{"id":"an3.101","title":"A Panner","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.101","title":"A Panner","units":[{"id":"an3.101:0","sourceIds":["an3.101:0.1","an3.101:0.2","an3.101:0.3"],"kind":"text","text":{"pi":"Aṅguttara Nikāya 3.101\n10. Loṇakapallavagga\nPaṁsudhovakasutta","en":"Numbered Discourses 3.101\n10. A Lump of Salt\nA Panner"}},{"id":"an3.101:1","sourceIds":["an3.101:1.1","an3.101:1.2","an3.101:1.3","an3.101:1.4","an3.101:1.5","an3.101:1.6","an3.101:1.7","an3.101:1.8","an3.101:1.9","an3.101:1.10","an3.101:1.11","an3.101:1.12"],"kind":"text","text":{"pi":"“Santi, bhikkhave, jātarūpassa oḷārikā upakkilesā paṁsuvālukā sakkharakaṭhalā.\nTamenaṁ paṁsudhovako vā paṁsudhovakantevāsī vā doṇiyaṁ ākiritvā dhovati sandhovati niddhovati.\nTasmiṁ pahīne tasmiṁ byantīkate santi jātarūpassa majjhimasahagatā upakkilesā sukhumasakkharā thūlavālukā.\nTamenaṁ paṁsudhovako vā paṁsudhovakantevāsī vā dhovati sandhovati niddhovati.\nTasmiṁ pahīne tasmiṁ byantīkate santi jātarūpassa sukhumasahagatā upakkilesā sukhumavālukā kāḷajallikā.\nTamenaṁ paṁsudhovako vā paṁsudhovakantevāsī vā dhovati sandhovati niddhovati.\nTasmiṁ pahīne tasmiṁ byantīkate athāparaṁ suvaṇṇasikatāvasissanti.\nTamenaṁ suvaṇṇakāro vā suvaṇṇakārantevāsī vā jātarūpaṁ mūsāyaṁ pakkhipitvā dhamati sandhamati niddhamati.\nTaṁ hoti jātarūpaṁ dhantaṁ sandhantaṁ niddhantaṁ aniddhantakasāvaṁ, na ceva mudu hoti na ca kammaniyaṁ, na ca pabhassaraṁ pabhaṅgu ca, na ca sammā upeti kammāya.\nHoti so, bhikkhave, samayo yaṁ suvaṇṇakāro vā suvaṇṇakārantevāsī vā taṁ jātarūpaṁ dhamati sandhamati niddhamati.\nTaṁ hoti jātarūpaṁ dhantaṁ sandhantaṁ niddhantaṁ niddhantakasāvaṁ, mudu ca hoti kammaniyañca pabhassarañca, na ca pabhaṅgu, sammā upeti kammāya.\nYassā yassā ca pilandhanavikatiyā ākaṅkhati—yadi paṭṭikāya, yadi kuṇḍalāya, yadi gīveyyake, yadi suvaṇṇamālāya—tañcassa atthaṁ anubhoti.","en":"“Native gold has coarse corruptions: sand, soil, and gravel.\nA panner or their apprentice pours it into a pan, where they wash, rinse, and clean it.\nWhen that’s been eliminated, there are medium corruptions in the native gold: fine grit and coarse sand.\nThe panner washes it again.\nWhen that’s been eliminated, there are fine corruptions in the native gold: fine sand and black grime.\nThe panner washes it again.\nWhen that’s been eliminated, only golden flecks remain.\nA goldsmith or their apprentice places the native gold in a crucible where they blow, melt, and smelt it.\nStill the native gold is not settled and the dross is not totally gone. It’s not pliable, workable, or radiant, but is brittle and not completely ready for working.\nBut the goldsmith keeps on blowing, melting, and smelting it.\nThe native gold becomes pliable, workable, and radiant, not brittle, and ready to be worked.\nThen the goldsmith can successfully create any kind of ornament they want, whether a bracelet, earrings, a necklace, or a golden garland."}},{"id":"an3.101:2","sourceIds":["an3.101:2.1","an3.101:2.2","an3.101:2.3","an3.101:2.4","an3.101:2.5","an3.101:2.6","an3.101:2.7","an3.101:2.8"],"kind":"text","text":{"pi":"Evamevaṁ kho, bhikkhave, santi adhicittamanuyuttassa bhikkhuno oḷārikā upakkilesā kāyaduccaritaṁ vacīduccaritaṁ manoduccaritaṁ, tamenaṁ sacetaso bhikkhu dabbajātiko pajahati vinodeti byantīkaroti anabhāvaṁ gameti.