{"id":"an3.112","title":"Sources (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.112","title":"Sources (2nd)","units":[{"id":"an3.112:0","sourceIds":["an3.112:0.1","an3.112:0.2","an3.112:0.3"],"kind":"text","text":{"pi":"Aṅguttara Nikāya 3.112\n11. Sambodhavagga\nDutiyanidānasutta","en":"Numbered Discourses 3.112\n11. Awakening\nSources (2nd)"}},{"id":"an3.112:1","sourceIds":["an3.112:1.1","an3.112:1.2","an3.112:1.3","an3.112:1.4","an3.112:1.5","an3.112:1.6","an3.112:1.7","an3.112:1.8","an3.112:1.9","an3.112:1.10","an3.112:1.11"],"kind":"text","text":{"pi":"“Tīṇimāni, bhikkhave, nidānāni kammānaṁ samudayāya.\nKatamāni tīṇi?\nAtīte, bhikkhave, chandarāgaṭṭhāniye dhamme ārabbha chando jāyati;\nanāgate, bhikkhave, chandarāgaṭṭhāniye dhamme ārabbha chando jāyati;\npaccuppanne, bhikkhave, chandarāgaṭṭhāniye dhamme ārabbha chando jāyati.\nKathañca, bhikkhave, atīte chandarāgaṭṭhāniye dhamme ārabbha chando jāyati?\nAtīte, bhikkhave, chandarāgaṭṭhāniye dhamme ārabbha cetasā anuvitakketi anuvicāreti.\nTassa atīte chandarāgaṭṭhāniye dhamme ārabbha cetasā anuvitakkayato anuvicārayato chando jāyati.\nChandajāto tehi dhammehi saṁyutto hoti.\nEtamahaṁ, bhikkhave, saṁyojanaṁ vadāmi yo cetaso sārāgo.\nEvaṁ kho, bhikkhave, atīte chandarāgaṭṭhāniye dhamme ārabbha chando jāyati.","en":"“Mendicants, there are these three sources that give rise to deeds.\nWhat three?\nDesire comes up for things that stimulate desire and greed in the past, future, or present.\nAnd how does desire come up for things that stimulate desire and greed in the past, future, or present?\nIn your heart you think about and consider things that stimulate desire and greed in the past, future, or present.\nWhen you do this, desire comes up,\nand you get attached to those things.\nThis lust in the heart is what I call a fetter.\nThat’s how desire comes up for things that stimulate desire and greed in the past, future, or present."}},{"id":"an3.112:2","sourceIds":["an3.112:2.1","an3.112:2.2","an3.112:2.3","an3.112:2.4","an3.112:2.5","an3.112:2.6"],"kind":"text","text":{"pi":"Kathañca, bhikkhave, anāgate chandarāgaṭṭhāniye dhamme ārabbha chando jāyati?\nAnāgate, bhikkhave, chandarāgaṭṭhāniye dhamme ārabbha cetasā anuvitakketi anuvicāreti.\nTassa anāgate chandarāgaṭṭhāniye dhamme ārabbha cetasā anuvitakkayato anuvicārayato chando jāyati.\nChandajāto tehi dhammehi saṁyutto hoti.\nEtamahaṁ, bhikkhave, saṁyojanaṁ vadāmi yo cetaso sārāgo.\nEvaṁ kho, bhikkhave, anāgate chandarāgaṭṭhāniye dhamme ārabbha chando jāyati."}},{"id":"an3.112:3","sourceIds":["an3.112:3.1","an3.112:3.2","an3.112:3.3","an3.112:3.4","an3.112:3.5","an3.112:3.6","an3.112:3.7"],"kind":"text","text":{"pi":"Kathañca, bhikkhave, paccuppanne chandarāgaṭṭhāniye dhamme ārabbha chando jāyati?\nPaccuppanne, bhikkhave, chandarāgaṭṭhāniye dhamme ārabbha cetasā anuvitakketi anuvicāreti.\nTassa paccuppanne chandarāgaṭṭhāniye dhamme ārabbha cetasā anuvitakkayato anuvicārayato chando jāyati.\nChandajāto tehi dhammehi saṁyutto hoti.\nEtamahaṁ, bhikkhave, saṁyojanaṁ vadāmi yo cetaso sārāgo.\nEvaṁ kho, bhikkhave, paccuppanne chandarāgaṭṭhāniye dhamme ārabbha chando jāyati.