comes from the astute."}},{"id":"an3.1:4","sourceIds":["an3.1:4.1","an3.1:4.2","an3.1:4.3","an3.1:4.4"],"kind":"text","text":{"pi":"Tasmātiha, bhikkhave, evaṁ sikkhitabbaṁ:\n‘yehi tīhi dhammehi samannāgato bālo veditabbo te tayo dhamme abhinivajjetvā, yehi tīhi dhammehi samannāgato paṇḍito veditabbo te tayo dhamme samādāya vattissāmā’ti.\nEvañhi vo, bhikkhave, sikkhitabban”ti.\nPaṭhamaṁ.","en":"So you should train like this:\n‘We will shun the three things by which a fool is known, and we will proceed having undertaken the three things by which an astute person is known.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}