{"id":"an3.123","title":"At Kusinārā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.123","title":"At Kusinārā","units":[{"id":"an3.123:0","sourceIds":["an3.123:0.1","an3.123:0.2","an3.123:0.3"],"kind":"text","text":{"pi":"Aṅguttara Nikāya 3.123\n13. Kusināravagga\nKusinārasutta","en":"Numbered Discourses 3.123\n13. Kusinārā\nAt Kusinārā"}},{"id":"an3.123:1","sourceIds":["an3.123:1.1","an3.123:1.2","an3.123:1.3","an3.123:1.4","an3.123:1.5"],"kind":"text","text":{"pi":"Ekaṁ samayaṁ bhagavā kusinārāyaṁ viharati baliharaṇe vanasaṇḍe.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"At one time the Buddha was staying near Kusinārā in the Forest of Offerings.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"an3.123:2","sourceIds":["an3.123:2.1","an3.123:2.2","an3.123:2.3","an3.123:2.4","an3.123:2.5"],"kind":"text","text":{"pi":"“Idha, bhikkhave, bhikkhu aññataraṁ gāmaṁ vā nigamaṁ vā upanissāya viharati.\nTamenaṁ gahapati vā gahapatiputto vā upasaṅkamitvā svātanāya bhattena nimanteti.\nĀkaṅkhamāno, bhikkhave, bhikkhu adhivāseti.\nSo tassā rattiyā accayena pubbaṇhasamayaṁ nivāsetvā pattacīvaramādāya yena tassa gahapatissa vā gahapatiputtassa vā nivesanaṁ tenupasaṅkamati; upasaṅkamitvā paññatte āsane nisīdati.\nTamenaṁ so gahapati vā gahapatiputto vā paṇītena khādanīyena bhojanīyena sahatthā santappeti sampavāreti.","en":"“Mendicants, take the case of a mendicant living supported by a town or village.\nA householder or their child approaches and invites them for the next day’s meal.\nThe mendicant accepts if they want.\nWhen the night has passed, they robe up in the morning, take their bowl and robe, and approach that householder’s home, where they sit on the seat spread out.\nThe householder or their child serves and satisfies them with their own hands with delicious fresh and cooked foods."}},{"id":"an3.123:3","sourceIds":["an3.123:3.1","an3.123:3.2","an3.123:3.3","an3.123:3.4","an3.123:3.5","an3.123:3.6","an3.123:3.7","an3.123:3.8","an3.123:3.9"],"kind":"text","text":{"pi":"Tassa evaṁ hoti:\n‘sādhu vata myāyaṁ gahapati vā gahapatiputto vā paṇītena khādanīyena bhojanīyena sahatthā santappeti sampavāretī’ti.\nEvampissa hoti:\n‘aho vata māyaṁ gahapati vā gahapatiputto vā āyatimpi evarūpena paṇītena khādanīyena bhojanīyena sahatthā santappeyya sampavāreyyā’ti.\nSo taṁ piṇḍapātaṁ gathito mucchito ajjhosanno anādīnavadassāvī anissaraṇapañño paribhuñjati.\nSo tattha kāmavitakkampi vitakketi, byāpādavitakkampi vitakketi, vihiṁsāvitakkampi vitakketi.\nEvarūpassāhaṁ, bhikkhave, bhikkhuno dinnaṁ na mahapphalanti vadāmi.\nTaṁ kissa hetu?\nPamatto hi, bhikkhave, bhikkhu viharati.","en":"The mendicant thinks:\n‘It’s so good that this householder serves me with delicious fresh and cooked foods.’\nThen they think:\n‘I really hope this householder serves me with delicious fresh and cooked foods in the future, too.’\nThey eat that food tied, infatuated, attached, blind to the drawbacks, and not understanding the escape.\nThey think about it with sensual, malicious, or cruel thoughts.\nA gift to such a mendicant is not very fruitful, I say.\nWhy is that?\nBecause that mendicant is negligent."}},{"id":"an3.123:4","sourceIds":["an3.123:4.1","an3.123:4.2","an3.123:4.3","an3.123:4.4","an3.123:4.5"],"kind":"text","text":{"pi":"Idha pana, bhikkhave, bhikkhu aññataraṁ gāmaṁ vā nigamaṁ vā upanissāya viharati.\nTamenaṁ gahapati vā gahapatiputto vā upasaṅkamitvā svātanāya bhattena nimanteti.\nĀkaṅkhamāno, bhikkhave, bhikkhu adhivāseti.\nSo tassā rattiyā accayena pubbaṇhasamayaṁ nivāsetvā pattacīvaramādāya yena tassa gahapatissa vā gahapatiputtassa vā nivesanaṁ tenupasaṅkamati; upasaṅkamitvā paññatte āsane nisīdati.\nTamenaṁ so gahapati vā gahapatiputto vā paṇītena khādanīyena bhojanīyena sahatthā santappeti sampavāreti.","en":"Take another case of a mendicant living supported by a town or village.\nA householder or their child approaches and invites them for the next day’s meal.\nThe mendicant accepts if they want.\nWhen the night has passed, they robe up in the morning, take their bowl and robe, and approach that householder’s home, where they sit on the seat spread out.\nThe householder or their child serves and satisfies them with their own hands with delicious fresh and cooked foods."}},{"id":"an3.123:5","sourceIds":["an3.123:5.1","an3.123:5.2","an3.123:5.3","an3.123:5.4","an3.123:5.5","an3.123:5.6","an3.123:5.7","an3.123:5.8","an3.123:5.9","an3.123:5.10"],"kind":"text","text":{"pi":"Tassa na evaṁ hoti:\n‘sādhu vata myāyaṁ gahapati vā gahapatiputto vā paṇītena khādanīyena bhojanīyena sahatthā santappeti sampavāretī’ti.\nEvampissa na hoti:\n‘aho vata māyaṁ gahapati vā gahapatiputto vā āyatimpi evarūpena paṇītena khādanīyena bhojanīyena sahatthā santappeyya sampavāreyyā’ti.\nSo taṁ piṇḍapātaṁ agathito amucchito anajjhosanno ādīnavadassāvī nissaraṇapañño paribhuñjati.\nSo tattha nekkhammavitakkampi vitakketi, abyāpādavitakkampi vitakketi, avihiṁsāvitakkampi vitakketi.\nEvarūpassāhaṁ, bhikkhave, bhikkhuno dinnaṁ mahapphalanti vadāmi.\nTaṁ kissa hetu?\nAppamatto hi, bhikkhave, bhikkhu viharatī”ti.\nPaṭhamaṁ.","en":"It never occurs to them:\n‘It’s so good that the householder or their child serves and satisfies me with their own hands with delicious fresh and cooked foods.’\nThey don’t think:\n‘I really hope this householder serves me with delicious fresh and cooked foods in the future, too.’\nThey eat that almsfood untied, uninfatuated, unattached, seeing the drawback, and understanding the escape.\nThey think about it with thoughts of renunciation, good will, or harmlessness.\nA gift to such a mendicant is very fruitful, I say.\nWhy is that?\nBecause that mendicant is diligent.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.123/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}