\nImāni kho, bhikkhave, tīṇi nidānāni kammānaṁ samudayāya.","en":"These are three sources that give rise to deeds."}},{"id":"an3.112:4","sourceIds":["an3.112:4.1","an3.112:4.2","an3.112:4.3","an3.112:4.4","an3.112:4.5"],"kind":"text","text":{"pi":"Tīṇimāni, bhikkhave, nidānāni kammānaṁ samudayāya.\nKatamāni tīṇi?\nAtīte, bhikkhave, chandarāgaṭṭhāniye dhamme ārabbha chando na jāyati;\nanāgate, bhikkhave, chandarāgaṭṭhāniye dhamme ārabbha chando na jāyati;\npaccuppanne, bhikkhave, chandarāgaṭṭhāniye dhamme ārabbha chando na jāyati.","en":"There are these three sources that give rise to deeds.\nWhat three?\nDesire doesn’t come up for things that stimulate desire and greed in the past, future, or present."}},{"id":"an3.112:5","sourceIds":["an3.112:5.1","an3.112:5.2","an3.112:5.3","an3.112:5.4","an3.112:5.5"],"kind":"text","text":{"pi":"Kathañca, bhikkhave, atīte chandarāgaṭṭhāniye dhamme ārabbha chando na jāyati?\nAtītānaṁ, bhikkhave, chandarāgaṭṭhāniyānaṁ dhammānaṁ āyatiṁ vipākaṁ pajānāti.\nĀyatiṁ vipākaṁ viditvā tadabhinivatteti.\nTadabhinivattetvā cetasā abhinivijjhitvā paññāya ativijjha passati.\nEvaṁ kho, bhikkhave, atīte chandarāgaṭṭhāniye dhamme ārabbha chando na jāyati.","en":"And how does desire not come up for things that stimulate desire and greed in the past, future, or present?\nYou understand the future result of things that stimulate desire and greed in the past, future, or present.\nWhen you know this, you grow disillusioned,\nyour heart becomes dispassionate, and you see it with penetrating wisdom.\nThat’s how desire doesn’t come up for things that stimulate desire and greed in the past, future, or present."}},{"id":"an3.112:6","sourceIds":["an3.112:6.1","an3.112:6.2","an3.112:6.3","an3.112:6.4","an3.112:6.5"],"kind":"text","text":{"pi":"Kathañca, bhikkhave, anāgate chandarāgaṭṭhāniye dhamme ārabbha chando na jāyati?\nAnāgatānaṁ, bhikkhave, chandarāgaṭṭhāniyānaṁ dhammānaṁ āyatiṁ vipākaṁ pajānāti.\nĀyatiṁ vipākaṁ viditvā tadabhinivatteti.\nTadabhinivattetvā cetasā abhinivijjhitvā paññāya ativijjha passati.\nEvaṁ kho, bhikkhave, anāgate chandarāgaṭṭhāniye dhamme ārabbha chando na jāyati."}},{"id":"an3.112:7","sourceIds":["an3.112:7.1","an3.112:7.2","an3.112:7.3","an3.112:7.4","an3.112:7.5","an3.112:7.6"],"kind":"text","text":{"pi":"Kathañca, bhikkhave, paccuppanne chandarāgaṭṭhāniye dhamme ārabbha chando na jāyati?\nPaccuppannānaṁ, bhikkhave, chandarāgaṭṭhāniyānaṁ dhammānaṁ āyatiṁ vipākaṁ pajānāti, āyatiṁ vipākaṁ viditvā tadabhinivatteti, tadabhinivattetvā cetasā abhinivijjhitvā paññāya ativijjha passati.\nEvaṁ kho, bhikkhave, paccuppanne chandarāgaṭṭhāniye dhamme ārabbha chando na jāyati.\nImāni kho, bhikkhave, tīṇi nidānāni kammānaṁ samudayāyā”ti.\nDasamaṁ.\nSambodhavaggo paṭhamo.","en":"These are three sources that give rise to deeds.”"}},{"id":"an3.112:8","sourceIds":["an3.112:8.0","an3.112:8.1","an3.112:8.2","an3.112:8.3","an3.112:8.4"],"kind":"text","text":{"pi":"Tassuddānaṁ\nPubbeva duve assādā,\nSamaṇo ruṇṇapañcamaṁ;\nAtitti dve ca vuttāni,\nNidānāni apare duveti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.112/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}