\nTasmiṁ pahīne tasmiṁ byantīkate santi adhicittamanuyuttassa bhikkhuno majjhimasahagatā upakkilesā kāmavitakko byāpādavitakko vihiṁsāvitakko, tamenaṁ sacetaso bhikkhu dabbajātiko pajahati vinodeti byantīkaroti anabhāvaṁ gameti.\nTasmiṁ pahīne tasmiṁ byantīkate santi adhicittamanuyuttassa bhikkhuno sukhumasahagatā upakkilesā ñātivitakko janapadavitakko anavaññattipaṭisaṁyutto vitakko, tamenaṁ sacetaso bhikkhu dabbajātiko pajahati vinodeti byantīkaroti anabhāvaṁ gameti.\nTasmiṁ pahīne tasmiṁ byantīkate athāparaṁ dhammavitakkāvasissanti.\nSo hoti samādhi na ceva santo na ca paṇīto nappaṭippassaddhaladdho na ekodibhāvādhigato sasaṅkhāraniggayhavāritagato.\nHoti so, bhikkhave, samayo yaṁ taṁ cittaṁ ajjhattaṁyeva santiṭṭhati sannisīdati ekodi hoti samādhiyati.\nSo hoti samādhi santo paṇīto paṭippassaddhiladdho ekodibhāvādhigato na sasaṅkhāraniggayhavāritagato.\nYassa yassa ca abhiññā sacchikaraṇīyassa dhammassa cittaṁ abhininnāmeti abhiññā sacchikiriyāya tatra tatreva sakkhibhabbataṁ pāpuṇāti sati satiāyatane.","en":"In the same way, a mendicant who is committed to the higher mind has coarse corruptions: bad bodily, verbal, and mental conduct. A sincere, proficient mendicant gives these up, dispels, eliminates, and obliterates them.\nWhen they’ve been given up and eliminated, there are middling corruptions: sensual, malicious, or cruel thoughts. A sincere, proficient mendicant gives these up, dispels, eliminates, and obliterates them.\nWhen they’ve been given up and eliminated, there are fine corruptions: thoughts of family, country, and status. A sincere, proficient mendicant gives these up, dispels, eliminates, and obliterates them.\nWhen they’ve been given up and eliminated, only thoughts about the teaching are left.\nThat immersion is not peaceful or sublime or tranquil or unified, but is held in place by forceful suppression.\nBut there comes a time when that mind is stilled internally; it settles, unifies, and becomes immersed in samādhi.\nThat immersion is peaceful and sublime and tranquil and unified, not held in place by forceful suppression.\nThey extend the mind to realize by insight each and every thing that can be realized by insight; and they are capable of realizing those things, since each and every one is within range."}},{"id":"an3.101:3","sourceIds":["an3.101:3.1","an3.101:3.2"],"kind":"text","text":{"pi":"So sace ākaṅkhati: ‘anekavihitaṁ iddhividhaṁ paccanubhaveyyaṁ—ekopi hutvā bahudhā assaṁ, bahudhāpi hutvā eko assaṁ; āvibhāvaṁ, tirobhāvaṁ; tirokuṭṭaṁ tiropākāraṁ tiropabbataṁ asajjamāno gaccheyyaṁ, seyyathāpi ākāse; pathaviyāpi ummujjanimujjaṁ kareyyaṁ, seyyathāpi udake; udakepi abhijjamāne gaccheyyaṁ, seyyathāpi pathaviyaṁ; ākāsepi pallaṅkena kameyyaṁ, seyyathāpi pakkhī sakuṇo; imepi candimasūriye evaṁmahiddhike evaṁmahānubhāve pāṇinā parimaseyyaṁ parimajjeyyaṁ; yāva brahmalokāpi kāyena vasaṁ vatteyyan’ti,\ntatra tatreva sakkhibhabbataṁ pāpuṇāti sati satiāyatane.","en":"If they wish: ‘May I wield the many kinds of psychic power: multiplying myself and becoming one again; materializing and dematerializing; going unobstructed through a wall, a rampart, or a mountain as if through space; diving in and out of the earth as if it were water; walking on water as if it were earth; flying cross-legged through the sky like a bird; touching and stroking with the hand the sun and moon, so mighty and powerful; controlling the body as far as the realm of divinity.’