{"id":"an3.117","title":"Failures and Accomplishments","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.117","title":"Failures and Accomplishments","units":[{"id":"an3.117:0","sourceIds":["an3.117:0.1","an3.117:0.2","an3.117:0.3"],"kind":"text","text":{"pi":"Aṅguttara Nikāya 3.117\n12. Āpāyikavagga\nVipattisampadāsutta","en":"Numbered Discourses 3.117\n12. Bound for Loss\nFailures and Accomplishments"}},{"id":"an3.117:1","sourceIds":["an3.117:1.1","an3.117:1.2","an3.117:1.3","an3.117:1.4","an3.117:1.5","an3.117:1.6"],"kind":"text","text":{"pi":"“Tisso imā, bhikkhave, vipattiyo.\nKatamā tisso?\nSīlavipatti, cittavipatti, diṭṭhivipatti.\nKatamā ca, bhikkhave, sīlavipatti?\nIdha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti.\nAyaṁ vuccati, bhikkhave, sīlavipatti.","en":"“Mendicants, there are three failures.\nWhat three?\nFailure in ethics, mind, and view.\nAnd what is failure in ethics?\nIt’s when someone kills living creatures, steals, commits sexual misconduct, and uses speech that’s false, backbiting, harsh, or nonsensical.\nThis is called ‘failure in ethics’."}},{"id":"an3.117:2","sourceIds":["an3.117:2.1","an3.117:2.2","an3.117:2.3"],"kind":"text","text":{"pi":"Katamā ca, bhikkhave, cittavipatti?\nIdha, bhikkhave, ekacco abhijjhālu hoti byāpannacitto.\nAyaṁ vuccati, bhikkhave, cittavipatti.","en":"And what is failure in mind?\nIt’s when someone is covetous and malicious.\nThis is called ‘failure in mind’."}},{"id":"an3.117:3","sourceIds":["an3.117:3.1","an3.117:3.2","an3.117:3.3","an3.117:3.4","an3.117:3.5","an3.117:3.6","an3.117:3.7","an3.117:3.8"],"kind":"text","text":{"pi":"Katamā ca, bhikkhave, diṭṭhivipatti?\nIdha, bhikkhave, ekacco micchādiṭṭhiko hoti viparītadassano:\n‘natthi dinnaṁ, natthi yiṭṭhaṁ, natthi hutaṁ, natthi sukatadukkaṭānaṁ, kammānaṁ phalaṁ vipāko, natthi ayaṁ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṁ parañca lokaṁ sayaṁ abhiññā sacchikatvā pavedentī’ti.\nAyaṁ vuccati, bhikkhave, diṭṭhivipatti.\nSīlavipattihetu vā, bhikkhave, sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti;\ncittavipattihetu vā, bhikkhave, sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti;\ndiṭṭhivipattihetu vā, bhikkhave, sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti.\nImā kho, bhikkhave, tisso vipattiyoti.","en":"And what is failure in view?\nIt’s when someone has wrong view, a distorted perspective, such as:\n‘There’s no meaning in giving, sacrifice, or offerings. There’s no fruit or result of good and bad deeds. There’s no afterlife. There’s no such thing as mother and father, or beings that are reborn spontaneously. And there’s no ascetic or brahmin who is rightly comported and rightly practiced, and who describes the afterlife after realizing it with their own insight.’\nThis is called ‘failure in view’.\nSome sentient beings, when their body breaks up, after death, are reborn in a place of loss, a bad place, the underworld, hell because of failure in ethics,\nmind,\nor view.\nThese are the three failures."}},{"id":"an3.117:4","sourceIds":["an3.117:4.1","an3.117:4.2","an3.117:4.3"],"kind":"text","text":{"pi":"Tisso imā, bhikkhave, sampadā.\nKatamā tisso?\nSīlasampadā, cittasampadā, diṭṭhisampadā.","en":"There are three accomplishments.\nWhat three?\nAccomplishment in ethics, mind, and view."}},{"id":"an3.117:5","sourceIds":["an3.117:5.1","an3.117:5.2","an3.117:5.3"],"kind":"text","text":{"pi":"Katamā ca, bhikkhave, sīlasampadā?\nIdha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti.\nAyaṁ vuccati, bhikkhave, sīlasampadā.","en":"And what is accomplishment in ethics?\nIt’s when someone doesn’t kill living creatures, steal, commit sexual misconduct, or use speech that’s false, backbiting, harsh, or nonsensical.\nThis is called accomplishment in ethics."}},{"id":"an3.117:6","sourceIds":["an3.117:6.1","an3.117:6.2","an3.117:6.3"],"kind":"text","text":{"pi":"Katamā ca, bhikkhave, cittasampadā?\nIdha, bhikkhave, ekacco anabhijjhālu hoti abyāpannacitto.\nAyaṁ vuccati, bhikkhave, cittasampadā.","en":"And what is accomplishment in mind?\nIt’s when someone is content and kind-hearted.\nThis is called accomplishment in mind."}},{"id":"an3.117:7","sourceIds":["an3.117:7.1","an3.117:7.2","an3.117:7.3","an3.117:7.4","an3.117:7.5","an3.117:7.6","an3.117:7.7","an3.117:7.8","an3.117:7.9"],"kind":"text","text":{"pi":"Katamā ca, bhikkhave, diṭṭhisampadā?\nIdha, bhikkhave, ekacco sammādiṭṭhiko hoti aviparītadassano:\n‘atthi dinnaṁ, atthi yiṭṭhaṁ, atthi hutaṁ, atthi sukatadukkaṭānaṁ kammānaṁ phalaṁ vipāko, atthi ayaṁ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṁ parañca lokaṁ sayaṁ abhiññā sacchikatvā pavedentī’ti.\nAyaṁ vuccati, bhikkhave, diṭṭhisampadā.\nSīlasampadāhetu vā, bhikkhave, sattā kāyassa bhedā paraṁ maraṇā sugatiṁ saggaṁ lokaṁ upapajjanti;\ncittasampadāhetu vā, bhikkhave, sattā kāyassa bhedā paraṁ maraṇā sugatiṁ saggaṁ lokaṁ upapajjanti;\ndiṭṭhisampadāhetu vā, bhikkhave, sattā kāyassa bhedā paraṁ maraṇā sugatiṁ saggaṁ lokaṁ upapajjanti.\nImā kho, bhikkhave, tisso sampadā”ti.\nPañcamaṁ.","en":"And what is accomplishment in view?\nIt’s when someone has right view, an undistorted perspective, such as:\n‘There is meaning in giving, sacrifice, and offerings. There are fruits and results of good and bad deeds. There is an afterlife. There are such things as mother and father, and beings that are reborn spontaneously. And there are ascetics and brahmins who are rightly comported and rightly practiced, and who describe the afterlife after realizing it with their own insight.’\nThis is called accomplishment in view.\nSome sentient beings, when their body breaks up, after death, are reborn in a good place, a heavenly realm because of accomplishment in ethics,\nmind,\nor view.\nThese are the three accomplishments.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.117/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}