{"id":"an3.111","title":"Sources (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.111","title":"Sources (1st)","units":[{"id":"an3.111:0","sourceIds":["an3.111:0.1","an3.111:0.2","an3.111:0.3"],"kind":"text","text":{"pi":"Aṅguttara Nikāya 3.111\n11. Sambodhavagga\nPaṭhamanidānasutta","en":"Numbered Discourses 3.111\n11. Awakening\nSources (1st)"}},{"id":"an3.111:1","sourceIds":["an3.111:1.1","an3.111:1.2","an3.111:1.3","an3.111:1.4","an3.111:1.5","an3.111:1.6","an3.111:1.7"],"kind":"text","text":{"pi":"“Tīṇimāni, bhikkhave, nidānāni kammānaṁ samudayāya.\nKatamāni tīṇi?\nLobho nidānaṁ kammānaṁ samudayāya, doso nidānaṁ kammānaṁ samudayāya, moho nidānaṁ kammānaṁ samudayāya.\nYaṁ, bhikkhave, lobhapakataṁ kammaṁ lobhajaṁ lobhanidānaṁ lobhasamudayaṁ, taṁ kammaṁ akusalaṁ taṁ kammaṁ sāvajjaṁ taṁ kammaṁ dukkhavipākaṁ, taṁ kammaṁ kammasamudayāya saṁvattati, na taṁ kammaṁ kammanirodhāya saṁvattati.\nYaṁ, bhikkhave, dosapakataṁ kammaṁ dosajaṁ dosanidānaṁ dosasamudayaṁ, taṁ kammaṁ akusalaṁ taṁ kammaṁ sāvajjaṁ taṁ kammaṁ dukkhavipākaṁ, taṁ kammaṁ kammasamudayāya saṁvattati, na taṁ kammaṁ kammanirodhāya saṁvattati.\nYaṁ, bhikkhave, mohapakataṁ kammaṁ mohajaṁ mohanidānaṁ mohasamudayaṁ, taṁ kammaṁ akusalaṁ taṁ kammaṁ sāvajjaṁ taṁ kammaṁ dukkhavipākaṁ, taṁ kammaṁ kammasamudayāya saṁvattati, na taṁ kammaṁ kammanirodhāya saṁvattati.\nImāni kho, bhikkhave, tīṇi nidānāni kammānaṁ samudayāya.","en":"“Mendicants, there are these three sources that give rise to deeds.\nWhat three?\nGreed, hate, and delusion are sources that give rise to deeds.\nAny deed that emerges from greed, hate, or delusion—born, sourced, and originated from greed, hate, or delusion—is unskillful, blameworthy, results in suffering, and leads to the creation of more deeds, not their cessation.\nThese are three sources that give rise to deeds."}},{"id":"an3.111:2","sourceIds":["an3.111:2.1","an3.111:2.2","an3.111:2.3","an3.111:2.4","an3.111:2.5","an3.111:2.6","an3.111:2.7","an3.111:2.8"],"kind":"text","text":{"pi":"Tīṇimāni, bhikkhave, nidānāni kammānaṁ samudayāya.\nKatamāni tīṇi?\nAlobho nidānaṁ kammānaṁ samudayāya, adoso nidānaṁ kammānaṁ samudayāya, amoho nidānaṁ kammānaṁ samudayāya.\nYaṁ, bhikkhave, alobhapakataṁ kammaṁ alobhajaṁ alobhanidānaṁ alobhasamudayaṁ, taṁ kammaṁ kusalaṁ taṁ kammaṁ anavajjaṁ taṁ kammaṁ sukhavipākaṁ, taṁ kammaṁ kammanirodhāya saṁvattati, na taṁ kammaṁ kammasamudayāya saṁvattati.\nYaṁ, bhikkhave, adosapakataṁ kammaṁ adosajaṁ adosanidānaṁ adosasamudayaṁ, taṁ kammaṁ kusalaṁ taṁ kammaṁ anavajjaṁ taṁ kammaṁ sukhavipākaṁ, taṁ kammaṁ kammanirodhāya saṁvattati, na taṁ kammaṁ kammasamudayāya saṁvattati.\nYaṁ, bhikkhave, amohapakataṁ kammaṁ amohajaṁ amohanidānaṁ amohasamudayaṁ, taṁ kammaṁ kusalaṁ taṁ kammaṁ anavajjaṁ taṁ kammaṁ sukhavipākaṁ, taṁ kammaṁ kammanirodhāya saṁvattati, na taṁ kammaṁ kammasamudayāya saṁvattati.\nImāni kho, bhikkhave, tīṇi nidānāni kammānaṁ samudayāyā”ti.\nNavamaṁ.","en":"There are these three sources that give rise to deeds.\nWhat three?\nContentment, love, and understanding are sources that give rise to deeds.\nAny deed that emerges from contentment, love, or understanding—born, sourced, and originated from contentment, love, or understanding—is skillful, blameless, results in happiness, and leads to the cessation of more deeds, not their creation.\nThese are three sources that give rise to deeds.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.111/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}