\nThey are capable of realizing these things, since each and every one is within range."}},{"id":"an3.101:4","sourceIds":["an3.101:4.1","an3.101:4.2"],"kind":"text","text":{"pi":"So sace ākaṅkhati: ‘dibbāya sotadhātuyā visuddhāya atikkantamānusikāya ubho sadde suṇeyyaṁ dibbe ca mānuse ca ye dūre santike cā’ti,\ntatra tatreva sakkhibhabbataṁ pāpuṇāti sati satiāyatane.","en":"If they wish: ‘With clairaudience that is purified and superhuman, may I hear both kinds of sounds, human and heavenly, whether near or far.’\nThey are capable of realizing these things, since each and every one is within range."}},{"id":"an3.101:5","sourceIds":["an3.101:5.1","an3.101:5.2","an3.101:5.3","an3.101:5.4","an3.101:5.5","an3.101:5.6","an3.101:5.7","an3.101:5.8","an3.101:5.9","an3.101:5.10","an3.101:5.11","an3.101:5.12","an3.101:5.13","an3.101:5.14","an3.101:5.15","an3.101:5.16","an3.101:5.17","an3.101:5.18"],"kind":"text","text":{"pi":"So sace ākaṅkhati: ‘parasattānaṁ parapuggalānaṁ cetasā ceto paricca pajāneyyaṁ—\nsarāgaṁ vā cittaṁ sarāgaṁ cittanti pajāneyyaṁ,\nvītarāgaṁ vā cittaṁ vītarāgaṁ cittanti pajāneyyaṁ;\nsadosaṁ vā cittaṁ sadosaṁ cittanti pajāneyyaṁ,\nvītadosaṁ vā cittaṁ vītadosaṁ cittanti pajāneyyaṁ;\nsamohaṁ vā cittaṁ samohaṁ cittanti pajāneyyaṁ,\nvītamohaṁ vā cittaṁ vītamohaṁ cittanti pajāneyyaṁ;\nsaṅkhittaṁ vā cittaṁ saṅkhittaṁ cittanti pajāneyyaṁ,\nvikkhittaṁ vā cittaṁ vikkhittaṁ cittanti pajāneyyaṁ;\nmahaggataṁ vā cittaṁ mahaggataṁ cittanti pajāneyyaṁ,\namahaggataṁ vā cittaṁ amahaggataṁ cittanti pajāneyyaṁ;\nsauttaraṁ vā cittaṁ sauttaraṁ cittanti pajāneyyaṁ,\nanuttaraṁ vā cittaṁ anuttaraṁ cittanti pajāneyyaṁ;\nsamāhitaṁ vā cittaṁ samāhitaṁ cittanti pajāneyyaṁ,\nasamāhitaṁ vā cittaṁ asamāhitaṁ cittanti pajāneyyaṁ;\nvimuttaṁ vā cittaṁ vimuttaṁ cittanti pajāneyyaṁ,\navimuttaṁ vā cittaṁ avimuttaṁ cittanti pajāneyyan’ti,\ntatra tatreva sakkhibhabbataṁ pāpuṇāti sati satiāyatane.","en":"If they wish: ‘May I understand the minds of other beings and individuals, having encompassed them with my mind.\nMay I understand mind with greed as “mind with greed”,\nand mind without greed as “mind without greed”;\nmind with hate as “mind with hate”,\nand mind without hate as “mind without hate”;\nmind with delusion as “mind with delusion”,\nand mind without delusion as “mind without delusion”;\nconstricted mind as “constricted mind”,\nand scattered mind as “scattered mind”;\nexpansive mind as “expansive mind”,\nand unexpansive mind as “unexpansive mind”;\nmind that is not supreme as “mind that is not supreme”,\nand mind that is supreme as “mind that is supreme”;\nmind immersed in samādhi as “mind immersed in samādhi”,\nand mind not immersed in samādhi as “mind not immersed in samādhi”;\nfreed mind as “freed mind”,\nand unfreed mind as “unfreed mind”.’\nThey are capable of realizing these things, since each and every one is within range."}},{"id":"an3.101:6","sourceIds":["an3.101:6.1","an3.101:6.2"],"kind":"text","text":{"pi":"So sace ākaṅkhati: ‘anekavihitaṁ pubbenivāsaṁ anussareyyaṁ, seyyathidaṁ—ekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe: “amutrāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto amutra udapādiṁ; tatrāpāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto idhūpapanno”ti, iti sākāraṁ sauddesaṁ anekavihitaṁ pubbenivāsaṁ anussareyyan’ti,\ntatra tatreva sakkhibhabbataṁ pāpuṇāti sati satiāyatane.","en":"If they wish: ‘May I recollect many kinds of past lives. That is: one, two, three, four, five, ten, twenty, thirty, forty, fifty, a hundred, a thousand, a hundred thousand rebirths; many eons of the world contracting, many eons of the world expanding, many eons of the world contracting and expanding. May I remember: “There, I was named this, my clan was that, I looked like this, and that was my food. This was how I felt pleasure and pain, and that was how my life ended. When I passed away from that place I was reborn somewhere else. There, too, I was named this, my clan was that, I looked like this, and that was my food. This was how I felt pleasure and pain, and that was how my life ended. When I passed away from that place I was reborn here.” May I recollect my many past lives, with features and details.’\nThey are capable of realizing these things, since each and every one is within range."}},{"id":"an3.101:7","sourceIds":["an3.101:7.1","an3.101:7.2"],"kind":"text","text":{"pi":"So sace ākaṅkhati: ‘dibbena cakkhunā visuddhena atikkantamānusakena satte passeyyaṁ cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajāneyyaṁ: “ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā, te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā; ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā, te kāyassa bhedā paraṁ maraṇā sugatiṁ saggaṁ lokaṁ upapannā”ti, iti dibbena cakkhunā visuddhena atikkantamānusakena satte passeyyaṁ cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajāneyyan’ti,\ntatra tatreva sakkhibhabbataṁ pāpuṇāti sati satiāyatane.","en":"If they wish: ‘With clairvoyance that is purified and superhuman, may I see sentient beings passing away and being reborn—inferior and superior, beautiful and ugly, in a good place or a bad place—and understand how sentient beings pass on according to their deeds: “These dear beings did bad things by way of body, speech, and mind. They denounced the noble ones; they had wrong view; and they chose to act out of that wrong view. When their body broke up, after death, they were reborn in a place of loss, a bad place, the underworld, hell. These dear beings, however, did good things by way of body, speech, and mind. They never denounced the noble ones; they had right view; and they chose to act out of that right view. When their body broke up, after death, they were reborn in a good place, a heavenly realm.” And so, with clairvoyance that is purified and superhuman, may I see sentient beings passing away and being reborn—inferior and superior, beautiful and ugly, in a good place or a bad place. And may I understand how sentient beings pass on according to their deeds.’\nThey are capable of realizing these things, since each and every one is within range."}},{"id":"an3.101:8","sourceIds":["an3.101:8.1","an3.101:8.2","an3.101:8.3"],"kind":"text","text":{"pi":"So sace ākaṅkhati: ‘āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja vihareyyan’ti,\ntatra tatreva sakkhibhabbataṁ pāpuṇāti sati satiāyatane”ti.\nDasamaṁ.","en":"If they wish: ‘May I realize the undefiled freedom of heart and freedom by wisdom, and live having realized it with my own insight in this very life due to the ending of defilements.’\nThey are capable of realizing these things, since each and every one is within range.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.101/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}